於2008年參加香港先生入行，直至2015年終於憑第二輯《愛‧回家》中「方嘉尚（Billy）」一角，與張振朗、龔嘉欣發展三角關係而開始為人熟悉。
他有感入行10年都是「低產量」，遂於去年尾選擇離開TVB，而且決定走一條非一般的前無綫藝員路。
計劃農曆年後移居蒙古生活，並在當地投資開設牧場以及旅館做旅遊生意，一嘗做馬主的心願。
無綫小生何君誠 (左二)決心離巢，到蒙古發展。祝願他有美好的前景！
(綜合報道 / mingpao)
【曾拍《愛‧回家》】決心離巢 移居蒙古發展
【瘋傳應采兒佗第二胎】老公陳小春唔覺意爆埋BB性別？
陳小春昨晚（17日）於內地舉行的活動上，獲頒「年度最受觀眾喜愛歌手」，他上台領獎並發表感言，謙虛說「我唱歌一般般」，並稱這是2019年的好開始，之後將重心放在演唱上，承諾一定會做好！
雖然Jasper在拍攝《爸爸去哪兒》節目時後大受歡迎，人氣超高！
但小春堅持是不會讓兒子進演藝圈，說：「連書都還沒讀，小朋友5、6歲之前，他是需要快樂、健康、和諧的成長環境，我是絕對反對他進演藝圈的，這條路不是這麼容易走，我就是誤打誤撞開始唱歌演戲。」
小春續言會將家庭放在第一位，音樂方面則做好每一場演唱會。
太太應采兒最近被指疑懷第2胎，夫妻倆一直沒承認或否認。
對與Jasper在拍《爸爸去哪兒》時，小春特別寵愛兩位小女孩小泡芙和餃子，被問有否想生女兒？
小春說：「其實人家女兒是比較可愛，看起來會比較好玩。我寧願多個兒子，因為我覺得兩兄弟可以交流，兄妹的話，我怕妹妹欺負哥哥，哥哥欺負妹妹。如果兩個男生，你欺負他，你欺負他也沒所謂。如果你問我的話，真心話，泡芙也好，餃子也好，是人家女兒，當然是哄他們，凶他們干嘛？而且人家的女兒比較好玩吧。」
不知道陳小春這樣說是不是代表老婆應采兒在佗B仔呢？
(綜合報道 / 騰訊)
【又秘密結婚？】阿Sa：希望得到祝福
藝人蔡卓妍（阿Sa）到旺角出席英皇電影《非分熟女》優先場謝票，跟觀眾分享拍攝感受。
對於戲中阿Sa角色有性障礙症，更有大膽露背自摸和跳鋼管舞鏡頭，講到身穿性感舞衣跳鋼管舞，她表示角色只是普通人，因此不用特別操fit及練舞技：「不過跳完都發覺周身瘀晒，腳趾甲都爆埋！但跳嗰陣腎上腺素好高就唔覺痛。（拍完有冇再繼續學鋼管舞？）冇呀！我都想。（會唔會再學，跳畀男朋友石恆聰睇增加情趣？）」
「唔使樣樣都喺嗰方面諗，都係一種運動，會更加了解自己，對住塊鏡知道自己點樣最靚，都係一個勇敢大挑戰，好似舞衣好少布，我第一次去練習要加條短褲，但去到發現個個都係咁着，反而我覺得好尷尬，做呢一樣嘢咁樣着係好合理。」
另外有指阿Sa聲帶出現問題，因此要暫停歌唱事業，她表示已困擾了一年時間，而Twins巡迴演唱會也要暫停。
「暫時未知幾時可以再唱歌，可能係咁多年一直用同一個位過勞，同埋上次香港站病住都死頂嘅後遺症，都轉過幾個醫生，甚至叫我唔好講嘢，可能係上天畀啟示我，叫我呢一年專心拍戲。（咁點拍嗌交戲？）都可以嘅，或者練定手語做啞女啦！」
講到她日前接受訪問表示若男友想結婚，她亦會配合…
阿Sa即作出澄清：「我係話依家狀態好開心，下一秒會發生咩事冇人知，遲啲先算，個天會話畀你聽，總之唔會衝動。（會唔會好似當年咁瞞婚？）唔會，瀨過一次嘢，係希望得到祝福。」 問是否會跟姊妹鍾欣潼一樣大搞婚禮，阿Sa表示未必會如此鋪張，現時尚未有想法。
(on.cc)
【同翠如⋯】蕭正楠：曹永廉畀咗好多偏方
蕭正楠今日出席活動，講到同老婆黃翠如第一年派利是，蕭正楠話：「真係要換double錢，除咗同事，仲要派畀親朋戚友：「我爸爸嗰邊親戚有成百人，繁殖能力好強。」
問佢嘅繁殖能力有冇得到遺傳？蕭正楠就好尷尬咁話：「姓蕭嘅，哈，我啲功能仲好function到，我都食好多蕃茄、雞蛋o架。」
至於係咪已準備好隨時造人？佢就話今年同老婆都好多劇集，應該無乜時間：「無謂搞佢啦，大家都好攰，畀佢做好工作先。（黃）澤鋒50幾歲都生啦，可能翠如60歲先生呢。」
