【瘋狂吸LIKE】蕭正楠黃翠如晒合照網民即高呼「豬BB」

2019-01-02

琴日係2019年嘅第一日，2018年娛樂圈有好多喜事，有唔少喺去年做咗人妻或者做咗爹哋媽咪嘅藝人，去年對佢哋嚟講，感受更加深！當然包括台慶突然宣佈秘婚嘅蕭生蕭太啦~

啱啱喺台慶頒獎禮宣佈結婚嘅蕭正楠，佢同太太黃翠如喺網上亦多咗互動，唔再好似以前咁低調。

踏入2019年，佢哋分別喺社交網上載合照，蕭正楠就貼咗張望住日出嘅相。

並發文留言：「永遠快樂#蕭太太#新年快樂」Tag埋蕭太太，真係好Sweet!

蕭太黃翠如亦好識做，夫唱婦隨，亦同樣貼出合照，不過就係另外一張：「2018，我們的第一年。」雖然兩張相都只係得背影，但係都依然感受到嗰種sweet嘅感覺。

合照一出唔少網民留言都勁Like，高呼「豬BB」，可想而知一衆網民係幾咁期待下一年變一家三口呢！

相關新聞：

【再有好消息！黃翠如激罕曬…】https://goo.gl/q5B2MG

【爆黃翠如已經…】蕭正楠：抱BB同埋幫BB沖涼好靠… https://goo.gl/JnAX4t

【原來同張栢芝做鄰居】蕭正楠黃翠如愛巢曝光 https://goo.gl/nGXgTi

【宣佈婚訊後】蕭太黃翠如首發文：他就是那一個人 https://goo.gl/sUpwkX

【比陳展鵬陳凱琳阻住！？】蕭正楠自爆艱辛求婚過程 https://goo.gl/7DDCwj

【頒獎禮變婚禮】蕭正楠黃翠如宣佈喜訊全港感動見證 https://goo.gl/AZqn5S

(ig)

【轉眼間仔仔已經20歲】曾華倩曬孕照：感謝上天賜給我最寶貴的禮物

2019-01-01

藝人曾華倩離婚後獨力照顧寶貝仔林浩賢（Martin），母子情深。

細細個超可愛！

今日元旦係仔仔20歲生日，有仔萬事足嘅曾華倩喺社交網上載同仔仔合照，相中見到原本仲係BB嘅Martin，轉眼間已經大個仔，仲高過媽咪兩個頭。

同袁文傑一樣咁高！

佢日前亦分享一張廿年前大肚相，賀仔仔生日，並留言：「時光倒流……在1998年12月31日大除夕的日子，我的寶貝兒子還在我的肚子裏呢！還自己選擇了自己出生的大日子，在一月一日新年！哈哈……足已證明這孩子是喜歡熱鬧的寶貝兒！也感謝上天賜給我最寶貴的禮物。」

(on.cc)

【係吳君如介紹嘅？】一齊倒數睇煙花頭貼頭合照

2019-01-01

李施嬅16年初同富商潘樹維甩拖後，感情似乎一直未有着落。噚晚佢雖然單拖去中環一間餐廳出席除夕倒數派對，但《蘋果》直擊佢原來上到餐廳，全程有西裝男陪住同佢倒數同睇煙花，兩個人仲頭貼頭咁影相㖭。

原來李施嬅係同吳君如及陳可辛一家人開party，估唔到佢哋原來咁熟。

喺餐廳度，記者見李施嬅同君如、陳可辛、着住西裝嘅Anson Cha及一男一女攞住杯酒企喺度吹水。

Anson Cha係周潤發同郭富城嘅星級健身教練。

到差不多踏入凌晨12點，全部人企晒出餐廳出面露面倒數同睇煙花，君如同家人企埋一堆，李施嬅就同Anson 企埋一齊，喺踏入2019年一刻，李施嬅攞住部手機影相自拍，身邊嘅Anson就挨埋李施嬅身邊入鏡。

後來李施嬅索性將部手機交畀其他人幫佢同Anson合照，合照時李施嬅同Anson頭貼頭好開心，不過，因為Anson身高比李施嬅矮咗少少，所以合照時李施嬅都要就吓角度。

影完一輪相之後，李施嬅同吳君如企喺露台傾偈，傾足10幾分鐘，Anson就好似觀音兵咁寸步不離企喺李施嬅身邊，又不時望住李施嬅同君如傾偈，好明顯好冧李施嬅咁。不過，凌晨12點45分李施嬅離開時，就唔見Anson喺佢身邊，兩個人最後係分開走。

