陳展鵬與單文柔在四季酒店舉行婚宴，場內播出一對新人所拍的MV，跟着展鵬唱出自己的歌曲《差半步》冧妻，並拖新娘子上台，令單文柔爆喊，不停用紙巾拭淚，他邊唱邊擁着對方，場面溫馨感動，唱畢兩人相擁！
展鵬表示：「呢首歌係太太好鍾意嘅歌，佢認識我嘅時候成日都會播呢首歌，不過都係一個藉口，係一個藉口去拍一個MV，希望呢份禮物永永遠遠留喺佢心裏面，呢個女主角係屬於你，thank you。」
而單文柔亦解釋：「因為喺我最失意最唔開心時，成日會播，跟住返嚟香港識咗佢！」
MV有錫錫。
婚宴場地佈置成叢林景，有好多綠色植物點綴，好似去咗熱帶地方一樣。一對新人蹺住手進場，接受親友們的祝福，佢哋喺台上合巹交杯後再切蛋糕，當然唔少得深情擁吻。
現場仲有播放一對新人拍攝婚紗照時嘅短片，展鵬喺台上感謝父母，而現場亦有無綫高層樂易玲等，及一班亞視舊同事，如袁文傑、陳煒、杜挺豪、梁浩楷，展鵬亦有趁機會多謝亞視同無綫多年來嘅栽培和照顧，場面溫馨。
(on.cc東網)
藝人陳展鵬與女友單文柔（Phoebe）今日假四季酒店舉行婚宴，兩人比預定時間遲了一個小時會見傳媒，兩人換上另一套禮服，Phoebe身穿tube dress款婚紗，展鵬則穿上寶藍色西裝。當記者要求兩人錫錫時，展鵬表現怕醜，他婉拒說：「我哋一陣會發相，會發啲錫得靚啲嘅相畀大家。而且呢啲台上會做。」
提到中午在船上註冊時，Phoebe坦言當展鵬宣讀誓詞時令她最感動：「其實誓詞係我哋平時拍拖時講，佢話未遇到我之前係一個個體，依家結為夫婦，大家各自減去一半融合成為一個個體，聽到嘅時候都幾感動。（點解喺船上簽紙？）大家有個共識，想難忘啲。」
展鵬稱想在清靜及安靜環境下進行儀式。問到有甚麼愛的宣言，展鵬稱要留待之後再講，但新娘子則踢爆對方﹕「佢反而有同我爸爸講。（講乜﹖）留番啲秘密畀我啦！」展鵬笑謂：「都係嗰啲，會令佢個女好幸福，會錫佢。」Phoebe透露早上有不少結婚儀式刪減了，加上她不忍心老公被姊妹玩，所以沒有玩新郎環節，問到有否畀開門利是？展鵬講笑說：「調番轉就好。（唔使畀人玩好開心？）唔係，拍籌備婚禮短片嘅時候畀人玩唔少，不過好多謝兄弟姊妹幫手，我哋今次有舞獅，婚禮上播出來嘅短片係會有動作，係搞笑，仲會重溫番我哋相識故事。」見新娘子手中的鑽戒相當巨型，接近兩卡，但Phoebe不肯透露卡數：「唔講呢啲，我都唔知，最緊要係心意，呢樣係紀念，我好大頭蝦，希望一直保住隻戒指，唔會唔見。」
另外，展鵬的母親雖然中風，但亦有到場，展鵬稱母親很開心：「尤其係我爸爸，佢平時比較cool同埋少出聲，但睇得出佢好開心，今日見佢望住個新抱仔，個樣尷尷尬尬，微微笑咁樣，好滿意咁。」Phoebe補充說﹕「老爺同我講咗句，叫我好好照顧展鵬，即係佢哋都好滿意我。」
至於婚後會否繼續工作？展鵬說﹕「我尊重佢，佢喺呢行其實做咗兩年，好多嘢未試過，好似着古裝影婚紗照都係第一次。（如果太太拍親熱戲呢﹖）電視尺度啫。（咀戲呢？）ok喎，以太太個活力同拼勁，相信佢靜唔到落嚟，佢做唔做嘢我尊重佢。」
