劉德華20場紅館演唱會本月15日開騷，本來下月3日係尾場，但華仔前晚開到第14場，只係唱咗幾首歌，就宣佈腰斬演唱會，原因係佢「聲沙」唱唔到落去，及後大會再宣佈，華仔因為喉嚨發炎，29號同30號都會取消，叫觀眾保留完整門票，稍後會公佈有關後續安排及退票事宜。
華仔老婆朱麗倩同6歲囡囡劉向蕙，晚晚都會去紅館捧場，前晚華仔宣佈腰斬一刻，母女都在觀眾席。而讀者Michelle日前就爆料，分享佢喺尖沙咀海運大廈，巧遇朱麗倩和囡囡劉向蕙，以及一眾親友喺尖沙咀行街嘅相片，本報就發現同華嫂同行嘅，包括胞妹朱麗華同胞姊，相信佢哋都會去紅館睇騷，但就唔知睇邊場。
(相片由讀者提供)
讀者Michelle接受《蘋果》訪問表示：「星期四（27號）大約2點半，係海運大廈見到佢哋，初初只係覺得朱麗倩好熟口面，再望吓個小妹妹，認得佢係華仔個囡囡，咁就肯定佢係華仔老婆喇！」
(相片由讀者提供)
從相片所見，與朱麗倩同行除了囡囡向蕙，還有其胞姊及胞妹朱麗華，與向蕙著埋同款衫裙及手拖手行嘅小妹妹，就疑似係朱麗華嘅囡囡。
朱麗華08年嫁給馬來西亞建築大亨顏潤華，華仔還驚喜現身，於婚禮獻唱《如果有一天》為其道賀，由於當年華仔尚未公開與朱麗倩關係，故他的出現，各地傳媒都有大肆報道。
(相片由讀者提供)
讀者Michelle續謂：「佢哋一行10個人，包括朱麗倩同妹妹、一個女人（朱麗倩胞姊）、兩個小朋友、兩個工人、一個男人，同埋兩個保鑣一前一後行，見佢哋都好似無乜特定目的地咁四圍行，行完一層就上另一層，不過嗰兩層大多數都係賣童裝。」她又補充，當日雖然有唔少人行街，但唔係好多人認到朱麗倩，因為佢完全冇化妝，打扮亦都好平民。
(相片由讀者提供)
(apple daily)
她及後穿著一件印有小豬的線衣對著鏡頭比V，手上的鑽戒也清晰可見，難道唐嫣暗示懷孕，佗豬BB？
而圈中凡是有人出了意外或者生病，記者採訪他們的時候，往往都能夠聽到古天樂這個名字，原來他常常低調資助有困難的藝人，令人非常感動。
轉眼間已經4年啦！ 
