藝人李亞男（Leanne）同王祖藍於上月榮升做父母。
日前王太首度曝光B女Gabrielle靚樣，即獲網民大讚好可愛！
昨日亞男再度喺社交網分享多張囡囡嘅大頭正面相片，同大家開心share。
相中可見，Gabrielle眼仔睩睩，肥肥白白，五官標致！
佢仲將寶貝女剛出世時嘅相同奶奶做對比，笑指兩嫲孫十足餅印！唔似爸爸媽媽，竟然係似嫲嫲！
而另一張相中，亞男一臉慈母樣，甜笑抱住囡囡，畫面十分溫馨。
佢仲用英文留言表示：「Gabrielle，看着你長大是發生在我身上最好的事情」
(ig / 綜合報道)
甄子丹作為「宇宙最強」，電影衝出國際已唔係新鮮事，2016年就去咗荷李活拍《俠盜一號：星球大戰外傳》，55歲子丹噚晚踩入時裝界，去咗米蘭時裝周，唔係做嘉賓睇騷，係做model行騷。
冇聽錯，冇寫錯，有圖有真相，子丹係擔任客席模特兒，為一個時裝品牌行騷，對於子丹嘅身高方面就眾說紛紜，根據維基顯示佢係173cm、約5呎8、而大陸傳媒亦寫過佢得167cm、約5呎5高。話明係「宇宙最強」，以子丹嘅星味同知名度咁高，年紀、身高根本唔係障礙，第一次行時裝騷獲大會安排做壓軸model，行出嚟chok爆嘅自信，壓台兼有氣場，與台上嘅6呎高小鮮肉男模比較，子丹一啲都唔輸蝕。
完騷後，佢就分享行騷感受：「好耐無試過咁high，可能係第一次走上真正國際時裝舞台，同之前喺自己眼鏡品牌行騷感覺又不一樣。」
佢老婆汪詩詩當然有陪子丹去到米蘭，樂做跟得老婆，仲喺ig貼咗唔少相，佢同美國名媛Paris Hilton坐第一排睇騷，幫老公影行騷相，子丹仲有同品牌設計師Philipp合照留念。據知，品牌設計師Philipp早已看過子丹電影，認為佢係亞洲英雄，兩人碰面談天說地，惺惺相惜。
呢單新聞喺大陸就好有迴響，唔少大陸網民就對子丹團隊無查清楚呢個品牌背景就合作，皆因呢個牌子早年曾涉及「辱華」風波，佢哋曾設計過一件印有「Fxxk You China」字樣tee，令到呢個牌子進軍大陸市場引起軒然風波，最後個牌子面對咁大嘅市場壓力都要道歉，不過道歉新聞稿畫了一個跪喺地留辮嘅人。
今日5點，事件發酵唔夠12小時，已被內地網民鬧爆，子丹亦好有「關公」意識，知道事態嚴重，喺微博貼咗工作室聲明，留言：「無論何時、何地、何種形式，祖國堅決不容許侵犯。」
聲明入面，提到「甄子丹工作室的團隊成員與該品牌合作前，未經深切了解而造成的疏忽鞠躬道歉。甄子丹先生獲知後已立即停止與該品牌的一切合作」。
(apple daily)
鮑起靜早前曾分享過同老公方平咁多年嚟嘅相處點滴，仲好感性咁同女兒方樺講，如果自己有咩萬一，要女兒好好照顧爸爸（相關新聞：https://goo.gl/217Gcd）。
鮑姐對家人充滿住愛，最近佢就趁新年，飛到去英國探女兒一家。日前鮑姐喺facebook貼出喺英國嘅相，佢同女兒方樺、女婿同一對寶貝孫仔女，去咗當地名勝倫敦眼（London Eye）遊覽，網民讚「好溫暖的一家」、「好溫暖、好溫馨」。
鮑姐之前喺訪問中都講過，兩母女大概半年先見一次，雖然分隔兩地，但仍然會互相關心。
(apple daily)
熊黛林（Lynn）今日喺鴨脷洲為經理人周優根（Kim）同時裝店太子爺陳栢熹嘅古着店開幕擔任嘉賓，Lynn話時裝再續係好事：「我哋最多cocktail dress，着咗一次就唔會再着，都希望有鍾意佢哋嘅人可以買返去。」
