女星張慧儀的15歲養子張晃維（Hanson），原於10月4日（周四）接受心臟手術，身為媽媽的慧儀於2號接兒子入院準備，但慧儀於3號卻突然接到醫生通知…
稱醫院臨時收到兩個兒童心臟科的重症，故Hanson的手術突延期，慧儀回覆傳媒稱：「醫生同我講有急症，Hanson個手術屬非緊急，所以押後，剛剛醫生通知，星期二（9日）阿仔可以做手術啦。」
慧儀話心情好複雜，但係佢都相信上天有佢嘅安排，或者未係啱嘅時間，希望可以同Hanson繼續一齊生活。
報道仲話慧儀嘅爸爸、媽媽同細佬妹，已經安排好嚟香港照顧佢哋兩母子，不過慧儀叫佢哋暫時唔好嚟，等Hanson做完手術再嚟香港一齊照顧，慧儀就話到時會恢復正常工作。
(on.cc / apple daily)
徐子淇女婚後一直熱心公益，早前更帶埋三個由七歲到十一歲的子女，包括7歲嘅Triston、九歲嘅Hayley同十一歲嘅Leanna，一齊去柬埔寨，言傳身教。此行係同「救助兒童會」合作，該會希望未來於柬埔寨興建十一間兒童早期教育及發展中心，徐子淇同行視察探訪，而今次亦係佢第三次帶子女去探訪。
今日有周刊報道就指，徐子淇與三子女此行主要到柬埔寨洞里薩湖的水上村探訪。洞里薩湖位於柬埔寨中心地帶，係東南亞最大的淡水湖，幾百年來世界上最大的漂浮聚落，世世代代都在湖面上過著原始生活。當地衛生環境欠佳，河水受嚴重污染，更不時發生留在船隻上的留守兒童溺斃。
此行徐子淇等人就在水上村莊探訪，還試坐當地渡河用的鐵盆，小朋友也來坐。7歲嘅Triston坐鐵盆水上飄時，亦大感驚慌，見到同佢一樣嘅小朋友都係以此為交通工具，Triston亦不禁為佢哋擔心。9歲嘅Hayley都話：「要行好窄嘅木橋，好驚會隨時跌落水。」
雖然之前做足了消毒功夫，但一樣「中招」，三個小朋友同徐子淇返港後，都分別感染沙門氏菌及手足口病。(香港手足口病最新消息：https://goo.gl/C7wCko)
(apple daily)
郭富城作為香港樂壇的“四大天王”之一，無論是演藝事業還是家庭生活，都備受媒體和網友關注。近些年來，郭富城在影視方面確實也推出了不少新的作品，但都反響平平。與之形成鮮明對比的是，郭天王的感情和婚姻生活反而常常能博得巨大的關注。
近日，又有媒體爆料“天王嫂”方媛或再度懷孕。
因此有網友在這條資訊下留言道：“又一個生娃機器”，隨即遭到其他網友的反對。更多的網友認為方媛還只是生了一胎，就算繼續生二胎也很正常，還有網友表示“人家條件好，生得多不僅養得起，而且還養得好，有什麼不可以？”
隨後有記者向出席活動的郭富城求證，郭富城用“喜歡多人的家庭”7個字回應，另外還強調“暫時不可以說太多”。有網友表示這句話信息量太大，不僅說明郭天王有生二胎的計劃，甚至有可能會三胎、四胎生不停。
郭富城和方媛從年齡上來講，完全是兩個輩分的人，因為前者比後者大了整整22歲。另外，從身份和地位來講，郭富城的知名度和社會地位遠高於方媛，因此部分網友得出郭富城不夠重視方媛，甚至將方媛視為“生娃機器”的說法有一定的合理性。但隨著社會發展，大家婚姻觀念的逐漸開放，感情的確是可以超越年齡、超越身份和地位的。誰說“老少配”就不能相敬如賓、甜蜜幸福呢？
(騰訊)
「潮媽」徐濠縈（阿徐）話都未知將來行邊條路，一眨眼已經10年心血，有冇唔捨得？「自己真係好想唞一唞氣，唔捨得係啲同事。有時喺生意上遇到啲困難，自己都想唞吓氣。」
