【笑死網民】鄭希怡PO梁浸浸滑雪片：我真係唔係有心㗎⋯

2019-02-19

藝人鄭希怡（Yumiko）不時都會喺IG曬親子照，超級Warm！

近日一家三口同埋一大班老友去咗日本滑雪，連日嚟Yumiko都分享咗好多滑雪片，今日終於到囡囡梁浸浸出場喇！

梁浸浸雖然只得3歲人仔，但其實佢舊年已經學識滑雪，今年仲想挑戰喺山頂衝落去添！

不過喺睇到佢嘅英姿之前，Yumiko就分享咗段梁浸浸嘅蝦碌片！

片入面梁浸浸將對雪靴卡上塊滑雪板嘅時候失平衡，推跌咗旁邊個小朋友，場面都幾尷尬……

但好在係喺雪地，個小朋友呆一呆之後就好快企番起身，睇落都冇咩事。

Yumiko幫阿女留言：「Sorry…. sorry….我真係唔係有心㗎⋯😣只怪我學藝未精⋯」網友睇完段片都話好好笑，仲話好想同梁浸浸一齊滑雪呀！

而黃依汶（Emme）都有為囝囝陳真報滑雪速成班，陳真雖然第一次玩Snowboard，但都好快上手，仲滑得相當有型有款！

Emme見到囝囝靠自己拉住雪兜喺雪地上上落落，突然間覺得陳真大個仔，作為媽咪嘅佢真係倍感安慰呀！

而陳真上完堂後亦已經攰到冇晒電，返到酒店後就即刻喺張床上瞓着咗，十分可愛！

Emme喺社交網留言：「對於一個2歲多嘅小朋友玩Snowboard，爸媽表示很滿意，只不過玩左（咗）就個（嗰）一陣就暈倒。」

(綜合報道/on.cc)

【囝囝Cody…】王棠云：只有媽媽們懂

2019-02-19

藝人余文樂（樂仔）一直都好保護囝囝余初見(Cody)，就算PO湊仔相都只係曬側面照，從未讓囝囝曝光！

早前樂仔同台灣男星彭于晏家姐彭于藍（Lan）gathering。

點知Lan就喺社交網上載咗幾張樂仔抱住BB嘅合照。

引起網民熱烈爭議相中BB究竟係咪樂仔嘅囝囝余初見。

雖然Cody嘅樣貌再次成為焦點，不過睇嚟無礙樂仔夫婦保護囝囝嘅決心！

呢日，樂仔老婆王棠云（Sarah）再晒出湊仔嘅生活照，相中Cody繼續以側面示人，始終未有曝光「真面目」。

睇番啲相，Sarah分別上載兩張餵囝囝食飯嘅相，第一張見Cody超乖咁等媽咪餵食飯，但第二張相嘅佢就失晒控爬向窗邊，搞到Sarah勁無奈。

原來，呢兩張圖分別代表「理想中」同「現實中」餵BB食飯嘅情景…Sarah更搞笑咁留言：「只有媽媽們懂，吃飯速度會胃痛，但我還是愛你啦。」即引起唔少媽媽共鳴！

(綜合報道/on.cc)

【攬到實一實】袁詠儀冧曬抱B相

2019-02-19

藝人袁詠儀（靚靚）同老公張智霖（Chilam）結婚18年來一直都咁恩愛！

之前佢哋趁結婚周年紀念日，仲去咗北海道滑雪～

期間大晒雪地拖手相，認真sweet！

不過，呢日靚靚竟然背住老公同仔仔魔童，同另一位靚仔歎下午茶…究竟係邊位靚仔咁大膽？

原來佢係胡杏兒嘅囝囝Brendan！

靚靚喺社交網晒出一張抱住Brendan嘅合照，見佢攬到Brendan實一實，仲笑得非常開心，睇嚟真係好鍾意呢位靚仔。

靚靚仲留言讚Brendan盡得父母真傳，指：「今天跟一位超級可愛的小朋友Brendan Lee下午茶，他的父母是俊男美女。」

連靚靚都抵擋唔住Brendan嘅魅力！

(綜合報道/on.cc)

【B仔好旺鄭嘉穎！】陳凱琳下年再添丁？

2019-02-19

鄭嘉穎同陳凱琳嘅囝囝Rafael出咗世喇！昨日佢哋仲曬出Rafael照片同大家報喜！

雖然得個側面睇，但都好得意！網民仲大讚B囝好靚仔~

東網搵嚟堪輿學家陳子才分析Rafael命格，他說：「Rafael五行屬陰水，代表乖巧機靈，聰敏過人。整體命格外向好動、剛強好勝、體格強健，有運動員潛質，同時由於表達和表演能力強，有藝術細胞，故將來不排除亦會在娛樂圈『搵食』。」

有運動員潛質，而鄭嘉穎同陳凱琳亦幫囝囝改咗個英文名叫Rafael，靈感應該係來自有「泥地王」之稱嘅網球運動員拿度（Rafael Nadal），睇嚟真係可以培養囝囝做網球王子！

陳子才又指小朋友命格「父星」為喜，代表旺父，父親對他的影響尤為重要。陳凱琳命格旺生「男孩」，相信在2020及2021年再添一名弟弟的機會較高。

唔知會唔會三年抱兩呢？

(綜合報道/on.cc)

