前港姐朱千雪近年專心攻讀法律博士課程，隨時準備做「Law神」。
有傳朱千雪之後諗住退出娛樂圈，叠埋心水做律師，仲傳已經有著名律師行高薪挖角，為佢預留職位。
朱千雪昨日出席活動表示…
她接受訪問時笑言這條律師路很漫長：「我同TVB仲有一段長時間嘅合約，同埋讀法律仲要年幾時間後先畢業，之後仲要實習，攞到牌先做到律師，要睇順唔順利畢業攞到牌先知。（依家係咪唔入劇組？）主要拍旅遊節目同出席活動，拍劇比較難度時間，暫時都冇劇喺身。依家個方向係希望讀完呢年幾後去實習，不過成件事係幾年後嘅事。」
提到是否已有著名律師行預留職位、高薪挖角？她謙稱：「我邊有資格被人高薪挖角呀，反而諗有冇人畀機會我實習到，已經覺得好好！依家好驚有冇人肯收我做徒弟。」
(on.cc)
古巨基參與內地音樂節目《幻樂之城》演出，基仔透過電影鏡頭重塑音樂作品，是「唱+演」的表演。他在自編自導自演的音樂劇《下次再見》跟觀眾分享一段令人心痛的友誼。故事中五個好朋友在畢業後各有各忙，要齊人五個一起聚會，竟然是畢業十年後，其中一個結婚了才「齊腳」。後來其中一個好朋友遇上車禍離世…基仔唱出《朋友》這曲作配合。
基仔說早段日子，他有一個好朋友Paul過身了，他們是小學同學，長大後各有各忙，直至兩年前最要好的同學與老師有一次齊人的飯局，他跟Paul說以後要多見面。基仔沒想到那次是跟Paul最後一次見面，Paul在聚會的幾個月後突然離世。他說:「原來，人生真的很無常。平常一句『下次再見』變成再也不能見。」基仔動情演繹，男兒淚打動音樂體驗官王菲，說:「整個人都在情緒裏面！」
基仔邀多年前合作《情深深雨濛濛》(2001年)「何書桓」(基仔)的好友「陸爾豪」高鑫於音樂劇中演過世的好友。
17年的拍檔再聚，集體回憶返晒嚟，網民睇到好激動。
基仔的真情演繹感動「富察皇后」秦嵐，微博轉發視頻又大讚基仔自導自演有才華又顏值高。
《還珠格格3》中秦嵐與基仔也曾合作，早前她來港，特意安排周慧敏現身送驚喜。
(明報)
藝人陳智燊（Jason）與太太宋熙年（Sarah）上月尾榮升父母，兩公婆日夜照顧仔仔，照計Sarah依家仍然坐緊月未「放監」，宋熙年雖然係鬼妹仔性格，但都好守中國人傳統要坐月。
不過今日宋熙年竟然破禁外出，去咗同老公Jason撐枱腳，原來係佢哋結婚2周年，宋熙年用英文留言表示喺仍然要坐月期間，獲老公批准「放監」3小時，佢刻意打扮了一番，仲着上高跟鞋，大嘆已經5個月冇着過，仲話食完飯後要繼續返去「坐監」。而Jason就係自己社交網留言表示老婆已經孩子的媽媽感覺好amazing。
Sarah跟老公影了甜蜜合照，呢張相都係佢產後首張新相，穿上黑色衫嘅佢，只係影半身，雖然睇唔出收身收成點，但係Sarah仍然面尖尖冇水腫，依然省鏡。
（on.cc）
全港逾100萬用戶注意！有不法之徒在10號風球當日(16日)，成功盜用綑綁PayMe的信用卡，並在相關卡內盜取5000港元的信用額，暫時已有數名用戶「中招」，已到警署報案。研發PayMe的滙豐銀行今日(19日)向證實事件，已留意到與PayMe有關的信用卡詐欺事件，正協助警方調查，而涉案只有少數案件。據了解，初步發現事件與PayMe保安系統無關。
WhatsApp近日瘋傳一段訊息，指本周日懸掛10號風球期間，先後收到兩次滙豐銀行的短訊通知，指綑綁PayMe的信用卡將5000港元存入PayMe的戶口內，疑被人盜用，立即致電熱線，報失有關疑被盜用的信用卡。該短訊又指，今早剛致電沙田警署報案，該署的警長指已有多人與他有同類情況，呼籲其他用戶立即將PayMe戶口內的錢提取，並結束有關戶口。
滙豐發言人證實事件，惟強調PayMe帳戶及電子錢包內的金錢不會受到該事件影響，呼籲用戶如發現有可疑的信用卡交易，應立即聯絡該行，並通知警方。