展鵬透露今晚與親友食飯為主，幾日後就會再有大型派對與圈中好友一齊慶祝。問到度蜜月﹖展鵬坦言﹕「未諗過，休息吓先，因為婚禮好忙，之前去咗英國同法國影婚紗相，所以唔急去旅行住，希望搵到合適地方再去。（你隨時復工？）我ready，我套劇7月延遲到九月，依家話12月，我覺得最重要寫好劇本同角色，我隨時復工冇問題。」
相關新聞：
【陳太代佢拎住】新郎陳展鵬太緊張 出動大型貓紙宣誓 https://goo.gl/eYNddK
【陳展鵬單文柔換上婚紗及禮服】海上行禮 衆人見證成婚 https://goo.gl/ygpE4b
【新郎陳展鵬好細心】陳太單文柔差啲… https://goo.gl/DgSVAG
【笑到四萬咁口】視帝陳展鵬今迎娶28歲單文柔 https://goo.gl/SZSF7M
【今日出嫁】準新娘單文柔：我會努力做好陳太呢個角色 https://goo.gl/QM7rVo
(on.cc)
藝人許家傑「送水輝」同林淑敏「大小姐」喺無綫處境劇《愛．回家之開心速遞》中，呢一對大受觀眾喜愛。
不過今日家傑就喺網上透露自己尋晚突然食物中毒，拍拍吓嘢又屙又嘔：「多謝愛回家之開心速遞劇組立即將我送去醫院，看見大家對我咁緊張真係好感動。」
佢仲話今次係佢人生第一次住醫院同拍攝中途突然病倒，感謝「大小姐」送佢去醫院：「其實拍處景劇每一日都好重要，因為我而令大家工作受阻真的萬分抱歉。再一次感謝幕後工作人員既（嘅）照顧和包容！係（喺）度同大家報平安我好番好多，我會盡快康復！特別嗚（鳴）謝 大小姐親自送我去醫院真心感激。」好多網民都叫佢要小心保重呀！
（on.cc）
藝人黃心穎為煮食大賽擔任評判，自言廚藝不精，平日大多公仔麵加煎蛋，笑指決定婚後才學習下廚，不過對於婚期，心穎耍手兼擰頭，還推家姐作擋箭牌，她謂：「我三家姐結啦！嚟緊呢個星期就出發去澳洲，所以我都好忙，因為佢冇wedding planner，我都要幫手。」
問到是否學定如何當人妻？心穎笑指很多結婚細節也不知：「我依家先知揭頭紗係有支棒撩，仲係要買嘅，斟茶套杯碟同個墊都係要新，所以我都好辛苦。」那男友馬國明會否同行？心穎不諱言有邀請對方，但未知他會否出席，更謂：「我哋唔係一齊出發，其實我哋成家人都好少family trip，所以都請咗幾日假留低玩吓，之後就要返嚟拍五個月劇冇得休息，所以都幾期待。」
(on.cc)
除咗陳展鵬單文柔之外，佢哋今日喺澳洲墨爾本結婚。
大批親朋好友包括媽媽、爸爸葉青霖（法號「釋常霖」）及賈思樂等到當地祝賀一對新人。唔少朋友仲喺婚禮現場拍攝短片，並甫上社交網分享呢份喜悅。
藝人廖安麗（Annie）大女葉懿德（Adorna）同男友James 今日結婚
片中見一對新人先喺一個小教堂進行證婚儀式，Adorna着上簡單cutting嘅婚紗，姊妹裙及場地裝飾等就以粉紫色為主。新人進行儀式時全程面帶笑容，步出教堂時Adorna仲興奮到攬向在旁嘅好友，場面非常溫馨。而着上紅色長裙嘅Annie亦非常開心，唔單止企起身拍爛手掌，之後仲同一眾親友喺教堂外合照留念添！
證婚儀式完咗後緊接舉行婚宴，佢哋以同一套禮服出場，反而Annie就換上一條金色裙亮相，非常隆重。至於一對新人進場時表現輕鬆，佢哋先一齊大跳熱舞，之後再慢慢行近賓客，不過期間發生咗啲小意外，Adorna條婚紗裙意外被勾到，而James冇留意賴低咗老婆繼續行，但當佢發現老婆大落後時立即追返過去，拖返實佢，搞笑得嚟認真sweet到爆！
