【咁就20年】佗緊B嘅佢激讚﹕林峯超好！

2019-01-19

林峯最近真係人逢喜事精神爽，同27歲內地女模張馨月感情穩定，早前被影到拍拖行玩具店。

仲一齊出席三嫂生日party！

不過，林峯都唔係重色輕友嗰種人，噚日又約埋13期訓練班一班老友聚舊，林峯仲大手筆送出每人一個金牌，真係要多謝「峯哥」！

李忠希今日喺IG貼上大合照，楊怡、徐榮、張美妮、趙永洪等都有出席，李忠希話﹕「13期訓練班20周年紀念金牌，多謝林峯，開心的聚會，感恩情不變。」林峯話晒都係「廈門李嘉誠」林華國個仔，有指林爸爸坐擁20億地產王國，所以送金牌呢啲少事，對峯哥嚟講都係「濕濕碎」。

一貫慣例，如果喺大台做足20年就會送金牌，但唔少人都已經離開TVB，所以林峯好有心思，特別訂製一個印有13期訓練班同學嘅大合照金牌，好值得珍藏同紀念。

懷有5個月嘅張美妮今日接受傳媒訪問時話﹕「阿峯好好呀，今年識咗20年，佢整咗金牌送畀我哋每一個，超好！因為我哋當中，只有我、徐榮同楊明係連續接到公司嘅20年金牌，但其餘個個都冇，上次聚會，阿峯就話不如自己做一個金牌送畀大家，去紀念呢個20年嘅friendship。」

問到幾耐聚舊一次？美妮話﹕「冇特定，邊個得閒，又好耐冇見就見一次。但都有啲原因嘅，好似上次係我哋剛踏入20年，今次阿峯好好，金牌做起咗，所以又約食飯聚吓舊。另外，都開心嘅，就係我有咗BB，有咗之後第一次見真人，個個都恭喜我，好開心。」美妮仲透露佢哋會講好多讀訓練班時嘅趣事，佢話﹕「由訓練班讀書開始，之後喺公司開工，講吓新嘢，又repeat講以前好多趣事，細路仔細路女乜都玩，所以每次見面都好開心。」

(apple daily)

【「大寒」之後】天文台再調低下周二氣溫跌至⋯

2019-01-19

今個冬天大部分日子都頗為溫暖，不過過了明日「大寒」後氣溫再跌！天文台再調低下周二(22日)的最低氣溫預測至。。。

市民要留意天氣變化及溫差，注意保暖！

天文台表示，一股東北季候風會在下周一(21日)抵達華南沿岸，該區氣溫顯著下降，周二早上天氣寒冷，受乾燥大陸氣流影響，下周大部分時間華南普遍天晴，日夜溫差較大。

最新9天天氣預報，明日(20日)為廿四節氣「大寒」，預測大致多雲，早上有一兩陣微雨，日間短暫時間有陽光，氣溫18至22度。下周一仍部分時間有陽光，日間乾燥，氣溫顯著下降，氣溫降至最低14度，與前一日的最高溫差達8度。下周二最凍，天晴乾燥，早上寒冷，天文台再調低最低氣溫預測至12度；最高氣溫則有18度。下周三(23日)仍相當清涼，最低氣溫13度。

下周四(24日)至再下一個周一(28日)氣溫回升，介乎15至21度，兼且連續5日有陽光。

(on.cc)

