藝人唐詩詠（Natalie）以一身型格西裝造型出席活動。
詩詠之前透露過有一位追求者係圈外人，但就好秘密話：「唔講，講咗會冇。」問到進度如何？Natalie說：「依家要開劇拍5個月，可能拍完先再了解，同埋今次套劇要做打女，所以要抽更多時間預備同練功，要專注工作先，未有時間拍拖。如果問我鍾意傾電話定瞓覺，我會揀瞓多啲，因為身體冇以前咁好。」又透露買了一張摺床放在廠中，可隨時休息非常舒服。
另外，佢希望今年可與馬德鐘合作拍劇，相信二人會有不少火花：「一直未有機會合作，但係喺啲朋友生日或聚會，都會成日見面。以前我以為佢唔拍TVB劇，因為出咗去發展，點知佢有返嚟拍，所以我希望大家有機會合作。（想同佢演情侶？）我覺得可以，因為大家傾偈時有好多睇法都好相似，同埋佢係一個好容易傾偈嘅人，如果要合作相信都冇問題。」
(綜合報道/on.cc)
藝人湯洛雯（靚湯）出席活動大開金口獻唱一曲，獲讚人靚聲甜。
她受訪時透露近日與薛家燕合作拍攝新春節目，更獲師傅批她今年桃花旺盛：「師傅話我今年桃花多到不得了，同一時間會有三個追求者，今年亦會遇到真命天子，出年仲好事近添！但我依家唔覺得有住，都好期待有新戀情。」
記者笑言會否是姓「羅」或「鄭」，靚湯表現大方：「咁都係大姓，唔講呢啲。」
談到她明顯清減不少，回復苗條身形，靚湯說：「之前拍《機場特警》嘅時候都已經瘦番，加上依家都好努力做運動，所以瘦咗10磅，但我目標係20磅，但係嚟緊新年都有唔少好嘢食，相信會肥番少少，不過豬年有啲肉地都好可愛！」
(on.cc)
今日佢喺Instagram晒巨肚宣佈佗孖B！佢又透露父親本身就係孖胎，而媽咪嘅表姊妹本身都懷過雙胞胎，自己可以話係擁有佗孖胎嘅最強遺傳因子，結果今次真的如願以償。恭喜恭喜！
佢又話大肚愈來愈圓，胎兒每天在肚子裏活潑亂跳，但暫未有透露BB性別。
去年元旦宣佈閃婚嫁DJ NON，一度有指佢因卵子發育不佳要接受治療，好彩最終都克服困難造人成功。目前懷孕六個半月，預產期係今年春天。
今日日本女星蒼井空更新Instagram透露正係佗孖胎！不少網民獲悉後都替她高興及送上祝福。
(綜合報道)
林盛斌（Bob）與老婆Pearl婚後育有三女一子，一家六口溫馨又美滿！
Bob出晒名係廿四孝老公同爸爸，時不時都會喺社交網大晒家庭樂。
呢日佢上載咗一張全家福，相中Bob與一歲幾嘅囝囝着上西裝襯恤衫，而老婆同三個愛女就着上白色婚紗，勁有氣派！Bob留言：「又真係多人咗d（啲）嘅………」
唔少網民都大讚Bob與囝囝官仔骨骨，而佢老婆同啲女就似足餅印，畫面Warm爆！
東網聯絡到Bob，佢好開心咁話：「呢輯相係上月我外父70大壽時影嘅，同外父一齊影，仲有我老婆家姐嗰啲一家人影全家福(相關新聞：https://goo.gl/4Je6sP)，之後我哋自己屋企亦趁機影番輯靚仔嘅相！一家人全部Dress up又化妝，仲Set埋頭，我去到時都『嘩』咗一聲，咁有型嘅！我仲以為係邊個結婚，點知原來係我哋自己影全家福，好開心！張相大家都笑得好開心，正呀！我見到有啲網友留言話『仲有位坐喎』，但我就話『冇喇冇喇，冇位』！」
佢仲話：「見到好多朋友仔話張相感覺到好開心，多謝一班網友、朋友們嘅祝福！多謝多謝！希望大家都幸幸福福、開開心心！」
(綜合報道/on.cc)
周勵淇（Niki）去年12月突然宣佈同45歲大陸演員傅浤鳴（前名傅程鵬）結婚，被指奉子成婚，一直未有露面，Niki今日喺中環出席化妝品牌活動，左手戴上鑽戒，着上白色斜肩裙現身。
