凌晨時段喺社交網甫咗幾張相，見到佢同老公勁開心：「我哋開心是因爲：一家四口就來變成一家六口了！上天待我真的真的好！感恩中。」
金牌監製梅小青及劉家豪嘅律師仔仔劉鎮然（Alfred）2014年同女友胡佩儀（May）拉埋天窗，當時佢哋已經露咗口風恨抱孫，近日終於有好消息，呢個驚喜仲係打孖上，真係恭喜晒！
凌晨時段梅小青喺社交網甫咗幾張相，見到佢同老公勁開心，其中一張梅小青雙手抱頭個樣興奮得嚟又好似有啲唔相信咁，佢留言叫大家估吓佢哋做乜咁開心！隔咗唔夠半個鐘佢就開估：「我哋開心是因爲：一家四口就來變成一家六口了！上天待我真的真的好！感恩中。」
據知十一月梅小青就可以親手抱孫，仲係一手抱一個，唔怪得之佢會開心到咁樣啦！唔少人好似黎燕珊同鍾淑慧都有留言恭喜佢哋榮升爺爺嫲嫲。
(on.cc東網)
楊怡昨日下晝，喺深水埗出席完宣傳活動後，就揸車返回大埔比華利山寓所，到大概5點鐘左右，佢同助手就揸住架Range Rover越野車到葵涌Land Rover車廠。紮住馬尾嘅楊怡同助手行咗落車，即刻已經有職員埋嚟招呼佢，楊怡交帶咗幾句後，就入咗辦公室簽文件，相信今次係送架車返去定期維修。
楊怡前後逗留約30分鐘後就離開，而車廠方面仲搵專人揸架積架房車，送佢返回比華利山寓所，都咪話唔巴閉。而當楊怡知道有記者追訪時，佢仲調低車窗同記者講拜拜，非常友善。
幾時都話「魚唔過塘唔肥」，就好似離開大台後嘅楊怡咁，早前返娘家拍劇，打咗折，每集身價都俾以前足足跳升五級，搵到錢咁梗係要買番架過百萬嘅車顯身價啦！
睇返楊怡架Range Rover車價過百萬，加埋個靚牌就身價百倍。早排離巢嘅楊怡返娘家拍劇，自然收返正價片酬，打咗折都5萬蚊一集，三十六集計落成180萬，足夠買新車有餘，相對以前1萬蚊一集，真係差天共地，唔怪得之個個都出外搵食。
(蘋果日報)
藝人張智霖工作接工作做唔停，不過點忙佢都會抽時間陪吓寶貝仔張慕童（魔童），近日佢同太太袁詠儀（靚靚）帶魔童去咗非洲肯雅旅行，靚靚就喺社交網發放非洲之旅嘅點滴。
其中一張相佢哋三個手拖手喺草原上漫步，加上夕陽斜照好有意境，成個畫面充滿愛！
除咗同一大班朋友圍住火堆傾偈之外，魔童仲識到新朋友仔，佢同當地嘅小朋友搭住膊頭合照，有網民就話魔童愈嚟愈瘦，仲話佢今個暑假好似冇乜高過，睇嚟魔童都要食多啲嘢先得啦！
(on.cc東網)
孕婦應否做太劇烈嘅運動，相信呢個課題都受到好多準媽媽嘅關注，昨日懷胎8月嘅Coffee(林芊妤)就喺ig度貼咗一張佢倒立嘅相，就引嚟好多網民嘅討論喇！
Coffee懷孕初期，身形上變化不大，令到好多孕媽媽嘅羨慕，佢仲不時喺社交網貼出做運動同玩瑜珈嘅相、短片，當時都有好多人提醒Coffee要小心，到今日佢貼咗做倒立嘅相，睇落又真係好驚險喎！有網民大讚Coffee犀利，亦羨慕佢大肚依然見到馬甲線等等。
但亦有網民質疑大肚可以做倒立咩？亦有網民話：「有無諗過失手後果會係點，為了影一張相值得咩」、「Will affect the baby positioning or not？」、「難到唔高，但肚入面d臍帶有機會因上下倒轉育動纏住bb喎。」更有網民覺得Coffee此舉乃為呃Like，引起網上一翻激烈爭辯。而亦有網民指有做瑜珈嘅人都知道這不是太高難度嘅動作，可能係華人嘅思想比較保守。
