即將榮升媽媽的香香，以一襲粉紅色雪紡長裙現身，貪靚的她仍着上厚底高踭鞋，名副其實「靚媽」一名。
懷有六個月身孕的她，肚子微微隆起，但手臂依然纖幼，「肥胎不肥人」，得天獨厚。她表示懷孕期間特別留意皮膚的保養，會確保化妝品沒有有害物質才使用。
日前藝人岑麗香（香香）、陳豪、敖嘉年等擔任由鄭明明所創辦美容學院的畢業典禮頒獎嘉賓，又與應屆畢業生合照留念。
鄭明明為了感謝岑麗香到場支持，專誠為她送上驚喜，訂製了一隻由粉紅色玫瑰打造的巨型「熊仔」送給她跟腹中胎兒，令香香喜出望外。
育有三名子女的陳豪則透露女兒陳凱婷（Camilla），即使只得兩歲多，已經十分貪靚，經常會拎媽媽陳茵媺的化妝品玩。
他續說：「女仔貪靚係好事，會慢慢灌輸扮靚觀念畀佢。」
(on.cc)
恭喜哂！佢今日突然喺社交網宣佈結婚，貼出與老公的恩愛合照，並留言﹕「往後餘生」。
係2008年度香港小姐競選季軍及最上鏡小姐。
早前仲去咗探李美慧！
馬賽未有詳細透露老公身份，但係post出結婚證，證明已在大陸登記註冊結婚。
而一對新人嘅結婚相沒有穿上華麗衣服，只係簡簡單單穿上黑色衫，但笑容就好燦爛，馬賽仲好鬼馬咁扭住老公耳仔。
唔少網友留言送上祝福，恭喜！恭喜！
(綜合報道/apple daily)
今日係「玉女掌門人」周慧敏（Vivian）同倪震結婚10周年紀念，Vivian喺IG貼上同老公合照，老公手上仲拎住大大個朱古力蛋糕，上面寫住Vivian and Joe，甜蜜滿瀉。
睇番10年前嘅相，Vivian真係十年如一日冇乜點變，反而倪震就清減咗好多。
當年兩人經歷幾許風雨，曾孔雀開屏嘅倪震學懂珍惜，最終由分到婚娶到Vivian做老婆，兩人相依共度10年，Vivian喺Ig留言：「Once upon a time……happily ever after. Just to make a long story short. Our 10th Wedding Anniversary！」（從前……幸福快樂地生活落去。只是將故事剪短。我們結婚十周年了。）
(apple daily)
ViuTV前「鎮台之寶」藝人、現年36歲嘅黃心美喺聖誕前已離巢，回復自由身嘅佢事業未係好得意，但原來愛情上就非常得意喇！
一直對外表示有個神秘男友嘅心美，之前一直都係甫啲睇唔到樣嘅合照。
點知近日男友終於被曝光，原來對方就係大生銀行家族後人馬清偉同名媛薛芷倫所生嘅26歲大仔馬桂烽（Justin）！
上年11月Justin首次創業搞共享移動電源，獲得爸爸馬清偉、媽媽薛芷倫、弟弟馬桂鏘（Terence）、以及妹妹馬桂珩（Tess）撐場，再睇真啲，原來當時女友黃心美都到場力撐，低調支持男友！雖然二人年紀相差10年，不過睇落都冇乜代溝。
而男友真樣曝光後，心美就喺社交網發文，指自己努力工作，保持專業，其他事就「順其自然」喎。
(on.cc)
2002年參加大台第四屆《TVB周刊》Cover Girl選舉奪冠軍入行，一做便16年，佢去年底約滿，深思熟慮後定唔再續約外闖。
近年開始入屋，獲網民大讚！
同陳凱琳、龔嘉欣、譚凱琪組成「少婦聯盟」，四個好姊妹感情好到次次聚會都傾到唔捨得走。
現年34歲嘅大台小花沈卓盈（沈大師）今日喺Instagram貼文，宣佈回復自由身。
