14年後再做靚靚「老公」，事前更特恴去請教靚靚「真．老公」張智霖。佢哋兩個一上到台就不停互笠高帽。佢仲好大膽咁公開話，全香港都冇女演員好似靚靚咁，可以演活呢種潑辣嘅角色。
藝人吳鎮宇、袁詠儀（靚靚）、張達明、吳肇軒到北京出席電影《家和萬事驚》記者會，靚靚及鎮宇繼2004年《我愛天上人間》後再度飾演夫妻！
電影改編自張達明的獲獎舞台劇，講述吳鎮宇一家五口為保衛「海景房」做出一系列啼笑皆非的事情，以荒誕喜劇反映社會房屋問題。在戲中飾演家庭支柱的吳鎮宇，同時亦是家庭地位低微的好男人，扮演家庭主婦的袁詠儀自封「麻煩製造機」，吳鎮宇笑言：「佢演得好好又傳神，全香港冇女演員可以好似佢咁潑辣！」
張達明在電影内化上老妝飾演吳鎮宇的爸爸，更慘遭忽視及被孫兒欺負，張達明直言覺得最難是：「吳鎮宇咁靚仔，我點樣做佢爸爸？」
(綜合報道/on.cc)
普天同慶的日子，各位星爸星媽嘅Facebook、IG全是歡樂全家福！
小公主超可愛！
千嬅難得都PO咗張全家福～
仲有Miki「一家四口」！
明星小Babies的可愛聖誕相片，都應節出動。熊黛林在網上貼了一對孖女Kaylor、Lyvia的聖誕相。
已經八個月大的孖女和媽咪一樣眼仔大大，非常精靈，而大孖、細孖的樣子亦開始有分別。
宋熙年今年都升格做媽咪，同老公齊齊抱住baby影溫馨家庭的第一張聖誕相片，warm住過聖誕。
(apple daily)
台灣女星賈靜雯上個月喺峇里同老公修杰楷補辦婚禮（相關新聞：https://goo.gl/zBf2G5）。
雖然台灣冇放聖誕假嘅習慣，但係過聖誕係大部份小朋友最期待嘅節日之一，所以賈靜雯都有應節，同佢幾個寶貝女慶祝。
因為大陸真人騷節目而為人認識嘅「咘咘」同「波妞」，跟父母及同母異父嘅大家姐「悟桐妹」一齊影全家福。
今日賈靜雯貼相上Instagram，佢留言話：「幾天前就開始享受聖誕氣氛啦，今晚還要繼續，聖誕老公公真的好好用，只要兩個小搗蛋（指咘咘及波妞）調皮時，我們跟大姐姐都會同時說：『吼……這樣聖誕老公公可能不會送禮物來囉！因為老公公喜歡好好說話笑咪咪的孩子！』此話一出，立刻不吵鬧。」賈靜雯仲笑問：「聖誕老公公可以每天都來嗎？」
睇嚟佢係想借聖誕老人嘅力量，令到3歲嘅咘咘同1歲半大嘅波妞乖乖聽話。
從相中見到兩個細嘅影相時無厘正經，而且細女波妞經常皺眉，難怪連媽咪賈靜雯都要hashtag落話「波妞真的愛皺眉」，但佢個樣仲係相當得意。
至於悟桐妹應該係返咗台灣跟媽咪過節，佢今日亦都有喺IG貼相，佢透露自己收到一條頸鏈、好多自己鍾意嘅書，同皮外套，佢明言「收穫滿滿」。
睇番佢啲相，佢將自己同繼父修杰楷張大頭合照放喺第一張，之後先到媽咪賈靜雯，再到兩個妹，睇嚟佢同繼父嘅關係真係好friend喎！
(apple daily)
有報道指，事發時有兩輛車迎頭相撞，據悉李志恒遇車禍受傷，對頭車內的是藝人曾志偉，據知曾並未在意外中受傷。
警務處刑事及保安處處長李志恒昨（25日）在日本北海道小樽遇車禍受傷。據無綫新聞報道，指當時跟處長李志恒相撞嘅對頭車，座駕內係65歲藝人曾志偉。
據知，事發於噚日下午1點半，當時志偉負責駕駛私家車，載着一名年約40多歲姓李嘅女子，當兩人到達余市時發生交通意外，跟處長嘅七人車迎頭相撞，消息透露，因為其中一架車疑失控發生意外，幸志偉同李姓女伴沒受傷，但處長一家則受傷送院，據知，志偉要接受酒精測試，而入境處同警方已派人到日本了解。
2016年，曾志偉偕女化妝師遊日本，兩人一起挑日用品。
其女兒曾寶儀透過經理人回覆：「我爸爸（曾志偉）確實有發生小車禍，人沒事，很平安，他有打電話跟我、家人報平安，細節我沒多問，謝謝大家關心。」
