之後靚湯喺IG貼咗唔少搞笑相，見高Ling同靚湯影合照，高Ling要靚湯陪佢一齊露膊，搞到靚湯好無奈。
上周日係高海寧(高Ling)32歲正日生日，點知佢忙於為新劇《極道怪咖》開工，要喺工作中度過生日。
今日黃心穎、湯洛雯及莊思明等今日喺IG貼出為高Ling補祝生日嘅相。
相中見好姊妹黃心穎、湯洛雯、張嘉兒、莊思明同岑杏賢，個個着晒牛仔look現身，同高Ling開生日P。
高Ling喺IG story上載影片，由心穎BB負責拎手機影，佢仲爆：「有人好堅持要拍片。」
嗰個人應該就係笑到見牙唔見眼嘅高Ling，而片中見大肚嘅張嘉兒，手上拎住杯香檳。
目前佗B五個幾月嘅張嘉兒，亦喺IG貼合照，祝高Ling夢想成真，又讚高Ling個生日蛋糕好特別又靚。
張嘉兒依家佗緊第二胎，Leora就快做姐姐啦！
而莊思明就留言：「Happy Birthday Babe！睇我哋笑得咁開心就知我哋有幾盡興啦。」
(綜合報道/apple daily)
2012年離開服務了24年的無綫，《飛虎》是其離開無綫電視前的最後作品。現轉職做泰拳拳證、裁判和教練，身兼游泳教練。
曾與楊思琦結片緣。
以前好多劇集都見到佢身影。
2010年娶圈外女友，兩公婆結婚8年多，曾經歷過一次婚姻失敗的他與首任太太於04年離婚，2010年與現任太太陳麗麗再婚，當年45歲的他與太太拍拖一年多即決定再婚，他坦言終於搵到真愛，感受到從未有過的幸福感覺，再婚不是一時衝動。
當年他已明確表示雖然同太太已屬高齡，但好恨有自己的仔女，一早已不設防，終於在今年願望成真，52歲太太高齡佗B！噚晚佢哋喺facebook開心share，貼出一對初生嬰兒手套，留言：「1+1=3，2019願望成真，以欣喜之心迎接新生命的來臨，一家三口。」
現年51歲嘅「準豬爸」黃澤鋒接受傳媒訪問時好開心咁話：「係呀，係呀，真係多謝你，咁嘅年紀做爸爸，其實我哋結咗婚將近十年，無論仔或女都想有，都好開心，我哋都唔細，有一個家庭就完整啲、開心啲，我有教小朋友（游水），佢哋有曳有乖一面，我哋都鍾意小朋友，今次有真係好開心。」
黃澤鋒又話太太目前有咗剛剛三個月，雖然黃澤鋒喺fb貼出粉紅手套嘅相，不過佢話唔係暗示生女，個肚仲細，仲未照到BB性別：「預產期7月，之前要預備啲嘢喇，我未做過爸爸，同新手冇分別。」
黃太陳麗麗52歲係高齡產婦，問到黃澤鋒點樣照顧太太？佢話：「太太所有重嘢唔拎得，我見佢都辛苦，佗住BB見佢冇乜氣力，最重嘅嘢喺晒我身上，出入都車佢，聽講呢段時間最麻煩，醫生話過咗呢段時間好啲，小朋友、大朋友都關我事，我呢排好忙，另一方面要搵奶粉錢，又勤力做嘢，所以有job都接，如果大家聽到我呼籲，畀多啲job我，搵多啲錢養小朋友嘛，太太教緊泰拳班我接手，雖辛苦，但辛苦得嚟好開心，迎接一個新生命，對於我嚟講應該唔同咗。」
恭喜晒！！
(綜合報道)
早前前妻張栢芝與謝霆鋒已經離婚七年，而栢芝日前亦公布了誕下第三胎的消息，更有報道指小王子取名為「謝振天」…
霆鋒於是於微博開腔否認
繼「小王子」事件之後，「鋒味」再次發言…
香港消費者委員會最新一期《選擇月刊》昨日發放產品報告，檢測出市面上近有九成曲奇及餅卷含基因致癌物。（相關新聞：https://goo.gl/L6xXRB）
今日有報道指，霆鋒旗下一款曲奇喺名單內，更指好友鍾欣潼（阿嬌）都係用呢種曲奇做喜餅。
「鋒味」官方微博下午對此發聲明，長文如下：