(on.cc)
藝人苟芸慧（苟苟）與陸漢洋（William）將於本月19日拉埋天窗，原來他們早在5月時到韓國拍了一輯婚照，苟苟揀韓國的原因，除了她是韓星孔劉的鐵絲外，她自己本身亦擁有四分一的韓國血統之故，是次的拍攝班底非常強勁，包括韓星朴信惠和李聖經的御用化妝師、攝影師則曾為李英愛和金喜善拍攝等。
他們除了拍婚紗照外，還有多款不同的造型，有戶外的清新Look，亦有晚裝的高貴Look，足足影了兩天。苟苟大讚韓國化妝術，令她妝容煥然一新，而William亦大讚老婆靚爆。
她說：「化妝師化粉底有獨門秘技，會不停拍打面部，令粉底更易滲入皮膚，我好似被人打咗幾把咁，但個底妝真係好薄好自然，我好鍾意。」
對慣鏡頭的苟苟，拍攝時自然駕輕就熟，至於準新郎哥William則顯得甚為緊張，表情動作甚為生硬。現場的攝影師，為了緩和緊張氣氛，刻意用女聲講解如何擺甫士，逗得她們笑不攏嘴。William笑說：「老婆實在太靚，甚麼角度都咁靚，我當然大壓力，驚會破壞了張靚相，所以都係避重就輕，影多點我嘅側面比較穩陣。」他謂平時教苟苟賽車，如今由老婆教他擺甫士做模特兒。他說為拍攝獻出了第一次，因他從未着過粉紅色衫，第一次做pink man，拍出來的效果亦令他出乎意料之外。其中一日他們在戶外拍攝，剛遇上舉行國際美食展，到處掛了很多國旗，他們即找來香港區旗下影相留念。
苟苟熟悉首爾，故此行帶充當首次去韓國的William做嚮導，她說：「William第一次去韓國，以往我哋旅行都係佢負責安排，今次輪到我做導遊，帶佢周圍食嘢，佢最鍾意黑豆豉炸醬麵，不過都係等完成咗兩日影相先去食，佢怕有肚腩。」
(on.cc)
藝人陳展鵬與單文柔終於修成正果，今日舉行海上註冊，新娘子穿上白色低胸透視婚紗，大晒身材，新郎則身穿黑色西裝。
兩人在約五十名賓客見證下宣讀誓詞、交換戒指及祝酒儀式，未知陳展鵬是否太緊張，讀誓詞時竟出動大型貓紙，還要由單文柔代他拿着，場面搞笑！
誓詞寫着：「我請在場各位見證：我陳展鵬願意娶你單文柔為我合法妻子。由開始相知相識，彼此陪伴走過，不單止係好朋友、好情人，我笑嘅時候你會戥我快樂和滿足，我喊嘅時候你會默默守在旁邊為我遮風擋雨。彼此明白二人結合並非1+1=2，而係0.5+0.5=1，互相compromise。我在此向你保證，一生之中對你忠心不變，矢志不渝。」
之後新娘拋花球，由一名小妹妹接到。
相關新聞：
【陳展鵬單文柔換上婚紗及禮服】海上行禮 衆人見證成婚 https://goo.gl/ygpE4b
【新郎陳展鵬好細心】陳太單文柔差啲… https://goo.gl/DgSVAG
【笑到四萬咁口】視帝陳展鵬今迎娶28歲單文柔 https://goo.gl/SZSF7M
【今日出嫁】準新娘單文柔：我會努力做好陳太呢個角色 https://goo.gl/QM7rVo
（on.cc）
鄭嘉穎近日到韓國出席釜山電影節活動。
他趁公餘時間到戶外放鬆一下，攤在海邊石壆稱要「享受一下釜山的陽光」，見他穿上外套加長褲，像「趴地熊」一樣，十分可愛。
太太陳凱琳（Grace)大讚嘉穎「Funny and Charming」(搞笑又有型)。