經理人續指，曾寶儀人在台灣，沒有跟其父在一起，又指曾志偉有向曾寶儀及兒子曾國祥報平安：「沒有甚麼大礙，人都平安，謝謝大家關心。」而曾國祥表示：「有心，冇事，佢本人冇乜大礙，係尋日發生嘅事，冇事。」
而其友人表示，今早接獲志偉電話透露發生交通意外，幸好冇大礙，目前係酒店休息。據知，意外相信係有人唔熟路引致。
處長李志恒近日休假，跟親友一行約6、7人到北海道小樽旅遊期間，於昨午遇上車禍，車上所有人均受傷。消息稱李志恒頸椎傷勢頗重，幸無生命危險，意外後下身麻痺，須由直升機送往另一醫院做手術。
(綜合報道)
今日「Boxing Day」適逢愛女滿月，她亦為女兒穿上聖誕裝，第一次感受三人行的聖誕節。
過去一個月都專心湊女的她，大讚子子忍耐力高：「佢好乖啊，依家個人長高咗好多，我發現佢忍耐力都好勁，朋友嘅BB有時去咗小便都會喊要人換片，不過子子就會唔出聲，到我哋發覺時已經差不多漏出嚟！今年聖誕都爸爸唔畀我哋出去玩，所以兩母女留屋企扮靚靚。」
新手媽媽董敏莉早前誕下囡囡莊子子，初為人母的Monie就話「心理上」已習慣，但畀愛女搞到「五勞七傷」：「我抱得太多，搞到依家有媽咪手，有時大動作啲都好痛，惟有放慢個腳步去做嘢，甚至叫老公去開奶同抱個囡，我同子子成個女皇咁享受聖誕節加滿月。（送咩畀個女？）我已經送咗個包包面畀佢，似足我咁可愛，搞到爸爸都不時獻吻做禮物。」
Monie幫愛女穿聖誕衫時，子子「郁身郁勢」，仲識用手撐起自己：「可能同我哋玩得多有關，我哋成日同佢玩Tummy Time，佢手臂練到好有力，有人話佢可能好快識轉身！」
(on.cc)
國際武打巨星李連杰與前亞姐冠軍利智婚後育有兩名女兒，轉眼間大女Jane Li現年18歲、細女Jada Li現年16歲，兩個都已經長得亭亭玉立。
李連杰近年因受甲狀腺功能亢進症（甲亢）困擾而要長期服藥，不僅被拍到容貌蒼老似阿伯，更屢被傳死訊。
李連杰大女Jane Li 16歲時曾現身公益活動。
李連杰細女Jada Li
Jada曾為聽障兒童發聲。
不過佢呢日喺社交網上載呢張相非常之精神。
李連杰Post咗一張攬住兩個囡囡影嘅相並留言：「Wishing you a Merry Christmas from my family to yours🎄#christmas2018 #thankful.（我們一家祝大家聖誕快樂#2018聖誕#感恩）」
相中見兩個囡囡已經高過爸爸，睇嚟係遺傳咗媽媽利智嘅大長腿同高佻身材！
李連杰一向都好保護兩個女兒，過咗童年就鮮有畀佢哋嘅容貌曝光，今次公開合照，有網民推測會唔會係想為兩女出道鋪路？
(on.cc)
陳冠希自從去年3月和名模秦舒培誕下女兒Alaia，變成晒女狂人，經常在網上大騷女兒的可愛照，稱女兒為「大佬」。
今日他又晒了阿女聖誕節玩耍相，阿女攬住毛毛公仔坐在巨型玩具箱中玩。
巨型的全紅玩具箱令人嚇一跳！
無錯，就是潮牌Supreme x Louis Vuitton 2017年的聯乘版本，這個 Malle Courrier Trunk Monogram 90 Red trunk，去年面世時賣美元 $68,500，之後已炒上瘋狂價位，曾在拍賣行以過百萬元港元、美元$125,000成交，相信會繼續升值。
陳冠希女兒因老豆及媽咪生活圈子關係，一出生就不斷着潮牌、潮物上身，今次連玩具箱都上百萬。
令網民不停留言「公主的生活」、「幸福的大佬」、「我家兒子也想要」，亦有網民笑他其實想晒行李箱，而不是晒幸福。
相關新聞：
【細節證明一切！陳冠希真係好錫秦舒培】https://goo.gl/c1bKYj
(apple daily)
