【甘比見到即刻覆】三子之母梁洛施：很不幸，患了…

2018-12-27

30歲梁洛施(Isabella)早年為李澤楷誕下三個囝囝，於分手後全力照顧三名兒子。

雖然息影一段時間，今年高調重返娛樂圈，為事業努力。

臨近聖誕節，與當年打官司收場的霍汶希和容祖兒合照食飯，網民都說這是世紀合照，還希望陸續有來，將來有更多合作機會。（相關新聞：https://goo.gl/YiB54H）

Isabella近日於社交網貼出傷口相。

並發文：「我的粉絲們昨天是冬至都還沒有跟你們問好。梁小姐很不幸，昨天患了肺炎，醫生都給我打點滴了，整個人都是迷迷糊糊的狀態。最近天氣都不是太好忽冷忽熱，請你們要保重身體」。

另一張相見電子體溫計顯示39.3度，似乎仍未退燒。

好友甘比見到就回覆：「哎呀!要小心。」

Isabella又貼咗一張由住處窗口影出去嘅風景相，相中見佢似係身在首爾，住處對住南山公園附近嘅東國大學，未知係旅行定係喺當地工作!?

Isabella的經理人Kim短訊回覆《蘋果日報》：「Bella在韓國過聖誕放假，她已經看了醫生，情況好多了，多謝關心，天氣冷大家也要多注意身體。」

Isabella經理人Kim (最右)

希望Isabella早日康復！

(weibo / 綜合報道 / apple daily)

【屢受批評】Angelababy再被網民鬧爆…

2018-12-27

藝人Angelababy（楊穎）人紅是非多，出道以來都話題不斷，自去年年頭為愛夫黃曉明誕下「小海綿」之後，為求賺「奶粉錢」就迅速收身復出。

但就經常被人話耍大牌！

之前有大陸報道指Baby同迪麗熱巴拍攝大陸綜藝節目《奔跑吧》時，鏡頭前係「巴比組合」，早已傳出兩位女星不太夾，玩遊戲時都係明爭暗鬥，而熱巴更多次出現尷尬微笑。迪麗熱巴因Baby而選擇離開，唔少熱巴fans喺微博攻擊Baby，令雙方fans爆罵戰。

之後Baby再被爆於《奔跑吧》疑享有特權，喺水上環節同鄭愷、沙溢一齊競賽時，兩男頻頻被罰落水變落湯雞，相反Baby就獲得特別照顧，被扔落水及被噴水嘅機率少好多，有網民嘲Baby：「是不是玩不起」、「跑男不適合你，回家當公主去吧」、「萬萬沒想到，你全程只被淋了一次水！太強大的背景了」。

又有眼利網民睇到她身穿價值4,000港元的名牌外套劈柴落田，話Baby炫富。

而今日網上流傳一批影片截圖，圖中所見，Baby應該係準備拍廣告，現場好多工作人員包圍佢，大家都幫佢整理造型，當要換鞋時，Baby助手就蹲下幫佢着襪及換鞋。

Baby獲工作人員服侍着衫。

助手彎腰幫baby除鞋。

助手彎腰幫baby除襪。

助手幫baby換上高跟鞋。

網友就批評她「她一年給她的助理多少錢？連襪子都要助理穿」。而Baby就從頭到尾都冇試過彎腰，被網民指「公主病」、「明明是可以能及的，非要助理伺候」。

不過都有網民幫她講好話，指呢個情況喺拍攝時很常見，因為衫同髮型都唔可以亂，等助手幫手會更有效率，情況係可以理解。

(綜合報道)

【真實版跳躍生命線】10分鐘内從鬼門關智救臀部先出臍帶纏頸B女

2018-12-27

大熱劇集《跳躍生命線》講述一班新舊救護員勇救病人的故事，每個救護員都抱著爭分奪秒「救得一個得一個」的心態，救活了固然值得開心，但劇情中仍穿插不少人救不回來的悲劇，可見生命的無常與無奈。

「依家除咗你之外，無人可以幫到BB，你出力啦！」已為兩女之母的阿Jane，回想今年七月生產第二胎時驚險萬分，往醫院途中遇上交通擠塞，需要在救護車上作緊急分娩，期間不但發現胎兒胎位不正，胎兒更遭臍帶纏頸，一度令嬰兒陷入危險，幸得三名救護員臨危不亂，短短十分鐘內，於救護車內完成接生過程，化解種種危機，力保嬰兒，奇迹地完成「不可能任務」。

Jane表示，今年七月四日感到胎兒有作動情況，遂電召的士與母親一同由灣仔往瑪麗醫院準備分娩，但當時已是傍晚六時許，交通非常繁忙，在中環塞車十多分鐘。隨着時間流逝，陣痛亦逐漸加劇，其母於是致電九九九，並由救護車送往醫院；雖然車程只需十分鐘，但在送院途中，Jane已「生得」，而車上的救護隊目盧思杰就臨危受命，肩負接生的重任。

