噚日係周潤發老婆陳薈蓮嘅59歲生日，發哥噚晚同劇組人員一齊幫老婆慶生。
發嫂話自嫁俾發哥後，每一年嘅生日都係同老公一齊過，無論發哥點忙都好，每年喺發嫂牛一嘅日子，佢一定會抽時間陪老婆慶祝，所以發嫂成日話好感恩有個咁體貼嘅老公。
問發嫂今年發哥送乜生日禮物俾佢？佢話：「送乜唔重要，我都冇乜嘢缺，最緊要係份心，我感受到佢份真心先係最緊要。到我們呢個年紀，追求嘅一定係健康同開心，反而對物質睇得好淡。我希望身邊嘅人、朋友都可以健康同快樂去過每一天，有一個好嘅身體先至可以去追求自己夢想。」
發嫂話呢幾年時間過得好快，佢同老公為工作都好忙，根本冇時間好好想下未來嘅計劃，發嫂希望下一年可以冇咁忙，佢先至可以休息吓！
(apple daily)
今午城城拖實大肚老婆方媛到馬場為愛駒打氣，同行還有囡囡Chantelle，一家三口首次出席公開活動！
相關新聞：【可愛囡囡曝光！郭富城孖大肚方媛十指緊扣現身】https://goo.gl/i6NKu5
郭富城名下新馬「舞士精神」今日在沙田馬場第一次出賽，參與第七場賽事。大肚方媛同囡囡似乎好旺城城，今日一家三口同行愛駒即贏得冠軍，城城拖實大肚老婆方媛現身草地拉頭馬，表現風騷！還有經理人小美、何麗全齊齊拉頭馬，城城先後攬住練馬師及其子，表現好興奮，跟住城城再拖番老婆，跟騎師握手擁抱。
2013年城城已經試過拉頭馬，佢同張智霖任馬主嘅《愛將》跑獲冠軍，當年佢仲未同方媛結婚。
「舞士精神」今場由冠軍騎師潘頓出戰四班一千米最短途，沿途前速飛快，走勢好對辦，結果順利以第一名身份過終點，馬主城堅係風騷到爆，佢拖住老婆方媛即時殺入凱旋門，在場攝記鬥爭位、猛咁影住佢，仲影到城城笑到八萬咁口呀！
呢場四班賽頭馬獎金係52萬，城城佔八成即係有逾40萬，第一次出賽已經收番咁多錢，爽呀！仲有，城城剛剛先公布再添丁，今日2018年最後一次跑馬日即刻拉頭馬，BB好腳頭呀，個個都讚佢乖喇！
(綜合報道)
42歲陳少霞同前夫生咗2個女之後離婚收場，之後好幸運地畀佢再搵到幸福，喺前年同61歲「法拉利之父」李文輝結婚。
原來陳少霞結婚後一直想為老公生個BB，今日有報道就話陳少霞去年原來曾經小產，因為呢件事，陳少霞大受打擊，有3個月時間同外界完全隔絕，後來佢接受醫生建議接受人工受孕，可惜唔成功，陳少霞唯有打消生BB嘅念頭，點知竟然自然懷孕，令陳少霞同老公都相當開心。
相關新聞：【兩年前嫁61歲八億身家富商 42歲陳少霞佗第三胎恭喜哂！】https://goo.gl/ZFufAE
出席活動時已經見到肚凸凸。
《蘋果》今日打畀陳少霞求證懷孕一事，佢先透過短訊話:「感謝主，感謝大家的祝福！這次懷孕不是預期之內的，我對懷孕沒有太大信心了，但我在9月23日受浸後，10月我就懷孕了！所以真是神給我們最好的祝福！再一次感謝大家對我們的關心，願主賜福給你們。」之後佢再話:「我同Richard都好感謝你哋咁關心我哋，係呀，好開心，咁樣嘅age，我哋都冇諗過可以自然有BB㗎，所以真係好感謝主。依家精神好咗好多嘞。懷孕初期成日反胃作嘔，好怕煙酒及油煙味，所以好耐冇入廚房，每日以白飯及烚粟米醫肚，所以瘦咗，但去睇醫生佢哋話係正常嘅，冇反應先唔好。好記得第一次去照超聲波，護士話我係咪有高血壓，因為血壓偏高，好彩照完話胎兒好健康、一切好好，咁我個心定咗再度血壓，血壓真係正常番冇事，護士叫唔使咁緊張。」
至於預產期正值少霞夫婦結婚紀念日前後，令她額外好開心，她說：「有咗就成年咩嘢禮物都唔使送畀老公嘞，可以慳番，呢樣係佢最好嘅禮物囉。我哋都好感謝外界朋友嘅支持，有啲朋友仲開心過我，亦都多謝媒體嘅關心，祝大家新年進步。」
(綜合報道)
藝人楊冪與劉愷威日前宣布已經離婚，結束近5年嘅婚姻關係，並承諾以親人嘅身份共同照顧撫養女兒小糯米。
