藝人張栢芝於去年11月誕下第三胎「小王子」。
自從生完小王子之後，栢芝就重新活躍於社交網，佢不時都會喺網上更新自己的消息。
早前仲同大家分享減肥餐單。
今日佢就提早向大家拜個早年，佢曬出幾張靚相。
相中見佢坐喺一個大福字前面留影，另外又指住金元寶，寓意大家豬年發大財，寫上：「祝福大家福多財旺」。
生完只有三個月嘅栢芝已火速收晒身，穿着綠着貼身冷衫配工人牛仔褲，戴上鴨嘴帽，少女味十足，完全唔似係三子之母。
(綜合報道/on.cc)
【網民大讚梁浸浸好懂事】鄭希怡：今日聽到最好聽的一句…
藝人鄭希怡（Yumiko）三歲囡囡梁浸浸精靈又可愛，好多網民都Like佢！
雖然人仔細細，但原來已經好懂事！
呢日鄭希怡喺社交網上載一條短片，片中見到梁浸浸拎手袋行去搭𨋢，不過個袋對細細粒嘅佢嚟講好似好重咁。
Yumiko留言：「今日聽到最好聽的一句，『媽咪，我幫你拎手袋👜呀！』#有個女真係幾好 #愈大愈乖 #老懷安慰」
唔少網民見到之後都大讚梁浸浸好乖，仲話一身潮人打扮嘅梁浸浸同個袋襯到絕一絕，更指佢個背影根本就係一個Mini Yumiko，同媽咪一樣咁有型呀！
(綜合報道/on.cc)
【傳與王浩信離婚】陳自瑤：新年會…
藝人陳自瑤（YoYo）與王浩信結婚以來屢次傳出離婚消息，每次佢哋都否認傳聞。
呢日YoYo出席活動，跟大廚示範煎蘿蔔糕秘訣，而YoYo稱賀年食品最愛都是蘿蔔糕，但因為正忙着開2套劇，所以都沒時間親自炮製。
可會給女兒吃賀年糕點？她說：「都畀佢食，但就唔煎太耐，怕太熱氣。」
她謂都會親自整湯丸或者包餃子，比較簡單一點。
至於農曆新年，她稱都有幾天假期。因據知其老公王浩信亦拍劇中，豈不沒時間陪女兒？她則言：「咁我開工都唔係開24小時，阿女返學返朝早，夜晚都會陪到佢食飯。（老公呢？）佢都真係冇時間。」
會唔會新年約朋友返屋企開Party？YoYo謂：「朋友都有問，但都要睇時間夾唔夾到，因初一、二都係陪家人。」
之前又傳兩夫妻已離婚？她謂：「上次開工大家嚟探班都問咗，亦回應晒，唔再回應啦。（趁新年一家出動可以闢謠？）係呀，新年都係食下團年飯，休息下，去拜下年。（老公都應該初一、二唔使開工？）所以都係得嗰幾日去唔到旅行。（阿女會唔開心？）咁我一有時間，阿女又放假都會去旅行嘅。」
(on.cc)
【今日結婚恭喜晒！】新郎着紗裙戴皇冠冧爆新娘子
今日同富二代未婚夫舉行婚禮，上午在中環聖約翰座堂行禮，晚上在灣仔擺酒，一對新人跟足傳統，早上就玩接新娘及家長斟茶儀式。
接新娘在金鐘一間酒店舉行，一對新人就穿上中式禮服。
Jessica的姊妹團就擺了短片上Ig story，見到Kenneth與眾兄弟要戴上天使翼，準新郎更要穿上白色短紗裙、赤腳玩砌英文字遊戲，而Jessica就一臉輕鬆，靜待新郎哥被姊妹玩。
她的姊妹包括有表姐汪圓圓，已為人妻的汪圓圓就穿上粉紅色deep v裙，性感搶鏡。
Kenneth與眾兄弟玩完一輪遊戲接過新娘後，一對新人就進行斟茶儀式，依足傳統跪下敬茶，而Jessica的父母對於女兒出嫁甚興奮。
「宇宙最強」甄子丹老婆汪詩詩表妹湛琪清(Jessica)今日同潘迪生外甥金承威(Kenneth)舉行婚禮。
Kenneth有良好的富二代家底，除了是潘迪生外甥，他的父親是整形外科醫生金永強，而他本身學歷甚高，擁有美國史丹福大學經濟系學士及管理科學工程碩士，畢業後返香港搞飲食、醫學美容同科技領域等生意。