沈大師貼出一張華麗轉身甫士照片後，佢留言：「時間飛逝，轉眼間已16個年頭，回想當初參加《TVB周刊》所舉辦的Cover Girl選舉而入行，不經不覺喺呢個大家庭保護下慢慢成長，喺度讓我衷心多謝公司一路以來對我的栽培同愛護，沒有公司，也沒有今天的我。」
沈大師逐一多謝高層杜之克、樂易玲、曾勵珍同余詠珊，仲有用過佢嘅監製同每位台前幕後工作人員。沈大師仲話：「最後，怎可以漏多謝一路陪伴我成長嘅傳媒朋友和觀眾們，對我工作評價好壞我都一一接收，感激您們一直以來嘅支持及關心，往後日子我會繼續努力工作，讓自己繼續進步，可以嘗試更多不同類型的演出工作。最後祝TVB所製作的節目，收視節節上升、業務蒸蒸日上，也祝大家新年快樂工作順利。#js520」沈大師用「520」，即「我愛你」諧音作結。
沈大師事業有新發展，其實佢愛情方面都好穩定，佢同家族經營內衣褲出口生意的男友Calvin拍拖以來都非常恩愛，不時影到佢哋出雙入對。
剛回復自由身嘅沈大師，據知佢已接到好多新工作，佢今日喺IG限時動態仲貼出身處大雪中。
全文如下：
時間飛逝，轉眼間已16個年頭，回想當初參加TVB周刊所舉辦的 cover girl選舉而入行，不經不覺喺呢個大家庭保護下慢慢成長，喺度讓我衷心多謝公司一路以來對我的栽培同愛護，沒有公司，也沒有今天的我❤️🙏❤️ 首先好多謝杜生、樂小姐、珍姐及Sandy，給予我所有的演出機會、包容、鼓勵及教導💕 同時更加要逐一多謝曾經選用過我的監製:
嘉玲姐，多謝你畀機會我拍「最緊要正字」；小慧姐、輝哥、波爺、Edgar、Fred ，多謝你們俾我參予你們監製的綜藝節目。「古靈精探B」嘅監製忠哥，好感激你造就咗lcy姐姐呢個角色；「平安谷」監製Andy,多謝你搵我演北杏；「特技人」監製Simon，還有岳哥、莊生、材叔、小青姐、家豪哥…..等等，謝謝你們給予我嘅演出機會，還有台前幕後工作人員，幫我扮靚嘅梳化服同事，及曾經替我安排工作經理人團隊，辛苦你們了🧡
最後，怎可以漏多謝一路陪伴我成長嘅傳媒朋友和觀眾們，對我工作評價好壞我都一一接收，感激您們一直以來嘅支持及關心，往後日子我會繼續努力工作，讓自己繼續進步，可以嘗試更多不同類型的演出工作💖🙏💛 最後祝TVB所製作的節目，收視節節上升、業務蒸蒸日上🎏🔝
也祝大家新年快樂工作順利😘💕
#js520💘
(apple daily)
藝人張頴康於2012年與太太麥雅緻（Angie）拉埋天窗，婚後育有一仔一女，一家四口幸福美滿！
佢哋時不時都會喺社交網些牙生活點滴，好多網民都Like佢哋一家嘅互動！
小豆小花生兩姊弟超有愛！
一向都係廿四孝老公嘅張頴康當然記得晒同老婆之間每個重要日子！
昨日係佢兩公婆拍拖記念日，佢喺社交網上載二人拍拖時嘅合照，並PO文話11年過去，就算重頭再嚟，仍然會娶Angie做老婆，真係sweet到爆！
佢留言話：「2008年1月4日，我哋第一次通電話，睇戲，約會！假設12年前，我哋由小學一年級開始相識，拍拖直到今日，我哋就中學畢業喇！如果畀我再揀多次，我一樣會決定喺四年後大學畢業即刻娶你做我老婆！我愛你！」
Angie一定冧到暈啦！
(綜個報道/Facebbok)
簽約無綫後主力擔任娛樂主播，收入穩定月薪約萬多元。多年來一家四口住在黃大仙約300多呎公屋，目前仍要與細佬瞓上下格床。