問佢會否在港補擺喜酒？Niki表示不會，因為不想大搞，故才選擇旅行結婚，而問到在哪結婚？她神秘地說：「海外，我想保持低調，由入行到依家都係，唔會特別去講，想有番私人空間。」Niki又透露只有雙方家人出席婚禮。
諸葛紫岐都有恭喜新婚嘅Niki。
Niki透露會以香港為基地居住，加上老公在港也有不少朋友，問老公改名結婚是否為免被起底？她否認：「唔係，其實改咗一段時間，因為公布結婚所以公布埋。」
傅浤鳴同前妻程愫於上海戲劇學院相識，結婚20年育有一子，曾一齊上節目分享情路，2017年3月傳離婚，去年年底傅浤鳴與Niki結婚。同Niki再婚嘅日子咁近，加上前妻程愫嘅閨密劉馨遠曾留言「會有報應」，令佢哋被冠「小三渣男」稱號，對於小三之說，Niki強調同老公拍拖到結婚嘅日子係一年內發生，佢話：「肯定唔係，好多猜測，唔多唔少都會唔開心，好難個個去解釋，完成咗人生大事，所以先同大家分享，唔係就唔係。」Niki話老公有為佢抱不平：「男人未必適應到，佢想幫我澄清，我叫佢唔使咁勞氣。」
至於老公被指「渣男」，Niki話：「佢唔係嘅話，人哋點講好難好控制，唔知點回應。結婚係開心事，有唔同聲音係預咗，唔好畀嘢影響。（婚前有冇為傳聞而擔心？）佢係結過婚、有小朋友，我好多朋友同家人都知，不過有啲朋友唔知就好surprise。我好低調，所以先唔擺酒，但之後會分批請朋友食飯。（咁快結婚了解清楚未？）快慢好難衡量，大家舒服就結婚。」問到Niki老公有乜嘢吸引？佢話：「我鍾意就得！大家好夾，好舒服就OK，唔使諗太多嘢。」
對於有報道指Niki突然宣佈結婚係奉子成婚，問佢係咪真係有咗，佢坦言：「冇，你哋睇我個肚。其實有好多唔同版本，唔緊要啦，大家猜測啫，我話畀大家知唔係，幾時有就唔知，順其自然，暫時唔好住。」
Niki想先享受二人世界，希望明年生B，問佢今年已踏入40歲，怕唔怕變高齡產婦？Niki話：「都明嘅，大家都為我好心急，時間同年紀係有限制，但唔想為呢啲而去做，一步步嚟，希望畀一年時間我。」佢亦冇考慮雪卵，目前先要調理身體。
相關新聞：
【閃婚爆奉子成婚！？】Niki周勵淇親自回應 https://goo.gl/abCx5S
【有料爆？】鍾鎮濤要祝福Niki早生貴子就立即話… https://goo.gl/HW4bU7
【有一仔 離婚3個月即與Niki相戀 】周勵淇老公大起底 https://goo.gl/um6nhG
【兜兜轉轉】39嵗Niki周勵淇宣佈已婚 https://goo.gl/zZ2GS8
(綜合報道)
夜晚酣酣入眠之際，腳突然一陣抽筋襲來，痛苦難當；或運動正戰況激烈突然腳抽筋打破興致，甚至影響比賽成績。抽筋雖不是嚴重的疾病，若頻繁發生，仍可能對身心健康構成很大影響與威脅。
抽筋最容易發生在運動員、銀髮族、孕婦、靜脈曲張或周邊血管硬化等患者身上。一般人對抽筋的認識是，抽筋就代表缺鈣，因此拼命補充鈣片，但抽筋的狀況卻往往未見改善。事實上，造成夜半抽腳筋的原因非常多，不光只缺鈣而已，建議民眾最好先釐清腳抽筋真正的原因，才能有效改善。
美國家庭醫生期刊（American Family Physician）在2012年研究六成成年人半夜抽筋的原因，發現構成抽筋的因素眾多，很難找出一個確切的因素。但主導研究的阿爾伯塔大學（University of Alberta）副教授葛瑞森（Scott Garrison）還是將可能造成抽筋的成因歸納如下：
1. 足部受涼：夏天電風扇或冷氣直接吹腳，冬天半夜天氣偏冷，或是棉被沒蓋好，都容易造成足部受寒。
2. 運動過量：白天過度運動而肌肉太疲勞，或是肌肉肌腱拉傷。在運動時會消耗肝醣作為能量來源，當肝醣消耗過多卻沒有及時補給熱量，便可能造成腳抽筋。
