今次盛會可謂星光熠熠，佢今日拖埋大緊肚嘅太太到場。太太以黃色連身裙現身，腹部微隆，據指佢正陀第三胎，而佢哋結婚三年，本身已育有兩名囝囝。。。
第70屆艾美獎在美國洛杉磯舉行，「黑寡婦」施嘉莉祖安遜（Scarlett Johansson）孖住新歡Colin Jost執到正赴會，上下齊露相當性感。同屬Marvel英雄「奇異博士」嘅英國男星班尼狄甘巴貝治（Benedict Cumberbatch），今日以平頭裝拖埋太太Sophie Hunter到場，不過佢就失落迷你劇／電視電影最佳男主角。Sophie以黃色連身裙現身，腹部微隆，據指佢正為班尼狄陀第三胎，而佢哋結婚三年，本身已育有兩名囝囝。
今次盛會可謂星光熠熠，真人騷經典《粉紅救兵》（Queer Eye for the Straight Guy）幾位基男Antoni Porowski、Bobby Berk、Karamo Brown、Jonathan Van Ness同埋Tan France都有撐場。至於老牌喜劇女星Betty White，更獲邀出席，佢以96歲之齡擔任嘉賓，更要用助行器站台，獲得全場鼓掌支持。
(蘋果日報)
37歲的鍾欣潼（阿嬌）與32歲台灣「醫界男神」賴弘國今年5月於美國舉行百萬浪漫婚禮，婚後不時喺社交網放閃，網友都好關心佢哋幾時會造人成功。
今日阿嬌就喺社交網分享咗好多張同賴弘國嘅甜蜜合照。
仲留言：「英國之旅 多謝有你😘😘😘 #爸媽學前班」呢個Hashtag認真不得了，大批網友都滿心歡喜問女神係咪要做媽媽，仲不停洗版恭喜佢哋！
其後阿嬌就留言澄清：「多謝大家咁關心我😅不過只是個真人秀（騷）啦 下次下次」，令網友大嗌失望，以為會見到「嬌二代」，仲話希望下次係現實版爸媽學前班！期待聽到阿嬌嘅好消息呀！
(ig / on.cc)
超強颱風「山竹」吹襲香港後，街上四周都布滿垃圾同倒塌嘅樹木，甚至嚴重到令大廈玻璃爆破，造成損傷。
呢日，藝人莊思敏（Jacquelin）喺社交網上載多張喺天台上嘅相，相中見到屏風冧晒，而閉路電視亦都爛咗。
Jacquelin仲留言透露畀鄰居指責整爛對方嘅嘢：「明明我d（啲）嘢向返（番）我度跌，但隔離（籬）屋堅持話我哋整爛佢嘅燈同CCTV。唔係絕對冇可能嘅，但難度分有十分囉。」佢仲加上幾個疑惑嘅表情符號以示無奈…唉！其實發生天災大家都唔想嘅！
而莊思敏接受傳媒訪問，對於被鄰居要求賠償一事，她忿忿不平說：「我覺得有『老屈』嘅感覺囉，佢同我個秘書（管家）話，因為我天台嘅木架被風吹冧咗，啲木架碎片打爛咗佢啲燈同cctv，佢要搵自己師傅整，張單要我畀，但未知幾多錢。（咁佢有冇證據話你個木架整爛先？）未有囉，我都問過我律師朋友意見，朋友話呢啲係天災，唔係人為，如果要賠，佢應該搵自己家保去賠。（咁你賠唔賠？）諗緊，因為大家係鄰居，但我又覺得自己好無辜，我自己個木架被風吹冧咗，連啲家俬、盆栽再整番都要幾十萬，唔通我問個颱風賠畀我呀，要我賠都要合理先得㗎嘛。」
（on.cc）
教育局宣布明日（19日）學校復課。教育局指學校經過去兩日清理及維修校舍和設施後，一般已經可供如常上課，提醒學校和家長為明日復課做好準備。
教育局表示，如個別學校因校舍的情況或其他原因，認為有必要在明日繼續停課，學校可在徵詢所屬教育局分區學校發展組／幼稚園及幼兒中心聯合辦事處的意見後停課，並按其校本應急計劃，盡快把有關決定和相關安排，通知所有教職員、家長、學生，以及有關人士，並採取適當安排，以照顧學生在學校繼續停課期間的學習需要。
