【瘋傳懷有第二胎】應采兒被捕獲凸肚出巡網民直呼肚子好大

2018-12-25

今日是聖誕節應采兒一家向網民說聖誕快樂啊！

陳小春和應采兒結婚8年，育有5歲兒子Jasper，多次表示想生第二胎的應采兒，近期則是被瘋傳再度有喜，但陳小春沒正面回應，僅低調回應「再說啦！」

不過應采兒近日被媒體直擊逛嬰兒用品店，懷上第二胎傳聞也再被討論。

應采兒近日被傳媒拍到，拖著兒子Jasper逛嬰兒用品店，只見她衣著寬鬆「下衣失蹤」，網友看了直呼：「這一看就是懷了嘛」、「肚子好大了」。

據《新浪娛樂》報導，求證應采兒工作人員，對方則回應：「目前藝人在休假中，我們暫時聯繫不上。」

(綜合報道)

【相差31年】忘年戀開花結果：我覺得低調啲好啲

2018-12-25

佢哋前日(23日)喺赤柱一間餐廳註冊結婚，雙方家人、黃玉郎、鄭丹瑞、盧冠廷等都有見證佢哋開心時刻。新郎着西裝襯牛仔褲打煲呔，新娘就着白色套裝，兩個人打扮好causal。

拍拖以來一直保密，連父母家人都不知情，直至今年四月喺Facebook宣佈拍拖兼訂婚，終於開花結果！

現年77歲、曾為《天才與白痴》同《半斤八両》等經典電影繪畫海報嘅「電影海報教父」阮大勇，今年4月爆出同細佢31年嘅酒店公關(市場及傳訊總監)許慧韶（Virginia）發展忘年戀，兩個人喺社交網宣佈拍拖消息之餘，仲宣佈埋訂婚消息（相關新聞：https://goo.gl/zSSwsF）。

今年4月阮老師同Virginia細訴兩人相戀經過。阮老師於2007年經歷喪偶之痛，與前妻育有一仔一女，阮老師前年同Virginia認識，Virginia話阮老師同自己爸爸同年紀，所以特別好傾，但後來發現阮老師有追求之意，曾經好抗拒，但愛Virginia愛得好深嘅阮老師，用誠意打動女方，主動教Virginia畫畫，又不停喺社交網讚好Virginia嘅post，終於成功打動Virginia芳心，喺今年1月正式交往。

阮老師女兒(左一)同個仔(左二)都有戥爸爸開心。

阮老師好開心咁話：「喺赤柱一間餐廳，黃玉郎、鄭丹瑞、盧冠廷兩夫婦，仲有祁文傑、邱福龍，都好多好朋友嘅。」

講到婚禮好低調，阮老師就話:「我覺得低調啲好啲。雙方證婚人簽名，不過因為我爸爸媽媽都過咗身，所以我請咗黃玉郎先生幫我做證婚人，好開心。大家食西餐，影相食飯，下午兩、三點就結束，好開心，雖然有毛毛雨，但好似氣氛更加好咁。」

再做新郎心情點樣？阮老師話：「好開心，雖然係咁嘅年紀，第二次，但我覺得簽咗婚約之後係開心嘅，感覺係完全唔同，真實咗，夢想成真。」對太太有乜承諾？阮老師話:「對佢更加好，更加愛佢。」阮老師話太太今日都要返工，因為聖誕節酒店工作好忙。

至於Virginia接受訪問時，就話婚禮好簡約好開心:「好多朋友支持我哋，所以我哋覺得好幸福好幸福。好難得個天都安排得好好，雖然有微微落雨，但當我哋一註冊完，個天就即刻光晒，好似喻意一天光晒，我哋兩個都好感動。」

恭喜哂！

(apple daily)

