首次參加渣馬半馬賽事的藝人袁偉豪（Ben）以2小時4分20秒完成賽事，衝線後於傳媒區孖女友張寶兒（Bowie）受訪。

講到一早有Bowie做「車手」接送到比賽會場，Ben即面露微笑，又指今年是到最後一刻才決定出戰：「對上一次已經係3至4年前參加10km賽事，今年都想畀個新嘗試自己，都掛住『Crazy Runner』個名，跑咗好幾年，比賽之前都練咗1個月，因為有足夠嘅休息，所以成績比預期好，加上身邊啲跑手態感染到我跑步跑嘅節奏。」

他坦言最難路段為駱克道天橋路段，又指因工作繁忙，未能年年參加，問到Ben之後可會想挑戰全馬賽事？他興奮指都好想：「希望可以，今次都好感恩如期完成。全馬對自己嚟講未係咁容易達到嘅目標，都需要累積（經驗），咁就跑半馬循序漸進先。雖然半馬過程都好漫長，但感覺好新鮮，感受到自己參與其中。」身旁Bowie笑謂一直有追蹤男友：「睇住你跑㗎！」

一問到如何獎勵男友完成首個半馬賽事？二人冧笑互望，之後Ben話最想去茶餐廳食番個早餐、飲奶茶。問到Bowie會有因為Ben一直練跑，而有忽略日前情人節？

她笑話沒有，因為練跑已是生活一部分，Ben亦接話近兩至三個星期都養成早睡習慣，並再次講到能於預期之中達成目標都好感恩，追問可會感染到女友下年一齊情侶跑？他表示：「都可以陪佢試吓跑10km先，過程中都唔係咁容易。」而Bowie都指會努力嘗試，相當抵錫！

(on.cc)

讀者陳小姐日前透過傳媒，分享了佗B中的她與老公李文輝及家人，七大一小日前在尖沙嘴一間平民化的酒樓吃飯。

(相片由讀者提供)

老公李文輝 (相片由讀者提供)

讀者陳小姐日前接受訪問時說：「佢當日化咗淡妝，皮膚好白同好靚，佢全程坐低，所以未見到佢個肚幾大，現場見佢同老公好好傾，老公又夾餸畀佢，佢胃口唔錯，食咗好多嘢。」

陳小姐還留意到李文輝很留心聽長輩說話，他們點了「拔絲蓮子」，由侍應拿到枱上炮製，「蓮子」好意頭，寓意連生貴子。

現年42歲的陳少霞，00年演出完大台劇《倚天屠龍記》後退出娛圈，嫁給一名澳洲籍華裔商人，並育有兩女，但最後離婚收場，前夫更於12年病逝，她做單親媽咪照顧一對女兒。

機緣巧合下，陳少霞大前年跟61歲「法拉利之父」李文輝（Richard）再婚，她婚後想再生BB，前年經歷小產，大受打擊，她其後接受醫生建議人工受孕，卻不成功，正想打消生B念頭之際，去年底卻宣佈自然懷孕。

八億身家少奶陳少霞的預產期約在今年6月，有孕後的她深居簡出。

祝陳少霞順利誕下寶寶呀！

(綜合報道 / appledaily)

被譽爲絕世女朋友的唐詩詠去年被爆戀上「教育界王力宏」陳思銘（Samuel），二人被指於大年初一結伴行山，並上載同一背景照「泄蜜」。(相關新聞：https://goo.gl/nhHp41)

「教育界王力宏」陳思銘（Samuel）

早前是情人節，詩詠在社交網上載一張冧爆甜笑收花照，未知是誰送給她？還是直接公開戀情？

詩詠拖住對方隻手，但看不到對方容貌，詩詠嬌羞甜笑，她留言表示：「情人節收咩花都開心嘅。」

有網民更立即留言恭喜她終於找到真命天子~

後來詩詠澄清只是拍攝新劇《唐人街》而已；

至於緋聞男友陳思銘亦在社交網曬相，他就上載和父母合照，祝大家情人節快樂。

(綜合報道 / facebook)

藝人湯怡於英皇賀歲電影《廉政風雲 煙幕》演廉署調查員，乃總調查主任劉青雲的下屬，雖然片中僅與青雲有一場對手戲，但足令她心感滿足。由於首度參與如此大製作，再加上有青雲、張家輝、方中信及林嘉欣等影帝、影后助陣，故湯怡也趁機偷師，隔住Mon觀賞一眾帝后晒演技。

湯怡表示拍戲以來，一直喜歡𥄫住個Mon，她謂：「因為同現場睇好唔同，所以唔使拍嘅時候，我會坐喺導演旁邊睇Mon偷師，多數都係睇青雲做戲多，反而同張家輝得一場對手戲。（學到乜？）好難講係一件事，青雲係好好嘅前輩，開頭會畀佢個樣嚇親，皮膚黑又嚴肅，唔太多嘢講，好驚，但見佢同啲化妝、梳頭姐姐又好好傾，我咪企喺隔籬聽囉！」湯怡不諱言與青雲演對手戲時份外緊張，就連對戲時，青雲也感覺到，結果至正式埋位便硬食NG：「青雲有叫我慢慢嚟，所以好想再有機會合作，下次戲份可以多啲，我演奸都得㗎，呢集講因為我而走犯嘛！」

談到與方中信及林嘉欣有場辦公室群戲，湯怡直言對嘉欣的演繹感驚喜，她謂：「因為以前睇佢啲戲係比較弱質同女仔啲，但今次佢一出聲令我呆咗，好硬淨，其實好多時演戲除咗外型之外，聲音都可以配合！（同影帝、后合作，覺得有咩吸引你？）喺演戲節奏、表情上都吸引到，因為電影同電視劇係兩回事。」

講到故事若開拍第二部曲，湯怡即二話不說嚷着想與青雲有感情線：「戲入面青雲同嘉欣好番，都可以有第三者㗎嘛，我一廂情願鍾意啫！暗戀囉，本身我都好鍾意佢，知佢現實生活係好老公，既然戲外冇得發展，就喺戲入面談情啦！（之前你話應該同陳家樂發展感情線，唔驚同佢傳緋聞？）唔怕，我識佢咁多年，上年同佢拍咗三套戲，係再熟絡啲！不過要過電就一早過咗啦！（家樂同青雲揀一個呢？）唔使諗，一定係青雲。」

(on.cc)