家長亦要留意，假如附近的道路交通情況仍有待回復正常，為保障子女安全，可讓他們留在家中。對於因交通問題而遲到，或由家長決定暫時不上課的學生，學校應酌情處理，有關學生不應因而受到處分。
山竹襲港後全港停課已兩天，有食物回收組織表示急需義工協助處理逾8萬個學童飯盒，以接收和派贈予有需要人士。招募一出，一呼百應！
食德好在Facebook專頁發貼，以「緊急義工招募: 颱風後飯盒處理」為題，在每區招募6至10名義工處理飯盒。
該組織其後更新貼文指：「感謝各位的厚愛！短短數小時已有近百位市民Inbox我們，由於人手有限未能一一回覆，如我們沒有回覆你，代表當區義工已額滿，再次感謝大家熱烈的相助！」
有人在Facebook群組「Tai Po 大埔」發貼，呼籲街坊今日（18日）上午11時至下午1時，到大埔富亨邨亨翠樓地下索取免費飯盒，大批長者和主婦聞訊而至，表現欣喜。
有份協助派飯的職員指，今次免費派飯目除了避免浪費，亦希望幫助有需要市民，故可容許排隊長每人取多於一個飯盒。
職員強調，飯盒是衛生的，但為了保鮮曾經冷藏，故需要先經翻熱才可食用，惟飯盒先到先得，送完即止。
（教育局 / 綜合報道 / on.cc）
都市人食無定時，不少人都依賴營養補充劑攝取所需。惟消費者委員會發現坊間不少營養補充劑的食用建議竟超出每日所需攝取分量上限，分分鐘「無病都變有病」！
消委會抽查市面76款維他命補充劑，當中有9款都超出或相等於中國營養學會的每日最高攝入量。除了上述的兩款供孕婦食用產品，在維他命C方面，「康鈣C」水溶片(橙味)可供小至8歲兒童服用，但每粒的維他命C含量達到1000毫克，達到最高上限，即使成年人的每日建議分量也只是100毫克，無需達到1000毫克。
兩款維他命B補充劑建議食用量亦超出每日所需，分別是「楓之寶」維他命B雜含葉酸，以及「維柏健」長效維他命B雜，每日服用一粒，就有100毫克的維他命B6，超出中國營養學會建議的60毫克上限。此外，一款「楓之寶」天然維他命E 400 IU聲稱可供最小4歲童服用，但每粒膠囊所含的生育酚達到267毫克，根據學會建議，4歲童每日不宜攝入多於200毫克的生育酚。
當中兩款供孕婦食用的綜合維他命樣本「GNC」孕媽媽30日配方，以及「維柏健」長效維他命B雜，其所含的葉酸相等於每日所需上限的1000微克。消委會提醒孕婦，過量服用葉酸可導致胎兒有自閉症風險。
過量攝取維他命會弄巧反拙，消委會呼籲家長不要將維他命丸讓小朋友「當糖食」。以葉酸為例，孕婦攝入適量葉酸可減低胎兒患上缺陷風險，但過量攝入有機會導致胎兒出世後患自閉症。至於維他命C，過量吸入會導致腸胃不適，例如腹瀉、噁心、腹部痙攣甚至腎結石。過量攝取維他命B6則會引致神經感覺失常，包括行動困難、四肢麻痹、疼痛的皮膚斑塊、對陽光敏感及胃灼熱等。維他命E影響更甚，過量服用可減低身體凝血功能，增加出血風險，包括出血性中風。
9款建議攝入量達到或超出每日上限的維他命補充劑：
1.葉酸
產品：「GNC」孕媽媽30日配方
產地：美國
每日食量：2粒
每粒葉酸含量：1000微克
每日葉酸攝入上限：1000微克
售價：約550港元
產品：「維柏健」長效維他命B雜
產地：加拿大
每日食量：1粒
每粒葉酸含量：1000微克
每日葉酸攝入上限：1000微克
售價：約178港元
2.維他命C
產品：「康鈣C」水溶片（橙味）
產地：法國