【手拖住手去…】周汶錡兩個迷你聖誕老人超可愛

2018-12-25

名模周汶錡（Kathy）嘅兩位囝囝Jacques同Avner一向深得網民喜愛。
大仔Jacques

細仔Avner
琴日就係平安夜，兩個小朋友已經率先化身成迷你聖誕老人，同大家講Merry Christmas！

着上聖誕老人裝束嘅兩兄弟手拖手合照。

其中一張相仲見到戴埋聖誕帽嘅細仔Avner，擺出個「天然呆」樣，認真萌到爆！

其後，Kathy再上載一段兩兄弟喺停車場跑嚟跑去嘅片段，好似趕住去派禮物咁！網友睇完都話兩個小聖誕老人勁可愛，好想同佢哋一齊過聖誕呀！

(ig / on.cc)

【已經搬定屋遷就校網！？】大肚陳凱琳笑得勁開心

2018-12-25

藝人陳凱琳（Grace）、劉穎鏇、孫慧雪昨晚到屯門出席「V City甜蜜倒數迎聖誕」活動，三人輪流獻唱及孖fans玩遊戲，更獲送上禮物，而送給Grace的禮物是老公鄭嘉穎與她的合成BB照，非常溫馨。

Grace啱啱宣佈佗小嘉穎(相關新聞：https://goo.gl/3rrfsM)。

佢喺活動上神采飛揚，好高興咁同fans影合照，活動上三人又互送聖誕禮物，劉穎鏇就話要好多小朋友物品俾Grace。

大會又要求三人做瑜伽pose，結果雪雪最柔軟，而大肚婆Grace只係舉高手。

Grace受訪時相當開心，佢話帶着「Baby Kelvin」出活動：「終於可以同大家講，收到好多人祝福，今年兩個人過，暗地裏有第三個，諗到出年好唔同就好溫暖。嘉穎今日喺美國登台完返嚟，今晚返到香港，自己出嚟做嘢未見到佢。」

問到開始買BB嘢未，Grace就話：「未買，想揀啱先，都要忍手，驚成屋都係，始終市面選擇太多。（嘉穎買嘢狠過你？）係呀！佢成日叫我行街睇BB嘢，以前都唔係咁。（你會唔會呷醋？）好在係仔，如果女嘅話，我地位可能降級，反而係嘉穎叫我唔好掛住個仔、唔記得老公。」

而聖誕節就會同雙方家長食飯慶祝。

之前有報道指兩人為咗小朋友，已經搬咗去天后豪宅，方便兩父子喺同一間學校讀書做「師兄弟」，Grace否認：「吓，唔係喎，冇搬屋。」問到會否搬屋遷就校網？她說：「冇咁快，我唔識，一步一步嚟，我屋企都夠空間。」

咁Grace媽媽是否搬去同住方便照顧佢？Grace作出否認，表示媽媽只是嚟煮嘢食。

Grace又表示每月最期待照超聲波看BB樣子，講到產檢就露出燦爛笑容！

對於之前嘉穎誤會臍帶是「何B仔」，問BB是否很「大條」？Grace避而不答，並笑說：「佢依家知道咗，唔會再犯呢個錯。」

同場仲有孫慧雪，已有一個囝囝嘅阿雪，獲大會送咗一張孕照，預祝佢來年再有喜，生番個B女，湊夠個「好」字！

問到佢係咪都想再做媽咪，佢話︰「冇呀！明年嘅工作都排得好密，暫時唔會住，老公都批准，因為知道我忙於工作，過多兩年先，o依家湊囝囝都覺得好攰，會專心拍劇先。」

問到點解老公唔畀佢做少奶奶？阿雪話︰「老公鍾意我勤力，初時以為係讚美，到o依家終於都明白。」至於陳凱琳有冇同佢取經學湊仔，「都有，Grace問我有冇做孕婦瑜伽，初時都日日上堂，後來因為BB頭圍太大，自然分娩唔到，結果都係開刀，嘥咗之前學孕婦瑜伽。」

(綜合報道)