李施嬅凌晨離開餐廳落到樓下，見佢有啲面紅，佢話喺樓上同朋友睇煙花倒數，但就冇透露佢其實係同君如一家人一齊玩。記者問佢點解唔同「胡說八道會」啲姊妹一齊慶祝，佢話：「定欣去咗澳門，子羚（姚子羚）要開工，豹嫂（胡蓓蔚）就要陪豹哥（單立文），Mandy（黃智雯）就陪另一半，所以分開囉，自己原本都要開工嘅，開《法證先鋒IV》，但今日停廠，所以有一日day off，可以趁機會出嚟玩，但聽日都要開工。自己《法證》做法醫，好多對白要記，所以唔敢飲太多酒，自己好清醒，清醒到可以揸車㖭呀。」

講到新一年願望，佢話希望身體健康，同埋演藝工作上希望有個突破。問佢係咪想攞獎，佢唉聲嘆氣話：「好似我喺香港冇呢個緣份，不過好開心上年喺加拿大拍咗套劇，希望今年多啲參與外國製作，o依家做緊外國casting嘅嘢，但暫時唔可以透露太多，不過幾特別嘅project，希望做到啦！算係衝出國際，無論劇同電影都有傾緊，希望成功啦，不過外國競爭大，自己唔敢抱太大expectation。」

記者講到佢拍拖問題，佢話:「定欣同子羚都係單身，我哋都仲有Baby Li（胡杏兒囝囝）玩，我哋3個group埋一個single group囉，同埋我哋3個太偏向事業，冇刻意搵另一半，不過有朋友今晚都想介紹畀我，我就覺得唔急囉，拍完劇先至諗。」噚晚記者目擊Anson成晚傍住李施嬅，估計Anson就係李施嬅口中所講，朋友介紹佢識嘅男仔，而介紹男仔佢識嘅朋友，又會唔會係君如本人呢？至於李施嬅所講嘅外國電影同電視劇，唔知會唔會係同陳可辛合作呢？

(apple daily)

【曬萌爆寫真】楊證樺沈可欣宣布囝囝叫⋯

2019-01-01

藝人楊證樺和太太沈可欣的第二個囝囝上月11日出世，他們大方在社交平台宣布喜訊，獲得網民洗版式的恭賀。

今日元旦日，證樺特別上載囝囝的嬰兒寫真照。

佢留言話：「Hello大家好，今天是2019年1月1日，我要同大家正式宣佈（布），我的名字楊宏信（SEAN），祝各位哥哥姐姐新年快樂，身體健康，心想事成！」

見照片中小小Sean被巨大的雙手抱起，一時扮小天使，一時架上眼鏡扮攝影師，非常可愛。

有酒窩似足媽咪！

當然也不忘附上一家四口的合照，幸福滿滿！

(IG/Ming pao)

【好Warm呀！】陳茵媺曬一家五口全家福：今年每個月都有⋯

2019-01-01

藝人陳茵媺不時會教仔女勞作，個人充滿創意。

呢日陳茵媺在社交網分享新作品，原來她設計了一個2019年的家庭月曆，封面是一家五口的幸福合照，相當溫馨。

陳茵媺留言：「Our family calendar I designed has finally arrived today! Happy warm visuals every month of this year! Do you guys do one too? #design #familylife #familycalendar」意思她今日收到親自設計的家庭月曆，今年每個月都有快樂溫暖的視覺，問大家有無興趣也做一個。

將一家人相片製作日曆放閃真係好sweet！而陳豪就話：「呢個日曆都整咗好耐，全程由太太發版，盡量每年都希望可以有一個trip去做呢樣嘢，平時啲人就會將相片儲喺雲端，電子化聽落好方便，但未必會睇返，啲相如果有一個實質物件喺度，就會係一個好好回憶。」

(綜合報道)

【肚凸凸出巡】開心宣布佗豬B～

2019-01-01

恭喜恭喜！剛踏入新一年就有喜訊！

兩人因為拍電影撻着，當時已傳出擦出愛火，不過就一直冇認拍拖，而上年就突然宣布已婚，之後就一直盛傳有喜，多次被影到肚凸凸出巡，最近仲被拍得去睇BB用品，令傳聞甚囂塵上！