記者笑言到翠如60歲嗰陣，唔知佢仲得唔得？蕭正楠就拉老友曹永廉落水話：「放心，阿廉畀咗好多偏方。」
(apple daily)
【鄭嘉穎都開始唔放心】陳凱琳已經影咗大肚寫真：重咗20幾磅
陳凱琳（Grace）今日喺尖沙嘴出席活動，講到生金豬會好運，Grace就話冇聽過呢啲，但係自己對豬仔物件特別鍾情：「開始要買BB嘢啦，我乜都未買，老公連床都未買就想買玩具，佢好開心。0依家見到啲豬仔頸鏈、利是封呀，總之豬嘅物體就鍾意，想帶晒返屋企。好彩，豬仔向來都係得意，我又鍾意粉紅色，可能會搞到成屋都係粉紅色。」佢仲笑指囝囝細個應該唔介意着粉紅色，自己亦會盡量忍手唔買咁多畀佢。
Grace話早前已經影咗大肚寫真：「第一次着啲貼晒身嘅衫，我唔想太性感，可能生之前會再影多次，睇下老公想唔想陪我影，冇壓力嘅。」同老公一齊影，係咪可以性感啲？佢就搞笑話叫老公唔着衫。問到幾時復工？佢表示坐完月應該可以：「不過拍劇就應該要起碼半年先。」
腹大便便嘅Grace，透露即將停工安胎：「個肚大咗好多，0依家坐嗰陣背脊都會有啲痛。」問佢有冇度過肚圍？佢就笑言唔敢度，驚自己有壓力，不過就話自己肥咗20幾磅：「睇醫生嗰陣要磅，我想合埋眼唔睇，不過啲手腳都OK，係肥喺個肚度。」Grace又話老公鄭嘉穎都開始唔放心，所以都準備停工。
(apple daily)
【一度低頭嗚咽】郭富城：嗰一刻諗到冇媽媽冇我
天王郭富城的《武林密碼世巡迴演唱會》2019首站澳門站假澳門威尼斯人金光綜藝館舉行，城城表示四年沒有在澳門演出，所以他全晚出盡200分力勁跳勁唱，汗水流不停。
在一身全新閃亮服飾配滿天星帽子演繹經典情歌組曲《不老的情歌》前，他與觀眾分享了自己的成長，感謝媽媽的關懷，到現在自己已為人父，深深體驗到做父母的心情，城城愈講愈感觸，想到媽媽老了，身體慢慢變差，一度低頭嗚咽。
《不老的情歌》是城城代言的保險廣告歌，拍攝這條廣告片時，有一名小女孩扮演他的女兒，當時他還未成家立室，想到是母親對自己的寵愛，就算已經十歲還一樣會孭他，有歌迷隨即「嘩！」了一聲，他認真地說：「我媽媽真係好錫我，我好開心依家有個幸福家庭，有個寶貝女，我可以從一而中努力工作，做好爸爸、好丈夫……（這刻城城感觸嗚咽）人大咗，時間過得好快，媽媽身體唔好，我會更用心，用任何性質愛我媽媽，將這首歌獻送畀我親愛嘅媽媽，祝佢身體健康。」
個唱結束，城城受訪時說，之前媽媽身體欠安令他有點擔心，但現在已經好了：「我喜歡做演唱會，就係做番自己，廣告歌又講父女感情，做咗爸爸知道養大小朋友唔容易，我五兄弟姊妹，瞬間想到媽媽，睇住媽媽身體一路路差，以前會嚟看我演唱會，依家扶佢都可能冇精神，所以嗰一刻想到媽媽，冇媽媽冇我。」
談及個唱，城城首度把智能舞台搬到澳門，演繹不同階段經典歌曲。特別是舞台幻變出一列火車，全場嘩然。而舞台又在中段分開五段移動，非常震撼。
城城愛家人，同讓愛錫歌迷。在唱《動起來》時，全場一萬觀眾揮動智能燈棒，氣氛High爆，令城城非常感動，更以一粒種子形容剛出道的自己，靠着多年來大家給他鼓勵和養分令他成長為樹仔。而一百場巡迴現在才做了六站，所以城城會繼續Keep住狀態為演唱會準備，最後以經典《唱這歌》為演唱會譜上圓滿句號。至於電影工作4月後才開始，農曆新年亦正好有時間和家人慶祝。
(on.cc)
【上月嫁入豪門】被爆懷孕五個月！
上月8號舉行婚禮，嫁入豪門做闊太。今日媒體報道，上月結婚嘅佢現時已懷孕5個月，即係佢上月係奉子成婚。。。
現年26歲嘅韓國JTBC前主播趙秀愛，上月跟斗山集團朴勇萬會長嘅39歲長男朴瑞元結婚，嫁入豪門做闊太。
今日韓媒就報道，上月結婚嘅趙秀愛現時已懷孕5個月，即係佢上月係奉子成婚。而首爾中央大學醫院相關人士就證實消息，並指：「前主播趙秀愛現時正住院。」又透露趙秀愛已懷孕21周。
趙秀愛上月8號舉行婚禮，對於趙秀愛懷孕一事，斗山集團方面就話：「呢個係私人事，所以無法確認。」
【仲有個幾月就卸貨】影靚靚孕照：有時個肚會變咗形