【疑離婚後首開腔】楊冪：接受自己所有的經歷與遭遇

2018-12-25

藝人楊冪與劉愷威日前宣布今年已經簽字離婚，消息轟動兩岸三地。

二人一直未有再回應事件，而劉愷威父親劉丹昨日現身將軍澳電視城拍攝《愛·回家之開心速遞》時回應兒子離婚一事。

佢表示孫女小糯米會如常由佢幫手湊。

至於盛傳劉愷威與楊冪之間有第三者，劉丹笑了一笑，未有否認，佢話：「哈哈，好多人都係咁講，總之佢哋兩個都好好，兩個都冇事，係咁多嘢喇。」

而有內地網站瘋傳一段聲稱係楊冪離婚後首個專訪，見佢期間表情凝重，指唔會畀自己累積負能量，也冇討厭嘅人，被外間解讀為已完全放下呢段婚姻，對劉愷威沒有恨。

佢話：「昨天發生的事情，那是昨天的事情了，再好再壞也跟我沒關係。我接受自己所有的想法，也接受自己所有的經歷與遭遇，我對自己的要求就是拍好戲。你想好好活着，就得讓自己心大點，別瞎琢磨有的、沒的，把心思放在專業上，比甚麼都強。」

雖然楊冪未能跟劉愷威白頭到老，但事業方面就蒸蒸日上，佢近日躋身「最有商業價值明星Top 100」首位，第二、三位分別係陳偉霆、迪麗熱巴。

相關新聞：

【孫女小糯米點？】劉丹首開腔回應楊冪劉愷威離婚 https://goo.gl/Jmpttm

【奶奶嫌無孫仔抱超難頂!?】楊冪劉愷威被爆離婚内幕 https://goo.gl/Uv9Sji

【劉愷威當年霸氣求婚楊冪：家庭不應該成為束縛】https://goo.gl/v9DDmG

【傳兩個月前搞離婚劉愷威楊冪揀喺冬至宣布分訊係因為⋯】https://goo.gl/yCC5ez

【傳楊冪劉愷威將宣佈離婚】楊冪：結果依然逃不掉傷心 https://goo.gl/bsjagk

【傳即將與劉愷威宣佈離婚】楊冪首回應 https://goo.gl/y32cKv

(綜合報道)

【陳展鵬大為緊張】大肚單文柔好驚：個肚拉扯咗成個幾鐘

2018-12-25

2018年對前港姐單文柔（Phoebe）來說別具意義，10月結婚成為「視帝」陳展鵬太太，翌月宣布懷孕成功，帶着雙重喜悅，迎來婚後首個聖誕節。現時佗B的她身體已漸漸適應，坦言每一日也是學習階段。

自言是輕鬆媽媽的她，笑言未有緊張得為BB報幼稚園，但卻自爆老公是緊張大師，對她的日常生活操心，並照顧有加，令她大為感動。

陳展鵬對她下「戒甜令」，要她向甜品說不：「我有時好想食雪糕，但無論喺屋企同出街，太多對眼望住我。（醫生話可以？）話要喺雪櫃啱啱拎出嚟嗰隻，唔可以係軟雪糕，但雪糕溶溶哋就可以畀另一半食，但呢個方法佢係聽唔入耳。」

老公陳展鵬別出心裁化身木工，想親自整BB床，用滿滿父愛包圍BB，令她大為感動：「之前我哋睇BB床，佢話不如可以嘅話自己整一張BB床出嚟，之後就上網研究點整，佢為咗屋企同埋小朋友都擺咗好多心思。」除此之外，展鵬化身「按摩師」及「心理大師」，時不時上網學習如何調節媽媽情緒，希望可以令她佗得輕鬆：「我哋一齊報班學吓點拉筋鬆筋，佢亦有學按摩幫我按吓，佢亦都會上網睇吓媽媽佗B嘅心理同身體變化，同我一齊學習。」

現時還未見肚的她自爆有次獨自外出，卻不慎被途人撞到，雖然未嚴重得要入院留醫，但卻令她驚恐不已，但因展鵬當時正在工作，所以沒有第一時間通知他：「好記得被人撞親之後，個肚拉扯咗成個幾鐘，嗰時我知道佢做緊嘢，所以唔敢話佢知，唔想騷擾佢令佢擔心，自己驚咗好耐，上網搵咗好多資料睇吓會唔會有事，等佢做完嘢先話佢知。」得悉愛妻有事的展鵬，即大為緊張，更向她下「禁足令」並化身「私人保鏢」：「佢就梗係想做私人保鏢，佢盡量都陪去產檢同陪住我，但因為佢嚟緊開劇，有時又要去內地工作，所以我依家有嘢做都會搵家人或朋友陪我，我亦唔敢去多人地方。」