內地男星馮紹峰同老婆趙麗穎今日喺微博正式承認準備做父母喇！

馮紹峰發文：「知否知否，應是一家三口」，老婆趙麗穎就轉發話：「等候等候　恭迎2019」，而馮紹峰講緊嘅「知否知否」就係夫妻檔所拍兼現正播放中嘅大陸劇《知否知否應是綠肥紅瘦》，順道為劇集宣傳，真係一舉兩得！

馮紹峰未有說明寶寶預產期及性別，而內地傳媒報道，趙麗穎已有身孕七個月，預產期今年三月，並且佗男胎，而兩人去年奉子成婚只領證結婚，一切從簡，未有拍婚紗照及擺婚宴。就快做老竇嘅馮紹峰向親友表示，當日不拍婚照是怕趙麗穎有身孕不方便，等寶寶出生後會去補拍，至於婚宴則有可能與寶寶百日宴一起慶祝。

兩人因為拍電影《西遊記女兒國》撻着，當時已傳出擦出愛火，不過就一直冇認拍拖，而趙麗穎喺上年10月16日生日就突然晒出領證照宣布已婚，之後就一直盛傳有喜，多次被影到肚凸凸出巡，最近仲被拍得去睇BB用品，令傳聞甚囂塵上！

馮紹峰就試過喺微博發文寫上「從此1+1=4」，引起佗雙胞胎猜測，不過隨即秒刪貼文！如今，「唐僧」馮紹峰都變老竇，「國王」都做媽媽，網民都留言祝福佢哋呀！

(on.cc)

【平民燕窩一樣滋補】桃膠、雪燕、雪耳邊款最有效？

2019-01-01

秋冬的時候天氣乾燥，皮膚容易失去水份，這時最適合煲湯水滋潤一下。相信女生們對於桃膠、雪燕、雪耳3款食材並不陌生，又經常可以在湯水、糖水中看到它們的蹤影。這3種食材雖然價格沒有燕窩昂貴，但是滋補養顏的功效卻可與燕窩媲美，因此又被稱為「平民燕窩」，究竟它們有甚麼功效令愛美的女生愛不釋放手呢？那一種最有效呢？

桃膠主治尿道炎

桃膠是桃樹為了修補樹上裂痕而分泌出來的半透明樹膠。不過其實桃膠較少用於美容功效上，除了煲湯時會用到桃膠外，一般大部份時間桃膠都會用於糖水。
桃膠的圖片搜尋結果

1. 治療淋證的病

患有淋證的病的患者，如泌尿系結石，可以透過服食桃膠得到舒緩和治療。

2. 有助腸道健康

由於桃膠屬滋潤的食材，所以能夠達到潤腸通便的功效，對於有便秘的人來說也是一大福音。另外，腸胃的狀況有改善的話，皮膚的質素相對也可以得到提升！

雪燕滋陰潤膚

雪燕是植物雪燕樹木髓的分泌物，驟眼看上去形態確實與燕窩差不多。在美容功效方面，雪燕本身的質地膠質較重，黏性也相對地高，所以美容滋潤皮膚的功效比桃膠略勝一籌。

1. 滋潤皮膚

雪燕質地較黏，膠質較重，對於乾裂或有乾紋的皮膚亦有一定的功效，它可以幫助滋潤皮膚。

2. 促進美容排毒

雪燕同樣有潤膠通便的功效之餘，又可以幫助身體排解毒素，減少肌膚上的黑色素，保持白滑。

雪耳

雪耳是生長在枯木上的一種膠質類的真菌，雪耳又名為銀耳，很常聽到用於糖水和湯水之中，如木瓜雪耳糖水，又或者與白果煲成湯水。
雪耳的圖片搜尋結果

1. 溫肺益胃

雪耳的滋陰護膚功能大家皆知，除了美容護膚外，雪耳還可以達到潤肺的功效。因為它的性質為性平，所以可以幫助體內增加水份，益胃生津。

2. 補腦提神

雪耳有補腦提神之功效，有醫學研究證明，雪耳中多種的糖類物質可以抑制惡性腫瘤的生長。

總結：

桃膠在美容功效上仍然有代證實。最貴的雪燕滋陰，對皮膚乾燥及保養均有功效。雪耳在中國史書上也有記載，向來被視為保養食材，保益效果相對平和，而且較為可靠。最平的雪耳勝！