講到兩個囡囡Kaylor同Lyvia，Lynn話佢哋已經9個月大，熊媽媽開始教兩個孫女講嘢：「o依家屋企好嘈，不過真係好開心。」
至於會唔會再追孖仔？Lynn即拒絕話：「唔得、唔得、唔得，真係攞命！上星期佢哋第一次病，雖然有媽咪幫手，但都瞓得唔安樂，好攰。老公有時都會起身幫手，不過佢冇我咁熟手，第二日又要返工。」不過佢透露老公都想再生小朋友，Lynn表示隨緣，但暫時真係好驚。
問到郭富城宣佈太太再有喜，Lynn話會恭喜對方，但追問會唔會將孖女嘅衫轉贈畀對方嗰陣，Lynn話：「你哋唔好再問我啦，有啲為難我。」
(apple daily)
藝人譚凱琪（Zoie）憑劇集《大帥哥》中飾演「天嬌」一角而大獲網民好評。
《大帥哥》噚晚播大結局，戴住「天嬌」光環嘅Zoie仍持續人氣高企。
相關新聞：
【網民感動到喊 大帥哥張衞健：唔要權唔要勢唔要錢只要⋯】https://goo.gl/7Amwu1
【《大帥哥》大結局 洪永城親筆寫信畀張衞健：大哥，你成功了！】https://goo.gl/W1JEKv
其實Zoie入咗行已經18年，19歲以小室哲哉徒弟之名出道，但向來都係演花瓶角色，年前喺《EU超時超任務》色誘戴耀明令對方動L，被網友戲稱做「動L女神」。
但天嬌令大家知道，原來譚凱琪都識演戲，向大帥哥真情表白一幕，喊到七情上面，睇到人好心酸。
譚凱琪雖然已經37歲，但樣貌、身材仍然keep得好好，除咗有童顏，仲有童心，日前佢出席完《大帥哥》活動後，約埋兩位十幾歲學生妹一齊去中環嘉年華玩。
當晚約七點半，Zoie打扮sharp醒，短褲襯長boots，唔少途人都認得佢係「天嬌」要求合照，Zoie表現大方來者不拒。
見Zoie對機動遊戲興趣不大，兩位學生妹上去玩，Zoie就喺下面幫手影相。之後佢哋去咗附近玩攤位遊戲，玩完拋圈入玻璃樽，再玩掟波波，見佢哋有商有量，好似好有策略，玩咗十幾分鐘，終於贏到一個公仔，叫做有斬鑊，大家都表現得好興奮。玩到八點幾，佢哋就由VIP通道離開。
Zoie噚日接受傳媒訪問時透露其中一位學生妹係佢姨甥女。有報道指Zoie有意係今年與拍拖5年嘅富二代男友莊日宇(Enrico)結婚，據聞男方係集團餐廳老闆，曾將旗下一間美式餐廳交由Zoie管理，年前男友更大手筆買下九龍塘一個千萬單位，與Zoie共賦同居。
Zoie笑話﹕「做豬年新娘都唔錯，但之前我哋真係冇乜plan過結婚，嚟緊我都仲有幾套劇拍，好忙，遲少少先再算。」問到男友有冇詐型？佢話﹕「冇，大家一向都尊重大家嘅工作。」
(綜合報道/apple daily)
早前獲無綫的「專業演員大獎」現年65歲的盧宛茵（Madam Lo），接受車淑梅訪問，提到Madam的名字由來，她笑說從冇想過要做警察，事緣電視台的工作人員問她的稱呼，她選了Madam，只因覺得夠正氣。
自小愛戲劇和東洋藝術的她，未入行前曾在日本公司工作，當時受盡白眼，才知搵食艱難，於是把心一橫報考電視台藝員訓練班。實習期間第一個民初裝戲劇就遇上偶像黃曼梨，對方更以為她是舞台劇演員出身，十分驚喜，Madam Lo原來一直很喜歡看黃曼梨，無論演惡家婆，還是慈母均無懈可擊，故一直視對方為學習對象。