【網民嗌加油】洗米嫂忽然PO文：除了勇敢面對別無選擇

2019-02-19

太陽娛樂公司老闆周焯華（洗米華）14年與名模Mandy Lieu感情關係曝光，至今Mandy Lieu為洗米華先後生下三名子女。

因此令正印陳慧玲（Heidi）幾乎同佢離婚，不過最後佢都勸掂老婆唔離婚，二人關係之後就改善好多。。。

之前洗米嫂生日仲冧爆為佢送上驚喜。

不時都會一家人合體！

但昨晚洗米嫂Heidi忽然在Instagram有感而發的發表了一篇短文，言語間似乎看淡一切，不再執着，她表示:「曾經你喜歡上一個人，喜歡的得死去活來難以救藥，喜歡到你以為再也不會這樣喜歡一個人。

幾年後，卻模糊的想不起來了。原來，所有那些激情、衝動、放不開、捨不得的當下，都會隨着時間，在歲月裡悄悄流逝，慢慢消散。

所以，何必念念不忘，何必苦苦執着。你是你自己的作者，又何必寫那麼難演的劇本。後來的後來，你會知道。那些所有你以為過不去的過去，都會過去。

有時候，是我們自己想太多，才讓自己如此難受。我的脾氣趕走了很多人，但留下了最真的人。生命中總有那麼一段時光，充滿不安，可是除了勇敢面對，我們別無選擇。

一個懂你淚水的朋友，勝過一群只懂你笑容的朋友。有的人對你好，是因為你對他好。有的人對你好，是因為懂得你的好。

幸福……從來都沒有捷徑，也沒有完美無瑕。只有經營，只靠真心。

感謝我一路走來真心的朋友…
致你們～」

網民見到之後都留言支持洗米嫂，更為佢打氣加油！

(綜合報道/IG/Apple daily)

【遮都遮唔住】挺巨肚出巡掃BB用品！

2019-02-19

閃婚後兩星期宣布懷孕，預產期為今年春天，懷孕後專心養胎，準備迎接小生命來臨。

不時都會被捕獲挺巨肚出巡～

為了可以順利產子，就算辛苦挺着大肚，也要散步做運動。

去年7月底驚爆閃婚！

日前，有雜誌拍到日本女團AKB48的27歲前一姐前田敦子已腹大便便。

雜誌《女性自身》於2月中旬一個寒冷的下午，拍到敦子挺着巨肚，冒着寒冷獨自外出散步，並往購買嬰兒用品。

她有時間亦會向為人父母的好友前輩請教育兒心得，好似育有6歲兒子的山田孝之及有兩名小孩的小栗旬與山田優夫婦取經。

而兩夫婦去年底專程到了京都有藝能之神之稱的車折神社參拜，祈願生B順利。

(綜合報道)

【有好消息宣佈】陳瀅：還外婆一個心願

2019-02-18

陳瀅﹑羅蘭和胡楓（修哥）今日出席活動，今年29歲的陳瀅身穿婚紗示人，她恨嫁恨到出面，直言希望能在35歲前結婚生子，她剛由加拿大度歲回港，又再被外婆催促她結婚生子：「外婆的夢想是見到我開枝散葉，不過，都不能夠心急，要啱timing才行到這一步。」

問到她緋間男友陳家樂和羅天宇？

她聞言否認，指二人都不是其男友，自己目前是單身，現階段亦沒有追求者，不過，她有好消息宣布，就是榮升業主，在加拿大買了間獨立屋：「外婆想我開枝散葉，還想我置業，今次返加拿大休息，終於還外婆一個心願，首期數十萬加幣，今次是我第一次置業，值得慶祝。」

(mingpao)

【瘋狂吸Like】「千億新抱」李徐子淇激罕高調放閃

2019-02-18

「千億新抱」徐子淇在情人節雖然沒有與老公李家誠高調放閃，但日前就一齊出席香港馬術大師賽晚宴，她亦非常配合主題地穿上馬仔衫，以斯文又搶眼的造型亮相，又在Instagram感謝機構對香港救助兒童會的支持，不忙做善事。

兩公婆全程黐到實，而李徐子淇更加將二人恩愛合照放上網，二人齊齊甜笑望住鏡頭，佢仲頭側側挨向老公李家誠，幾咁有Feel，網民都瘋狂比Like呀！

(綜合報道)

【老公馬廷強感心痛】黎姿難掩興奮：家人係我嘅精神支柱

2019-02-18

黎珈而（前名黎姿，GiGi）今日於中環主持卓珈控股主板上市儀式，身兼集團執行董事、主席兼行政總裁帶領集團由創業板轉到主板上市，GiGi難掩興奮心情，還指父母、弟弟黎嬰也有現身支持，她說：「屋企人嚟晒，好感動，一家人好支持，佢哋係我嘅精神支柱，多謝佢哋咁多年默默喺背後，畀不同意見、支持同鼓勵我。」

GiGi亦謂弟弟同樣感動，並望將弟弟對專業醫學美容概念發揚光大，希望大家都擁有自信與最美狀態。

提到有否慶祝活動？GiGi說：「都係食吓飯，而家開始上主板，對集團係起步點，我哋仲有好多將來發揮嘅空間。」至於家庭與事業的時間分配，GiGi說：「一半一半，一日24小時除咗幾個鐘瞓覺，一半係畀屋企人，一半係公司，非常非常充實。」

問到3個囡囡可有投訴？她笑說：「都有少少㗎，成日捉住要我陪佢哋玩，噚晚喺屋企預備時，佢哋以為我考試，因為書枱上好多文件，我同佢哋講『同你哋一樣，要做功課，勤力讀書先有好成績』。」

至於老公馬廷強見太太辛苦，也相當肉痛，GiGi說：「佢成日叫我唔好做得咁辛苦，叫我休息吓，成日都唔夠瞓，但我作為女性，我希望為女性、為家人做返一啲嘢，將醫學美容樹立最專業嘅定位。」