「按照香港消費者委員會於2019年1月15日在最新一期《選擇月刊》發放的產品報告所顯示鋒味曲奇含有丙烯酰胺物質，它並非人為加添的物質，而是透過高溫烹煮食物如烘焙及煎炸過程中不經意產生的物質，根據香港食物安全中心在文案描述，食肆和家中烹煮食物的過程中都會有機會發現丙烯酰胺。
香港消費者委員會報告中顯示，「丙烯酰胺」不能釐定一個安全攝取量，而食品法典委員會尚未就「丙烯酰胺」制訂最高含量，鋒味曲奇在這次全香港58款曲奇和甜酥餅樣品的安全測試結果評分為5，此乃最佳表現評分。(資料來源：2019年1月507期選擇月刊)
對於一些媒體穿鑿附會以明星效應招來眼球誤導讀者，以標題黨方式傷害品牌，鋒味公司保留一切法律追訴權。
敝司以此聲明以正視聽」
(weibo / 綜合報道)
昨晚在社交網公開認愛，留言：「我終於戀愛了 成全我吧」，肥媽（Maria Cordero）即留言恭喜他，亦有網民留言祝其蜜運成功。
去年曾患上直腸癌，手術後成功抗癌，接受節目訪問時透露前幾年因感情狀態導致心情不佳，可能是他罹癌因素之一，當時獨自承受罹癌之苦，直到進手術房前才告知母親，而身邊好友亦不知病情。
現年52歲、前小虎隊成員林利拍過無綫劇集《學警狙擊》、《鐵探》、《殺手》等。
林利現在已康復過來，早前更接拍無綫新劇《殺手》，如今又有新戀情，真的要恭喜他，粉絲亦可以放心了﹗
網民見到之後都送上祝福，仲話佢收得咁密！希望佢同女友甜甜蜜蜜！
(綜合報道/mingpao)
台灣天王周杰倫（周董）同老婆昆凌結婚後育有女兒小周周（Hathaway）和兒子Romeo，家庭生活幸福美滿，自從周董開了IG後，雙方也常在社交網上互動。
早排先一齊去澳洲過年，原來鏡頭一轉，佢哋已經飛咗去地球嘅另一面，去咗意大利嘅佛羅倫斯。
呢日周董兩公婆喺差唔多時間分別貼相上Instagram，都係喺當地著名景點老橋（Ponte Vecchio）取景，周董嗰張簡單啲，只係佢挨喺橋邊，chok個型pose就交課。
至於昆凌就闊佬啲，一po貼3相，分別有佢坐喺橋邊，又有佢挨住，仲有唔同角度取景，唔知呢啲係周董嘅心意，定係昆凌嘅要求。
周董以英語留言話自己啱啱到達當地，兩公婆都只係打咗個卡，相中唔見周家一對小姊弟「小周周」Hathaway同「小小周」Romeo嘅身影，莫非係周董兩公婆撇低一對仔女去拍拖？另外，喺周董個限時動態度，有佢自駕期間嘅短片，仲拍拍吓街景再拍埋坐喺副駕駛座嘅昆凌，不過，駕駛期間用手機，始終好似唔係咁安全喎……
兩個人咁閃之外，其實昆凌同奶奶嘅關係都相當好！近來周董曬出周媽媽的全身照，昆凌親自留言，雖然僅有短短一句話，卻仍瞬間讓私底下的婆媳關係現形，大獲網民好評。
周杰倫日前喺IG一連曬出多張照片，分享媽媽葉惠美的時尚穿搭。相中周媽媽戴著黑色帽子，將手插進口袋，對著鏡頭擺出專業POSE和酷帥表情，引來不少網民大讚：「周媽媽一定是史上最潮的媽咪了」、「周媽媽真酷」。
不過最引人注意的是身為新抱的昆凌親自留言：「媽媽就是潮！」雖然只有短短5個字，嘴甜誇讚婆婆的貼心舉動，卻也凸顯了婆媳之間和樂的互動與關係，意外掀起一陣熱議，也難怪周杰倫結婚前就曾說，「以前我媽都關心我，現在都關心她，早就認定她是媳婦。」
事實上，懂禮貌又孝順的昆凌，很得婆婆歡心，嫁給周杰倫時雖然才22歲，但很貼心且沒有嬌氣，另外，因為周家保護隱私權的關係從不請傭人，因此昆凌婚後跟著周媽學打理家務、下廚，也會陪著上教會做禮拜，相當乖巧。
(綜合報道)
藝人Angelababy（楊穎）同黃曉明嘅囝囝「小海綿」今日2歲生日喇，Baby凌晨12點多已經喺微博發文：「兩歲啦」
媽媽Angelababy同爸爸黃曉明於社交網發文，祝兒子生日快樂！
