後天就是港姐出身的李施嬅38歲生日，與她同屆的曹敏莉，與及同樣為港姐出身的靚媽陳茵媺等好友，昨日提前與壽星女食飯慶祝。
席上李施嬅雙手合十閉眼許願，更獲男性好友唱生日歌及大擺心心POSE慶祝。
李施嬅在社交平台Instagram貼相，她留言表示：「超過起碼十年的友誼，應該夠證明會陪你一世。簡單。的。開心。珍惜。」
而陳茵媺今日有另一晒命post，就是她的5歲大仔陳梓燁（Aiden）親自下廚煮早餐給媽媽吃…
她以英語留言表示，「最好的早餐並非在米芝蓮3星餐廳，也不是到甚麼地方去吃，是在家中……我的5歲王子給我弄了法國吐司。」
陳茵媺更指這件事很窩心，她更大讚那份早餐色香味俱全，更公開向老公陳豪「道歉」，陳茵媺表示：「今次我不會跟你分享！」
(ig / 綜合報道 / appledaily)
29歲的林芊妤(Coffee)去年10月誕下兒子翟德彥，身為瑜伽教練的Coffee收身速度驚人，是不少明星媽咪的典範。
但原來Coffee也不是大家見到的那麼堅強，她也有脆弱的時候。
Coffee今日在ig撰文，指自己為了照顧兒子而弄得全身風癩，令她苦不堪言，她說﹕「之前老公警誡我，要嘗試放手讓(工人)姐姐去照顧嬰兒，說我還要工作，會令身體出現問題。但其實姐姐煮食清潔已經很幫忙，BB還小，我想盡量自己照顧他，而且我才是他的媽媽嘛。
BB睡了我還有1/3時間工作，過了2個月沒怎麼睡覺，抵抗力差了，免疫系統失調，每晚都風癩發作全身痕到不行，一痕就痕幾小時。昨天BB打完針整晚發燒，我全晚沒睡在身邊量體溫，現在連早上也出風癩。我說這件事，不是想投訴或埋怨，主要因為很多媽媽發私信給我，說我很厲害可以兼顧得那麼好，但我反而想跟所有新手媽媽說，其實我也經常一團亂的，並不是所有事都那麼美好，只係我凡事向好的方面去想，而且自己身體一定要照顧好，否則只會有心無力。」
Coffee還hashtag老公，指對方一定說風涼話，她說﹕「今天決定把兒子交給他！」
(FACEBOOK / APPLEDAILY)
談及與朱慧敏的關係時，他說：「斬唔斷，好似蓮藕一樣，喺呢七年嘅感情，當中大家都有努力過，最終唔能夠修成正果嘅話，係天意或者係緣分已盡，但我都好感恩有呢段感情出現過，因為所有嘅經歷係成就今日嘅自己。我喺呢兩年先知自己想要咩感情生活，最緊要係做番自己，可以鬧交、可以Sweet，最重要係就算鬧幾大場交都好，你知對方為自己做過啲乜就得啦！」
藝人彭懷安早前接受傳媒訪問。
節目播出後，朱慧敏在發文留言直插彭懷安：「謊話連篇」、「這一、兩年才知道怎樣的感情？」彭懷安回覆傳媒，表示知道朱慧敏有留言：「我唔想多作回應，我祝佢幸福快樂！」至於朱慧敏則餘氣未消：「我希望我個名，以後唔好同彭先生有任何關係！」拒絕透露發火原因。
朱慧敏與彭懷安於2015年初公布婚訊，但同年因男方捲入偷食風波宣宣佈分手，不過兩人多次被拍得出雙入對，兩人卻堅稱只是朋友關係否認復合。據知，偷食風波後雖然令婚事告吹，朱慧敏難放下多年的感情，最後選擇相信對方並低調繼續在一起，惟復合以來，雙方關係拖拖拉拉，時有爭吵，男方更開始施展「冷暴力」，不時突然「人間蒸發」玩失蹤，一走了之，並封鎖女方所有來電及訊息，但未幾又施軟功，令女方重投懷抱。
去年年中二人再吵大鑊，彭懷安重施故技再次失蹤，並維持至今九個月之久，也未有交代雙方關係去向如何。期間朱慧敏在朋友口中得知，彭懷安四出向朋友們「報喜」，聲稱會在年底於廟宇和她舉行婚禮，以為婚事在望故一直耐心等待，但「婚期」已過，彭懷安依然零來電拒現身，不少好友都替朱慧敏不值，力勸死心不要再浪費青春，不要再做等待浪子回頭的「望夫石」，直至最近得知彭懷安在最近訪問中高談闊論感情生活及七年感情的得着，這七年情「曾努力過」，令朱慧敏氣上心頭，忍唔住手留言「謊話連篇」洩憤。