早前宣佈時尚生活概念店要「十年一別」，昨晚就在銅鑼灣搞告別派對，邀請熟客及好友出席，女兒陳康堤、名媛楊張新悅、藝人蔡穎恩等現身支持。
阿徐表示實體店和Online store將一同結業，並透露去年已有決定：「我想抖一排先，依家生活係湊女同滑水，工作交畀同事。（之後再做時裝生意？）一定會做嘢，係咪時裝未知住，可能陪個女去外地讀書或者住一排。（你都讀？）我唔得㗎喇，交畀個女。（唔捨得？）反而覺得可以抖抖氣，唔捨得同我一齊拼搏嘅同事。」
問到老公陳奕迅（Eason） 有咩意見？
阿徐就大讚Eason係好丈夫：「佢成日叫我唔使做嘢，但佢就似隻牛咁，佢好好、好錫我，係一個好丈夫。（咁佢依家係咪好開心？）我做咩佢都好支持我。」談到結業係咪同租金有關？阿徐直言各樣都有，始終十年前經濟同依家唔同：「起頭容易，守係幾大難度。雖然難關過咗，但係身心疲累，咁啱租約滿就完結佢。」
(綜合報道 / on.cc / appledaily)
韋家雄曾經歷過一段失敗婚姻，育有一子，一度令佢對愛情失去信心。不過，今年初韋家雄再度遇上心中所愛，與「銀行之花」Keynes可謂一拍即合，拍拖幾個月已訂婚盟。
今日係53歲韋家雄的大喜日子，與比他年輕近廿年的女友鄧楚雅（Keynes）拉埋天窗，大叔的愛修成正果，真係恭喜恭喜！
今朝9時多韋家雄就率領一班兄弟團出發去接新娘，其中一名兄弟易智遠出發前上載照片，照片背景所見，韋家雄單身的最後一夜應該在酒店度過。
今早一班兄弟團就在太子帝京酒店會合出發，而佢嘅兄弟團同韋家雄一樣都係綠葉出身，包括有楊明、戴耀明、李啓傑、葉暐、易智遠等。
早上十時，韋家雄一身紅金中式禮服喺酒店大堂現身，樣子好醒神，但佢就自爆噚晚緊張到瞓唔著，佢話﹕「心情好緊張呀，噚晚已經成晚瞓唔著，但ok嘅，好彩安排好晒，好多好朋友幫手。」
家雄話今日嘅兄弟團係貴精不貴多，問到準備好開門利是未？佢話﹕「準備好喇，但盡量講數啦，一陣上啲高難度動作就交畀大家，但我都知自己都要做啲嘅。」咁愛的宣言冇得假手於人，咁準備好講詞未？家雄一副冧樣話﹕「只係三個字啫『I Love Her』。」
他透露有做足傳統儀式，又有玩新郎環節，他笑言：「我會記住呢鑊！我哋要跳舞、又要揈波同埋食芥辣，仲要答啲好難嘅問題，都答錯咗啲。（有冇講愛的宣言？）有，我講得好認真，都係嗰三個字，I Love You。」
Keynes表示十分滿意，兩人互給對方110分。家雄稱之後會去泰國探太太的親戚兼度蜜月，再去台灣，一直休息至十月尾。
問新娘子Keynes滿唔滿意呢個老公呢？佢輕聲說：「滿意。」俾幾分？「110分！」韋家雄又搭嘴：「嘩！唔使咁多，我俾番10分你啦，大家滿分，100分啦！」
兩人仲好合作，「自動波」錫足三十秒俾大家影。新娘子一身金器，目測起碼四、五對龍鳳鈪，一派喜氣。
(綜合報道 / on.cc / apple daily)
究竟哪些水果連皮食最好？有毛的水果皮食唔食得？營養師指出，水果皮的營養價值一般比果肉高，蘋果、梨及提子多數可連皮食。一般人將之棄掉的檸檬、橙及柚子皮，其實只要懂得妙用，果皮可做出美味可口的菜餚及甜品。果皮有一定硬度，加上纖維高，可提升飽肚感，是怕肥人士的清新之選。
香港專業教育學院(葵涌)應用科學系講師暨註冊營養師黃蘊芝表示，水果皮含豐富纖維素，例如蘋果皮含水溶性果膠，有助降低膽固醇；提子皮所含的多酚是天然的高抗氧化劑，有助抗衰老及預防心臟病。香蕉皮健康價值更高，外皮含血清素及豐富鉀質，有助改善睡眠質素。惟氣味古怪，加上厚身，一般不建議進食。