兩人仲上載咗張囝囝小海綿嘅相，見到2嵗嘅小海綿頭髮超濃密，佢戴上Party帽，着住一套黑色西裝坐喺BB櫈，非常可愛！而旁邊就有啲紗布布置，有人拎住個蛋糕企喺小海綿前面，唔知係邊個呢？
而曉明亦轉發貼文再加個V字Emoji，網民都留言祝小海綿生日快樂、快高長大，仲話大個要似爸爸咁型仔呀！
(weibo / 綜合報道)
娛樂圈多仔公林盛斌（Bob）聽到之後非常感觸，立即發文同大家公佈呢個好消息。
文章入面細數佢錯過嘅每一次：「因為工作關係，好多時屋企幾個小朋友嘅第一次乜乜乜我都去唔到、睇唔到、聽唔到，最多都係老婆拍片之後再send俾（畀）我睇，例如：大女霏霏第一次幼稚園畢業禮、入學禮，二女熹熹第一次踩單車、第一次學識溜冰，三女機機第一次學識爬、學識行，細佬JJ第一次學識轉身等等，仲有好多好多，我都見證唔到…今日終於第一次第一身親耳聽到！」
育有三女一子嘅Bob，為咗賺錢養家經常錯過咗好多仔女嘅重要時刻，不過今次終於可以見證細仔林道申（Jaye）嘅第一次喇！
Bob喺社交網上載咗條片，原來佢親耳聽到囝囝第一次嗌爸爸，興奮到立即拍片記錄呢個moment，當Bob一聽到囝囝嗌「爸」，就即刻開心到大叫！
越大越似爸爸！
網民都話好感動，仲畀阿Bob啲反應嚇親！而依家一歲幾嘅Jaye眼大大，愈大愈靚仔，連阿Sa（蔡卓妍）都大讚呀！
片段如下：
(ig / 綜合報道 / on.cc)
藝人張栢芝近日新聞多多，她去年11月祕密生下第3胎兒子「小王子」，但一直未有透露孩子生父身份。
引起網民熱議，甚至傳出多種版本：從65歲新加坡富商、50歲中國富豪、前夫謝霆鋒到周星馳等等。
而在眾多候選人之中，內地的富商孫東海因為許多因素成為了網友眼中最有可能的候選人。
2015年起，孫東海就和張栢芝傳出過緋聞，被稱兩人已經確認戀愛關系，甚至還被媒體拍到一起逛街的畫面，而孫東海整整大張栢芝一輪的年齡也正好符合傳聞中大12歲的設定，但是隨後張栢芝方就否認了「小王子」的生父是孫東海。
而近日，張栢芝名下的北京機場附近的別墅竟然重新裝修了，並且，這棟別墅就是被諸多媒體報道過的，由孫東海送給張栢芝的價值7000萬的豪華別墅。
見到豪宅內的傢俱物件全部已經「清走」，所有房間空空如也，大宅門外就擺放了很多裝修材料，亦有裝修工人在大宅內似為動工做準備。
此次裝修適逢栢芝又誕下第三胎，這令人聯想到這間別墅是否打算作為孩子的育嬰房？栢芝一家是否會搬到北京新居過新生活呢？二人是否會正式承認彼此的關係？
相關新聞：
【多年後與周星馳再度合體 張栢芝：大肚時180磅，依家…】https://goo.gl/pbHBaC
【估唔到短短幾個月就…網民勁擔心產後張栢芝】https://goo.gl/coL9yd
【係小王子真面目？】曾傳與張栢芝訂婚 第三胎生父終現身？ https://goo.gl/rNUzYH
【傳第三胎生父係周星馳】張栢芝首回應 https://goo.gl/VzejPi
【誕下小王子後 張栢芝首談產後感受】https://goo.gl/rGuEEN
【謝霆鋒否認係小王子爸爸】張栢芝疑忠告前夫謝霆鋒 https://goo.gl/C51BqW
【傳小王子叫「謝振天」謝霆鋒首PO文回應⋯】https://goo.gl/ppP2eg
【生完「小王子」 張栢芝靠食呢樣修身】https://goo.gl/jC58c7
【已與王菲分手!?】傳謝霆鋒張栢芝下月再婚 https://goo.gl/2CaLPC
【傳下月與張栢芝再婚】謝霆鋒首回應 https://goo.gl/v8QKug