之前Coffee話過胎盤前置，可能要開刀生B，佢話：「醫生都話留喺香港休息吓好啲，不過佢話一定唔關我做運動事，可能我之前做過子宮手術。」
之後Coffee都留言更新回應：
「這是我懷孕前後
每天也會練習的瑜珈動作
而我做倒立的方法很安全
也有10年的倒立經驗
跟正常人站著一樣穩實
每個人的體質和準則也不一樣
所以將懷孕前運動量減半即可
加上我是瑜珈導師
知道有哪些動作孕婦要避免
激烈轉身向前彎向後彎
或訓練腹肌和壓到寶寶的動作
我在孕期也有避免的
而沒有練習過頭倒立的人
我相信也不會突然懷孕後去做
所以謝謝你們關心喔😘」
此外，今天29歲生日嘅Coffee，昨晚就約咗一班女性朋友慶祝，仲俾朋友好肉緊咁錫面，Coffee亦留言：「扁啦！」
(蘋果日報)
「其實都有啲似呢部戲，我同老公中間有28年係冇搵過對方，呢幾年先偶遇返，上年喺日本結咗婚。2015年3月，我知道自己有卵巢癌4期，呢個病生存率好低，幸好我可以好番，上年又結咗婚，真係好開心同幸福。」
1986年，楊凡導演初執導筒拍攝電影《少女日記》，仲親自挑選鄧浩光同吳美枝擔任男女主角，又邀請林志美為電影獻唱主題曲《偶遇》。有趣嘅係，佢哋4個當時其實都係「初哥」，甚至幕後都有唔少新鮮人，幼嫩青澀嘅當時，湊起來卻是恰到好處嘅少女情懷。
32年過去，早已各奔前程嘅四人，因為《少女日記》重聚，日前喺油麻地細談當日嘅電影初體驗。
往事如歌，往事如詩。舊人聚首總係特別開心，楊凡、鄧浩光、吳美枝同林志美甫見面已經雞啄唔斷。問楊凡點解會揀《少女時代》重新修復上映？他笑稱：「我拍咗13部電影，全部我都修復晒，睇返啲毛片，真係好天真，啲技術真係好多進步空間。原本真係唔批修復呢部，因為都幾得人驚。」鄧浩光即笑謂：「我上星期入場睇返，啲人都投入到，仲好感動呀。」
《少女日記》係楊凡首次執導嘅電影，故事係講鄧浩光同吳美枝一見鍾情，但卻因為種種原因而錯過結識對方，最後當然有個浪漫結局。楊凡稱：「成世我都想拍電影，嗰時徐克話畀我做導演，佢監製，原本我寫咗《上海之夜》但係拍唔到，跟住先有《少》，所以你會發現鍾鎮濤、葉蒨文嘅故仔，同鄧浩光、吳美枝係有啲相似，我對呢種好似好神秘嘅情愫，特別有感覺。」
楊凡仲話當年揀角嘅時候，吳美枝係絕無他人之選：「嗰時佢拍過許冠傑MV，當年冇乜人拍MV 0架，好犀利，我一睇就知係佢。搵到女主角就搵男主角，鄧浩光嗰時仲喺銀禧中心教游水，我哋裝咗佢好耐。」鄧浩光直言拍戲嗰陣，覺得吳美枝唔靚：「嗰時唔識欣賞佢嘅靚，唔係我心目中嘅白雪公主。我都問自己，點解當時對佢會冇感覺架？好彩當時唔覺得佢靚，如果唔係Kevin（吳美枝丈夫）就冇機會啦。」
吳美枝拍過電影《少》同《甜蜜十六歲》後便退居幕後，從事美容生意，多年來過得低調嘅佢，談到自己嘅近況：「其實都有啲似呢部戲，我同老公中間有28年係冇搵過對方，呢幾年先偶遇返，上年喺日本結咗婚。2015年3月，我知道自己有卵巢癌4期，呢個病生存率好低，幸好我可以好番，上年又結咗婚，真係好開心同幸福，所以呢部戲上番，我更加覺得得到大家好大嘅祝福。依家個人唔同咗，好多以前唔敢做嘅嘢，我都會嘗試去做，然後發現好多失去嘅嘢都返晒嚟。」