去年4月結婚，同年10月宣佈懷孕5個月，預產期喺今年3月。距離「卸貨」仲有一個多月，準媽媽見行動仲輕鬆，日前就孖老公去影咗大肚寫真留念。
Grace今日喺社交網分享咗美麗孕照，兩夫妻都着住白色衫，好有清純感覺。佢留言：「Can’t wait to meet this little person who is half me and half the one I love.（心急想見這小人兒，他/她是一半的我，一半我愛的人）」
Grace着住喱士裝好性感，佢話懷孕直至o依家為止，佢只係重咗18磅，以佢8個多月計，個肚唔算好大。
07年亞姐冠軍張珮汶（Grace，前名張家瑩）今日回覆《蘋果》時話：「其實之前一直都好驚影唔到大肚相㗎，一係驚自己handle唔到，二係怕BB會趕出世…最後總算成功咗。當日我影一陣，又要抖一陣，BB好興奮，一路踢，所以有時個肚會變咗形。我現在踏入34周，希望BB至少37周才出世，所以最近大部分時間都係喺屋企休息。」不過Grace對腹中磈肉性別，繼續保持神秘唔講。
(apple daily)
【由16歲至今】吳尊與太太相愛23年：婚禮一定會補辦
昔日飛輪海成員吳尊偕72歲的爸爸參加綜藝節目《最美的時光》，在節目中，吳尊和太太與雙方家人一起在海邊聚餐，期間吳尊被問到和太太的初吻在哪裏發生？他表示在親戚家看電影時，他趁太太一轉頭的瞬間親吻對方，殊不知這吻被躲在梳化後的親戚看見，他笑說當時兩人只是拍了兩周拖。
吳尊畀親友問起同太太嘅初吻喺邊度發生時反應錯愕。
之後尷尬自爆當時點錫太太。
另外，吳尊直言有一大遺憾，就是沒有給太太辦一場幸福婚禮，所以他承諾一定會補辦：「婚禮一定會辦到很開心。」
而為了讓外父、外母放心，他說：「雖然沒有辦婚禮，她（老婆）也知道我有多愛她！」
吳尊對於當年未有搞婚禮好內疚。 
又笑說每一分、每一秒都想和太太在一起，氹得太太露出甜蜜笑容。
另外，他更在家人面前親吻太太，證明大家由16歲時相戀至今，整整23年都沒有改變！ 
不少網民看見後都表示羡慕又嫉妒：「這是甚麼的絕世好男人！」
72歲嘅吳尊老竇好型。
吳尊當住兩家人面前承諾一定會補辦婚禮。而吳尊爸爸亦有感謝兩位親家，他指即使兒子沒有搞婚禮，但親家很體諒。
(on.cc)
【咁就20年】佗緊B嘅佢激讚﹕林峯超好！
林峯最近真係人逢喜事精神爽，同27歲內地女模張馨月感情穩定，早前被影到拍拖行玩具店。
仲一齊出席三嫂生日party！
不過，林峯都唔係重色輕友嗰種人，噚日又約埋13期訓練班一班老友聚舊，林峯仲大手筆送出每人一個金牌，真係要多謝「峯哥」！
李忠希今日喺IG貼上大合照，楊怡、徐榮、張美妮、趙永洪等都有出席，李忠希話﹕「13期訓練班20周年紀念金牌，多謝林峯，開心的聚會，感恩情不變。」林峯話晒都係「廈門李嘉誠」林華國個仔，有指林爸爸坐擁20億地產王國，所以送金牌呢啲少事，對峯哥嚟講都係「濕濕碎」。
一貫慣例，如果喺大台做足20年就會送金牌，但唔少人都已經離開TVB，所以林峯好有心思，特別訂製一個印有13期訓練班同學嘅大合照金牌，好值得珍藏同紀念。
懷有5個月嘅張美妮今日接受傳媒訪問時話﹕「阿峯好好呀，今年識咗20年，佢整咗金牌送畀我哋每一個，超好！因為我哋當中，只有我、徐榮同楊明係連續接到公司嘅20年金牌，但其餘個個都冇，上次聚會，阿峯就話不如自己做一個金牌送畀大家，去紀念呢個20年嘅friendship。」
問到幾耐聚舊一次？美妮話﹕「冇特定，邊個得閒，又好耐冇見就見一次。但都有啲原因嘅，好似上次係我哋剛踏入20年，今次阿峯好好，金牌做起咗，所以又約食飯聚吓舊。另外，都開心嘅，就係我有咗BB，有咗之後第一次見真人，個個都恭喜我，好開心。」美妮仲透露佢哋會講好多讀訓練班時嘅趣事，佢話﹕「由訓練班讀書開始，之後喺公司開工，講吓新嘢，又repeat講以前好多趣事，細路仔細路女乜都玩，所以每次見面都好開心。」
(apple daily)