早前參與全球貴族美后賽事，與各國佳麗爭妍鬥麗，最終贏得冠軍為港爭光，是首位港人贏得國際性選美賽事。
模特兒彭美詩（Mercedes Pair）到觀塘接受許嘉浩（Karl）及賴彥妤的網台訪問。
Mercedes直言勝出比賽感到非常榮幸，之後會有更多到海外工作的機會，甚至到美國拍戲：「唔排除呢幾年會飛多咗，但始終香港係我嘅根，唔會搬走或移民。（成日飛怕唔怕拍唔到拖？）依家冇拍拖，應該都冇時間，暫時工作先。」
而節目是本年的娛樂新聞回顧，Karl表示今年娛樂圈有很多喜事，包括多位藝人結婚及生BB，最令他驚喜是黃翠如及蕭正楠突然宣布結婚：「記得翠如喺有線嗰陣，我哋合作過，今年仲有幾位藝人，好似江若琳、阿嬌（鍾欣潼）都係我呢輩嘅人，同佢哋一齊成長，見到佢哋結婚份外開心。」
至於賴彥妤表示細個已有唱阿嬌的歌，亦在兒童節目中見過蕭正楠，一直有支持他們，很高興他們今年成家。
(on.cc)
藝人陳茵媺（Aimee）同陳豪近日一家五口齊齊到澳洲悉尼過一個熱辣辣嘅聖誕節。
早前PO咗一家五口全家福慶祝聖誕節，Aimee仲煮咗一個聖誕晚餐，有焗火雞、龍蝦及蛋糕，更準備咗聖誕襪送給小朋友！
小公主超可愛～
見到啲相都feel到佢哋幾咁開心～一家人遊覽悉尼的景色之餘，更跟當地的聖誕老人合照，不過這位聖誕老人卻是穿短褲，相當特別。
Aimee之後都有繼續喺社交網上載靚相，日前佢哋先去完動物園。
呢日又再次出動，同仔女一齊影家庭照！
Aimee Post出一張仔女埋位影相前嘅花絮相。
見兩個仔仔着裇衫配淺藍色短褲，而囡囡就着上粉紅色裙，真係襯到絕一絕！
Aimee留言表示呢次係同奶奶一齊帶仔女影家庭照，仲話為咗呢輯相，花咗好多心機幫佢哋搵服裝，就連化妝set頭都一腳踢做埋，認真係廿四孝媽媽！唔知幾時先有靚相睇呢？
(綜合報道/on.cc)
今年娛樂圈真係好多喜事！
靚人妻紛紛宣布加入星媽行列，除咗有已卸貨的李亞男、吳日言及李美慧等，亦有花旦岑麗香、陳凱琳及單文柔等排住隊於豬年生B。
估不到兩年前再披嫁衣、現年42歲嘅佢，近日亦傳出懷孕3個月，可喜可賀！
二人於2016年結婚，她搖身一變成為8億闊太，婚後第一件事當然要為老公追個慈姑椗，更積極睇中醫調理身體，同時不設防努力造人，差不多每個月都出埠，希望於毫無壓力下懷孕，當時受訪亦開到口恨生B：「如果有就好感恩！」
已經好少於幕前現身嘅佢，自從嫁咗畀坐擁八億身家的富商後，過住養尊處優的生活，閒時與老公去旅行或拍住老公出席慈善活動，人前人後都非常恩愛！真係令人羡慕！
其實陳少霞過去的人生路並不平坦，當年與前夫育有兩女，經歷離婚兼前夫離世，於苦無出路之時，惟有返教會尋求心靈慰藉，因而遇上61歲「法拉利之父」李文輝，繼而迎來人生第二個春天！
皇天不負有心人，61歲的李文輝果然有心有力，與已是兩女之母的陳少霞造人成功，太太已懷孕3個月，日前他舉行法拉利跑車活動，佗住B的陳少霞做跟得夫人現身，除了右手上的藍色巨形鑽戒相當養眼，穿紫色禮服的她亦已滲出孕味，胸部升Cup、腹部微隆兼雙腳水腫，全程由老公傍實，期間不少朋友紛紛向他們送上祝福，難掩喜悅的準媽媽照單全收。