楊凡補充說：「當日我朋友同佢喺同一間醫院做電療，但係我朋友走咗，依家見到佢抗癌成功，仲咁靚女，真係特別開心。」為重現電影中重要嘅一幕，吳美枝老公Kevin更大方客串，扮演陳俊國所演嘅角色，Kevin仲好鬼馬咁話：「陳俊國係我同學嚟0架，佢唔嚟，我幫佢頂住先。」
《少》對吳美枝嚟講，好重要，佢話：「佢記錄晒我所有青春同天真，依家睇返，當日我做呢個決定好啱。雖然我好包包面，入面好多嫌棄，但好多謝當時嘅純真，拍到我嗰種靚。好記得最後嗰幕，我同鄧浩光回頭互望，嗰個畫面好經典，對於我嚟講係timeless，係代表咗我。」鄧浩光亦感謝楊凡同《少》，仲話楊凡改變咗佢一生：「如果嗰時唔係去咗拍戲，可能我會繼續教游水，然後平平凡凡咁過人生。呢部戲，所有人都係第一次，係有risk但係亦都有個好好嘅化學作用，真係想拍都拍唔返。」
林志美指電影主題曲《偶遇》，為佢帶來好多：「佢畀我好多回憶，呢首歌亦係一個經典，去到邊都好，唔唱好似走唔到咁。」早前佢親自入戲院，一幕幕嘅畫面，配合佢自己嘅歌聲：「我冇帶任何期望入場，但原來會有人跟住唱，聽到呢個配樂，真係好感動。」鄧浩光仲帶咗個驚喜畀大家，係當年《少》嘅手抄絲印劇本：「真係好珍貴，入面仲有當年我哋影嘅相，呢個真係好經典，我之後拍20幾年戲，都冇再見過呢啲劇本。」
(蘋果日報)
提到與同場莊思明的男友楊明曾傳緋聞，同場可尷尬？她即言：「吓，拍拖？咩尷尬？我哋只係同期訓練班啫，識咗好耐嘅朋友，亦都識思明，佢哋兩個比傳媒更早知我拍拖。」
被東網踢爆與衛志豪（Michael）拍拖的阮兒，現身大埔超級城《魚樂圓月慶中秋》活動，她坦言與Michael已拍拖半年多。
提到男友如何追求成功？她稱因之前臉「生蛇」出不到街，多得他悉心照炓而被打動。她亦言男友是追求了一段時間她才答應。因年齡差距？阮兒謂：「冇諗呢樣，但我哋都係屬兔。（定係Michael形象花弗？）都係，所以要多啲時間觀察，同埋你哋都幫我睇住佢呀！」
不過，現阮兒承認兩人拍拖當然對Michael有信心，她稱待中秋節過後會帶男友返家鄉荷蘭探家人，順道為旅遊節目做搜集。問到男友已順利入屋見家長？她稱之前已見過面，媽咪對她選男友都抱開放態度，但她強調未有同居，大家努力工作先。視對方為結婚對象？她稱以前都想早結婚生仔，現就專心工作先。Michael已到適婚年齡？阮兒笑言：「咁你哋幫我好好監察吓佢先。」
莊思明表示與Michael未入行前已經認識：「佢冇特別講拍拖，但睇佢言行間就感覺到係有啲嘢，好甜蜜。」問可有叫Michael生生性性？她謂：「佢唔花弗嘅，只係說話直腸直肚，阮兒咁叻女一定識揀。」
講到中秋節，莊思明當日下午要去上堂，晚上會和家人食飯，至於男友楊明新劇剛開拍，日前連續幾晚通頂趕戲。
(on.cc東網)
本月初，剛度過29歲生日的無綫藝人余德丞（Dickson），上月8日晚踢波時突然昏迷入院，更一度心臟停頓，情況陷入危殆，幸最終大步檻過，難怪出院後亦以「第二生命」來形容自己「死裏逃生」。據知，因心臟病發入院的他，出院至今現仍處於休養階段，看似復工遙遙無期，但其實是因禍得福！