盧指，一般救護員熟知順產的接生程序，但當日發現孕婦穿羊水後，胎兒最先露出並非頭部，而是臀部位置，令他十分憂慮，「因為有指引，呢一類情況要即刻送院交畀專科醫生處理。」盧續說，當時感到救護車已經上斜，令接生難度增加，但已經「無得返轉頭」。

分娩期間，胎兒身軀亦已經露出，但赫然發現胎兒的頸上被臍帶纏着一圈，隨時有窒息危險；盧惟有以單手環抱胎兒，另一隻手則沿着其身軀解開臍帶的纏圈，期間一度需要換手處理。

當解開臍帶後，Jane的力氣卻不足以將胎兒的頭部推出產道，頃刻母親或救護員都苦無對策，情況一度非常危急。當時盧說：「媽咪，依家BB就只係靠你，BB個頭仲係入面，佢就會缺氧。我哋一齊加油啦。」Jane最後出盡力氣成功將BB誕下，但卻未有聽到喊聲，盧隨即施以急救卻未見成效，「當時見到BB個身已經呈現紫色，我個心已經做最壞打算」。

隨即盧檢查女嬰有呼吸，即叫同事從產科急救套裝中取黏液抽吸器，把黏着女嬰口、鼻的黏液吸走，並用手輕掃女嬰背部。直至一分多鐘後，嬰兒手腳略見「郁動」，並發出喊聲，才令眾人鬆一口氣。

Jane表示，本身已有生育經驗，故分娩前一周已進行產檢，發現胎兒位置和其他情況均正常，但事後有助產士告知，曾生育的孕婦可能因肚皮過鬆，導致胎位再次轉動所致。她憶述當時情況危急，非常感激救護員的幫助，分娩期間除不停匯報胎兒狀況，亦一直鼓勵自己才能母女平安。

(綜合報道 / on.cc / hk01)

【好失望】馬國明挨實曬床照

2018-12-27

藝人馬國明自從開通咗微博之後，時不時都會PO下相同網民互動下。

有同拍檔嘅合照。

當然唔少得同女友心穎BB嘅Sweet爆合體啦~

而馬明最近忙於拍攝網劇《飛虎之雷霆極戰》！

今次嘅拍檔就係苟芸慧（苟姑娘）！戲中苟姑娘飾演馬明老婆。馬明之前都有PO過合照，仲留言話：「拍戲真好……每套戲都可以跟不同美女發生感情……我最新 “飛虎” 老婆……」

馬明呢日喺社交網上載一張同苟姑娘自拍，二人都着上休閒睡衣，苟姑娘更將個頭挨落對方膊頭。

馬國明又分享拍攝時發生嘅趣事，當日導演同佢講有「床戲」，自以為艷福無邊嘅佢原來諗多咗，其實導演所講嘅「床戲」只不過係喺床上傾偈，網民忍唔住都留言：「哈哈哈哈哈」、「導演：讓你失望了」。認真爆笑！

話時話，馬明咁大膽，唔驚女友心穎嬲嬲豬咩？

(weibo/on.cc)

【3年得37日係陪小糯米…】楊冪：那是你的問題

2018-12-27

楊冪同劉愷威於上個星期發聲明宣佈離婚，結束兩人5年嘅婚姻關係，而小糯米會如常由爺爺劉丹幫手湊。

但楊冪喺發聲明前，上過一個大陸節目接受訪問，講到有關自己多年演藝歷程嘅時候，訪問中楊冪有提到囡囡小糯米，但劉愷威呢？Sorry，冇講過。

楊冪宣佈離婚前接受嘅訪問節目，就係由王屹芝主持嘅《不止於她》，訪問最初，當主持人講到自己有兩個小朋友，其中一個已經4歲半嘅時候，楊冪聽到即時好興奮咁話同囡囡小糯米一樣大，仲話自己個女非常Open，跟住楊冪仲學囡囡講嘢：「Hi Mammy, what a you doing？Mammy are you boy？」楊冪話回答唔係時，阿女又會話：「Really？I think you boy！」。

然後佢又補充話自己有時煮雞蛋畀囡囡食，囡囡就會對住雞蛋講：「Hi egg, I’m waiting for you, are you ready？」，不過當主持人問佢有冇喺小糯米身上見番細個嘅自己嘅影子時，佢就好斬釘截鐵話：「沒有啊！」雖然係咁，但兩母女嘅互動，令人聽落感覺好溫馨，絕對唔似之前傳聞話楊冪只顧工作唔顧家庭咁。