沙田警署今晚接獲一名53歲姓陳男子報案，指他早前接到電話短訊，顯示他的信用卡有數項轉帳至儲值支付工具的交易，總值約5000港元，報案人感到可疑遂報案。案件列「以欺騙手段取得財產」，由沙田警區刑事調查隊第2隊跟進，暫未有人被捕。
另外，馬鞍山警署今日下午分別接獲一名66歲姓蔡男子及一名28歲姓鄧男子報案，指發現他們的信用卡分別有數項轉帳至儲值支付工具的交易，總值分別約7000港元及約2000港元，但他們未有登記使用這些工具，報案人感到可疑遂報案。兩宗案件皆列「以欺騙手段取得財產」，由沙田警區刑事調查隊第7隊跟進，暫未有人被捕。
（on.cc）
江美儀即刻喺ig度同大家分享呢份喜悅，佢話：「生日的驚喜，就是我個仔突然嚟探我班，重買咗個蛋糕同我慶祝生日。我最窩心的生日禮物，就是他健健康康站在我面前。」
早前已經有唔少藝人為江美儀預祝生日~ 
今日就係江美儀47歲生日，昨日就依然要開工，但就有男神送驚喜喎，就係大台新一代男神余德丞喇！
之前先喺電視城巧遇嘟姐(鄭裕玲)，好開心咁同嘟姐合照嘅余德丞，轉個頭又好忙咁去開心速遞，就係去送生日蛋糕俾聽日生日嘅「阿媽」江美儀。余德丞同江美儀曾喺劇集《誇世代》合演母子，余德丞就專登買咗個生日蛋糕去到美儀拍攝嘅場地，同佢預祝生日。
阿媽收到「囝囝」呢份心意當然開心到癲，即刻喺ig度同大家分享呢份喜悅，佢話：「生日的驚喜，就是我個仔突然嚟探我班，重買咗個蛋糕同我慶祝生日。我最窩心的生日禮物，就是他健健康康站在我面前。多謝你呀德丞，多謝你阿六同監制Joe!#有個乖仔同我慶祝生日#有個仔真好#江美儀 #江美人#好好善待自己 #余德丞 #龔嘉欣」。
同樣有份演《誇世代》嘅張繼聰見到都即時留言向美儀說聲：「Happy birthday！」
(蘋果日報)
應采兒的發文公佈後，隨即掀起網民熱議，甚至還讓此話題瞬間登上微博熱搜冠軍！
女星應采兒近日參與綜藝節目《妻子的浪漫旅行》，期間與同行的另外3名人妻培養出深厚友誼，尤其與「小鮮肉幫手」魏大勛的互動更是猶如母子般，不僅管束對方的言行，還要教英文。
大陸男星魏大勛跟著4位人妻到比利時旅遊，充當小幫手，無論是搬運行李、倒酒、導航樣樣一手包辦，但英文不好的他，在旅程中不時會對外國人突然說了中文，在最新一期節目中，他就對著餐廳侍應說：「再給我倒點，再給我倒點！」全程目睹的應采兒隨即出聲提醒「要說英文」，後來還一字一句教導要說「please」、「thank you」等。
一旁的謝娜看著兩人互動，也忍不住笑言：「她（應采兒）把你當兒子在帶，她以為她上的節目是《媽媽是超人》。」後來還開玩笑說大勛在這趟旅行結束後，就稱為了應采兒的兒子，要認Jasper當乾弟弟。沒想到在節目播出後，應采兒真的主動在微博上發文，曬出魏大勛的微博帳號及正面照，並寫道：「請關注一下，這是Jasper異父異母的乾哥哥！」
應采兒發文公布「Jasper有一個異父異母的乾哥哥」，工作室隨後也跟上。
後來，魏大勛也轉發了該則發文：「恭喜魏大勛喜提乾媽、乾爸、乾弟弟！」連應采兒及陳小春的工作室也曬出魏大勛、Jasper及應采兒3人反白眼的畫面，笑言：「異父異母親哥倆and their麻麻（媽媽）。」雙方一來一往的搞笑互動，隨即掀起眾人熱議，甚至還讓此話題瞬間登上微博熱搜冠軍，有網友笑虧：「你們有想過Jasper的感受嗎」、「有這哥，辛苦Jasper了」，笑翻眾人。
（ettoday）
身為三女之母嘅鍾麗緹（Christy）啱啱踏入48歲，獲老公張倫碩送上驚喜，張倫碩在社交網放了一條視頻，是他與Christy的兩女兒一同跳舞的短片，片中張倫碩戴着爆炸頭假髮，穿喇叭褲，造型懷舊，兩女兒則穿連身短裙。
他發文稱愛妻做大寶貝，他說：「今天你的十八歲生日。希望我的大寶貝，今天可以玩得開心。雖然不能喝酒。但是我們依然可以讓這個夜晚躁起來啊！哈哈。祝你的心情每天都是晴空萬里，祝你的身體健健康康！」