3. 脫水、電解質失衡：長時間曝曬在炎熱大太陽下沒有防曬及適時補充水分，或是運動時大量出汗，身體流失過多水分和電解質。另一種情況是平時就很少喝水，身體缺水而半夜抽筋。另外，常常喝利尿的茶、咖啡也會造成身體缺水、電解質失衡。
4. 血液循環不好：久蹲、久站壓迫肌肉壓迫血管。另一種情況是睡著的時候腳經常屈膝，小腿肌肉比較短，沒有拉長，維持這個姿勢很久，那麼腳稍稍移動可能抽筋。而穿了一整天高跟鞋的女生，尖尖鞋頭長時間壓迫腳趾，也可能出現腳趾輪流抽筋的情況。
5. 缺乏特定營養素：礦物質如鈣、鎂和鈉鉀離子等攝取量不足，會造成電解質不平衡。
6. 懷孕婦女：孕婦有比較高的機率抽筋，因為體液總容積增加而電解質不平衡，胎兒在子宮的負荷造成下肢血液循環不良。並且懷孕期間孕婦荷爾蒙變化，需要比較多鈣質，營養補充不足導致低血鈣，這些種種因素均可能造成抽筋。
7. 腎臟病等疾病：洗腎患者無法正常代謝身體廢物，一般人身體代謝是24小時慢慢調控，但洗腎患者是在短時間內處理2～3天身體產生的廢物，體內電解質劇烈變化可能會抽筋。內分泌失調、甲狀腺功能異常也可能造成電解質代謝異常。心血管疾病、高血壓、高血脂、糖尿病患者容易因為環境溫度改變，影響血液循環而導致抽筋。坐骨神經痛、脊髓神經病變、神經病變，也可能引發抽筋。
8. 情緒緊張：抽筋是肌肉痙攣（muscle cramp），肌肉突然、不自主強力收縮造成肌肉僵硬、疼痛難忍。抽筋多發作於腿部、足部，最常見是小腿腓腸肌、腳掌、腳趾，如果是大腿抽筋——股二頭肌（大腿後側）、股四頭肌（大腿前側）情況會更嚴重，疼痛也持續較久。
醫師提醒，如果抽筋的狀況持續發生，則需仔細評估，並根據可能造成抽筋的原因採取預防保健措施：
● 睡覺時做好足部保暖，夏天移開直接吹腳部的電扇、冷氣風向，冬天蓋好棉被，也可以加穿襪子。天氣太冷時在睡前用熱水浸泡腳。
● 喝運動飲料補充劇烈運動流失的水分及電解質（鈉鉀離子），運動後吃點食物補充能量。
● 日常飲食中攝取足夠礦物質（鈣、鎂），包括牛奶、優格、綠色蔬菜、豆類、堅果、全麥。電解質的補充可以由柳橙、芹菜、香蕉中攝取。
● 睡前做一些輕度伸展操及腿部按摩，不要劇烈運動。平常儘量不要固定姿勢或不良姿勢持續很久。
● 有利尿效果的咖啡、茶或含有利尿劑的藥物，不要攝取過量。
發生抽筋原因繁多，先從了解自己飲食習慣、運動量、抽筋部位著手，也許可以找出抽筋原因做改善。平日注重營養攝取、適度休息、適當保溫，多補充水分和電解質，以預防抽筋再次發生。
(大紀元)
網民紛紛留言送上恭喜！佢都有喺限時動態上載一杯咖啡嘅相，杯上寫住「送水輝 大小姐」，連店員都有留意，足以證明佢哋人氣強勁呀。
「一家三口」超溫馨！
無綫處境劇《愛．回家之開心速遞》備受觀眾熱捧，係唔少家庭嘅「送飯之選」～「送水輝」許家傑呢日就甫出劇組飯局照，台前幕後勁多人，場面相當熱鬧！
原來佢哋齊齊慶祝《愛·回家》收視破30點，許家傑發文表示：「#愛回家之開心速遞 新一年有個好開始！1月1日收視破30點！呢一年一定繼續開開心心🎉🎉🎉 #兄弟姊妹太多 #tag唔晒」
而同劇演員「Terry」李偉健就上載一張劇照P圖並留言：「台前幕後嘅努力冇白費，多謝各位電視機嘅觀眾同網上嘅朋友，感謝大家支持開心速遞！😆👏👏👏#開心速遞#愛回家之開心速遞」
佢哋成班都好老友！
網民紛紛留言送上恭喜，更為一眾主演打氣、叫佢哋繼續加油，亦有網民話晚晚都要追睇套劇，見班演員演得咁好，呢個好成績係佢哋應得嘅！
(on.cc)
呢日，佢發表千字文分享經歷，忍唔住大嘆：「我真的太。輕。敵。」仲話：「躺在產枱上的我的心情則只有絕望兩個字可以形容。」究竟發生咩事呢？
