即將「卸貨」嘅單文柔（Phoebe）呢日舉行baby shower，同係港姐嘅黃心穎、張寶兒、劉穎鏇、李美慧等姊妹亦有出席！
個主題就非常夢幻，場地布滿星星、氣球仲有個大月亮畀大家影相！
而啲紙杯蛋糕就行動物風，當中仲有個豬仔蛋糕，寓意BB嘅乳名「小豬比」，真係好有心思！
而Phoebe就着上高貴Deep V晚裝示人，輕露事業線上圍仲明顯升Cup添，老公陳展鵬就一身便服！
心穎就摸住Phoebe個肚影相，佢話：「BB踢我呀！congratulations 靚媽and展鵬！陀（佗）得咁靚咁sok（索）就快啲生多幾個啦！see you soon baby Q！」
佢仲叫大家估吓係仔定女，就咁睇啲布置有啲難估，不過就有人影咗其中一個寫住「It’s a girl」嘅氣球，即係小豬女呀！
網民都話好期待BB嘅來臨呀！
(on.cc)
岑潔儀（Zoey）一月為長子陳譽昇（Damian）舉行四歲生日會，日前則為次子陳顥昇擺百日宴，BB得意可愛！
現為兩子之母的Zoey既開心又辛苦，昨晚偷閒到觀塘為好友許嘉浩主持網台節目，之後要趕返家餵哺母乳。
Zoey更在網上展示幫孻仔沖人奶浴，乳量充足，她笑說：「因為真係好多奶，雪櫃都放唔晒，直接做人奶浴，我胸部唔係好大，但胸大唔代表奶多，細又唔代表奶少，最緊要乳腺通，有時間中出去同朋友應酬食麻辣火鍋或飲咗兩啖酒，啲奶唔可以餵BB，所以索性用嚟沖涼唔好浪費。」
她生長子時，老公Dixon送贈豪宅獎勵，今次則親自設計一顆戒指送給太太，Zoey笑言：「唔好講咩級數，係有心思嘅禮物，老夫老妻唔使買名貴嘢，有心已經好好，因為生B時老公每晚都陪我喺醫院度過，呢個係我最感動嘅地方。」老爺奶奶專誠由紐西蘭返港過年探一對孫仔，對兩個孫都好滿意。
Zoey一家三條仔，坦言想追個前世情人給老公，但要抖一抖，隔一、兩年先，她說：「老公係好傳統客家男人，最初一直都話想生仔，生咗兩個後，佢話生個女都好，聽到我都一額汗，始終而家體力冇以前回覆得咁快。」
Zoey現時進行紮肚修身，紥兩日已可穿回懷孕前的牛仔褲：「開心到想喊！」稍後會和老公到泰國旅行及參加婚禮，希望屆時影到靚相分享。
擺百日宴當日，還有林芊妤和李美慧，幾位靚媽一齊現身，Zoey說：「我哋現時多咗好多親子樂嘅話題，好神奇，我哋差唔多時間大肚，又差唔多時間生，懷孕時都有一齊去high tea，睇番之前啲相，BB喺肚裏面，之後就已經出咗世，大家關係更close。」身為全職媽媽，Zoey湊仔之餘都想增值，未來會修讀與兒童相關課程。
(apple daily)
▲ 氣候暖化、地球氣候越來越乾燥，可可豆可能長不出來。（圖／達志影像／美聯社）
氣候暖化、地球越來越乾燥，可可豆可能最快在2050年就會絕跡，人們從此吃不到巧克力。以士力架（Snickers）巧克力聞名的美國瑪氏公司（Mars）與科學家一同拯救這種作物，試著利用CRISPR基因編輯技術，讓可可樹能在面臨新挑戰的環境下生存。瑪氏也在去年9月承諾10億美元推動「世代永續」行動，以讓旗下事業與供應鏈的碳足跡在2050年前減少超過60%為目標。
根據《商業內幕》報導，可可樹只在全球少數地點生長，也就是距離赤道南北緯約20度的狹幅雨林土地，全年氣溫、雨量與濕度保持穩定一致的地方。這些地區在未來數十年內可能不再適合可可樹生長。美國國家海洋暨大氣總署（NOAA）的資料顯示，到2050年時，氣溫上升將導致當前的可可樹種植地區，向更高的海拔移動超過1000英呎至山區，而這些地區目前都是野生動植物保護區。
▲▼ 可可樹只在全球少數地點生長，也就是距離赤道南北緯約20度的狹幅雨林土地，全年氣溫、雨量與濕度保持穩定一致的地方。（圖／達志影像／美聯社）
瑪氏警覺到氣候變遷帶來的問題，與柏克萊加州大學的創新基因研究所（Innovative Genomics Institute）合作。科學家在低溫溫室中改造可可作物，讓DNA進行微小而精密的扭轉，將可可樹幼苗變得能在更溫暖、更乾燥的氣候中生存。