（apple daily）
【合照洩蜜】陳瀅羅天宇再被發現一齊去…
因合作拍《跳躍生命線》而傳出緋聞，去年底兩人更被發現與友人同遊嘉年華，被指係「Triple Dating」。
陳瀅與羅天宇二人早前拍攝《跳躍生命線》飾演情侶。
而陳瀅對此回應時就例牌否認戀情，仲堅稱雙方有好多共同圈子，但就唔會有發展嘅可能性。
雖然雙方都否認拍拖，但佢哋又冇乜避忌、周不時都會孖住出動。
呢日，陳瀅係IG Story擺咗幾條片，透露自己去咗行年宵市場。
當中包括一名男友人入鏡同一大堆毛公仔，不過就唔見緋聞男友羅天宇縱影…
再睇番該名男友人嘅IG，竟然發現喺大合照中見到羅天宇又再現身，張相仲寫上係一年一度嘅活動添！
唔少網友都話陳瀅與羅天宇嘅緋聞傳到疑幻似真，但佢哋卻冇乜避忌，究竟係乜關係呢？媽～好亂呀！
(綜合報道/on.cc)
【五歲小糯米同爸爸餅印咁】捕獲劉愷威竟然親力親為…
劉愷威與楊冪於去年冬至（12月22日）晚上宣布已經離婚，結束接近五年婚姻關係，兩人將以親人身份共同撫養女兒小糯米。
自從他們宣佈婚變後，一直有傳離婚涉及第三者，不過當事人未有透露離婚的原因，亦表明不會再回應有關事件。
直到近日再有傳楊冪爭取女兒小糯米的撫養權，令爺爺劉丹不惜減產，希望有更多時間照顧孫女(相關新聞:https://goo.gl/4T8ra1)，丹爺笑稱希望劇組多加戲份，不過當問到是否爭小糯米撫養權，他只說：「其他嘢就等大家自己猜測喇！」其後丹爺轉移話題，透露劉愷威已回港，準備一齊過年。
劉愷威近年主力在大陸發展，照顧小糯米的重任，當然交由爺爺嫲嫲及外傭姐姐負責，周一（28日）下午3時左右，《蘋果》見到劉愷威母親與外傭姐姐乘坐七人車離開西半山的寓所，同行還有小糯米，她們一行三人去了中環一幢商廈。不經不覺，小糯米今年已經5歲，無論身形和樣貌與爹哋十足十餅印，當時見外傭姐姐手執一個小書包，相信小糯米到上址的其中一間playgroup上學。
大約過了一小時左右，她們一行三人齊齊離開商廈，小糯米全程表現得很開心，拖實嫲嫲與外傭姐姐上七人車，回家前嫲嫲去了上環添置日用品，小糯米乖乖在車上等候。
至於說好已返港過農曆新年的劉愷威呢？翌日(29日)終於出動，當日大約下午3時左右，他獨自乘坐七人車離開寓所，到西環一幢商廈下車，當時他身穿便服、頭戴cap帽兼戴上口罩獨自上樓，過了不久見他搬了兩箱貨物交給司機放置在車尾箱，其後再折返商廈，離開時又見他搬了一大箱貨物上車。
雖然當時人來人往，不過因為劉愷威打扮低調，加上想不到他竟然親力親為搬貨上車，所以未有太多人留意他，未知是否為囡囡準備的賀年用品？
臨上車前，劉愷威被問與楊冪離婚是否涉及第三者？他未有回應，只揮手示意bye bye便開車，返回西半山的寓所。
相關新聞：
【傳楊冪爭小糯米撫養權 劉丹回應…】https://goo.gl/4T8ra1
【劉愷威一直都…問到小糯米 劉丹就答】https://goo.gl/VUsHT4
【劉愷威獨自湊女】4嵗小糯米一聽到媽媽楊冪就… https://goo.gl/kQR9uf
【劉愷威宣布離婚後首度公開現身 睇到網民嘩嘩聲】https://goo.gl/yu2mFT
