郭富城今日於尖沙嘴出席賀歲活動，坐着吊臂現身的城城，相當有氣勢，城城在台上向市民拜年，又為金龍醒獅點睛。
他更心情大靚，多次主動與司儀葛民輝分享家庭事，被阿葛嘲笑說：「講得家庭咩？小美話唔講得家庭㗎喎，唔關我事㗎！」
城城新年放假兩星期，與家人一同度歲，他又說剛到媽媽家食開年飯，為怕媽媽辛苦煮飯，他今年特別安排到會，吃足16味餸大滿足，他指囡囡已懂得叫嫲嫲，他說：「好開心！作為做仔更加開心，最緊要身體健康。」
城城快將再當爸爸，問到BB性別？他說：「賣個關子，冇論仔同女都開心，囡囡會攬住媽媽錫吓個肚，好開心，因為太太係獨女，都希望多啲小朋友。」城城又自爆原先考慮跟媽媽一樣生夠五個，他說：「我有五個兄弟姊妹，都有考慮過一樣，發覺媽媽好偉大，做家長壓力好大，而家頂多四個好嘞！五個縮到四個，都要睇太太，我好尊重太太。最緊要開心，一個人有工作、家庭同小朋友，真正知道咩叫幸福。」
城城又謂要做好爸爸角色，積極上進做好榜樣，提到今年大計，城城透露將繼續100場世界巡迴演唱會演出，同時會繼續拍戲，又會為今年上映的四部電影宣傳。
同場還有堪輿學家李丞責指點城城，他指城城今年驛馬星動，經常四圍飛，又指城城今年適合置業，可以買車買樓，但宜坐不宜揸，出名愛跑車的城城聽後笑指自囡囡出世後，以駕家庭車為主，載着囡囡會更加安全。
佢留言：「Excuse me Did you just put your socks in my 『coffee and tea collection』 drawer？（唔好意思，你係咪擺咗隻襪喺我個裝咖啡同茶嘅櫃桶？）」