【溫馨又有愛】博士同埋佢都「回家」啦！

2019-01-19

《愛．回家之開心速遞》劇情溫馨又搞笑，當中幾條感情線都備受關注。

不過前幾日「Mandy」謝芷倫及「博士」馬貫東正式離開劇組，令唔少網民大呼接受唔到。

但大家唔使咁灰心嘅，佢哋劇外一樣咁warm，仲舉行咗個一月之星生日party！

靈魂人物劉丹（丹爺）、滕麗名、張景淳同埋監製林建祥都係一月生日，仲有喺2017年尾同樣離開咗劇組嘅「風少」陳浚霆亦回家添！

一班《愛．回家》演員包括呂慧儀、蘇韻姿、周嘉洛、湯盈盈、吳偉豪，單立文仲帶埋老婆胡蓓蔚出席！

而大家好關心嘅博士都在場，不過就唔見Mandy。

除咗咁人才濟濟，蛋糕數目非常誇張，5個人生日有9個蛋糕，而且個個都非常精緻，仲有個皇冠造型嘅添！

雖然現實中，丹爺仔仔劉愷威早前同楊冪離婚，但心情無受影響，同另一家人慶祝時開心到直豎拇指添，網民都大讚好佢哋真係好有愛呀！

(on.cc)

【真係超Sweet！】大仔Aiden向陳茵媺求婚

2019-01-19

陳茵媺（Amiee）同陳豪於2013結婚，育有兩子一女，二人依然如新婚般甜蜜，一家五口溫馨美滿！

但估唔到竟然有人敢挑戰陳豪，公然向陳茵媺求婚！

Amiee昨晚喺Instagram上載大仔Aiden捉實她手的照片，話上月5歲生日的Aiden在4歲時曾向她求婚，令她非常難忘！

Amiee以英文寫下當時的情況︰「我非常記得那一刻😍…我當時4歲的兒子說到中段時拉起我的手，盯著我的眼睛，把玩著我手指上的戒指說︰『媽媽……我愛你。當我年紀夠大的時候 ……我要娶你﹗』多麼意想不到的求婚！😂」

胡杏兒同陳敏之見到之後都留言話希望自己仔仔第日都可以咁向自己求婚！真係好Sweet呀～

(IG/綜合報道/mingpao)

【糖患者小心！1杯水果汽水=90顆櫻桃糖分　榨果汁都唔得】

2019-01-19

水果中的維生素可C可以降低全身性發炎。 水果的圖片搜尋結果

水果就像蔬菜一樣，是充滿維生素、礦物質、植化素和纖維的醣類來源。此外，在水果中發現的化合物（例如維生素C），可以降低全身性發炎和相關疾病的風險。但飲食中的大部分果糖並非來自新鮮水果，而是來自高果糖玉米糖漿或是蔗糖（50％是果糖的一種糖），它們在汽水和水果風味飲料中的濃度很高。汽水的圖片搜尋結果

舉例來說，二十盎司汽水包含大約三十六克果糖，那相當於吃五根香蕉、九杯草莓或九十顆櫻桃！將我們的汽水和加工飲料攝取量，加上我們的加工食品過度食用量（其中許多也用高果糖玉米糖漿或是蔗糖來增加甜度），就可以得到一份大量攝取果糖的明細表。糖的圖片搜尋結果

飲食中果糖太多可能提高肝臟損傷、發炎、動脈硬化、自由基損害以及糖尿病、高血壓、腎臟病和肥胖的風險。但是讓我們說清楚──每天吃幾份水果（作為不同的健康飲食其中一部分）不會製造出這類情況。沒有人曾經因為吃太多水果而出現新陳代謝紊亂！會發生問題，是因為人們從加工食品中吃到的果糖，比他們從天然來源可以得到的果糖還多。飲食的圖片搜尋結果

我們鼓勵你吃各種水果（特別是當季水果），請見前十大水果排名清單──定期吃這些水果，可以確保你得到最多種的維生素、礦物質和植化素。

最佳的水果選擇

杏桃
奇異果
黑莓
甜瓜
藍莓
李子
櫻桃
草莓
葡萄柚
覆盆子

吃整顆水果比喝鮮榨果汁還來得營養健康。

另外，別喝鮮榨果汁，即使是自己榨的。

首先，液體熱量不像真正的食物那樣令人滿足，其次，你將水果榨汁，就會移除全部的纖維，而纖維通常會使身體減緩吸收整顆水果裡的糖分。當你還在對抗瘦體素和胰島素阻抗，你血液裡的糖分卻快速增加，並非好事。