每日食量：1粒
每粒維他命C含量：1000毫克
每日維他命C攝入上限：1000毫克
售價：約110港元
3.維他命E
產品：「維康命」維他命E 1000 IU
產地：美國
每日食量：1粒
每粒維他命E含量：1000 IU
每日維他命E攝入上限：1000 IU
售價：約488港元
產品：「楓之寶」天然維他命E 400 IU
產地：加拿大
每日食量：1粒（4歲）
每粒維他命E含量：267毫克生育酚
每日維他命E攝入上限：200毫克生育酚
售價：約135港元
4.維他命B
產品：「楓之寶」維他命B雜含葉酸
產地：加拿大
每日食量：1粒
每粒維他命B6含量：100毫克
每日維他命B6攝入上限：60毫克
售價：約163港元
產品：「維柏健」長效維他命B雜
產地：加拿大
每日食量：1粒
每粒維他命B6含量：100毫克
每日維他命B6攝入上限：60毫克
售價：約178港元
5.維他命D
產品：增美神D3嬰兒滴劑
產地：加拿大
每日食量：1-2滴（0-12歲）
每滴維他命D含量：20微克
每日維他命D攝入上限：20微克（0-3歲）
售價：約100港元
產品：「Life Nutrition」Baby Sun D-Drops Liquid Vitamin D3
產地：美國
每日食量：1-2滴
每滴維他命D含量：20微克
每日維他命D攝入上限：20微克（0-3歲）
售價：約199港元
(東方日報)
消費者委員會檢視了60款沖洗式去角質、磨砂、煥膚等面部護理產品，發現當中42款含不同的可致敏成分，包括MIT和CMIT／MIT混合物、香料，以及可致敏香料成分。
調查搜羅了18款磨砂膏/啫喱，售價由44元至540元、16款面膜/磨砂面膜，價錢由139元至670元）、5款煥膚套裝（由640元至1,800元）、11款潔面粉，售價由70元至608元），以及10款產生碎屑的凝膠款式，30元至220元，主要比較各款樣本的成分和用法。
發現近半樣本標示含可致敏香料成分，消委會檢視60款樣本的成分列表和供應商提供資料，發現7款樣本標示含MIT或CMIT/MIT混合物等致敏機會較高的防腐劑；另有35款及29款樣本分別含香料及可致敏香料成分，其中6款標示含已確認的接觸性致敏物，BMHCA（香料成分）。包括「BORGHESE」的「Intensive Age Defying Exfoliator」、「H2O+」清新柔滑磨砂粉及煥然亮澤磨砂膏、「SABON」死海鑽奇煥膚面部磨砂、「SHISEIDO」的「WASO Soft+Cushy Polisher」、「APIVITA」橄欖深層磨砂霜。皮膚容易對相關物質出現過敏反應人士須細閱成分列表，以減低用後致敏的風險。
當中有9款說明含酒精，包括「Neo Strata」的「更生活膚啫喱面膜」、「Faith in Face」的「AHA!Peel so Good Peeling Gel」及「The Body Shop」的「煥白亮肌去角質啫喱」，均標示含有酒精，而3款的酒精成分更位列成分表的首2或3位，反映分量較高，使用時要加倍留意避開眼部位置，否則當酒精成分揮發時釋出的氣霧可能會刺激眼睛。
是次調查的樣本中，有4款樣本標示含有製造微膠珠的聚乙烯，包括「BIODERMA」控油去角質啫喱、「URIAGE」溫和潔面磨砂啫喱、「APIVITA」橄欖深層磨砂霜及「HydroPeptide」細胞煥膚亮采套裝，均含有微膠珠原材料聚乙烯。而「HydroPeptide」代理商表示，已改善產品配方，並已棄用聚乙烯和MIT等成分。