早年家人為供他到外國讀書，全家更是節衣縮食甚至放棄買樓機會，令他一直心存愧疚，一心脫貧的他懷着「上樓還母」的希望，惟去年3月母親不慎誤墮點數卡電騙案損失8萬港元，金錢和心靈上深受打擊，其生活可謂百上加斤。
不幸際遇曝光後，他否極泰來，得到不少客戶垂青和支持，令其商演和主持的工作量大增，收入亦大幅提升。
有見最近樓價下跌，Derek看準時機主動出擊準備於2019年做業主，日前他被發現帶同母親到深水埗睇平價上車盤，實行「唔理好醜，最緊要先上樓。」
兩人在地產舖門前駐足，研究平價樓盤單位，期間見他對一個位於深水埗約388萬港元的單幢樓單位有興趣，即拿出手機拍下宣傳單張，兩母子商量完一輪便走入舖頭向地產經紀查詢，傾足半小時才離開。若以首次置業計劃來計算，Derek需付約50萬港元做首期。
37歲的黃建東（Derek）於2011年參加香港先生奪「演藝潛能大獎」入行，可惜星運平平，試過幾個月沒有工作。
為了圓夢讓一家人有個舒適安樂窩，黃媽媽亦全力配合兒子，睇完樓後二人到出口時裝店掃平衫，對20元一件的特價貨更是愛不釋手。期間有粉絲認出，Derek來者不拒任拍任影爭取親民形象。
之後兩母子到附近商場的美食廣場食快餐醫肚，見他只點了一份碟頭飯跟媽咪兩份食，果然慳到盡！
醫肚後，Derek到櫃員機撳錢，見他將錢塞到媽咪手上似是畀家用，但黃媽媽相當抗拒，兩人當街當巷你推我讓，擾攘一輪Derek才將手上約數千元收回，最後兩母子逼巴士離開。
黃建東接受訪問，坦言今年要做業主，他說：「係同咗阿媽去睇樓，暫時都幾啱心水。（夠首期？）拉拉埋埋都夠嘅，都搵咗銀行諮詢咗按揭問題。因為細佬都係做地產呢行，有啲細節嘅嘢都交咗畀佢幫手。」問到節衣縮食生活如何，他笑言：「都節衣縮食咗好多年，習慣咗。不過為咗上到樓都冇辦法。」
(on.cc)
藝人鍾欣潼（阿嬌）昨晚喺銅鑼灣出席服裝品牌活動，婚後首次現身嘅阿嬌相當風騷，問到新婚生活，佢笑指婚後同平常冇異，仲叫大家多啲稱呼她為「賴太」。
佢透露老公因工作關係暫時離港：「都係分開幾日啫。（之前除夕倒數有陪你？）佢陪咗我去澳門做嘢，大家喺車入面倒數，最緊要係重要嘅人喺身邊。」
阿嬌仲話暫時未有生B計劃：「學老闆話齋，唔好keep住大住個肚，有嘅時候大家都會知，不過依家未有計劃。奶奶都冇畀壓力，佢真係好好。」
而21號就係阿嬌38歲生日，佢話未有安排，但就想約埋一班兄弟姊妹開心度過，就算冇二人世界都唔緊要。
至於出席婚後首個活動，酬勞是否相當吸引？她坦言：「冇傾過錢，咁呢個品牌自己鍾意嘅。（冇戴婚戒嘅？）我呢幾日水腫，手指好痛，所以冇戴。（唔驚老公詐型？）我驚唔見（戒指）多啲。（蜜月呢？）未諗到去邊，本來想去巴黎，但驚危險又凍。（過年返台灣？）香港、台灣兩邊走。（期待第一年派利是？）唔期待，早知過完年先結婚啦。」
(綜合報道)
大陸女星楊冪於去年12月22日晚上宣布和劉愷威離婚，結束接近五年婚姻關係，消息震撼！
及後，楊冪強勢出席頒獎禮，雖然雙目炯炯有神，但明顯瘦到令人心痛。
日前，她低調現身新劇慶功宴，與老拍檔霍建華密密斟。
據悉，楊冪本來唔想出席，但呢部劇係佢離婚後首部主演嘅劇集，點都要蒲頭谷戲！
至於單身爸爸劉愷威就密密為自己事業打拼，其工作室上載了他一輯靚仔近照，穿上藍灰色西裝的他帥氣十足，但最惹人注目是其造型，竟然是出自楊冪御用造型師姜成皓之手。
據知，姜成皓和楊冪關係超好，她的很多造型都是由姜成皓一手包辦。