【傳楊冪同劉愷威爭小糯米撫養權：不晒不代表我不愛女兒】https://goo.gl/Nhj9V9
【被指出軌 劉愷威粉絲留言”討厭你”】楊冪離婚後首發文 https://goo.gl/2b2SDY
【離婚後被拍到…】劉愷威被指係爲咗要抹黑前妻楊冪 https://goo.gl/a3Mptm
【劉愷威抱小糯米行街片段瘋傳 楊冪：我會慢慢好好地走下去】https://goo.gl/dJVnra
【離婚後首度公開現身 輕攬為楊冪打氣！？】https://goo.gl/5LYc9Y
【3年得37日係陪小糯米…楊冪：那是你的問題】https://goo.gl/uJ3H2G
【疑離婚後首開腔 楊冪：接受自己所有的經歷與遭遇】https://goo.gl/upeUMD
【孫女小糯米點？】劉丹首開腔回應楊冪劉愷威離婚 https://goo.gl/Jmpttm
【奶奶嫌無孫仔抱 超難頂!?】楊冪劉愷威被爆離婚内幕 https://goo.gl/Uv9Sji
【劉愷威當年霸氣求婚 楊冪：家庭不應該成為束縛】https://goo.gl/v9DDmG
【傳兩個月前搞離婚 劉愷威楊冪揀喺冬至宣布分訊係因為⋯】https://goo.gl/yCC5ez
【傳楊冪劉愷威將宣佈離婚】楊冪：結果依然逃不掉傷心 https://goo.gl/bsjagk
【傳即將與劉愷威宣佈離婚】楊冪首回應 https://goo.gl/y32cKv
(apple daily)
【會做人工受孕】洪天明：可以揀性別
洪天明與周家蔚婚後育有兩個可愛仔仔，早前父親洪金寶生日，洪天明更PO出全家福，一家八口三代同堂，畫面超級溫馨！
早前洪金寶講明好恨再抱孫，希望每個仔女都生3個…
呢日洪天明出席慈善首映，提到爸爸呢個心願，問佢會唔會想追個女？
佢坦言：「有個女梗係好，但有兩個已經好辛苦，係時間分配辛苦，我成日唔喺香港，唔想生咗個唔理佢，睇老婆想唔想生。」
佢笑笑口話想細佬盡快結婚，咁就可以為其分擔，又指如決定再生，會到外國透過先進科技懷孕：「依家科技昌明，可以揀性別。我有朋友喺外國搵代母生，我同老婆講咁咪唔使咁辛苦，但佢擔心代母飲食唔健康。不過，雖然外國合法，但原來返到嚟香港係唔合法。（所以勸老婆生！）如果健康又承受到，再過一兩年啦。」
咁有冇趁住今次旅行努力造人追豬女？佢就話一家幾口去旅行忙住湊仔，追女一事就順其自然：「其實知道有咗第一個仔之後，爸爸已經叫我快啲生個女，當時老婆有咗四個月咋！（老婆大壓力？）唔會，冇得迫嘅，等佢想生先。」
另外，佢表示現時除了幕前外，還兼顧幕後工作，希望先專注事業。
(綜合報道/on.cc)
【素顏舒淇PO合照】網民勁恭喜「馮太太要有寶寶啦」
藝人舒淇與馮德倫於2016年結為夫婦，結婚以來一直都好低調。
但唔代表佢哋唔Sweet喎！早前馮德倫忽然喺社交網上載同老婆舒淇嘅合照，雖然未有留言，但已經超多網民即時留言大嗌難得。二人喺相中Sweet爆頭貼頭，舒淇就用餐牌遮住半邊面，淨係露出對眼，而馮德倫就笑容十足，真係隔住個Mon都Feel到佢哋甜到漏呀！
二人自結婚後就不停被網民催生B，不過就一直都未有好消息。
而舒淇呢日喺社交網站上載咗一張與鍾鎮濤攞住對聯嘅合照，好有新年氣氛，寫上：「喜得墨寶 迎接新春！」但重點當然唔喺佢哋手上嘅對聯，而係喺舒淇嘅打扮身上！