東網就佗第三胎一事求證陳少霞，電話中的她先靜默數秒，然後才說：「唔好意思呀！我唔可以答你㗎！開緊會。」接着便禮貌掛斷電話，大抵她已屬高齡產婦，即使已懷孕三個月，但為安全考慮，實行繼續拉鏈嘴，瞞得幾耐得幾耐！
(綜合報道/on.cc)
一連20場的劉德華「My Love Andy Lau劉德華World Tour」，月初舉行，相隔八年再踏紅館舉行跨年演唱會，相信好多fans都好期待。
不過華仔唱到第14場，甫開場唱歌已明顯聲沙沙，唱至第三首歌時已開始走音，及至吊在半空唱第四首歌時，突然停下來，對觀眾說：「我真係唱唔到，唔好意思，對唔住！」之後喊着說：「醫生建議我唔好唱……要停止喇！」要腰斬個唱，而且華仔仲失望到喊，唔好話華仔，相信所有人睇到都心痛。華仔在紅館內無奈宣佈消息後，向歌迷鞠躬，再轉身返回後台，據消息指華仔已離開。
相關新聞：【舒淇楊千嬅等藝人齊集氣 劉德華演唱會最新消息】https://goo.gl/89ipdp
昨晚一眾藝人如任達華夫婦、舒淇、胡杏兒都有去華仔捧場，可惜華仔喺台上唱咗3、4首歌後，就同觀眾講：「真係唱唔到，唔好意思！」之後，華仔又表示自己喉嚨痛，醫生亦有叫佢唔好唱，華仔就開始喊，坐在觀眾席的妻子朱麗倩也忍不住落涙，而舒淇亦有喊。至於昨晚有去睇爸爸演唱會嘅華仔囡囡劉向蕙，就先行離開觀眾席，在場fans雖然失望，但就好支持華仔呢個決定，而睇見華仔喊，都大叫「華仔唔好喊！」
劉德華在演唱會途中，向觀眾說：「醫生建議我唔好唱，但我真係唔捨得。我唔想大家聽我呢把聲聽成個concert，但我冇辦法，所以我唱埋呢隻歌（《如果有一天》），要停止喇！善後嘅工作我會慢慢交代返，希望我盡最大努力唱完呢隻歌，亦都希望你哋陪我一齊唱。要同大家道歉，多謝你哋，你哋要畀多次掌聲你哋自己！」然後唱最後一句：「你心我心，手與手 連成一線，為你可分憂，好朋友。」然後在台上雙手合十，分別向四邊觀眾鞠躬。
昨晚有去聽演唱會的Jeana何佩瑜：「開頭氣氛好好，唱咗幾首歌，真係聽得出佢把聲好沙，希望佢好番，快養番好把靚聲。最後宣佈腰斬時，佢都喊，好多人戥佢心痛，我媽咪都喊，我媽咪同細佬都係第一次睇演唱會。」昨晚亦有去睇演唱會的胡杏兒回覆《蘋果》時，佢話：「希望佢快啲快啲好番。」任達華夫婦同樣有入場睇華仔演出，琦琦晚上於微博表示：「今天看到了一個偶像，一個真正的榜樣，佩服他的敬業態度，加油Andy.祝你快速康復，最棒的偶像」
Sammi在IG話原本約好隔日去睇演唱會，但知多年拍檔要腰斬個唱，為對方打氣：「大家都明白你已經盡全力，把最好的演出呈現，聲帶出現問題是不能預計的。Mi非常明白在演唱會『失聲』的感受。今天下午還跟你互text message，約好明晚來看你演唱會…不過，我想華仔知道，mi跟所有觀眾一様，你的身體健康最重要，無論你有甚麼決定，大家都支持你。」
蔡瀚億在IG感謝華仔堅持演出：「由自己親口說出將演出腰斬的勇氣以及那種痛，只有表演者才會體會到。雖然我只看了短短一小時也不夠的演出，但令到我對你的敬重再一步昇華，祝你早日康復，再次燃燒整個舞台！多謝你今晚堅持的演出，多謝你的《如果有一天》。」