【捕獲張栢芝孖兩個仔仔現身 至於小王子就…】https://goo.gl/R4Zttt
【瘋傳第三胎爸爸係…】張栢芝終於發聲 https://goo.gl/To8hyL
【BB好可愛】張栢芝小王子滿月照曝光！？ https://goo.gl/VLhNCC
【首晒「一家四口」】張栢芝：願與大家分享這甜蜜時刻 https://goo.gl/tfi9iz
【傳秘密誕下第三胎】38嵗張栢芝現發文宣佈… https://goo.gl/q19w6o
【歷經4次流產】38歲張栢芝被爆高齡誕B驚人内幕 https://goo.gl/9LNMb3
【強勢回歸！張栢芝突然PO相 即引起網民⋯】https://goo.gl/BVSyRc
【超驚喜！張栢芝現身力撐⋯】https://goo.gl/tFHgeF
【精神方面就…】張栢芝「產後」警覺性極高 https://goo.gl/CeeVqj
【最新全身照曝光！張栢芝被捕獲喺⋯】https://goo.gl/bNz5oX
【傳張栢芝未結婚都願意為佢誕下第三胎 視Lucas同Quintus如己出】https://goo.gl/QvJTHo
【係張爸爸介紹】張栢芝第三胎生父原來另有其人 https://goo.gl/P3sqye
【傳秘密誕下第三胎】張栢芝終於現身 https://goo.gl/wJkLmo
【傳張栢芝誕下第三胎】好友區永權就話… https://goo.gl/V9qBdF
【前妻張栢芝傳誕第三胎】前夫謝霆鋒被捕獲… https://goo.gl/rvEAnB
【傳緋聞女友張栢芝生B 梁釗峰回應⋯】https://goo.gl/JUe7Nt
【栢芝媽現身養和 傳張栢芝已秘密出院】https://goo.gl/bCpRso
【傳收7千萬豪宅】傳張栢芝第三胎生父就係佢 https://goo.gl/Naitte
【震撼整個娛樂圈】傳張栢芝第三胎性別係… https://goo.gl/YBMgJS
【傳張栢芝再誕B】好友張文慈坦言覺得好驚訝 https://goo.gl/fVN9Fm
【好圓潤】張栢芝5月最後公開出席活動時孕味濃 https://goo.gl/XR2oKD
【前任新抱張栢芝傳已誕下第三胎】前老爺謝賢首回應 https://goo.gl/1cbXm2
【傳前妻張栢芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張栢芝已順利誕下第三胎 https://goo.gl/ih6xja
(綜合報道/on.cc)
曾經係無綫花旦，依家已經甚少公開露面，早前罕有出席無綫金牌監製潘嘉德榮休暨生日宴，仲孖唔少藝人合照！
當晚勁多明星到賀，場面仲熱鬧過台慶（相關新聞：https://goo.gl/Wx5ngD）！
昔日無綫花旦陳美琪（Maggie）與馬清偉離婚後，再婚下嫁美籍華人忻尚永，至今依然非常恩愛。
愛心爆棚的她於2008年收養患有先天性脊椎爆裂及中度腦積水的孤兒Lulu，一直盡心盡力照顧，由於Lulu有先天性缺陷，未能如常走路，為了愛女可如其他小朋友般健康成長，Maggie不時陪囡囡進出醫院做手術，近兩年Lulu除矯正了長短腳的問題，之後再接受矯正左腳內翻的手術，Maggie時刻陪伴照顧周到。
她不時在微博上載母女合照，分享家庭樂，包括囡囡手術成功後坐在輪椅上扮鬼臉的照片，並留言鼓勵：「女兒哭過、害怕過、擔心過，捱過手術刀後，又是一條好漢。」可見她已視Lulu如親女兒看待，母女情深。她亦花了不少心機栽培愛女，在她耐心教導下，囡囡早年獲傳統名校取錄，Maggie除間中北上拍劇外，堅持每日接送囡囡返學放學。