講到展鵬渴望想要「前世情人」，身為今世情人的她，會否擔心地位岌岌可危？她坦言已與他約法三章：「我同佢講我哋又未度蜜月，二人世界又未好好地過，所以無論仔定女都好，BB出世後唔好放太專注佢一個，唔可以忘記咗我。」迎來婚後首個聖誕節，她表示已悉心在家中布置好聖誕樹，與展鵬度過最後一個二人世界的聖誕：「出年就係三人世界，所以好想靜靜哋食飯慶祝。（預備咩禮物畀佢？）可能係我煮飯畀佢，又或者係佢煮畀我啦！」

（綜合報道 / on.cc）

【網民睇到一頭霧水】聖誕節湯洛雯忍唔住大呻

2018-12-24

Merry Christmas！唔少人都會喺聖誕節外遊，近日女星湯洛雯（靚湯）、楊秀惠、蔡思貝、岑杏賢等就去咗瑞士過白色聖誕，認真識歎！

31歲的靚湯昨日喺IG晒出合照，並表示：「平安夜快樂，我哋四隻騎呢怪❤今日我哋唔係龍，因為我哋唔係a龍。」唔少網友都睇到一頭霧水，話唔係好明白佢講乜，不過好彩靚湯有親自解畫，特登Hashtag「we not alone」，哦…原來「a龍」即係指「alone」呀！

坐咗成十幾粒鐘長途機後，一班靚女終於抵達瑞士，蔡思貝今早9點幾喺微博晒相並表示：「Just landed✈️記得以前有幾年聖誕都係瑞士滑雪過，嘩！重回舊地！！」

而靚湯就忍唔住大呻坐長途飛機真心攰，仲話當地天氣堅凍，可惜佢帶唔夠衫。不過唔緊要嘅，就畀自己一個藉口去買靚衫啦！去旅行除咗買嘢之外，最重要嘅當然仲有食食食！

佢哋到埗嘅第一餐就去咗食芝士火鍋，見到佢哋將啲芝士攪呀攪，真係令人睇見都流晒口水…唔少網友都嗌正，仲話好想同佢哋瘋狂去旅行添！

(on.cc)

【勁摸孕肚】大肚岑麗香笑到見牙唔見眼

2018-12-24

藝人岑麗香（香香）今個月宣佈懷孕喜訊，正在外地度假的她亦不忘向粉絲大派福利。

她昨日上載一張摸肚的照片，照片中她笑到「見牙唔見眼」，看起來很享受，相信她很期待肚中的嬰兒到來。

她留言：「Current mood💛祝大家冬至快樂，食多啲，飲多啲笑多啲!」

大肚便便的香香似乎未有戒口，她又分享了吃火鍋的片段，有肥牛、粟米和豆腐等豐富食材，香香指火鍋是兩個人的分量，相信香香與老公「強強」一起享受這頓火鍋大餐，認真甜蜜！

(綜合報道)

【勁欣賞楊冪】富二代：離婚就娶妳！

2018-12-24

32歲大陸女星楊冪同44歲劉愷威昨日冬至宣佈離婚，結束5年夫妻情。有大陸傳媒報道，據知情人士透露，楊冪同劉愷威於兩個月前在加拿大搞掂離婚手續，小糯米將繼續留喺香港讀書，跟爺爺劉丹生活。至於點解揀喺昨日公佈離婚消息，報道指日期係兩人共同決定，因為小糯米開始放聖誕假期，佢哋唔希望女兒受到傳媒打擾。

其實近年楊冪同劉愷威已經屢傳婚變，今年10月劉愷威踏入44歲生日，但楊冪卻唔似往年咁喺微博發文祝福晒恩愛，今年零留言完全無視老公生日！由於離婚傳聞未斷過，上個禮拜四（20日），有網民預告兩人於翌日（21日）宣告離婚，大陸傳媒向楊冪工作室求證，但得到嘅回應依然係否認：「沒有，這種傳聞好無聊！」估唔到事隔兩日，楊冪就自打嘴巴宣佈離婚。