昨日楊冪自離婚後首次公開現身活動，佢表示：「我覺得好演員的路還長，我會慢慢好好地走下去。」
另一邊廂，昨日網上亦瘋傳劉愷威帶住女兒小糯米同媽咪出街嘅片段，有網民聲稱喺香港某商場撞到劉愷威，相中劉愷威戴住口罩，打扮低調，手中仲抱住小糯米，小糯米好奇四圍望，非常精靈！
而劉母就默默跟喺兩人背後，三人行畫面溫馨。
不過，相中其他路人着上短袖，有外界就質疑呢批係舊相。
根據內地傳媒，以楊冪為首嘅公司嘉行傳媒對此澄清指片段係一年幾之前拍下嘅，同時工作人員亦表示：「令人感到無奈和氣憤的是，有心人士此時傳播一年多前的視頻，把孩子推到輿論的風口浪尖。我們誠懇地再次請求大家，尊重兩人的選擇，不要打擾孩子和雙方家人，還孩子一個健康平靜的成長空間。」
相關新聞：
【離婚後首度公開現身 輕攬為楊冪打氣！？】https://goo.gl/5LYc9Y
【3年得37日係陪小糯米…楊冪：那是你的問題】https://goo.gl/uJ3H2G
【疑離婚後首開腔 楊冪：接受自己所有的經歷與遭遇】https://goo.gl/upeUMD
【孫女小糯米點？】劉丹首開腔回應楊冪劉愷威離婚 https://goo.gl/Jmpttm
【奶奶嫌無孫仔抱 超難頂!?】楊冪劉愷威被爆離婚内幕 https://goo.gl/Uv9Sji
【劉愷威當年霸氣求婚 楊冪：家庭不應該成為束縛】https://goo.gl/v9DDmG
【傳兩個月前搞離婚 劉愷威楊冪揀喺冬至宣布分訊係因為⋯】https://goo.gl/yCC5ez
【傳楊冪劉愷威將宣佈離婚】楊冪：結果依然逃不掉傷心 https://goo.gl/bsjagk
【傳即將與劉愷威宣佈離婚】楊冪首回應 https://goo.gl/y32cKv
(on.cc)
林盛斌（Bob）與老婆Pearl婚後育有三女一仔，一家六口溫馨又美滿
！
「Bob嫂」Pearl為林家開枝散葉，佢哋仲三代同堂。「Bob嫂」Pearl嘅爸爸原來都已經70歲，Pearl好有心日前安排咗影三代同堂全家福。
Pearl為爸媽同家姐同姐夫都準備咗西裝同晚裝，而佢同Bob仲有四個小朋友都着到靚靚，一齊喺影樓大合照，齊齊整整好開心同溫馨。
Pearl喺IG貼相後留言：「結婚相都冇影過嘅公公婆婆，終於可以有全家幅喇！大人同小朋友當日都影得超開心！重要嘅係喺公公嘅七十大壽宴度，個個賓客都睇到我哋呢一輯影得咁靚嘅家庭相。」
Bob今日回覆傳媒時話:「外父噚晚70大壽，我哋同佢一齊出去食飯，擺咗幾圍高興吓，咁啱之前又影咗輯靚相，拍時幾開心，囡囡着咗公主衫，佢開心話今日結婚。」
(apple daily)
53歲郭富城同方媛結婚後，老婆為佢生下囡囡Chantelle，到最近佢太太又有咗第二胎，可喜可賀。
不過方媛就一直神隱，就算喺社交網甫相都刻意遮肚。一直以嚟，城城從未試過一家三口出席公開活動，不過今日城城隻新馬「舞士精神」首次出賽，城城大為重視，今日就帶埋老婆同囡囡一齊去沙田馬場撐場。
城城同方媛戴住黑超十指緊扣到馬場，全程拖到實唔放手，見到記者時笑笑口揮手，見到腹大便便嘅方媛着上1.5吋有踭鞋相當貪靚，雖然佢用大褸包到冚，但仍難掩肚凸凸，估計起碼懷有3個幾月身孕。
問到城城有冇信心時，佢話:「平常心。」至於佢哋囡囡，就由工人姐姐抱住入場，工人姐姐都着咗件紅色外套，唔知係咪特登要旺吓城城？
囡囡眼大大超可愛！
城城入馬場其間發生小插曲，話說有位馬迷上前叫郭富城影相，點知叫錯咗「Leon」（黎明），馬迷話：「Leon，可唔可以影張相？」而城城就好有禮貌咁答佢：「我係Aaron。」
(綜合報道)
近日藝人林盛斌（Bob）自爆被逼遷，數月前突然被業主通知不獲續約要搬走，搞到阿Bob嬲到震！（相關新聞：https://goo.gl/WFai4D）