消費者委員會檢視了60款沖洗式去角質、磨砂、煥膚等面部護理產品 （圖片：消委會）
調查亦發現部分產品的標籤說明欠理想，除15款樣本沒有詳細列明成分外，10款沒有標示使用期限等資料，消委會敦促廠商改善產品標籤，提高產品資料透明度，讓消費者全面瞭解產品的潛在風險。消費者應留意使用方法，以免錯誤使用導致肌膚受損。
消委會指，部分套裝產品中的煥膚霜屬強鹼（strong alkali），而且在使用期間與催化劑混合會產生熱能，皮膚同時接觸化學去角質成分、強鹼性物質和受熱，對皮膚造成較大刺激。
建議亞洲人士由低用量開始 ，約每星期用一至兩次。潔面後將適量放在清潔的杯內，用掃塗於臉部，（混合皮膚只可塗於Ｔ字位），待15至20分鐘。
為減輕對皮膚可能造成的刺激，部分樣本建議皮膚較易敏感人士先將兩者混合，才將混合 物 敷 在 面 上。而 部 分 套裝樣本的前處理液的作用主要是徹底去除皮膚上的油脂污垢，確保強酸性的煥膚液可以深入皮膚發揮功效。
消費者必須留意使用有關產品更應留意切勿逾時不洗。考慮到套裝產品可能涉及量取和混合步驟，操作不熟練容易導致使用逾時，或會增加皮膚出現較嚴重不適反應的機會。使用前必須先細閱使用步驟，並確保所需工具（例如計時器）齊備。期間須細心觀察皮膚的變化，如出現嚴重刺痛，必須立即沖洗。
潔面粉潔面粉（exfoliating powders）是較新式的去角質產品，普遍是在日常洗面後，將適當分量的潔面粉置於掌心，加少量清水並搓出泡沫，將泡沫塗抹在面上，鼻翼、下巴和油脂較旺盛位置加強搓揉，只需搓揉約數10秒，隨後用水沖洗乾淨。
11款潔面粉樣本中，部分說明需在潔面後使用，反映潔面粉產品未必可以代替日常潔面產品或作為日常潔面用途。個別樣本說明適合每天使用，但亦有樣本建議每星期只需要用上1至3次。消費者在選用不同型號時應留意產品用法，避免誤用而影響皮膚。
為免刺激皮膚，消委會建議亞洲人士由低用量開始。（圖片：消委會）
有4款樣本標示含有製造微膠珠的聚乙烯。（圖片：消委會）
使用去角質產品注意事項
消委會建議消費者使用去角質產品時，應注意以下事項﹕
1 如正服用治療暗瘡的藥物，或曾接受入侵性美容，應向醫護人員查詢是否適合使用去角質或煥膚產品；-
2 避免同時混合使用多種去角質產品﹔
3 提防顆粒在使用或沖洗時進入眼睛而造成不適；
4 用後盡快為皮膚作保濕護理，並在外出時作足夠的防曬措施，避免曝曬。
（消委會 / singtao）
女星今早在馬來西亞拍攝賀歲電影的時候被燒傷面部急送院！
據當地傳媒報道，今早在片場拍攝時發生火災，逾20人受輕傷送院，其中她的面部被燒傷，而梁祖儀雙腿被灼傷，羅家英幸無受傷，但飽受驚嚇！據當地消防局估計，失火起因係拍攝該場失火場景，有人以油槍將汽油噴灑在片場，但不慎將汽油噴到一眾演員身上，而其中一名演員引起火苗所致。
拍攝期間她用力拉住粗繩。（instagram短片截圖）
60歲武打女星楊盼盼今早在馬來西亞拍攝賀歲電影《大地回春》被燒傷面部送院！
楊盼盼受傷入院相，左面額頭、面頰、下巴都貼了紗布，右手腕包了長紗布，傷勢令人擔心（蘋果獨家圖片）
右手傷勢頗為嚴重（蘋果獨家圖片）
這部電影耗資百萬令吉在蒲種富吉鎮拍攝，意外發生後，廣告監製導演在facebook道歉，監製林德榮和導演黃罕銘亦於今早10時許，神色凝重透過fb直播，向受傷演員家屬致歉，兩人指會對此次火災負上全責。