之後訪問一直圍繞楊冪演過嘅角色，直至主持問佢會唔會有計劃做埋導演，楊冪就話暫時冇，而問到佢有冇嘢其後嘢想做嘅時候，楊冪就話：「很多事情可以做，陪陪家裏人，看看電影，或者是跟三五個好朋友聚一聚、喝一喝、聊一聊，我覺得這是我喜歡做的事情。」

另外，然後楊冪又自爆自己有男性思維，佢話無論對住阿爸、拍戲時嘅男演員，就會特別有男性思維。冇錯，楊冪無論講屋企、講工作、講囡囡都好，成個訪問都冇提起過劉愷威三個字。

而訪問中，楊冪又講到畀人標籤時，佢其實都唔太在意：「別人怎麼覺得你，那也不一定準確，但是別人愛怎麼覺得就怎麼覺得吧。」而提到自己面對問題時嘅態度，楊冪話：「其實你想做，誰都可以做得到，只是你們有的時候過份地把一些負面情緒放大，你一直背着那個東西你不願意把它放下，那是你的問題，你想做誰都可以做得到。」

楊冪講到咁灑脫，唔知係咪都代表埋離婚呢件事呢？

另外，有網友統計過楊冪在2016年、2017年、2018年和小糯米相處的時間：2016年楊冪回香港探望女兒的時間是23天，2017年更少了只有8日半，2018年到目前為止只有5日，總數37天，兩母女聚少離多。

相關新聞：

【疑離婚後首開腔楊冪：接受自己所有的經歷與遭遇】https://goo.gl/upeUMD

【孫女小糯米點？】劉丹首開腔回應楊冪劉愷威離婚 https://goo.gl/Jmpttm

【奶奶嫌無孫仔抱超難頂!?】楊冪劉愷威被爆離婚内幕 https://goo.gl/Uv9Sji

【劉愷威當年霸氣求婚楊冪：家庭不應該成為束縛】https://goo.gl/v9DDmG

【傳兩個月前搞離婚劉愷威楊冪揀喺冬至宣布分訊係因為⋯】https://goo.gl/yCC5ez

【傳楊冪劉愷威將宣佈離婚】楊冪：結果依然逃不掉傷心 https://goo.gl/bsjagk

【傳即將與劉愷威宣佈離婚】楊冪首回應 https://goo.gl/y32cKv

(綜合報道)

【3個月囡囡已經無飲奶好多日】陳柏宇老婆符曉薇無奈發文

2018-12-27

陳柏宇老婆符曉薇（Leanne）琴日度過產後第一個聖誕節，佢喺社交網上載一張寶貝女Abigail瞓覺相，好似好乖咁。

但其實Leanne呢個聖誕過得有啲激氣，原來3個月大囡囡Abigail唔肯飲奶。

無咩點化妝嘅佢好無奈投訴囡囡：「呢個BB又唔肯飲奶，又喊啦，睇吓佢瘦晒啦！冇飲奶好多日，飲嗰啲啲，好似畀你食毒藥咁係咪？」

而囡囡就郁嚟郁去，又用天真無邪嘅眼神望住鏡頭，真係點嬲得佢落！

希望囡囡快啲乖乖飲奶，令爸爸媽媽無咁擔心啦！

相關新聞：【由81升到232】陳柏宇老婆符曉薇要停止餵人奶 https://goo.gl/47SpLw

(ig / 綜合報道)

【冧爆黃翠如】呷醋蕭正楠有「情敵」啦！

2018-12-26

早前宣布已婚嘅夫婦蕭正楠同黃翠如孖唐詩詠、C君同DJ女友黃天頤等好友一齊開P慶祝佳節。

蕭正楠亦有晒出應節相，不過主角就唔係蕭太，而係佢哋隻愛犬「小六」，蕭生仲冧爆留言：「我想將雙手的溫暖付托在你肩上　我想將鼓掌的聲線盤旋在你光環上　若你無言讓天使合唱　祝大家聖誕節快樂！特別係平安夜同聖誕節要開工嘅人……包括我　#小六　#今晚陪唔到你玩　#底褲仔穿返（番）低啲。」講到咁深情，網民都問蕭生係咪借小六過橋，其實想向太太示愛呀！

呢日蕭生蕭太又再出動喇！佢哋就喺聖誕節正日約咗好友黃致豪（前名：黃長興）一家玩交換禮物，黃致豪仲大爆蕭生呷醋，佢晒相兼留言：

「Our traditional Secret Santa reunion before boxing day. Highlight is Tristan fall in love with Mrs Siu ＠wongtsuiyu 😒😂😂 and Mr Siu a bit Jaleous lol…Good gathering，thanks for your time brothers and sister. （喺Boxing Day前，我哋搞咗個傳統嘅交換禮物聚會。其中一個亮點係我嘅細仔Tristan愛上咗蕭太，搞到蕭先生有啲呷醋…哈哈！今日好開心，多謝兄弟姐妹們。）」