最後，在加工處理、加熱殺菌和儲存時，有很多自然產生的營養素會流失。製造商彌補這一點的方式是，事後再將營養素加回果汁──但是吃富含維生素的食物，並不能提供你完整、未加工食物的好處。直接吃水果就對了。

(eetoday)

【甚少公開露面】網民大讚完全唔似42歲少女味勁濃！

2019-01-19

自從結婚生B之後就主力湊女，甚少公開露面，不過不時都會同一班好姊妹聚下咁，好多時都喺從佢好姊妹嘅社交網先見到佢嘅蹤影。

之前仲有出席苗僑偉（三哥）為戚美珍（三嫂）搞嘅生日P！

佘詩曼、姚樂怡、梁靖琪、周家蔚、鍾麗淇、湯盈盈同文頌嫻組成嘅「七魔女」感情超好！

早前文頌嫻（文女）終於開咗Instagram啦！

佢除咗分享囡囡Jamie嘅日常，更會晒出同姊妹聚會時嘅合照。

最近文女仲染咗紅色頭髮，皮膚依然透亮白晢，完完全全唔似42歲，可以話少女味勁濃！

好多網民都留言大讚文女保養得宜，凍齡有術，一啲都冇變呀～

仲回味番佢以前嘅作品《帝女花》、《錦繡良緣》、《天子尋龍》等。

個個都話佢係古裝美人，又識做戲，有外又有內呀！

(on.cc)

【不過竟然冇⋯】方媛罕有曬孕肚

2019-01-19

天王郭富城結婚後，老婆方媛為佢生下囡囡Chantelle，早前宣布即將再做爸爸，三年抱兩真係超開心！

呢期撞正城城搞緊世界巡迴演唱會，真係想抽多啲時間陪吓老婆方媛都唔得。

好似之前就見到方媛去買BB用品都係自己一個人。

有見及此，方媛決定做跟得夫人陪住老公去巡唱，尋晚城城去到澳門開騷，不過粗身大勢嘅方媛竟然冇匿喺後台，反而好大方安坐觀眾席睇表演！

佢仲拍片同網民開心Share，見佢興奮咁不停揮住螢光棒，雖然佢仲係面尖尖，但係着住鬆身衫都明顯見到肚凸凸。

齋睇樣真係估唔到佢已經佗B五個幾月，真係得天獨厚！

(綜合報道/on.cc)

【上次計錯數】陳浩民蔣麗莎囡囡今次真・叻女

2019-01-19

藝人陳浩民同老婆蔣麗莎（Lisa）婚後育有三女一仔，要湊四個小朋友絕對唔係咁簡單！

而大女陳雅薷（Elizabeth）唔經唔覺已經7歲，上年Lisa擺咗個大烏龍，話大女連跳兩級升小三，實質只係計錯數，不過今次真係有喜事！

佢喺社交網上載咗張Elizabeth獲頒全校優秀生獎嘅相片，大讚囡囡好叻，仲話比起見到老公得獎更加開心呀！

佢留言話：「全校優秀學生頒獎典禮，恭喜雅薷，以你為榮……加油小妞。媽媽永遠是你們的鐵粉[愛你]2019繼續保持，戒驕戒躁（看你拿獎，比看爸爸拿獎更加激動，莫名感動[笑cry]）」

網民都話佢係超能媽媽，教得好好呀！

此外，Lisa趁住「10 Year Challenge」晒出一張出海舊相，佢身穿黑色單肩連身裙，頭髮隨住海風而飄逸，相當煞食！佢留言：「#十年對比挑戰# 頭髮短了，見識長了；青澀少了，睿智多了；腰變粗了，孩子多了；十年前的單身一人，到今日的六口之家。這個十年很特別～」

(綜合報道/on.cc)