提到她的前夫、第一代新聞王子何鉅華，當時她在《朱門怨》飾演二少奶一角一炮而紅，她憶述：「這是命運，當時我已經22歲，驚『攝灶罅』，於是乎嗱嗱聲嫁。我嘅父母唔同其他星爸星媽，唔會同我講『你咁紅唔好嫁住』，畀我極大嘅自由，跟住我就變成咗何太。」婚後盧宛茵全心投入做家庭主婦，但當12年的婚姻緣盡，盧宛茵覺得長痛不如短痛，雙方相處不來很辛苦，何苦難為自己，所以當時她帶着三個子女，主動提出離婚。現在，盧宛茵與前夫甚少聯絡，通常是由子女聯絡他。盧宛茵說自己的思想比較古老，當年如果沒有選擇結婚這條路，可能又會錯過了現在的兩子一女及四個孫呢！
相關新聞：【曾為愛情棄事業 盧宛茵冇後悔過：好多人都話我蠢】https://goo.gl/4iYJmF
離婚後，她一直保持單身，笑言冇發覺有任何追求者：「我好滿足，有兒有女，又有孫，仲攞埋獎。我嘅新年願望係身體健康、事業有成、更上高峰。」原來，她非常羨慕一些圈中人可以戴四方帽，故她笑謂若未來可一嘗做榮譽博士的滋味就最好了。
她說當年離婚後復出參演《季節》，經常感到不開心，她曾對鄧碧雲談及這種情緒，誰知鄧碧雲着她不要「時時懷舊、掛住舊時」，這樣只會令自己傷感，盧宛茵才開始反思、開竅，才成就今日笑口常開的Madam Lo。
(on.cc)
朱千雪噚晚喺金鐘出席名車發佈會，同司儀胡蓓蔚以中英語互動講解對汽車需求同介紹。
千雪BB去年底放咗近兩星期長假，同男友去咗日本玩，噚晚係2019年第一日開工，並繼續校園生活。
同男友旅遊期間，千雪BB不時將相片放上互聯網，啲相絕對係男朋友視角，千雪話：「咁啱啫，佢知我好鍾意影食物，習慣咗。」並否認刻意放閃，只係分享放假時做乜。
千雪第3年繼續修讀法律，有指佢未畢業已有大公司招手成為準律師，佢話：「唔係，我都想，都未畢業，仲有人恭喜我，唔使信晒。」學成後係咪正式淡出娛圈？千雪話：「之後再算，目標係多條路畀自己揀，公司對我好好，我好唔捨得。」
會唔會計劃結婚生仔？千雪好醒目話：「想儲錢買新車，工作行先，呢個係目標之一，入行咁耐都冇換過車。」
另外，閨密湯洛雯噚日自爆李居明批佢今年會有真命天子出現，之後仲會結婚，事實上靚湯早前就同姚子羚舊愛、「的士邦」鄭子邦傳緋聞，千雪BB話：「唔覺喎，以我所知佢單身，祝佢2019搵到真命天子，封利是俾我。」唔介意好姊妹扒頭先出嫁。
(apple daily)
2016年結婚，婚後誕下仔仔，之後更三年抱兩，宣布再度有喜！就快變成一家四口超開心！
楊愛瑾（Miki）同永安集團太子郭永淳一家三口，兒子Luken就嚟兩歲，而佢哋好快迎接第四位家庭成員。
Miki喺上年10月宣佈再陀B。
喺呢幾個月時間，Miki雖然都有擺過吓啲生活照上ig，但就唔係好見到佢嘅身形。
新年過咗去美國嘅Miki，啱啱又擺咗相上IG喇，呢次係側身相，見到佢個肚開始隆起，身材仲因為陀住個B而升cup。
佢留言話：「Beautiful sunset from Santa Monica. It’s such a beautiful memory with my baby #1 and #2 ! Ofcoz my hubby too!」（夕陽好靚，兩個小朋友有好好嘅回憶，當然老公都有份啦！）
(apple daily)
王祖藍同李亞男嘅B女Gabrielle上月出世，而佢哋日前終於公開囡囡嘅得意樣！
啱啱升呢做爸爸嘅王祖藍一提到愛女Gabrielle就笑得勁冧，不過講到BB出世的驚心動魄場面，仍猶有餘悸。
一向怕血的他，仍膽粗粗入產房陪產，首先行錯去開刀的位置，眼前血淋淋場面已經覺得好震撼，回想親手剪臍帶一刻，仍然驚到震，祖藍自愛女出世後，自認變了錫人狂魔，每日不停錫女兒面珠，連腳板底也不放過。