本來Dickson有份演出的兩部劇集《殺手》及《救妻同學會》，因病關係而需要易角，最後由伍富橋頂上。雖然連失兩劇，但無綫方面已決定出招力捧，並吩咐他在這段時間只需專心休息，養精蓄銳以便應付復工後的工作！一直被視為「男神」的他除了有不少女粉絲外，還因形象入屋，招攬了不少師奶粉絲，加上今次獲「全城集氣」贏盡民心，故無綫隨即計劃為他度身訂造角色開拍新劇，乘機捧他為第一男主角上位！據了解，他獲安排以較為輕鬆的工作「復出」，預計復工的第一炮將是後日（23日）出席商場活動，親身向大家報平安。
處於休養階段的Dickson近日已經頻頻出動，除了為江美儀慶祝生日外，日前還化身孝順仔，為母親管接管送！當日下午約3時，他首先驅車離開大坑寓所直往銅鑼灣接母親，見她手持一、兩袋月餅及食物匆匆上車，母子及後前往西灣河一個屋苑。
Dickson下車時見記者在場即友善打招呼，一身T恤及短褲打扮的他明顯瘦了不少，被問到最新病況，他笑容滿面地表示已無大礙，只是要聽從醫生意見，暫時仍未可以做運動，至於何時開工，他說：「未知啊！暫時都未定實。（醫生建議你休息幾耐？）要再睇吓！（需要戒口？）西醫唔使戒口嘅。（你嘅隱性心臟病係咪遺傳？）真係唔知啊！（連醫生都唔知係咪遺傳？）係啊！唔知啊！」說罷便與母親步入屋苑，上樓與親友飯敘提早團圓。
對於Dickson的復工安排，無綫高層樂易玲受訪指他的精神相當不俗，還返電視城為江美儀慶祝生日(相關新聞: https://goo.gl/zBZQYH)，踢爆他其實很想可以早日恢復工作：「佢好想做嘢，紥紥跳咁，返廠仲有派啲紅豆餅畀我哋食、打牙骹，我哋冇時間去探佢，佢就嚟探我哋。」並表示相信他可以隨時復工。
（on.cc東網）
當時喺大約下晝4點幾，喺旺角向尖沙嘴方向嘅港鐵車廂見到佢哋：「佢哋兩個都幾親密，喺度互動影相，有講有笑，個男仔都高大靚仔，個女仔化咗少少妝，真人都係甜美，佢哋行為舉止似熱戀，互攬之餘又見到個男仔摸佢個頭，最後見到佢哋搭到去尖沙嘴就出閘。」
21歲嘅中葡混血兒麥嘉欣(Sofia Paiva)舊年代表澳門參加國際小姐，當時網民激讚佢生得標致，被網民推舉為「澳門小姐」，大讚佢靚過應屆香港小姐冠軍雷莊兒，而人氣急升。
麥嘉欣之前嘅感情狀況，就同澳門藝人沈柏彤拍拖，不過今年3月出活動就講到已回復單身，仲講到早喺去東京參選國際小姐前已醞釀分手。
話都冇咁快，麥嘉欣o依家已名花有主喇！日前本報讀者洪先生就透過《蘋果》爆相爆片，直擊佢同新男友搭港鐵，片中見到身穿黑色deep V連身裙嘅麥嘉欣，同男友喺車廂舉止親密，女方雙手攬實男友條腰，而男方亦一手攬住麥嘉欣纖腰回禮。片中所見，呢個一副模特兒身形嘅估計有6呎高，企喺5呎7吋高嘅麥嘉欣身邊高足大半個頭，所以麥嘉欣不時要抬頭同佢傾偈。
本報聯絡過麥嘉欣，問到佢同大隻男友搭港鐵互攬一事，佢直認拍拖，但就冇透露對方身份：「係呀，我o依家拍緊拖，都一齊咗一段時間，我同男朋友無乜話刻意特登隱瞞，無論我哋平時出街、網上平台都係順其自然，我有post過佢嘅相，而佢亦有post過story有我，之前我都有回應過有男朋友，不過可能無乜人留意到。」
