【成功三年抱兩】約埋譚凱琪等好友一齊現身支持

2019-02-04

於2016年結婚，一年後就成功懷孕，現時育有一子，已經退出幕前，專心在家相夫教子了！去年仔仔剛一歲，又傳來好消息！成功三年抱兩！

腹大便便，新年有乜搞？佢就揀睇戲喇！

大肚Miki(楊愛瑾)昨晚相約譚凱琪等朋友看賀歲片支持好友陳逸寧，她留言：「一班八婆去支持《恭喜八婆》，點都會撐你啦！」

唔知老公有無去到呢？

(ig)

【兩年抱兩】朱家三口變四口：哥哥的確係有少少呷醋

2019-02-04

今日是大年卅，傳統中國人這天會一家人聚起來吃團年飯，對於16年嫁全國政協朱銘泉兒子、上市公司太子爺朱威霖（William）的蔡雪瑩（Snowy ）來說，今年更加是特別的一年，事關16年8月已誕長子Wesley，去年6月再添小公主Sheryl，今個農曆年真正一家四口齊齊整整。

Snowy曾有「至索主播」之稱，婚後離開新聞主播行列的她，兩年抱兩，一直專心相夫教子，只偶爾出席公開活動，日前她與老公William攜同一對子女，在北角接受《蘋果》訪問及示範製作福建家鄉菜，問夫婦二人今年新年願望是否追豬B？Snowy即望着老公傻笑，William就兩眼發光，笑着說：「係就梗係好啦！」

William承認希望再添家庭成員，他說：「越多越好啦，我有三兄弟姐妹，至少都生多一個！咁我知道老婆收身好辛苦，佢都想等一等先。」Snowy則笑謂：「我諗今年嘅願望一定唔係生豬B，之前生囝囝後，如果你問我係咪有計劃即刻生，當時就真係嘅，但今次就唔會咁快諗住喇！」

講到今年的農曆新年，朱家由三口變四口，Snowy謂：「記得上年我陀住囡囡，仲擔心緊哥哥嘅讀書問題，又擔心哥哥同妹妹係咪夾得嚟。當然，哥哥的確係有少少呷醋，妹妹啱啱出世，哥哥唔想望妹妹，情緒有時都好波動，但而家兄妹多咗互動，哥哥見到妹妹喊都會ｏ氹佢，會同妹妹講『哥哥喺度，哥哥喺度』咁，但以前見到妹妹喊，佢就會偷笑。」

說回Snowy和老公示範的福建家鄉菜，分別有「潤餅菜」、「五香卷」及「家鄉炸醋肉」，Snowy坦言平日甚少機會跟老公一齊入廚，因為老公工作比較忙，但最深刻是老公親手炮製西班牙海鮮飯給她吃。Snowy稱：「我本身係潮州人，媽咪都有教整啲家鄉菜，但係潮州菜其實都好簡單，好多都係蒸咗再放涼，我都承認老公整嗰啲，難度係高過我少少嘅！」

至於新年朱家有甚麼傳統習俗？William直言：「屋企家庭觀念比較重，大時大節都會一家人過。」他又讚老婆雖然本身是潮州人，但短短時間都學懂了不少福建傳統菜式。Snowy即認叻說：「係呀，福建人過年買餸都有啲傳統，好似話要有3種海鮮5種肉咁，我而家自己去街市都識得買嘅！」

(apple daily)

【素顔都咁靚】李嘉欣激罕晒仔仔！

2019-02-04

明日是年初一，近日大家有否忙着辦年貨、大掃除、封利是、買年花呢？傅明憲今早在Ig貼出昨日與愛犬到維園逛花市的相片，見她買桃花催旺人緣；

陳柏宇一家三口返加拿大過新年，今早陳柏宇於Ig上載與愛女Abigail的合照，二人深情對望，自從Abigail出世，柏宇化身「晒女狂魔」，為女兒記錄成長點滴；

圈中恩愛夫妻任達華及琦琦在Ig晒二人合照，祝大家豬年大吉。

李嘉欣一早在社交網貼出陪老公許晉亨看欖球賽的相，有老公寵愛，當然不怕素顏示人…

見嘉欣在老公懷抱中嘆美食，相當甜蜜，估計這張相是由兒子Jayden拍攝~

嘉欣亦在Ig story上載一家三口看日出的相，激罕曬仔仔~

(ig / facebook / appledaily)

【恭喜恭喜】小公主好可愛啊！

2019-02-04

於2013年嫁圈外男友做人妻，並先後在2013年及2016年誕下兩名囡囡，上月底再誕下第三名女兒，榮升一家五口幸福家庭。

現年29歲的韓國前女團Wonder Girls(WG)隊長先藝，早前榮升三女之母，於上月30日在加拿大順產誕下重3.8kg(約8.3磅)的第三名女兒，母女平安。

當時先藝未有公開B女的相片，不過今日先藝就通過Instagram上載愛女的照片，並留言：「隔了40周在1月30日見到有珍(音譯)。送給我們第三份禮物。」只見小B女似正在睡覺，樣子十分可愛。