(綜合報道/apple daily)
兩人正好做了鄰居，而剛剛已轉行的賈立怡因祖兒一句鼓勵說話，再次憶起創作初心。係緣份啊！
天后容祖兒今日推出新國語歌《剛好》，談到新歌的製作過程，她話跟歌名一樣：「剛好」。她透露搬屋時遇到曾幫她寫《獨照》的音樂人賈立怡，兩人正好做了鄰居，而剛剛已轉行的賈立怡因祖兒一句鼓勵說話，再次憶起創作初心。
之後在祖兒生日當日，祖兒就收到了《剛好》的曲詞，她笑說：「剛好嘅時間、剛好嘅相遇、剛好嘅心情、剛好嘅結果。」
祖兒說：「2018年乜嘢時期都係剛好，雖然當中有開心唔開心嘅事，但足夠令自己睇清楚，我係非常幸福嘅人，有能力去應付所有遇到嘅事，有足夠嘅智慧同能力，去解決心入面嘅問題。我知道身邊有好多愛我嘅人，一直喺我身邊畀好多好多力量我，當然我希望自己能夠愈嚟愈強大，覺得人生最大嘅成就唔係乜嘢獎項，而係可以做一個屬於自己、真正嘅自己，所以未來都係朝住呢個方向，工作之餘，努力保持一份初心。」
(on.cc)
38歲嘅女星姚子羚近日忙於拍攝無綫新劇《黃金有罪》，雖然拍攝時間緊湊，但亦不時喺社交網同網民Happy share花絮靚相。
其中，有唔少都係佢戴上金絲眼鏡嘅造型相。
唔少網民睇完後都大讚佢Keep得好好，喺面上唔多搵得出歲月嘅痕迹，更令人諗起子羚當年《當四葉草碰上劍尖時》嘅四眼學生妹造型，至今仍令網民回味！
子羚喺2003年憑首部電視劇《當四葉草碰上劍尖時》開始為人熟悉。
出席頒獎典禮時都係眼鏡Look！
網民仲話四眼斯文Look好襯佢，戴上眼鏡後啲文青氣質即時出晒嚟，似足老師咁！
（on.cc）
劉愷威與楊冪結婚五年屢傳婚變，兩人上周六冬至宣佈離婚，將共同撫養女兒小糯米。
而劉愷威爸爸劉丹負責照顧孫女小糯米日常生活，劉丹指尊重二人嘅意見，認為分開一定有佢哋嘅原因。
楊冪喺發聲明前，上過一個大陸節目接受訪問，全程冇提劉愷威。
楊冪今日出席喺成都大學舉行中國電視好演員獎表彰盛典，離婚後首度公開亮相！
fans都想為「單身冪」打氣，一早喺會場外守候，點知fans臨時接到通知，指楊冪唔會行紅地毯，屆時直接入場，fans白等一場。據知官方粉絲團中午才發佈消息：「接到臨時通知，屆時會直接進內場不走紅地毯，在現場的蜜蜂寶寶(fans)可以不用等了。不能看到愛豆(idol)的紅毯表現，現場粉絲無疑是有些遺憾的。」
有廿個fans一早喺會場外冒雨等見偶像，可惜楊冪並冇行紅地毯。進場後，楊冪fans仍未放棄，堅持企起身，高舉印有「冪」字嘅牌，要保安叫佢哋坐低，先暫時收起啲牌。
楊冪喺後台等待上台嗰陣，竟然被網民影到佢噃！
片中見佢耐心聽工作人員講解出場安排，喺下午4點40分左右，主持終於介紹綠組優秀演員出場，見楊冪出現時，笑晒向現場嘅人招手，似乎未受離婚一事影響心情，之後由一位少女負責頒獎俾四位得獎嘅「綠組優秀演員」。
呢位十幾歲嘅少女在4位得獎者中，頒完獎，只輕攬咗楊冪，未知係唔係為剛離婚嘅楊冪打氣，定係佢本來係楊冪fans!?