本月初嘉欣老爺、中建企業主席百億富豪許世勳病逝，許家上下都感到十分不捨，包括一向和老爺關係不俗的嘉欣，全程表現傷感，喊到眼腫腫（相關新聞：https://goo.gl/oJT4Gp）。
而其百億家族遺產分配惹人關注。今日有消息傳出，許世勳早已將名下420億的財產做好安排，全部撥入家族信託基金和巨額保單，許氏每位家族成員每月能從中領取一筆生活費。
傳出消息指，許晉亨及太太李嘉欣可領取的生活費大幅提高，達每月200萬元，如消息屬實，對他們來說，可算是一份聖誕大禮。東網聯絡李嘉欣求證，但未有回覆。
嘉欣昨日在IG Story貼了一張站在日本街頭的自拍照，狀態明顯已經回復過來，嘉欣還在相片上加上Merry Christmas字樣，祝大家聖誕快樂。
雖然，嘉欣未有貼出同老公的合照，但相信亨亨一定有同行啦！
(綜合報道)
陳展鵬今年10月同單文柔拉埋天窗，新婚一個月就報喜！單文柔已經佗住「小豬比」，展鵬事後見記者時話估計老婆有咗3個月，計番日子，佢哋係奉子成婚。
展鵬係愛妻號，老婆有咗好緊張，出街都要傍到實，佢哋日前去咗中環行商場，拍拖濕平，展鵬負責拎住啲戰利品，等陀B有4個月嘅老婆可以輕輕鬆鬆享受購物樂。
不過展鵬因為戴咗口罩，難免被人望多兩眼而認出。佢哋行到攰攰哋，單文柔唔知係咪口渴，佢行先入咗間咖啡店買嘢飲，跟住兩公婆就去咗商場嘅客戶服務中心，估計係搞免費泊車優惠。
單文柔周圍望，眼利發現有記者偷拍，佢立即同老公單一聲，佢哋隨即收起笑容變嚴肅，然後箭步走去搭電梯落停車場。
唔知展鵬係咪同老婆拍拖買BB嘢，佢當日回覆傳媒時話：「多謝關心，咁啱經過，買自己年尾做嘢啲衫咋。」
唔單止係單文柔陪老公買衫，有時展鵬都會陪老婆行街買嘢。好似之後幾日，又捕獲佢兩公婆出動，今次輪到展鵬陪老婆買衫。
佢哋下午3點半喺中環一個商場嘅時裝店睇便服，展鵬全程企側邊陪老婆睇女裝，企足20分鐘，之後就同老婆排隊畀錢。
展鵬見到記者影相都有笑一笑，而離開舖頭時，展鵬小心呵護住大肚老婆，跟住兩個人去停車場攞車走。
(綜合報道/apple daily)
早前大方公開戀情，之後更愈愛愈高調，不時曬下拍拖相、8月又在機場被捕獲外遊「預支蜜月」。
自爆對方好細心，令佢非常窩心：「佢一向有戴錶嘅習慣，但我哋拖手嘅時候，佢為咗唔想隻錶整到我隻手，佢就會轉戴另一隻手，可能對其他人嚟講冇咩特別，但從來冇人喺我身上做過呢樣嘢，我覺得佢好體貼。」
現年31歲的前港姐冠軍陳庭欣（Toby）今年撻着坐擁美容王國兼身家過億的楊振源（Benny），愛得甜蜜！結過婚的Benny育有兩子，但Toby曾透口風指雙方對結婚有共識，又見埋家長，似乎不介意做後母！
日前兩人被拍得現身維園工展會，雖然有不少市民，但他們仍拖到實遊勻整個會場，期間有不少市民認出Toby並索合照，入屋又親民的Toby逐一滿足街坊要求，Benny識做地暫時行開。
他先到自己公司的攤位巡視業務，安排職員工作，「老闆娘」Toby隨後「加入」一同密密傾，之後Benny帶女友行了攤檔一圈，好奇的Toby將產品噴上手試香味，與男友輪流聞味再作討論，這個「老闆娘」似乎相當關心男友的產品質素！
做完正經事，兩人到附近食檔醫肚，買了鮑魚、魚蛋及蜆等美食，旁若無人地你一啖我一啖互餵，食到㷫烚烚的Benny除外套大晒麒麟臀，細心的Toby即為男友抹汗，彷彿整個世界只剩下他們這對情人！
Toby與男友食飽後繼續拖手滿場飛，參觀不同攤檔找其他商戶朋友及試食。
行完一輪，為食的Toby再買雪糕食，Benny負責畀錢，Toby小鳥依人地挨在男友肩膊，隨後再次表演你一啖我一啖，Benny更幫女友抹嘴仔，冤氣指數爆燈！
(綜合報道/on.cc)