(apple daily)

【屋企囡囡最靚】王祖藍：怕畀李亞男鬧

2019-02-04

藝人梁嘉琪聯同一班是非精好姊妹湯洛雯、馮盈盈和張寶兒在觀塘擺年宵攤檔，而藝人王祖藍專登現身撐場打氣，亦吸引不少市民圍觀看熱鬧，當祖藍到場，嘉琪即感謝祖藍大駕光臨來到她們的「豬攤檔」，更問祖藍帶甚麼新年禮物來？

祖藍就好識做準備了百多張電影《你咪理，我愛你！》的戲飛做禮物：「你哋個檔賣乜㗎，賣無敵豬頭炳？見你哋個個都戴住個豬頭，等你哋賣啲豬頭出去嘅同時就送啲戲飛畀市民啦！」問到嘉琪這個年宵攤檔投資多少？

她謂：「呢個豬頭炳攤檔都合資咗6位數，而付出最多唔係金錢係時間同心機，所有都係自己設計。」祖藍聽到她說親自設計，笑言是否跟他模樣去設計：「個鼻同我咁似，係要支持吓你哋，見豬頭如見自己嘛。」

至於多久沒逛花市？祖藍坦言都有很久未行過…

「呢排跑戲院多，跑完戲院就返去睇，其實呢度都有女睇嘅，但我屋企個女最靚。」

祖藍稱因要忙着電影宣傳至今都未有時間吃團年飯，因為要派飛年三十晚都未必吃得到，笑言都怕太太李亞男會鬧。

問到對電影票房可有信心？
他謂：「有信心帶畀人哋好多愛心同埋開心，今年新年檔期競爭非常激烈。（邊套會係最大競敵？）唔緊要啦，最緊要係百花齊放，好耐冇見過一個新年檔期咁旺，係好事，刺激番大家入戲院對行業都係好事。」

(on.cc)

【煮嘢食水準一流】甄子丹11歲細仔超犀利：最拿手係整…

2019-02-04

「宇宙最強」甄子丹與太太汪詩詩於2003年結婚，二人育有一仔一女。

甄子丹除咗功夫了得，更係最強愛妻號，與汪詩詩是圈中模範夫妻！

最近喜事連連，早前佢哋去咗影全家福，畫面超溫馨！

而日前汪詩詩表妹湛琪清（Jessica）同男友拉埋天窗，甄子丹同汪詩詩仲分別做兄弟同姊妹！

呢日兩人孖住煎年糕及整鴻運當頭湯圓應節，寓意愛得煙韌及甜蜜團圓。下廚對兩人來說零難度，更夫唱妻隨，默契滿分！詩詩表示第一次整湯圓，認為不困難，只是花心機，子丹大讚太太廚藝了得，任何菜式也難不到她：「佢真係煮乜都得，佢又鍾意食，咩菜式都識煮，西餐、上海菜、法國菜、西班牙菜、廣東菜都識，所以你話我係咪好口福，有時我拍完戲好肚餓，佢半夜三更整個三文治畀我都好正。」

他大爆家中有兩名廚藝高手，除了太太，現年11歲的細仔甄濟嘉（James）年紀輕輕已是小廚師，最拿手整意大利飯及鬆餅，水準一流，詩詩笑說：「James好鍾意煮嘢食，佢三年級嘅時候，參加嘅課外活動就係烹飪，我當時同佢開玩笑，問烹飪班係咪好多女仔，佢話係，得佢同一個朋友係男仔，佢又話好出名嘅廚師Jamie Oliver都係男仔啦！有時我煮嘢食，佢都會做小廚師幫我。」

子丹自嘲廚藝不濟，不過詩詩開腔護夫：「子丹拿手煮嗰幾樣嘢，我都唔識煮，好似龍蝦同埋炒蛋，佢真係煮得幾好食。」

詩詩指今個新年非常熱鬧，因為表妹湛琪清最近結婚，不少親戚都由外地來港：「最開心係婆婆都喺度，佢就快90歲，我哋四代同堂一齊過新年。」子丹就透露每年大年初一全家都會穿上唐裝向長輩斟茶和拜年。

提到豬年展望，子丹指工作已排得密麻麻，在亞洲和荷里活兩邊忙，剛完成了迪士尼電影《花木蘭》拍攝，過年後就投入與導演陳木勝聯手監製的動作新片，年底則接拍動作西片《Sleeping Dog》。至於其兩部重點電影《葉問4》和《肥龍過江》會於今年暑假推出，導演葉偉信正為《葉》片做後期工作，並爭取於5月的康城影展曝光，子丹亦很感謝影迷愛戴，令「葉問」這人物能走到世界每個角落，讓系列走到第四集，這一集對他跟葉偉信來說也是最有意義及最喜歡的一集。

(綜合報道/on.cc)