據澳門知情人士爆料，同麥嘉欣拍拖搭港鐵嘅大隻男名叫李嘉豪(Kyle)，Kyle係16年國際先生香港代表，佢哋都係透過一個澳門選美聯盟認識。
李嘉豪今年25歲，身高6呎1，擁有38吋朱古力爆肌，現時係現役甲一排球員，所屬仁濟球會，同時亦有做模特兒，之後殺入娛圈，參演過Viu TV《瑪嘉烈與大衛系列前度》，今年1月，同童愛玲做舞台劇《金星撞火星》演小鮮肉，而且劇中更同大佢20年嘅童愛玲有感情戲。
二人暗撻近1年，女方更疑似背住澳門男友沈柏彤，一腳踏兩船暗撻Kyle，皆因去年9月接受傳媒時，佢提到同沈柏彤鍾意喺Ig放閃戀事嘅同時，同月就有傳媒影到佢嚟香港睇Kyle有份出賽嘅排球賽事。
麥嘉欣與沈柏彤分手後即刪走Ig蜜照，之後就未有再喺Ig交代戀事，但佢同Kyle就間唔中喺社交平台放閃，好似上月佢哋就一齊去咗越南，麥嘉欣同Kyle就分別貼咗泳照同旅遊相，而麥嘉欣仲hashtag了#photographer，Kyle亦有留言，麥嘉欣友人就踢爆「攝影師」就係Kyle，可知兩人戀事已係朋友間公開嘅秘密，同埋麥嘉欣成日都喺Ig貼嚟香港玩嘅相，似乎要密密搭船過大海嚟keep住呢段「異地戀」。
(蘋果日報)
佢自從生咗仔仔後，甚少出席公開場合，專心喺屋企做好媽媽。
但最近佢終於「出關」喇！佢喺網上上載一張飯局照片，跟城中名人邢嘉倩、曾昭怡等聚會，仲穿上吊帶低胸裝，不經意咁晒事業線。
藝人吳雨霏（Kary）留言表示：「好高興昨晚被這些女孩拉出家門，已經3個月沒有離開家，很久沒有離開過仔仔，希望每一秒都跟仔仔一齊，但學會放手，不要因為有自己的時間而感到愧疚，找到這種平衡對我來說也很重要，即使只有兩個小時的晚餐，感覺很好。」
懷孕時
（on.cc）
有糖尿病的人，大概有25%都不知道自己罹患了糖尿病，可能是身體沒有症狀，或者出現症狀卻沒有去看醫生。有前期糖尿病的人只有1/3才知道自己身體的狀況。如果放任不管，就可能發展得更嚴重，甚至出現各種併發症。所以當有症狀的時候，應該及時去看醫生。
一些人也許對身體的某些症狀已經習以為常了，所以疏忽了。糖尿病最常見的症狀包括：
● 嘴巴乾
● 尿多
● 經常有飢餓感
● 吃了很多，體重依然下降
糖尿病中期的時候，容易出現的症狀包括：
● 神經麻木，刺痛，像螞蟻在身上爬（神經系統受損）
● 視力模糊（血糖高，損傷視網膜）
● 容易困乏，非常疲憊
● 傷口難癒合（血糖高阻止傷口癒合）
● 經常有感染，如尿路感染、呼吸道感染
糖尿病兩個最大的風險因素就是遺傳和肥胖。很多發生二型糖尿病的人，都是在45歲以上，有很強的家族病史，而這個人本身又不注意飲食，如果再加上抽煙、喝酒、不愛運動、肥胖，發生糖尿病的機率就更大了。
建議大家，尤其有糖尿病家族病史的人，除了平時調整生活習慣以外，還要養成一個習慣，就是每年去醫生診所做個體檢，這樣可以早發現早治療。
另外還有一個危險因素，就是妊娠糖尿病。如果女性在懷孕期的時候得到糖尿病，雖然在分娩之後多會痊癒，但她將來罹患糖尿病的風險就會增高。
(大紀元)