Bob於「迫遷」事件中涉發瀾渣鬧人，被網民批評態度有問題，Bob接受東網訪問時直認當時情緒失控，他解釋搬入去時知道隔籬左右住咗十年以上，以為自己都可以安居樂業，突然收到通知要搬走，最後限期正喺農曆新年前年廿幾要搬走，因工作忙碌兼一家八口搵樓有難度，曾多次與地產代理商討，希望可以過年後才搬出，但每次結果都係一樣限期冇變。
Bob表示：「我一向EQ都唔錯，可能係多嘢忙緊，加上擔心屋企人過年前好頻撲，當時突然間情緒失控，大聲咁鬧個地產代理，之後冷靜落嚟，有打畀地產代理say sorry，對方都話明白我嘅處境，成件事業主態度好好，地產代理冇問題，係我自己控制唔到情緒。」
將於一月頭舉行Talk Show的Bob，雖然要不停度稿，終於可以抽到一日時間全力執拾細軟預備搬屋，他表示完騷未能休息：「一完騷就要趕去買傢俬，希望過年前可以順利入伙，如果唔係過年期間拖男帶女真係『哩咁Hea』。」
Bob續說九龍塘的新居比現居大少少，價錢亦相對貴少少，至於早前放售的小朋友瀡滑梯床，他謂：「如果放唔到都唔會搬去新屋，因為唔啱太用，呢啲都係少事，最緊要係屋企人住得舒舒服服。」
(on.cc)
藝人張栢芝與謝霆鋒已經離婚七年，而栢芝日前亦公布了誕下第三胎的消息。
不過，近日網傳謝霆鋒已與王菲分手，下月將跟栢芝復婚。
消息雖由霆鋒經理人澄清不是事實，但昨天又傳出栢芝第三胎的兒子名字為「謝振天」，報道指從醫院方面獲知的消息。
不過，今次霆鋒則透過微博PO文回應：「對於近日關於本人一切匪夷所思的傳聞 令人看見咋舌。本人感情生活穩定，我亦只是Lucas及Quintus的爸爸，亦必定會盡心盡力做好這爸爸的責任。希望各位不要再助長謊言發酵，這些無稽的傳言，亦相信會對這新生孩子的真實的親父造成困擾，懇求大家停止傳播謠言，讓孩子們能夠在真實及健康的環境下成長。謹此一提，以後不再回應，謝謝！」
相關新聞：
【生完「小王子」 張栢芝靠食呢樣修身】https://goo.gl/jC58c7
【已與王菲分手!?】傳謝霆鋒張栢芝下月再婚 https://goo.gl/2CaLPC
【傳下月與張栢芝再婚】謝霆鋒首回應 https://goo.gl/v8QKug
【捕獲張栢芝孖兩個仔仔現身 至於小王子就…】https://goo.gl/R4Zttt
【瘋傳第三胎爸爸係…】張栢芝終於發聲 https://goo.gl/To8hyL
【BB好可愛】張栢芝小王子滿月照曝光！？ https://goo.gl/VLhNCC
【首晒「一家四口」】張栢芝：願與大家分享這甜蜜時刻 https://goo.gl/tfi9iz
【傳秘密誕下第三胎】38嵗張栢芝現發文宣佈… https://goo.gl/q19w6o
【歷經4次流產】38歲張栢芝被爆高齡誕B驚人内幕 https://goo.gl/9LNMb3
【強勢回歸！張栢芝突然PO相 即引起網民⋯】https://goo.gl/BVSyRc
【超驚喜！張栢芝現身力撐⋯】https://goo.gl/tFHgeF
【精神方面就…】張栢芝「產後」警覺性極高 https://goo.gl/CeeVqj
【最新全身照曝光！張栢芝被捕獲喺⋯】https://goo.gl/bNz5oX
【傳張栢芝未結婚都願意為佢誕下第三胎 視Lucas同Quintus如己出】https://goo.gl/QvJTHo
【係張爸爸介紹】張栢芝第三胎生父原來另有其人 https://goo.gl/P3sqye
【傳秘密誕下第三胎】張栢芝終於現身 https://goo.gl/wJkLmo
【傳張栢芝誕下第三胎】好友區永權就話… https://goo.gl/V9qBdF
【前妻張栢芝傳誕第三胎】前夫謝霆鋒被捕獲… https://goo.gl/rvEAnB
【傳緋聞女友張栢芝生B 梁釗峰回應⋯】https://goo.gl/JUe7Nt