雖然有網民擔心：「這樣真的不會尷尬嗎？」
但更多人相信造型師是專業的。
之後上咗央視《我要上春晚》節目獻技，係首度公開現身，甫出場展示溫文儒雅氣質惹來嘩聲四起，而在跳繩環節將深藏不露的運動天賦發揮，之後更加大難度玩轉身，被網民封「繩神」！
最後向內地女星宋寧放電眼，搞到對方喊晒！
原來今次出征，劉愷威早有準備，佢喺休息室嗰陣就已經不停練「送心心」冧粉絲。
相關新聞：
【傳楊冪同劉愷威爭小糯米撫養權：不晒不代表我不愛女兒】https://goo.gl/Nhj9V9
【被指出軌 劉愷威粉絲留言”討厭你”】楊冪離婚後首發文 https://goo.gl/2b2SDY
【離婚後被拍到…】劉愷威被指係爲咗要抹黑前妻楊冪 https://goo.gl/a3Mptm
【劉愷威抱小糯米行街片段瘋傳 楊冪：我會慢慢好好地走下去】https://goo.gl/dJVnra
【離婚後首度公開現身 輕攬為楊冪打氣！？】https://goo.gl/5LYc9Y
【3年得37日係陪小糯米…楊冪：那是你的問題】https://goo.gl/uJ3H2G
【疑離婚後首開腔 楊冪：接受自己所有的經歷與遭遇】https://goo.gl/upeUMD
【孫女小糯米點？】劉丹首開腔回應楊冪劉愷威離婚 https://goo.gl/Jmpttm
【奶奶嫌無孫仔抱 超難頂!?】楊冪劉愷威被爆離婚内幕 https://goo.gl/Uv9Sji
【劉愷威當年霸氣求婚 楊冪：家庭不應該成為束縛】https://goo.gl/v9DDmG
【傳兩個月前搞離婚 劉愷威楊冪揀喺冬至宣布分訊係因為⋯】https://goo.gl/yCC5ez
【傳楊冪劉愷威將宣佈離婚】楊冪：結果依然逃不掉傷心 https://goo.gl/bsjagk
【傳即將與劉愷威宣佈離婚】楊冪首回應 https://goo.gl/y32cKv
(綜合報道/on.cc)
上次仲未好明顯，今次終於見到凸肚啦！
陳凱琳（Grace）、林慧韡（達哥）及杜小喬今日去到旺角街頭出席食肆宣傳活動。懷有身孕嘅陳凱琳身材明顯升級，Grace話升咗幾多就唔知，不過屬於正常，Grace說：「自己每日望住個肚大，覺得好神奇，估唔到身體慢慢轉變，感覺良好，食嘢方面自己食多餐，但量唔多，有時夜晚12點、1點都要食嘢，自己鍾意食湯麵，嘉穎話會煲湯畀我飲，但我仲等緊佢煲湯。」
問Grace夜晚有冇要求嘉穎買消夜俾佢食，Grace話未試過，佢話通常嘉穎朝早準備好晒。Grace話懷孕之後，食嘢口味改變，以前鍾意食西餐，o依家鍾意食鹹嘢同中餐，同埋想食炸嘢，Grace話嘉穎o依家對自己都特別溫柔：「今日出門口之前，都同BB講話小心啲睇住媽咪。」
嘉穎係呢間食肆嘅代言人，今次搵咗Grace接捧宣傳，Grace說：「嘉穎今日出門口之前，都叫我同高層朋友打招呼。」問佢哋會唔會夫妻檔，Grace話：「唔知，最好啦！難得可以一齊拍廣告。」
對於會否一家三口拍廣告， Grace笑言：「BB未咁早食得炸雞。」Grace話暫時未接過母嬰產品廣告，一切順其自然，佢話o依家好易攰，好眼瞓，經常要休息，短期內唔會拍劇，因為唔想連累劇組進度。Grace透露佢同嘉穎已經諗咗幾個BB英文名，而中文名留番畀父母改，相信到時出世就會有頭緒。
(apple daily)