(on.cc)
新手媽媽陳嘉寶（Anjaylia）1月31日宣布B女出世後，就冇再更新社交網，最近佢終於update喇！
大年初一新手爸媽同大家拜年呀！
佢留言：「十天沒外出。今天跟小別了好幾個月，我最喜歡的那條牛仔褲重聚，好好呼吸了一下新鮮空氣…然後發現…我穿太多了 ！天啊…好熱#新年不是該要冷的嗎？」
原來佢已經十日冇出街，呢排佢就趁住新年就出去行吓，產後首次晒出個人靚相嘅佢，身形依然纖瘦，同產前、佗B一樣咁Fit！網民都留言大讚Anjaylia仲係咁少女，果然得天獨厚呀！
(ig / weibo / on.cc)
昨日在社交網貼相，公佈今胎佗女，為老公添個前世情人，兩夫妻昨日更舉辦了Baby Shower，邀請好友分享他們的喜悅。
07年亞姐冠軍張珮汶（Grace，前名張家瑩）隨時「卸貨」，在產前她要將必須做的事情逐一辦妥，除早前孖老公一齊影大肚寫真。
早前挺孕肚出外玩，竟然還撞到張栢芝！
昨晚又搞了Baby Shower，Grace穿上鮮紅長裙到場，新年加上懷孕中，更爲喜氣洋洋，長裙的高衩設計，令她坐下時露出長腿，看到仍然纖瘦，未見水腫，果然是靚媽一族！
Grace早前一直口密未肯講BB豬性別，昨晚終在Ig分享，由老公Adrian拿着黑板，上面寫上「It’s a GIRL」，Grace留言：「We can’t wait to meet our baby girl soon（我們急不及待見到囡囡）。」
Baby Shower以氣球佈置，感覺溫馨，其中一張甜品相上還寫了「Alexa」，估計是囡囡的英文名。
Grace再留言：「It is the baby shower for baby ‘A’ today! Daddy @warthogah and Mommy cannot wait to meet our baby girl soon, super excited!」她用baby A暱稱囡囡，並表示心情緊張，期待見到囡囡。
Grace今日以短訊回覆傳媒，她說：「現在隨時都可以生了，每天都在耐心等待中，因為是順產所以預唔到幾時。我想生一女一男，現在生女先，家姐先都好，可以幫忙，仲可以扮靚。」
(綜合報道 / appledaily)
今年踏入結婚第七年，40嵗的她已育有4歲半的女兒Mia，最近宣佈再度懷孕，目前已經5個月，是個兒子。
婚後相夫教女，全職照顧囡囡，而她不時上載同囡囡的生活點滴，今日她上載多張同囡囡去街的相片…
看到平日手腳纖瘦的她，竟然肚凸凸，望落好似有幾個月，她留言：「好吃好玩還有好書看，悠閒的親子時光。」
台灣藝人吳辰君受訪時承認再度有喜，佗B仔5個月，成功湊成一個好字。
她透露因為有配合運動，所以至今都係肥咗2.2磅，真係令人羨慕！
(綜合報道)
藝人王祖藍、李亞男及梁嘉琪等，到油麻地為賀歲片《你咪理，我愛你！》宣傳，向途人大派疏乎厘預祝情人節。
連日來忙於謝票的祖藍，百忙中亦有帶囡囡去拜年𢭃利是…
「今朝帶咗佢去見我嫲嫲，過年四代同堂最開心，不過我去謝票都好多觀眾畀利是囡囡，利是收入差唔多等於嗰場戲嘅票房，我又啱啱喺新加坡登台返嚟，嗰邊粉絲畀坡紙利是添！」
問到會否為囡囡儲起利是錢開戶口，祖藍謂：「未諗喎，不過擺晒喺佢床邊，壓歲錢嘛。」
祖藍坦言原本電影公司要求他們忙完情人節檔期才出發旅行，但被祖藍拒絕；