相關新聞：
【3年得37日係陪小糯米…楊冪：那是你的問題】https://goo.gl/uJ3H2G
【疑離婚後首開腔 楊冪：接受自己所有的經歷與遭遇】https://goo.gl/upeUMD
【孫女小糯米點？】劉丹首開腔回應楊冪劉愷威離婚 https://goo.gl/Jmpttm
【奶奶嫌無孫仔抱 超難頂!?】楊冪劉愷威被爆離婚内幕 https://goo.gl/Uv9Sji
【劉愷威當年霸氣求婚 楊冪：家庭不應該成為束縛】https://goo.gl/v9DDmG
【傳兩個月前搞離婚 劉愷威楊冪揀喺冬至宣布分訊係因為⋯】https://goo.gl/yCC5ez
【傳楊冪劉愷威將宣佈離婚】楊冪：結果依然逃不掉傷心 https://goo.gl/bsjagk
【傳即將與劉愷威宣佈離婚】楊冪首回應 https://goo.gl/y32cKv
（綜合報道）
近年加入無綫拍劇即做男一，一口氣連拍五部劇，人氣急升，成功入屋！
結婚三年，三年抱兩，老婆任祉妍先後為佢生咗3歲大女譚晴（Renee），同埋1歲細仔譚杺（Rex），爺爺狄龍錫到兩個孫仔燶，經常幫手湊孫。
之前佢喺外地拍劇多，目前佢想多啲時間照顧父母狄龍及陶敏明，以及一對年幼仔女，專心留喺香港發展。
話咁快3歲嘅Renee已經返學，今日爹哋譚俊彥喺ig貼咗Renee參加朗誦比賽嘅相，3歲嘅Renee人仔細細就參加第十屆《中華挑戰盃》全港人才藝術朗誦大賽中嘅幼稚園組別，以普通話古詩參賽攞冠軍，認真叻女呀！
爸爸譚俊彥急不及待喺ig貼咗囡囡攞獎盃嘅威水相，仲留言︰「So proud of you my Renee」。
相中見到Renee一手拎住張榮譽證書，另外隻手就拎住獎盃，個樣仲勁得戚添！Shaun亦留言表示以囡囡為榮，一眾網民都留言恭喜佢有個咁叻嘅女呀！
（綜合報道/IG）
前女子組合2R成員黃婉佩（Race）嫁咗新加坡富商David，生咗囡囡Cara，住大屋兼過幸福少奶奶生活，雖然已經淡出幕前，不過依然不時喺網上更新動向。
今年聖誕節，佢喺IG貼出一家三口嘅相，話佢今年聖誕節願望，係所有人都可以擁有健康同幸福。
而今日佢本來想將自己同Cara嘅合照貼上微博，點知發現自己微博帳戶被盜用。
佢話：「想發個聖誕微博竟然發現我微博被人偷了！不明白為何有人會偷我的帳號。」
估唔到想出一個聖誕post，先發現帳戶被人盜用足足一個月，不過Race最後都成功攞番帳號，心情都靚番晒，即刻甫出一張同囡囡嘅合照。
Race留言話：「但不擔心，我終於取回了自己的帳號。如果在過去一個月收到我私信的朋友，不好意思，那不是我。在這兒希望大家過了個愉快的聖誕！」
（綜合報道）
嫁給富商李家誠，因此有「千億新抱」稱號的36歲美女徐子淇，時尚品味獨到，毫不吝惜展露姣好身材，細嫩肌膚更是令人羨慕，生過4個小孩的她，最令人好奇的是究竟如何保養皮膚和維持身材，而她也公開日常保養和瘦身秘訣。
清潔「2大」重點
35歲肌膚依舊白裡透紅，如同少女般細嫩的徐子淇，因為天天上妝，所以非常注重清潔，堅持固定去角質，暢通毛孔，同時洗臉的時候會注意不用太燙的水，以免皮膚油脂被過度洗淨，降低皮膚的保濕能力而加速老化。
「重複」塗抹美白乳液
皮膚白嫩到會反光的徐子淇，原來私下保養秘訣是「牛奶」！不僅用牛奶敷臉，甚至還拿它泡澡，最特別的是她會重複在有斑點、痘疤的地方塗美白乳液，並以畫圈的方式按摩加強吸收，難怪她的肌膚近幾無瑕疵。
飲食兼顧瘦身和養膚
生過4胎的徐子淇，笑說自己曾跟老公抱怨肥很多，沒想過他居然回「沒關係，你永遠沒有我肥。」讓徐子淇備受感動，再度成功閃瞎旁人，不過她其實為了身材做了不少努力。在飲食方面，她習慣喝用羽衣甘藍、菠菜、蘋果、小黃瓜、亞麻籽製作而成的蔬果汁，早上也會在優格上灑奇亞籽增強飽足感，以及食用具抗氧化和排毒的石榴，餐餐吃得營養又健康。
陪家人運動瘦身
徐子淇除了飲食十分小心外，還很勤奮運動，就算每天行程滿檔，她還會利用夜晚涼爽的時候騎腳踏車，陪孩子一起到戶外爬山，和家人增近感情同時又能兼顧瘦身，一舉兩得。
（自由時報）