【爆今年閃婚？】唐詩詠：係一個好開始

2019-01-19

唐詩詠昨日喺銅鑼灣出席商場嘅迎新春揭幕禮，佢喺活動上表示今年以跑到半馬為目標，藉此挑戰自己體能。

事後佢話：「首先跑到10K先，因為我0依家套新劇要打功夫，所以就去咗跑步，而且每年我都想挑戰一下自己。」會唔會約陳山聰、袁偉豪、胡諾言一齊跑？唐詩詠話：「佢哋太高層次，我唔想拖累佢哋。」

提到農曆新年將至，佢表示會放年初一至年初三，可以陪爸爸買嘢：「每年都會買對波鞋，平時叫佢買，佢唔肯，佢覺得嘥錢，唯獨是新年，佢先肯買。」對於佢之前講過有圈外追求者，會唔會趁農曆新年買嘢送畀對方？佢話：「係朋友！」

談及佢喺Instagram上載一張有佢自己、黃翠如、C君未婚妻黃天頤同一位圈外朋友嘅合照，並留言「下年（今年）呢個時候，就變成有3位可愛人妻。」

因此有傳唐詩詠自爆今年結婚，佢解畫：「嗰個圈外朋友結咗婚，第二個係翠如，第三個咪就係天頤，唔係我，我會努力啲。（新年會唔會布桃花陣？）不嬲都冇喎！定係去轉日本搵真桃花樹？」

問到現時追求者嘅呼聲高唔高？佢笑住話：「食下飯啫，每個人都有機會，唔會放棄呢啲機會，同佢可以食飯傾偈，總之係一個好開始。」笑問觀察期要幾耐？佢表示：「我0依家開劇，係一個好好嘅試煉，睇下佢接唔接受到我嘅工作時間。」佢直言冇期限畀自己，但唔排除會閃婚。

(綜合報道/apple daily)

【盛傳楊怡有喜】羅仲謙：忍唔住第一時間公告天下

2019-01-19

藝人楊怡與羅仲謙結婚兩年多，屢傳有喜，而佢哋都不時開口恨有喜。

早前完成舞台劇演出後，阿怡「放長假」專心調理身體等做媽咪。

儘管兩口子不時因工作分隔兩地，不過感情有增無減，近期放聲氣正落力追B。而「愛妻號」謙仔趁農曆新年將至，出冧招氹太太！

日前，一身Smart casual打扮的阿謙被發現現身尖沙咀，先相約一名男性友人在對正維港的餐廳午膳，兩支公邊食邊望海聊天，阿謙似乎心情不錯，全程笑唔停，約個多小時後埋單離開「趕下場」。

兩人離開餐廳後步行往廣東道一帶，他們走進其中一間名店，「瞄準」放在當眼處、新到春裝及手袋款，謙仔左挑右選並頻頻問店員，期間不時玩電話，相信是向太太攞意見。

之後他轉場到附近另一間店舖，逗留一會但未有斬獲，隨即與友人折返之前的名店，最終扑槌花六位數買了新款手袋。

拿着戰利品的謙仔離開時剛巧碰上熟人，他禮貌停步打招呼及閒聊幾句，期間被途人認出行注目禮，即報以微笑。

未知是否Shopping癮起，買了手袋的謙仔未收手，之後再走入附近商場繼續逛名店。入店後，他第一時間向店員展示手機查問，然後走向女裝鞋櫃指點，並拿起其中一款鞋研究一番，店員則在旁用電腦Check貨，但似乎因尺碼或顏色問題，他最終未有買到心頭好，並與友人步向中港碼頭方向離開。

據悉，謙仔近日拍竣經理人公司投資的電影後，目前休息待下月開拍新網劇。這段時間除了繼續忙於操肌外，他亦爭取機會過二人世界，曾表示即使要開工，亦希望盡可能留港工作方便慰妻。至於阿怡近期工作以出席活動為主，謝絕一切操勞工作，努力靜待「豬B」。

早前受訪時談到有傳太太有喜，阿謙即興奮表示：「如果真係有B嘅話，我諗我會忍唔住，第一時間公告天下，大家唔使擔心！」兩夫妻恨B恨到出口，好消息指日可待！

(on.cc)