「二人世界緊要啲，不過已經有演員喺日本，相信喺嗰邊見到面，到時再搞吓宣傳囉。（互送情人節禮物？）未搞，不過我哋冇乜物質要求，最緊要喺相伴！」
談到票房成績，祖藍表示今年賀歲檔競爭大，能夠有此成績已算滿意。
而完成今日宣傳後，他則實踐承諾，帶太太到日本拍拖狂食刺身，以「彌補」懷孕期間戒口。
亞男表示會不捨得囡囡Gabrielle。談到會否要求「任買」掃貨，亞男謂：「以前買家具，依家轉買BB嘢，係兩個BB呀（指包括祖藍）。」祖藍接口：「日本係我啲矮人入貨，佢要去歐洲先得！」
(綜合報道 / on.cc)
藝人姚子羚之前被網友惡搞圖片，被尊稱做「表哥」，不過佢好玩得，唔單止冇嬲，仲識自嘲添！
話說佢最近去咗加拿大，同曾喺劇集《酒店風雲》飾演佢「三表哥」嘅佢相隔14年再合作，子羚喺社交網上載親密合照…
搞笑留言話：「當『表哥』遇上三表哥 表妹表哥再重聚 唔知有冇機會再一齊拍劇呢？」
原來係「三表哥」吳卓羲
當年一齊拍《酒店風雲》，不過已經有一段長時間無合作
唔少網民話回憶返晒嚟，好期待今次再度合作
不過有部分網民就錯重點，竟然紛紛起哄叫佢哋考慮吓對方：「兩個都單身，可以考慮下喎！」
連身為子羚好姊妹嘅胡定欣都加把嘴：「唔知以為你Honeymoon（度蜜月）」
子羚都有即時回覆：「可以係family trip」其實兩個都係靚仔靚女，望落幾襯呀！
(綜合報道 / ig / on.cc)
他帶同3歲囝囝莫朗翹（Keanu）拜年𢭃利是，他指囝囝古靈精怪的性格為他吸金不少：「每次新年都會預備賀年衫畀佢，仲要係佢最愛嘅螢光綠色，青BB咁好Sharp醒。同埋佢好識冧長輩，1歲就識請請，2歲嗰陣仲會一輪嘴咁講大堆祝賀說話，不過今年佢就有啲不受控制，成日整古做怪。」仔仔即席表演耍功夫及唱兒歌，相當可愛。
他好開心可以再度榮升爸爸、準備生豬B：「今次冇上次咁緊張，因為係自己計劃之內，所以都有全盤準備去迎接佢。（依家BB幾大？）差唔多6個月，預產期係6月。（係豬仔定豬女？）照咗超聲波9成機會係仔，自己初時都有啲想生女，因為聽人講女會冧老竇，但呢啲嘢控制唔到，同埋仔一樣都咁黐身，不過湊兩個仔就需要更多體力。」
「囝囝就一時一樣，睇佢嗰期近得男仔多定女仔多。（囝囝知道做哥哥開唔開心？）老婆好聰明，一早Plan好對佢循循善誘，等佢開始覺得有個伴陪會好啲嘅時候先畀個驚喜佢，所以佢都好開心咁接受。」
藝人莫家淦（Keith）續指去年事業上有不少突破，不但由娛樂主播轉去全力拍劇，更一圓歌手夢出歌，而且生意亦漸入佳境，絕對是大豐收的一年。
現時正忙於拍攝《極道怪咖》
於《開心速遞》中飾演威龍公司其中一名保安。
至於問到豬年大計，他透露正籌備推出新歌，並指會繼續拍劇，希望遇上有發揮空間的角色。
開心宣佈太太懷上第二胎，就來變一家四口了，恭喜恭喜！
(綜合報道 / on.cc)
藝人陳凱琳（Grace）雖然已經腹大便便，但仍好活躍，除咗經常出席公開活動賺奶粉錢之外…
近日同一大班朋友食新年大餐之外，又去咗越南度假。
呢日，佢上載喺當地度假屋食早餐嘅相，見淡妝上陣嘅佢精神唔錯!
仲以英文留言話：「茄汁～唔該！朝早冇嘢好得過有鮮榨嘅果汁同炒蛋令我想起身！你最喜歡嘅假期早餐又係咩呢？呵呵！」
呢位靚媽超擦得，睇嚟心情非常好！
之後，Grace再上載一張側身照，呢張相就睇得出佢個肚已經好大，目測最少已懷孕七個月！
佢甜絲絲留言話：「When he tells you he loves your pregnancy glow（當佢話你知佢喜歡你懷孕嘅時候）」
呢個「佢」，好明顯係講緊老公鄭嘉穎啦，網民都話佢兩公婆真係閃到爆呀！
(ig / 綜合報道 / on.cc)