目前全世界逾半數的可可豆產量都來自象牙海岸與迦納這兩個西非國家。若這項實驗計畫成功，就能開發出能在當前海拔水準生長，又不會枯萎或腐爛的可可豆，也就不需要遷移至其他地方種植可可樹。
▼ 瑪氏公司與科學家試著利用CRISPR基因編輯技術，讓可可樹能在面臨新挑戰的環境下生存。（圖／達志影像／美聯社）
(綜合報導)
藝人陳嘉寶（Anjaylia）今年1月為老公黃頌祈（Epaphras）誕下女兒Hosanna，正式榮升人母！
早前Anjaylia都話做咗媽媽後發現係呢件事好神奇同偉大，仲大讚老公照顧得佢好好。
今日Epaphras首次喺網上晒出囡囡嘅正面照，見Hosanna眼睛睩睩，同媽咪一樣有對大眼睛，個樣仲萌到爆！
難怪爸爸Epaphras忍唔住成日幫佢影相，仲話影到電話個容量都唔夠：「最近多咗個新興趣：留喺屋企做攝影師，幫呢位小姐係咁影相⋯我正式宣布：1.我電話就快冇位；2. 我已經被徹底融化…介紹番，呢位係我嘅官方專屬模特兒Hosanna Wong，黃恩言小姐。代過咗滿月冇幾耐嘅佢同各位哥哥姐姐打個招呼，祝大家日日開開心心，身體健康。」
(on.cc)
音樂人雷頌德（Mark）同老婆梁家玉（Jade）尋日度過結婚12周年紀念。
Mark用英文發文，感謝老婆多年來嘅付出：「感謝上帝給了我一位美麗的妻子Jade，自從我們在一起以來，她一直在照顧我；給我一個美好的家庭；給我三個有愛心的孩子；每天為我煮最美味的食物；帶領我們每一次的旅程；無條件地愛我，最重要的是向我展示她對祢的信仰，以致我也可以跟隨祢。」
Jade回憶當初二人拍拖時的點滴，留言表示：「我記得好清楚，當我們剛剛見面時，你沒有打算要結婚，但是經過一段時間後，你決定相信我並與我走下去。我知道走一條新的路需要勇氣和信任，我很感激你始終信任我，我不會要求更多。」
真係睇到好感動！唔少網民都留言恭喜佢哋並送上祝福～
相關新聞：【後父都唔易做 Mark嫂梁家玉：真係唔可以唔嫁畀佢！】https://goo.gl/1AhioV
(IG/on.cc)
天文台發表了「春季季度預報」，指赤道太平洋中部及東部水溫持續偏暖，綜合最新的海洋觀測資料及世界各地多個氣候模式預測，預料短期內厄爾尼諾會出現。當厄爾尼諾發生在春季時，香港春季氣溫會處於「正常至偏高」水平，即攝氏22.1至22.9度或以上，雨量也偏多，有417至706毫米或以上。
厄爾尼諾來襲，香港今個春天將會又熱又多雨！
天文台表示，受全球暖化和本地城市化影響，香港春季的氣溫有明顯長期上升趨勢，溫度出現正常至偏高情況機會一般較高。世界各地氣候模式預測今年春季華南的東北季候風較正常弱，預料該區氣溫正常至偏高。
厄爾尼諾發生在春季時，會影響南海北部的大氣環流，通常會為華南沿岸地區帶來較多的降雨。天文台資料又顯示，如果厄爾尼諾在4至5月仍出現，熱帶氣旋在該些月份發展的數目會較少，生成地點一般在西北太平洋較東的位置。因此，今年香港的打風季節可能推遲到6月後才會出現。
天文台亦指，剛過去的冬季(去年12月至今年2月)是天文台自1884/85年有記錄以來最暖的冬季，不論是平均氣溫、平均最高及平均最低氣溫均創新高，而整個冬季的寒冷日數只得3日(天文台總部最低氣溫12度或以下)，亦是有記錄以來最少。天文台解釋，影響華南沿岸的東北季候風較弱，加上南海北部水溫異常溫暖，令剛過去的冬季遠較正常溫暖。至於今年2月是歷來第二暖，平均氣溫為20.1度，較2月正常值高3.3度。
另外，天文台發表了「氣象冷知識」教大家認識香港常見的「平流霧」，這種霧最常見於2月至4月的春季，當寒潮或北方冷空氣減弱，從東至東南方海洋吹來的氣流較和暖潮濕，遇上廣東沿岸較冷的海面或陸地時，近表面的空氣溫度會下降，當潮濕空氣凝結為直徑只有萬分之一厘米的水珠，再移向香港及廣東沿岸地區，就形成「平流霧」。
(on.cc)
名模Jessica C.（JC）成日都喺社交網大晒一對仔女Tessa同Elvis嘅生活照。
兩個都超得意，愈大愈可愛！
呢日JC上載咗幾段片，本身係想同網友Share點樣幫小朋友放電，點知去到最後佢竟然舉白旗投降！