日前下午，Maggie與女兒雙雙現身中環，雖然年屆60歲，但人美心更美的她身形纖瘦兼保養得宜，與囡囡邊行邊傾，吸引不少途人目光。 
見Lulu長高不少，與媽咪只相差半個頭高度。經過多次手術後，她已行動自如，孭着背囊的她不時又拖又翹媽咪手臂撒嬌，報答多年來的養育親恩。
其後兩母女步往附近化妝品店揀心頭好，未幾Maggie已有斬獲，再轉戰壽司店購買外賣。 
期間二人有商有量，買了大袋外賣後才步往停車場取泊車優惠，Lulu等待時表現貼心，主動為媽咪拎手袋，做廿四孝女兒。
Maggie昨日接受電話訪問時表示，女兒先後做過兩次手術，腳內翻及長短腳問題得以改善，可以自由走動：「雖然依家仲係長短腳，相差幾厘米，所以令盆骨斜咗，行起上嚟吃力，但我哋會一齊面對。（囡囡好肯行？）佢好肯行，仲上PE堂，會照跑，佢唔理跑第九都照跑，當自己係正常人，呢個態度好好。」她從小教導女兒要面對缺陷，因為將來的壓力更多。又稱近日女兒準備呈分試，每日陪伴溫習，她亦會時刻提醒自己不忘初心：「父母要諗番當初係想小朋友點，係要帶畀佢愛同歡樂，何必要互相煎熬，但將來冇我扶持會點？所以唔可以冇競爭力，當中要取得平衡。（囡囡令你好多得着？） 着數多添，好似同佢溫書做功課，我好似溫故知新咁，依家好多中文字都唔同咗，我學番好多中文字。」
同張慧儀一樣咁有愛心！希望佢哋嘅仔女都健健康康！
相關新聞：
【15歲養子接受高風險大手術】張慧儀：做咗三日冷凍人 https://goo.gl/eRvwif
【要開刀續命 養子反而安慰返張慧儀：媽媽，你不要擔心！】https://goo.gl/KF3qoo
【堅持收養患有先天性心臟病兒子】單身張慧儀：希望守護住佢 https://goo.gl/jJknp1
(綜合報道/on.cc)
無綫處境劇《愛．回家之開心速遞》播足兩年，收視持續上升，甚至跑贏好多黃金檔期劇集，齋睇1月1日嗰集收視突破30點，就知呢套劇有幾受歡迎，當中唔少參與嘅演員因為咁爆紅，好似「博士」馬貫東同「Mandy」謝芷倫就係其中之一，呢對情侶檔大受網民歡迎！
不過大家都唔會再見到呢對人喺《愛回家》出現，因為佢哋宣布要離開劇組一段長時間。唔少網民得知呢個消息都話晴天霹靂嗌接受唔到！
其實睇番之前嘅劇情鋪排都有迹可尋，之前講到Mandy幫大小姐頂罪喺「橙不忍島」坐監，加埋上年9月一個宣傳活動，布景板竟然冇咗算得上重戲份嘅Mandy個名，就已經有網民推斷佢要消失。
琴晚劇情講到Mandy放監就去咗英國讀法律，博士決定赴英陪佢就向「熊樹根」劉丹辭職，就係咁呢對正式消失。
謝芷倫喺社交網留言多謝網民一直以來嘅支持話：「我會盡快學成歸來！我衷心多謝你們每一位的支持。❤」
之前《愛．回家之開心速遞》宣傳活動上已經無名無樣，加埋劇情講到Mandy坐監，當時唔少人已經估到佢將會離開劇組，大叫不捨！
而「秦博思」馬貫東亦有留言：「《愛回家》帶給我許多許多，除了寶貴的演藝經驗，還認識到一班好有愛的『家人』。台前每一位前輩、演員和幕後每一位工作人員的教導、包容、支持和鼓勵令我獲益匪淺，十分感恩。每天努力學習，每天進一小步。今天短暫離開，願在不久的將來會呈現一個更好的馬貫東回來這個家。」
好多網民留言話唔拾得之餘，都話唔明編劇點解要寫佢哋消失嘅劇情咁趕，放監都可以結埋婚先至去讀書，會好過依家咁安排，網民仲話希望真係好似佢哋所講，會好快再見佢哋喺《愛回家》出現。
(綜合報道 / on.cc)