(新傳媒 / sina)

【元旦報喜】宣布已經與圈外女友拉埋天窗！

2019-01-01

今日報喜，佢已於昨日除夕同27歲圈外女友註冊結婚，升呢做人夫！佢話：「定能與對方組織溫暖家庭，已決定今後一起生活。」

與27歲女友相戀三年，昨日入紙，唔係奉子成婚，而兩人暫未定幾時擺喜酒。

據女方友人爆料，佢話兩人於五年前透過友人認識，拍拖兩至三年，早已展開同居關係。

日本男子組合EXILE嘅43歲成員MAKIDAI今日喺官方網站報喜，佢已於昨日除夕同27歲圈外女友註冊結婚，MAKIDAI話：「定能與對方組織溫暖家庭，已決定今後一起生活。」據其事務所透露，MAKIDAI與27歲女友相戀三年，昨日入紙，唔係奉子成婚，而兩人暫未定幾時擺喜酒。

近年MAKIDAI除咗係EXILE成員，MAKIDAI仲以PKCZ成員身份從事音樂活動。而MAKIDAI去年三月曾被拍到與新婚老婆嘅約會照而爆出戀情，當時指其另一半係與安田美沙子相似嘅靚女，據女方友人爆料，佢話兩人於五年前透過友人認識，拍拖兩至三年，早已展開同居關係。

(apple daily)

【2019已經有哂目標】袁偉豪話同張寶兒⋯：要係夫婦檔

2019-01-01

藝人袁偉豪（Ben）昨晚到大埔超級城出席倒數活動。

新一年剛到，Ben也已經定下新目標，就是想重拾十多年前的樂隊夢，找志同道合的樂手班底組隊表演，希望給觀眾認識演戲以外的他。

他說：「過去一年所定嘅嘢，好似相集都做到，年尾攞埋星馬視帝，係錦上添花，新一年想再幫自己定新目標，做啲唔同嘅表演，早前我雲頂做咗個騷，都幾好玩！（做歌手？）唔係想做一個歌手，業餘玩吓都好開心啦，呢個係十幾年前嘅夢，趁依家仲有一團火，就想試吓！」

講到與女友張寶兒分道揚鑣賺錢，佢話：「有冇得合體做嘢都要睇公司安排，自己同女友都冇乜所謂！（想一齊拍廣告？）等結婚先啦，要係夫婦檔就有意思啲！（咁幾時結？）順其自然啦，2019其實未係時候，要計劃吓嘅！」

(on.cc)

【承認有圈外人⋯】唐詩詠：愛情有就有

2019-01-01

唐詩詠、王浩信、姜麗文噚晚喺鑽石山出席倒數活動，唐詩詠近日傳撻著姚子羚舊愛鄭子邦(的士邦)，一齊去禪修做善事，唐詩詠話：「以為自己單身可以好正，點知所有男性動物都被形容為我伴侶，覺得唔好意思，呢個團隊三十幾位義工，全部都認識，亦唔係第一次一齊去做義工。我唔想影響人哋，今次傳呢個，下次傳第二個，我都用咗好多時間去學習，依家學識咗都想教人。」

當日被捕捉畫面，顯見兩人關係都幾好，有冇發展可能？詩詠就話：「話我哋幾好就係最奇怪地方，我哋大家都係做義工，唔可以話人唔好，話好就會有無限聯想，將來未發生事唔去評論，我哋只係上堂，發展呢啲唔會去諗。」

詩詠又透露現時有一位追求者係圈外人，但就好秘密話：「唔講，講咗會冇。」新一年願望係咪希望可以搵到合適伴侶？佢話：「梗係工作先啦，嚟緊會拍動作戲，挑戰難度，女人要努力搵錢先，愛情有就有，冇都有錢，所以有冇愛情都要努力搵錢先。」

今年屢傳婚變王浩信雖然多次否認，噚晚佢話倒數前喺屋企食完飯先出來工作，仲話：「太太唔使開工，我出嚟搵食，新一年希望工作有新嘗試，除咗演技亦會努力做音樂，夢想係踏上一次紅館，以前感覺好渺茫，但o依家朝呢個方向，希望獲得唱片公司賞識。」來年願望會唔會想少啲傳婚變？王浩信話：「要回應嘅都回應咗，希望樣樣都正面啲。」一家三口多啲出嚟闢謠？佢就話：「我會維持番自己作風。」

(Apple daily)