片中見佢一開始就抱實細仔Elvis係咁叫佢跳舞，Elvis彈吓彈吓仲玩埋飛，睇佢個樣就知佢不知幾Happy。
跟住就到家姐Tessa，佢同媽咪瞓喺床度玩自拍，冧豬甜笑鬼咁煞食，玩玩吓佢就跑開咗，JC就即刻扮唔開心向囡囡索吻。
之後鏡頭一轉，JC就將Tessa同Elvis拋落床，再加多幾錢肉緊狂唧兩個B，畫面就夠晒溫馨喇，點知唧咗勁耐兩個B都仲係好High，JC就手都軟埋，差啲抱都抱唔實佢哋，搞到佢即刻對鏡頭嗌投降。
真係睇見都覺攰，所以話做阿媽都唔容易，隨時陪玩都仲攰過做Gym！
(on.cc)
她說：「我都估唔到自己可以同咁多建築師一齊學習，好多同學都係建築專業，我自己就商科出身，有啲科目需要建築師底，所以追得好辛苦。特別佗住BB嘅時候半夜要起身上堂，因為歐洲同香港有七個鐘時差，真係好辛苦。」
剛在西班牙馬德里IE商學院獲頒建築設計與管理碩士，堅持了一年半，當時佗着孖胎的她，精神和體力都受到雙重考驗：「真心辛苦，都係值得，着畢業袍嗰刻好感動。」
在當地時間3月1日舉行的畢業禮上，名媛蔡一鳳（Michelle）穿起畢業袍領取証書後，與同學興奮合照及拋帽，盛品儒因要留港照顧一對仔女，暫做湊仔公，故未能出席，看不到太太咁熱血一幕。
其畢業論文取得Excellent成績，儘使辛苦也無白費，「論文發表了自己將來如何建立我公司Marvella 的房地產發展公司，第一個project的目標計劃和商業計劃方案等。」
她又透露有幾位同學都對她的計劃書感興趣，會一齊合作？她說：「會一齊做房地產生意，有全世界唔同國家嘅建築師同學參與，我哋嘅project應該更加有吸引力。」又笑言IE商學院係歐洲十大商學院之一，校友網絡之廣闊，資源無限。
(on.cc)
於今年一月承認同香港男星拍拖半年，男方更發文認愛兼稱唔想外間胡亂猜測影響女友聲譽。
之後二人不時被拍得甜蜜孖咇出動，早前她更以「準新抱」姿態跟隨男方返美國老家見家長，融入家中共度新年。
正當大家以為佢哋可以走向人生另一階段時，有網民喺微博發文晒相話：「家樓下便利店撞見一個香港老演員，叫不出名字了，臉特別熟啊。跟一個女的吵架，把女方惹哭了，誰知道他叫啥啊，一時想不出來了。」
唔少網民都認出相中人正是尹子維同徐冬冬。
相中所見尹子維及徐冬冬正在街頭「對恃」，女方更坐喺街頭掩面痛哭，男方則一臉怒氣未有上前安慰，最終佢哋各散東西分頭走人！
博文上載後即引起熱議，有網民加入戰團稱兩位主角嘅身邊朋友爆料，指尹子維同徐冬冬嘅助手過從甚密，疑似「出軌」，所以佢哋先至會當街吵大鑊！
(on.cc)
歌手鄭伊健在紅館舉行尾場演唱會，騷後在後台舉行祝捷儀式。
受訪時他表示右手韌帶撕裂的傷勢幾嚴重：「做咗兩場嗰個表演（倒掛），另外四場就用其他嘢嚟搭救， 冇辦法呢啲係意外。（依家受傷情況點？）唔理㗎啦，受傷都要照做，慢慢等佢康復。（覆診？）冇，其實都係休息，個show仲會做巡唱，4月開始去美國、澳門、內地等地，要盡量keep好啲，再做番個表演。（醫生話幾時先好番？）我諗有排。（點樣治療？）唔好郁佢，紮住隻手會好啲，入面全部都係瘀血。」但笑言今晚慶功都會飲酒。
講到剛才踩上台時半隻腳踏空，伊健猶有餘悸表示：「爭啲跌咗落去，舞台上嘅嘢好難講，要賣力係會有少少危險，今次個台好靚但有危險，總之冇事發生就得，嗰個高度就算有咩事最多都係唔好睇，唔會有啲太嚴重嘅嘢。」講到太太蒙嘉慧很捧場，他表示：「佢唔使睇足咁多晚嘅，有時喺台下面。」
相關新聞：【仲特意為阿Sa…鄭伊健：諗番當時同緊邊個拍拖】https://goo.gl/Ey7LnC
問到太太怎樣照顧受傷的他？他笑言：「你估我依家跛咩？第一日隻手係郁唔到，但第二日隻手開始郁到，瘀血出番嚟。」
講到唱歌送給爸爸時感觸，他表示：「不嬲覺得好感動，屋企人一直好casual，我想做咩就做咩。」講到尾聲他有一幕感觸落淚，他謂：「真係唔知點解，觸動到就去做。」提到覺得這六年香港變得很快，他表示：「唔使講得太白，大家開心就得，依家大家太易就着火，所以想有一晚畀大家輕鬆吓，諗吓自己可以點樣處理，我都諗咗好耐。」
(on.cc)