台灣女星隋棠去年12月宣布誕下第三胎囝囝Olie，當時佢喺社交網指「沒有最痛只有更痛」，仲自嘲生完BB後似癲婆（相關新聞：https://goo.gl/eX4T6V）！
原來，隋棠原本以為自己之前生咗兩胎，就一心諗住生第三胎時會更容易，但點知…佢卻生咗足足16粒鐘！佢表示：「我的產程都一直一下超痛一下不痛地緩慢前進…在Olie終於快擠出來的最後那『極痛一小時』，邊痛也只能邊在內心反悔無助吶喊：『誰來擠一下我的肚子拜託？！快幫忙把那小子擠出來！我快崩潰了！我好像要昏倒了！』但回到現實，醫護人員除了盡力的專業的鼓勵我引導我，還是鼓勵我引導我，就像當初說好的一樣，而我只能像一隻被魚販倒在發燙柏油路上的魚，又痛苦又絕望的翻滾掙扎。」
幾經辛苦，囝囝Olie終於「冒出頭」，但膊頭卻kick住，醫生仲笑言：「他肩膀好寬，以後可以打橄欖球。」經過16粒鐘折磨，隋棠終於誕下約8.2磅囝囝，更透露囝囝一出世就骨折：「終於帶著（着）他為了奮力擠出媽媽狹窄骨盆而骨折的鎖骨壯麗出生了！」
至於一直默默等待嘅老公Tony，之後亦不禁嗌恐怖，隋棠原以為因太多血嚇親佢，但Tony就話：「是Olie只有伸一個頭出來在你兩條腿間那個畫面…」令隋棠哭笑不得！
(on.cc)
鄭裕玲(Do姐)圈中人緣甚廣，平時約開「至八會」成員飯聚，當然Do姐除咗「至八會」，仲有其他好姊妹啦！
噚晚Do姐就孖成班好姊妹一齊post相，話「今次好特別」，仲同大家講新年快樂。
見到相中有Do姐、宣萱、丘凱敏、顧紀筠、劉曉彤，仲有好耐冇見嘅吳美珩！佢哋更齊齊tag「吳美珩」，見佢哋手上拎住好多嘢，未知係一齊分禮物，定係Do姐派禮物呢!?
之不過網民焦點卻落在吳美珩身上，大讚吳美珩keep得好好，仲係咁靚，指呢個組合係六美圖，紛紛留言「一眼看到吳美人」、「好想睇吳美珩做戲，細個睇佢做戲，咁多年都仲係咁靚」、「好耐冇見吳美珩」及「以前已覺得佢好有女人味」。
無綫前當家花旦吳美珩曾拍《女人唔易做》及《妙手仁心II》等劇，2007年為富商老公王華麟生咗個女，便退出娛樂圈，之後再為老公生咗個仔，一仔一女好圓滿！
雖然吳美珩離開圈中多年，不過同宣萱仍有聯絡，見吳美珩已為人母，優雅氣質不減，難怪唔少網民想佢復出拍戲。
(Apple daily)
蔡少芬（Ada）同老公張晉轉眼間已經結婚十年，咁多年嚟一直都咁Sweet，大女楚兒（湯圓）依家7歲，細女信兒（包子）亦已經5歲。
Ada真係夠眼光，老公張晉由窮武指變咗做當紅武打影星，財政全權交由老婆Ada揸fit。
有傳Ada因為夠慳家，手持最少十層樓，市值過億，絕對係圈中小富婆！
Ada同張晉錫兩個女錫到燶，大女楚兒(湯圓)兩歲半時，佢哋原本住屯門獨立屋，但為咗方便小朋友喺紅磡返幼稚園，專登喺凱旋門購入一個1,200萬單位做「行宮」，真係闊綽。如今湯圓已經7歲，轉咗石門站一間國際學校讀小學，呢間學校都幾多星二代就讀，張栢芝兩個仔就係讀呢間，而卓林以前都讀過。
日前下午3點左右，Ada親自揸車去學校接湯圓放學，Ada打扮樸素，衫褲鞋都唔係名牌子，仲要素顏現身。
但45歲嘅Ada無論樣貌同身材都keep得好好，Ada見到湯圓即笑晒口，原來當時仲未放學，老師帶埋一班學生參與課外活動，去附近寫生，又到凍肉舖巡咗一圈。
湯圓全程拖住一個同學仔，而Ada就拖實囡囡，沿途幫佢哋影相，表現得仲興奮過小朋友。
期間有人認得Ada要求合照，Ada冇化妝都唔托手踭，叫湯圓企定定，佢就專心同街坊影相，非常難得，之後佢哋行返學校等放學。
(綜合報道/apple daily)