不少人疑惑有毛的水果皮能否進食，包括奇異果及水蜜桃。黃蘊芝指出，有毛的果皮有機會刺激食道，或引致部分人有過敏反應。她建議可選一些毛較細微的金奇異果，以及表皮光滑的水蜜桃品種。
至於較硬身的果皮，例如柚子皮、檸檬皮及橙皮，本身帶有精油，氣味芳香，切成細幼的片狀最適合用來製成蛋糕甜品或拌乳酪；用以泡茶更有怡神功效。不過，經高溫加熱後，果皮的維生素會分解，但部分礦物質及纖維素仍可保留。西瓜皮具清熱解毒功效，可以取綠皮內的白肉部分，切粒後加入雞丁造成菜餚，十分清新健康。
由於果皮或殘餘農藥或人工果蠟，要連皮進食水果，謹記先徹底清洗乾淨，可放在水中浸十五至二十分鐘，或用流動水，邊沖洗邊用手捽淨外皮。不過，黃蘊芝建議在外地旅行時盡量避免進食水果，尤其亞熱帶國家，當地水果皮較高機會受細菌污染。她又提醒市民，雖然水果健康有益，但建議一日最多吃兩份水果，每份約拳頭大小，以免攝取過多果糖致肥。
水果皮食譜：
檸香橙皮蛋糕
材料：低筋麵粉80克、橙皮1個、青檸皮2個、雞蛋2個、砂糖80克、低脂淡忌廉40毫升、橙酒15毫升、低鹽牛油30克、鹽2克、泡打粉2克
做法：將橙皮及青檸皮加砂糖拌勻，靜置15分鐘。加入雞蛋及鹽，用電動攬拌器發至濃稠。加入低脂淡忌廉及橙酒拌勻，再加入低筋麵粉及泡打粉混合。將低鹽牛油隔水加熱成溶液，加入麵粉團拌勻。倒入模具，放入預熱160度的焗爐焗60分鐘即成。
雪梨雪耳豬展湯
材料：雪梨2個、雪耳12克、南杏12克、北杏10克、豬展160克、乾無花果5粒、陳皮1小片、水1.5公升、鹽少量
做法：將豬展洗淨放入滾水，拖水約3分鐘，撈起瀝乾水分備用。將雪梨垂直切開4份去芯去核。將浸軟的雪耳切去底部硬塊，浸軟的陳皮用刀刮去內裡白色部分。在煲加入水，再將上述材料加入，用大火煮滾後轉中慢火煲60分鐘至豬展軟稔，調味即成。
資料來源：香港專業教育學院(葵涌)應用科學系講師暨註冊營養師黃蘊芝
(東方日報)
大陸宮鬥劇《如懿傳》，唔經唔覺已經播到第74集，而被喻為後宮最靚、由李沁飾演嘅香妃亦已經出場，而且仲搞到飾演乾隆嘅霍建華好似撞邪咁鍾意佢，不過可惜本身香妃對已經死咗嘅未婚夫念念不忘，仲爭啲搞到自殺添。
而一直得唔到香妃嘅霍建華，甚至要皇后周迅去幫佢勸香妃投懷送抱，真係離晒大譜，因而令霍建華成為劇中第一賤男。
香妃
不過咁都未夠，更離譜嘅係，劇情講到香妃因為唔想有龍種所以要求周迅賜藥俾佢，而當霍建華得知呢件事之後，就大大力摑咗周迅一巴。
呢一巴，除咗打到周迅死心之外，就連霍建華老婆嘅林心如亦睇唔過眼，喺微博出post表示「第一次有讓我想棄劇的衝動」，而佢更配嗰2張相，其中一張係老公話「你就讓朕任性一回吧」，而另一張，則係周迅加咗「任性你妹」呢句設計對白。
平日見林心如都斯斯文文，但今次佢出post竟然出現「任性你妹」呢個頗為粗俗嘅字眼，可見林心如睇完老公嘅賤男演出後，都忍唔住火起。
(apple daily)
剛為人父嘅陳柏宇，今日出席活動時表示自己一直幫手湊女，提到早前幫BB換片時，BB竟然噴屎回敬，Jason就笑言好彩有運動細胞所以避得開：「可能抽起佢pat pat，所以好容易放屎，依家學識喇，唔會將pat pat舉得咁高，其實都試過兩次，避到一次避唔到第二次，件衫有中到便便。（係咪你抱得唔舒服？）應該係抱得舒服先會噴，不過佢好似冇向媽媽噴過，有啲朋友係家長話係正常經歷嚟嘅。」
Jason話依家有時負責夜晚餵奶、朝早就由陪月湊，至於其他時間則係太太符曉薇湊。