而他在新戲的對手周秀娜以為嘉穎要跳海，立即留言話：「你唔好諗唔開啊！」
(ig / singtao)
名媛郭秀雲（Sharon）環保團體共300多人今早出發到長洲進行清潔沙灘活動，眾人於中環碼頭受訪。
其中Sharon指超級颱風山竹的確令香港受到未曾試過的破壞：「依家揸車都見到好多樹仲係連根拔起，又驚有啲樹枝會跌落嚟，都真係有排執，所以市民出力幫手係一件好事。」續呼籲大家行動時要做好安全措施，例如戴手套、着合適的鞋、甚至帶備用具等，又指Andrew私下都會夾埋一班朋友去維園做清潔。
問到最近可有留意卓林的動向？Sharon顯得有所回避先答沒有，然後交代自己近幾個月的行蹤，於美國跟隨多個環保組織宣揚環保意識，說畢記者追問有否邀請卓林幫手搞環保活動？
她才回答：「喺美國呢段時間都冇留意佢啲新聞，係有日得閒望吓facebook發現佢喺張單人近照Tag咗我，望一望『嘩！咁瘦嘅？』淨係留意到呢啲，唔知佢喺邊，Auntie就梗係有啲肉赤啦！」
又講到每個人必經的路都不一樣，再重申不知道卓林的近況，亦表示冇時間去跟進，而現時首要是約「死黨」吳綺莉食飯。
「有時年輕人可能會覺得我哋思想舊，覺得有自己一套唔需要睬我哋，希望佢自己諗通咗，我哋先再溝通，但都有少少擔心會唔會嘥氣。（之前嘅溝通都覺得沮喪？）咁耐以嚟，係囉…」
(on.cc)
「笠滋滋」的三月份，是其中一個令敏感肌容易「病發」的季節。對於擁有敏感肌的朋友們來說，初春不單止是百花盛放的時節，更是紅，腫和痕癢來襲的時候。接下來我們一起打破三項護膚迷思，讓敏感肌振作起來，戰勝潮濕天氣，迎接這個充滿無限生命力的春天﹗
的確，健康的肌膚每天都要「飲飽水」。一般擁有敏感肌的朋友對護膚成效都不敢奢求大多。「補濕」作為其中一種最基本的肌膚護理，自然得到十分的重視。但敏感肌在選擇補濕產品時要格外留神。某些街知巷聞的補濕乳液或乳霜的質地比較「杰」，感覺上補濕成份非常濃郁，因此深得大家歡心。但塗在臉上「笠滋滋」的質感卻為細菌提供了很優越的生長環境。敏感肌受到刺激便會即時變紅和痕癢。選用了不適當的補濕產品，不但得不到理想的護理效果，反而有機會令敏感一發不可收拾。
大家普遍認為標榜無添加，有機或植物成份的護膚產品理應比較天然。因此它們都成為敏感肌的護膚首選。事實上，對敏感肌來說，「天然」不等於萬無一失。
一些含有植物成份的護膚產品，例如玫瑰花成份等，就不是人人受得來。特別在肌膚水油失衡的潮濕日子裡，有機的植物成份愈活躍或愈天然，愈有機會刺激不穩定的敏感肌。因此我們必須清楚自己的肌膚到底對產品的什麼成份過敏，以便作出更精明的選擇。
根據天氣替換保養品能夠照顧肌膚不同的需要。但大前提是要以肌膚的真實狀況去調節，不要「為換而換」。敏感肌一般對保養品的接受能力不太高。如果要在回南天為保養品換季，首選成份簡單而且質地清爽的產品。專業的皮膚科醫生建議，每當肌膚開始變得不穩定時，就得停止所有複雜的護膚程序，以清水洗臉，有需要可塗上簡單的乳液。另外，保養品的更換程序適宜循序漸進。要是把所有慣用的保養品一氣更換掉，不但容易刺激敏感肌，亦不能找出令肌膚過敏的罪魁禍首呢﹗
（hokkfrabica）