着咗件鬆身藍色衛衣嘅舒淇，孕味濃，感覺佢着上加大碼衫刻意遮肚，在加上着波鞋，冇化妝得嚟氣色好好，更令人聯想是否已懷有身孕！
網民見到都問佢係咪真係懷孕？有啲仲恭喜佢話「馮太太要有寶寶啦」！
(綜合報道/on.cc)
【Brendan超可愛！】大肚單文柔：恭喜杏兒
藝人陳展鵬與單文柔（Phoebe）於去年10月拉埋天窗，新婚未夠一個月，陳展鵬就宣佈單文柔有咗，二人為肚裏嘅BB改名「小豬比」。
話咁快Phoebe已經佗B約六個月，早前仲曬靚靚孕照，唔知幾時會再曬多啲比大家睇呢？
而胡杏兒早前亦宣布再度有喜，佗豬B！
相關新聞:
【三年抱兩！胡杏兒宣佈再度佗B：豬寶寶终於加入】https://goo.gl/VDPhsm
【問到杏兒第二胎性別…李施嬅：佢好叻好犀利！】https://goo.gl/HTyXDq
而Phoebe呢日就同老公一齊同好友胡杏兒「一家四口」聚下，認真開心！兩位靚太都係佗緊豬BB，相信兩人少不免交流吓生B心得。
相中見到Phoebe着上白色衞衣，完美地遮住孕肚，真係肥肚唔肥人！而杏兒老公Philip則抱住寶貝仔Brendan，杏兒囝囝就一貫招牌天然呆，簡直萌到爆！
Phoebe仲喺社交網留言：「恭喜杏兒，Philip 有新成員加入！Brendan 真係好可愛好萌！」
(綜‵合報道/on.cc)
【兩父女超有愛】鄭中基7嵗囡囡超可愛
《鄭中基One More Time 世界巡迴演唱會—香港站》將於年三十晚、年初一、初二、初四及初五（2月4、5、6、8、9日）假紅磡香港體育館舉行五場演唱會。
Ronald於兩年前舉辦《Play It Again》演唱會後，適逢為拍攝自導自演電影，谷肌增重至168磅，現在為了開騷，又要進行地獄式減肥，他說：「依家幾成功，去番140磅左右，目標係138磅，講意頭『一生發』。」問到今次如何為演唱會操弗？Ronald分享減肥心得─戒油膩、戒肥豬肉、如果沒有舉重就戒澱粉質、可食雞牛、多食蔬菜、煮食用橄欖油；隔日交替做器械、有氧運動。
提到今次演唱會，很久沒出新歌的他，希望大家練熟由他、Joey Tang、KB及梁栢堅以組合「嚿飯咁」創作的新歌《廢中》，到時全場大合唱。他又搞笑提醒歌迷記得帶錢：「上一次大家以為我派利是，其實係你哋派利是畀我㗎！同埋今次有好多紀念品賣。」
演唱會除了每晚邀請到陳明憙（Jocelyn）擔任嘉賓，另有不同藝人好友助陣，Ronald坦言在新春期間碌這張人情卡，並唔容易：「適逢過年，好多人都出埠，好在幾經辛苦都請到，大家唔使擔心。」他表示大部分嘉賓都有場次要求，不過沒有爭唱頭、尾場，只是按照他們自己日程去指定場次，皆大歡喜。
個唱進入倒數階段，鄭中基（Ronald）坦言心情緊張又興奮，皆因今次特別有三代同堂表演，愛女Emma有別之前上台唱幾句賀年歌，會親自揀歌兼唱足全首，Ronald的爸爸則負責結他伴奏。
Ronald笑言：「同Emma綵排個陣時，我以為佢會緊張，點知好輕鬆，搞到我都唔知點算好，我諗咗好多囡囡緊張嗰時要點樣安慰佢嘅方法，依家全部用唔到。不過OK嘅，大家嚟睇吓佢表演成點啦。」
慈父樣出晒嚟！
他笑言連太太余思敏也緊張埋一份，早前囡囡考試未能參與綵排，太太開金口代唱幫忙錄demo，讓囡囡在家一邊聽一邊練習。
兩父女勁溫馨！
（綜合報道 / on.cc）