問佢邊樣覺得最難？佢就話：「暫時未試沖涼，因為依家有陪月，日日都係佢幫BB沖， 之後陪月放假，可能就由我哋嚟沖，不過若然BB唔係成日出街，都唔使日日沖，有啲分泌油脂都可能會令BB皮膚好啲，只要下體排洩物位置清潔得乾淨就得，唔一定要落水沖。」
有女萬事足嘅佢，被問到會唔會錫囡囡多過太太，佢就話：「唔會，唔會用呢啲嘢嚟相比。呢排BB啱啱出世，影多啲相係人之常情，我哋一家三口嘅相已經影咗，晏啲post上ig俾大家睇。」
(on.cc / apple daily)
樂基兒（Gaile）和黎明離婚六年，各自都展開新生活，Gaile去年八月再婚，下嫁商人老公lan。
黎明今年四月則榮升人父，與女助手兼女友Wing誕下一女
而Gaile婚後一直表示「不設防」，讓生B的事順其自然。
雖然至今未有好消息，但Gaile似乎對生B已做好準備，今日佢喺Ig Story上載去探模特兒好友Rosemary初生B女Nanette嘅相片，見佢抱B女嘅手勢好熟練，有板有眼。
相片所見，Gaile輕鬆用左手托住Nanette個頭仔，眼仔碌碌嘅Nanette對呢位姨姨嘅手勢睇嚟亦到「收貨」，一邊打呵欠，一邊用手勾鼻仔，十分可愛。
Rosemary同中印混血富商老公Jason結婚三年，上月20日在Ig貼相宣布囡囡於9月18日出生，今日佢亦有喺Ig貼咗囡囡Nanette瞓喺搖籃，Nanette仲用左手托住頭，一副嘆世界模樣！
(apple daily)
曾揚言「今年下半年完成人生大事」的大陸藝人李晨，原來一直秘密籌備婚禮，和「未婚妻」范冰冰本來鐵定於今年9月15日在英國古堡舉行花費半億的世紀婚禮，而冰冰更打算婚後逐漸退下火線，但因捲入逃稅風波無奈「失婚」，婚禮被迫延期撻Q！
本周三（3日）發表道歉信承認逃稅並要繳交8億8千萬人民幣（約10億2千萬港元）稅款及罰款的冰冰，一個逃稅風波令她深受打擊，正如她在信中所言：「我經歷了從未有過的痛苦、煎熬」，更是籌備一年的婚禮要臨時取消的心情寫照。
於今年9月16日37歲生日的冰冰，原定在生日前夕，即9月15日於英國古堡舉行世紀婚禮。溺愛冰冰的李晨，想對方尤如童話公主般浪漫出嫁，選址英國古堡，讓愛人有個難忘甜蜜的婚禮。據知李晨為這世紀婚禮不容有失，更「豪」不手軟，一擲5千萬港元，在一年前委托著名的婚禮統籌公司籌備，並已在荷蘭及英國訂購大批鮮花布置場地、在法國訂購大批紅酒款客、以及向意大利頂級朱古力製造商訂購大批朱古力。
其實李晨出手闊綽有前科，去年9月在冰冰36歲生日派對上求婚成功的他，更豪花30萬美金（約235萬港元）委托俄羅斯藝術家Marina Bychkova訂造以冰冰為肖像、全亞洲首個的專屬新娘娃娃，成為熱話！
不過二人萬料不到在婚禮舉行前三個月，前央視主播崔永元突爆冰冰涉及「陰陽合同」並引發巨大風波。由於要接受內地有關當局調查，事件處理多久實無法估計，最後神隱超過三個月的冰冰，非常無奈及心痛地臨時取消婚禮。據知情人士透露，冰冰非常重視這場婚禮，全因視李晨為人生歸宿的她，有感入行已有21年，不想如以往般拼命搏殺，渴望藉結婚展開人生新一頁，更打算婚後開始退下火線，逐漸減產，投放更多時間於家庭上，享受幸褔生活。而和冰冰一樣神隱並多次被傳出分手的李晨，其實一直不離不棄，予以無限支持，在上月冰冰生日當天的早上五時二十分在微信朋友圈發文「生日快樂」，特意選定這時刻「520」代表「我愛你」，意義深遠。
(on.cc)