【栢芝媽現身養和 傳張栢芝已秘密出院】https://goo.gl/bCpRso
【傳收7千萬豪宅】傳張栢芝第三胎生父就係佢 https://goo.gl/Naitte
【震撼整個娛樂圈】傳張栢芝第三胎性別係… https://goo.gl/YBMgJS
【傳張栢芝再誕B】好友張文慈坦言覺得好驚訝 https://goo.gl/fVN9Fm
【好圓潤】張栢芝5月最後公開出席活動時孕味濃 https://goo.gl/XR2oKD
【前任新抱張栢芝傳已誕下第三胎】前老爺謝賢首回應 https://goo.gl/1cbXm2
【傳前妻張栢芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張栢芝已順利誕下第三胎 https://goo.gl/ih6xja
(on.cc)
一連20場的劉德華「My Love Andy Lau劉德華World Tour」昨晚舉行到第14場，華仔因為「聲沙」要中途腰斬個唱，華仔喺紅館宣佈消息後，向歌迷鞠躬道歉，他更失望落淚，最後轉身返回後台，在場歌迷都睇到心痛（相關新聞：https://goo.gl/ibXp3s）。
噚晚，有唔少圈中人藝人去捧場，包括有任達華夫婦、舒淇、胡杏兒同何佩瑜(Jeana)等，舒淇同華仔合作無間，一齊拍過多套電影做情侶，二人私下感情要好。
佢噚晚直擊華仔失聲無奈暫停演出，亦相當心痛，凌晨1點喺IG貼文鼓勵華仔：「知道你一路拼搏努力的醫好自己，再站上了舞台 也知道你萬般的不捨才迫不得已的停止繼續，所以別責備自己，看到你流淚，身為粉絲的我們都好心疼， 加油，好好休息，願病魔快快消退，還原一個更健康的你。華仔，你80歲我會在路上大聲的喊你，靚仔，然後攔住你跟你一起拍照喔。」
另外，千嬅、薛凱琪、傅嘉莉等有o係IG留言集氣鼓勵華仔，千嬅寫：「我們一家支持你，你是強人，好好休息，祝早日康復，一定很快可以回到舞台上，加油。」
薛凱琪就表示：「你永遠是我們心目中的超人。謝謝你給我們的一切，早日康復。健康最重要，我們都會耐心的等你慢慢康復。加油。」
華仔的演唱會製作單位映藝文化娛樂有限公司就於今日早上10點多，向傳媒發出通知：「鑒於劉德華先生喉嚨發炎無法演出，本公司作為主辦機構決定取消12月28日、29日及30日共三場演唱會。」即是，華仔要休息三日，才決定大除夕的演唱會，可否如期進行，華仔的演唱會原定舉行20場，由本月15號開始，至到明年1月3日。
通告全文如下：
映藝文化娛樂有限公司
《AXA 安盛呈獻 My Love Andy Lau World Tour – Hong Kong 2018》-
《取消演唱會特別通告》
鑒於劉德華先生喉嚨發炎無法演出，本公司作為主辦機構決定取消12月28日、29日及30日共三場演唱會。希望劉先生多些休息後，能繼續演出。
敬請各位觀眾保留12月28日、29日及30日演唱會完整門票，主辦機構將儘快公佈有關後續安排及退票事宜。
不便之處，敬請原諒！
(綜合報道/apple daily)
天氣轉凍，唔夠抵抗力好易病，不如試下煲暖笠笠芋頭排骨粥！芋頭有益胃寬腸、通便解毒、補益肝腎的功用。與排骨一同熬煮成粥，還能預防感冒、增加免疫力！
芋頭排骨粥
■ 材料：
芋頭120克、排骨200克、白米200克、蔥花少許。
■ 調味：
鹽4克、雞粉3克、醬油5c.c.，香油、食用油各適量。
■ 作法：
1. 去皮洗淨的香芋切成丁；排骨放入碗中，加入少許鹽、醬油，醃漬約15分鐘。
2. 砂鍋中倒入適量清水燒開，加進白米，淋少許食用油，煮沸後用小火煮約20分鐘。再倒入排骨、芋頭一起拌勻，煮沸後轉為小火再燉煮約20分鐘，至食材熟透。
3. 加入鹽、雞粉拌勻。淋入少許香油，關火後盛出煮好的粥，撒上蔥花即可完成。
也可用自製高湯代替雞粉喔！
(大紀元)