相信Christy一定甜在心頭。網民除咗向女神送上生日祝福外，亦有人問唔飲得酒係咪因為佢已經四度有喜？
去到凌晨時段，張倫碩上載多一條慶生Party片段，Christy終於都有現身，佢同張倫碩一樣都係懷舊打扮再加爆炸頭假髮，佢哋兩個喺度跳舞，期間張倫碩旁若無人咁仲出手打Christy嘅Pat Pat，佢哋仲喺眾人面前屁股撞屁股，隔住個mon都feel到佢哋玩得有幾開心！
(on.cc東網)
藝人王祖藍到灣仔演藝學院為歌舞電影《你咪理，我愛你！》拍攝，今次是他執導的處女作，將於賀歲檔上映。
祖藍透露請來了多達六十位演員參演：「呢套戲都籌備咗多年，去百老匯傾埋版權到依家都年幾，今次毛舜筠、王菀之、曾志偉都會演多個角色，我就演少少，專心做導演。（碌爆人情卡？）係公平價錢，要尊重演員，個個都發揮到，最緊要係我請佢哋又跳又唱又演，點計都係抵嘅！鮑姐（鮑起靜）仲搵埋老師學唱歌，個個演員都準備充足。」
提到太太李亞男宣佈佗B女，問忙拍戲會否被投訴？
他又很感恩這次能留在香港拍攝，讓他能多回家照顧懷孕的太太李亞男：「拍的時間未知道她懷孕，她很幸福，每天都是說同一句話，就是不知道晚上去哪裡吃飯好」，又笑稱希望女兒各方面都像亞男。
祖藍說：「佢日日陪我睇劇本囉。（預產期幾時？）年頭到年尾啦。（怕撞期？）邊剪片邊學剪臍帶囉！」而亞男為方便祖藍預留時間決定開刀分娩，他說：「係朝呢個方向，想定日子開刀，第時囡囡問『爹哋點解我呢日生日？』我就答佢要遷就老竇個期囉！」
他透露未決定是否進產房見證女兒出生：「我很怕血，但亞男有說想我進去陪著她」，又笑說反而是他要上產前班克服心理壓力，可見準爸爸祖藍現在的壓力的確不少。
(綜合報道 / on.cc)
郭富城同周潤發繼《寒戰2》之後，再合作莊文强導演嘅《無雙》。今次阿城由警務署長搖身變成一名內斂嘅畫師，跟發哥有唔少對手戲。早前阿城喺紅磡接受訪問，已為人父嘅阿城表現豁達，更少有談及家事。
「我覺得生活上有改變，先至可以令我喺創作空間上，能走得更遠。你有家庭，知道點樣去照顧你嘅家人，點樣愛護你嘅子女、愛護你身邊嘅人。呢種愛，係你以前未結婚，未有小朋友嘅時候，係唔會出現嘅。因為呢啲係真實、開心。」
郭富城話，以前未有家庭負擔時，就算有開心事，都係一笑就過；0依家嘅笑，係有「回甘」而持久：「以前一笑就過，大家見到朋友，笑完就冇，開心就係咁樣。但當你有咗家庭嘅快樂，你嘅快樂係講不出嘅一種溫情，係冇第二啲嘢能夠代替嘅，所以你工作嘅時候，就係因為你有家庭，所以你面對工作嘅時候，要更加用心，有更大嘅動力。為咗你嘅家人，希望做到一個，都是現在嘅爸爸，我覺得依家每一個作品，到小朋友大嘅時候，都能夠分享，希望小朋友能夠知道，爸爸係好用心、很努力。」
講到最近郭富城拍攝《麥路人》時，俾追問老婆方媛係咪有第二胎時，語帶不善，郭富城解釋因為太入戲。他稱作為戲中三餐不繼嘅低下層人物，對身邊嘅事，反應會好大：「我好少講家庭事，不過同大家分享下，有小朋友係好開心嘅事。但係好多時候小朋友係天俾自己嘅恩賜，都想保護屋企人。無論將來有幾多個小朋友，都係好開心，老實講我係鍾意一個多人嘅家庭，開心嘅家庭，不過暫時唔可以講太多。」
(蘋果日報)
藝人李蘊（Renee）囝囝羅明新（小新）上個月出世，眼仔睩睩之餘，頭髮仲相當濃密。
今朝李蘊就分享咗張同囝囝嘅合照，留言：「早晨呀！魔法變變變💫一陣會變走啲嘢 大家估下係啲咩？」有網友搞笑留言話係雙眼皮同雙下巴，亦有正路留言估係頭髮。
過咗三個幾鐘，李蘊終於開估，原來係變走咗囝囝啲頭髮。小新剃完胎毛，喺媽咪懷抱瞓得好冧，但原來佢剃緊嗰陣都冇喊冇掙扎，邊瞓邊剃光頭。
網友大讚小新非常淡定，仲話囝囝勁可愛，同李蘊好似樣呀！
（on.cc）