傷者名單如下：
他在直播中指今早拍攝現場發生火災意外，有20多位演員受傷入院，希望大家給他們時間先解決火災現場：「有些演員因為火燒入院，等我們安頓好所有演員的醫療問題，再向大家作出交代。」他談到受傷演員時數度哽咽，眼泛淚光：「發生這次的意外，我們(和黃罕銘)會負上全部責任，我們也要向所有演員的家屬說聲對不起！」
同樣有份參演這戲的羅家英，當時亦在場目睹事件。
其妻汪明荃回覆傳媒稱：「家英哥當時唔使拍呢場戲，但佢坐喺現場，見到個火好快，盼盼受傷，我即刻叫家英哥幫我問候佢，盼盼同我講唔係咁大件事，佢一邊臉貼咗塊紗布，都叫我哋放心，因為發生呢啲意外，大家都唔想，我覺得佢好好囉，佢冇怪任何人！」
同於片場受傷嘅女演員梁祖儀，就喺ig上載一張瞓喺醫院床上嘅自拍照，雖然係一張笑臉，但佢留言透露雙腿受傷：「暫時想不到可以寫甚麼，心情還在平復中，致所有慰問的朋友，我沒事，燒傷了雙腿。會好的」
(綜合報道 / apple daily / mingpao /on.cc)
演出作品超過100部，講到同張衞健合作嘅劇集係佢人生中嘅樽頸位，拍完第一場戲就喊住同製片講：「我退錢，我不會演戲！」好在張衞健捉住佢嘅手，同佢講咗一聲。。。
現年60歲嘅台灣藝人恬妞，78年憑電影《蒂蒂日記》，20歲就成為金馬影后，係當時最年輕嘅影后，紀錄一直保持咗20年。
恬妞入行40年，演出作品超過100部，早前佢接受台灣《蘋果日報》專訪，講到同張衞健合作嘅劇集《少年英雄方世玉》係佢人生中嘅樽頸位，拍完第一場戲就喊住同製片講：「我退錢，我不會演戲！」好在張衞健捉住佢嘅手，同佢講咗一聲，令到恬妞嘅信心返晒嚟。
咁其實當年點解呢套劇會令到一個走咗入樽頸位嘅老戲骨，就算退錢都要辭演呢！
恬妞回想當日嘅情景，佢提到自己只係比張衞健細7歲，但就要合演母子，張衞健做方世玉，恬妞演苗翠花。自認天份型演員嘅恬妞，第一日開工就接唔到招，佢話：「開鏡第一天，我傻了，因為他的節奏太快了，對白、動作、表情，我沒有辦法招架。」搞到佢喊住同製片講「演不下去」。 不過身後嘅張衞健嗰一聲「阿媽」令佢得救：「瞬間我好像充上電，燈亮了！因為他的手很有力、很有感情，就好像是我的兒子。其實我沒比他大幾歲，但是他就給我個感覺，我怎麼會這樣就放棄？」亦因為咁改變咗佢後來嘅人生。
除咗健仔恬妞仲同周星馳合作電影《情聖》，每次返台灣佢都會睇到電視台重播：「真的好傻好土又好笨，裝扮又胖。」佢自言好少回憶過去，就連封后嘅《蒂》片都冇。
舊年佢拍咗台灣校園驚悚片《藍色項圈》，又幫藍正龍導演嘅處女作品《傻傻愛你，傻傻愛我》演出，係希望以行動支持面臨困境台灣電影。
(蘋果日報)
喺2017年回歸無綫拍《不懂撒嬌的女人》而爆紅嘅林文龍，承接《不懂》再同關樹明合作拍《再創世紀》，因為係合拍劇嘅關係，大陸嘅觀眾可以率先睇晒，結果今次好多網民cap圖留言讚林文龍，尤其係佢同郭晉安、潘志文嘅戲，最重要嘅係佢同鍾嘉欣相隔12年再度合作，為當年《法證先鋒II》圓夢！
日前林文龍喺尖沙嘴接受訪問，對於網民嘅留言，佢話：「當然一定係好睇先吸引到佢哋，所以我睇完之後，係吸引人，我都有俾老婆睇，佢睇完都話好鍾意，期待喺香港播時候，諗住踎喺度睇，不過我都預先講話呢啲CAP出嚟係精采，唔好諗住場場戲都咁精采。」其實今次林文龍飾演Duncan呢個角色，正如佢話因為個人有經歷，賦予咗生命，變咗睇起嚟覺得好立體，更加集中喺演員身上，佢話：「Duncan呢個角色可能比我本身仲要多，好開心網民鍾意，事實上演繹上幾滿意。」