至於初為人母的李亞男，自言產後曾有一兩天有情緒，有孤單感覺。
祖藍認衰知道係因為自己應承了，卻又遲回家累事所致，李亞男覺得係自己產後這段時間較為敏感，笑言現在會變身錫人狂、攝影狂和聞囡囡腳三招以抗產後抑鬱，並希望過一段時間後，遇到適合的幕前工作。
(綜合報道/on.cc)
中國人習慣在冬天吃個暖暖的進補餐，補補身子，市面上也販售了許多進補藥膳，而多數民眾只知道進補，卻不清楚如何補的健康？一旦補過頭或吃了不該吃的，反而適得其反。藉此，希望能幫助讀者，在寒冬選擇適合自己的進補方式。
冬日嚴寒，人體需要更多的能量來抵禦寒邪的侵襲。古人說：「冬不藏精，春必病溫。」就是說如果能利用冬天好好地養生，來年就不會生大毛病了。哪些人是真正需要進補調養，改善易被病邪侵擾的身體？
1. 虛寒體質
身體有虛證和寒證，表現出來就是身體疲倦、四肢無力，臉色蒼白、怕冷、月經來有血塊等。建議可以選用進補。
十全大補湯：黨參、炒白朮、茯苓、炙甘草、當歸、熟地、川芎、杭白芍、黃耆、枸杞子、肉桂、紅棗，加上土雞或烏骨雞一隻。
2. 產後婦女
產後易耗血傷氣，故產婦在產褥期氣血虛弱、體力疲乏，產後調養護理尤為重要。服完生化湯以後，原則上一週後惡露（產後分泌物）沒了，再服當歸補血湯或八珍湯等藥加減。
當歸補血湯：當歸、黃耆，加雞肉一起煮。
加味八珍湯：當歸、熟地、川芎、白芍、黨參、白朮、茯苓、炙甘草，另加何首烏、枸杞、黑棗。
3. 手術開刀
手術中損傷氣血較甚，手術後又不能進食而致陰血大傷者，可用滋養胃陰，如沙參、麥冬、石斛、玉竹等藥，加補氣養血的中藥，如當歸補血湯、八珍湯等加減，也可以選擇藥膳調理。
鱸魚藥膳：鱸魚、當歸、北耆、紅棗、枸杞（少量）。當歸可以補血，鱸魚本身具有益脾胃的功效，可以幫助我們的傷口快速癒合，恢復體力。
需要注意的是，以上藥材，須請中醫師或專業人員調配，再進行進補。
若要全家一起進補，可以選擇平補的中藥，例如：熟地黃、何首烏、當歸、黃耆、菟絲子、陳皮、白豆蔻、草豆寇、紅棗、黑棗等，再加上自己喜歡吃的雞肉、鴨肉、排骨、羊肉、牛肉就可以。
此外也可以用白豆蔻、草豆寇、紅棗、黑棗、當歸、黃耆、熟地黃、陳皮、枸杞子、桂枝，加多一點的水煮一煮，當火鍋鍋底，全家一起吃火鍋。
以下介紹2道屬於溫補的進補方，供民眾參考。
當歸生薑羊肉湯：此為治血虛有寒的名方，對血虛有寒而見腹中冷痛，婦女產後虛寒腹痛，有虛寒性的痛經史，皆有良好的療效。材料：當歸八錢、生薑4兩、羊肉2兩、10杯高湯。
四神湯： 對於消化能力差的小孩，若常腹瀉、腹脹、腹痛者，以此方進補，可以增強腸胃消化力。建議，可以選用四神湯加味薏苡仁來調養保健。材料：山藥、茯苓、芡實、蓮子。
進補可以調養身體，固然十分重要，但是仍不可亂補，一旦犯了進補禁忌，還會破壞人體的陰陽平衡，反而加害身體。
1. 避免上火。為了預防吃完後火氣上升，建議十全大補湯要去肉桂，或改少量的桂枝進補，或者是可加麥門冬、車前子、紅棗、黑棗等藥降火。
2. 減少油脂。進補恐怕還會攝入過多的脂肪，建議老薑原汁加鴨肉，烹調時可以去除鴨皮，或者是添加蔬菜以增加飽足感。
3. 確認體質。服補藥前，最好由中醫師診斷體質，虛寒體質要熱補，有虛火或火氣大的人可用涼補。
禁忌：
● 感冒或火氣大者忌服高麗參，年輕力壯者也不需服用。
● 孕婦、發燒、細菌感染發炎期間不能熱補。
● 有高血壓、高血脂、糖尿病、痛風、子宮肌瘤者，須特別注意，不要補過頭。
(大紀元)