林文龍話喺對白方面都有啲修改，之但係呢套係合拍劇，唔知有冇限制？佢話：「確實我唔知，始終創作嗰個唔係我，但係表面上有啲嘢係要配合審批同配合，試過有啲嘢係劇本出咗嚟，但係喺現場編審突然要開會再度一度，有啲嘢修改。」雖然今次有唔少觀眾讚賞，似乎有助打北上發展，不過林文龍話：「唔知㗎，隨緣喇，有啲嘢唔係你想就得，不如專心做好件事，o依家有2個香港同2個大陸嘅劇本，慢慢揀，就算4套啱都唔會接晒，我向來係貴精不貴多。」
講到當年《法證先鋒II》嘅情意結，林文龍話：「係圓到好多人嘅心願，嗰陣有好多觀眾，不約而同都拎住呢段戲嚟講，希望我哋可以再合作，當佢哋知道今次再合作都好開心，最初睇頭10集，個個都以為我哋又分開，但係到結局見到我哋喺返埋一齊，覺得係了咗一個心結。」佢又話：「以前我哋都未有小朋友，甚至乎嘉欣都未拍拖同結婚，12年後再合作，大家成熟咗，好難得搵到一個自己鍾意嘅男人，結婚同生埋仔，我見到佢真係好開心，成個人都大個晒，接劇本之後都成日傾 加咗啲鍾嘉欣嘅嘢入去，而唔係好似以前，只係跟劇本去做。」
係咪因為呢行難得搵到另一半？林文龍話：「睇你點睇喇，好多嘢唔係o依家先出現，只係因為時代轉變，有啲報道嘅手法唔好而影響藝人，搞到有啲人覺得好辛苦，最後離開咗呢個圈，甚至離開埋香港，不過冇辦法，社會係咁，食得咸魚抵得渴呢句說話我唔覺係百分百啱，所有嘅嘢，應該係留番一份尊重。」
佢續話：「以前我係好憎啲狗仔隊，一見到佢哋就想開波，到今日已經係好妥協，其實佢哋都唔想30幾度喺條街影你，佢都係收公司order啫，都係返工賺錢去養妻活兒。當然，對方尊唔尊重返我，呢啲我冇得控制，已經睇得好化，做人要識得釋懷，淡然啲，人比人係比死人，知足者，貧亦樂。」
(蘋果日報)
現年30歲的前港姐朱千雪 （Tracy）有「民選港姐」之稱，自2012年當選港姐季軍後即備受無綫力捧，被指「三高」的她高學歷、高收入、高顏值，一直被網民視為女神！
曾與王浩信奪得最佳劇集拍檔的獎項
但年前她毅然向無綫請假回歸校園，「學霸」上身的她於中大修畢企業傳播管理碩士課程後，近年再於香港城市大學攻讀法律博士課程。一心要做「Law界女神」的Tracy，最近已獲全港五大律師行之一，位於金鐘的著名律師行聘請，為她預留職位。
據悉，她雖然與無綫仍有多年合約，但已逐漸減少拍劇，主要演出綜藝節目及接商場活動，月前便與好友湯洛雯齊齊往北海道拍攝無綫旅遊節目《3日2夜》。由於法律知識豐富，Tracy早前亦為沒有份演出的新劇《白色強人》提供法律方面的知識，劇中演員不時向她請教。
計劃全身投入法律界的Tracy，日前扮得靚靚，一身露膊打扮現身尖沙咀出席活動，工作完畢，即步往商場匆匆變裝，換上較為樸素的連身裙及白鞋，一身學生Look前往取車後即直駛九龍塘，她把座駕泊於停車場後，於商場購買飲品、三文治醫肚，然後箭步返大學上堂，期間還遇上數名同學，身為「明星學生」的她，停步與他們傾了一會才急急腳步入課室。
下課後Tracy與同學道別後再往附近商場的電話專門店購物，見她向店員查問一輪後便坐於一旁等待，期間引來不少顧客目光，但她未有理會只低頭撳電話，離開電話店後她再往超市，購買了一個兩餸飯盒便急趕返家，捱飯盒「咪書」。
贏盡口碑的劇集《踩過界》或成朱千雪最後劇集作品
(綜合報道 / on.cc)
