節目中嘅老婆婆突然問謝霆鋒結咗婚未，同前妻張栢芝離咗婚7年嘅霆鋒就打咗個突，好尷尬咁答婆婆話仲未。
謝霆鋒主持節目嘅《鋒味》最新一集去到捷克取景，仲去到當地一位中國籍嘅老婆婆屋企煮飯，期間佢聽到老婆婆分享自己嘅婚姻故事後，亦激罕談到自己嘅感情觀。
之後老婆婆就同在場眾人講要好好保護自己嘅伴侶，因為到老咗嘅時候，一個人會非常孤獨，只有老伴先可以令人內心平靜。
聽完呢番說話，謝霆鋒好感慨咁講：「她忠告我們一定要珍惜我們身邊的人，能夠珍惜的時候就珍惜，但是要放的時候，也真的得放。」
平日好少講感情事嘅佢突然有感而發，令好多網民都聯想到係同栢芝早前承認誕下第三胎有關。
亦有網民將佢口中嘅「珍惜」同埋「放」好自然咁套咗落栢芝同王菲身上！
(on.cc)
藝人劉愷威與內地女星楊冪昨日（22日）經理人公司發布離婚聲明，指二人係和平分手，並會共同照顧及撫養囡囡小糯米。
雖然佢哋離婚傳足多年，但「威冪」一直三緘其口。不過愷威今年年初參加內地節目《跨界歌王》第三季嗰陣，曾多次唱苦情歌，有心水清嘅網友總結佢嘅苦情歌單，包括《心如刀割》、《原來你甚麼都不想要》、《給寶寶的歌》、《說散就散》、《慢慢》、《背叛》、《方圓萬里》等……全部歌都苦過食黃蓮，真係愈唱愈慘，愈聽愈感受到佢有幾苦！
當時愷威接受訪問時，只話自己只係想將一啲唔同成長階段喜歡嘅歌Share，依家睇番，呢份歌單原來暗藏心聲。
今日就有大陸傳媒指，二人於兩個月前在加拿大辦理離婚手續，而小糯米就會繼續留港讀書生活。
至於為何選擇昨日公布消息？
大陸傳媒指日期係兩人共同選擇，因小糯米正在放聖誕假，唔希望佢受到媒體打擾。
相關新聞：
【劉愷威當年霸氣求婚 楊冪：家庭不應該成為束縛】https://goo.gl/v9DDmG
(on.cc)
劉愷威與楊冪昨日宣布離婚。 
佢哋由相識到結婚，冇好似戲劇情節般激烈，雖然平淡亦有甜蜜時光。當年劉愷威趁楊冪瞓着，靜靜幫佢戴上戒指，更霸氣表示：「戴上了就不許摘下來！」可惜最終敵不過時間洗禮！
相關新聞：
【傳兩個月前搞離婚 劉愷威楊冪揀喺冬至宣布分訊係因為⋯】https://goo.gl/yCC5ez
佢哋合作劇集《如意》時認識，相處一時間後喺一次傾電話時，劉愷威鼓起勇氣向楊冪問：「不如我們在一起？」確立咗情侶嘅關係，當時佢哋公開戀情後一直各有各忙拍劇，最好嘅拍拖地點就係喺片場，其中一次楊冪去探班，劉愷威一早準備咗戒指，不過未諗到點樣求婚，楊冪喺片場等到瞓着咗，劉愷威就靜靜雞將隻戒指戴上佢隻手度，當楊冪瞓醒發現隻手多咗隻戒指，有啲驚驚不停問：「怎麼了？怎麼了？」劉愷威淡定表示：「就這樣了，戴上了就不許摘下來！」之後在車上再正式單膝跪地求婚。
結婚初期佢哋非常恩愛，劉愷威接受訪問時曾表示：「我將毫無保留的愛你！」楊冪聽後感動落淚。
不過佢哋長時間分隔異地兼各有各忙，最終濃情亦遭時間沖淡5年緣盡。
而原來楊冪喺好耐以前發表個人觀點時，早就已經講過「家庭不應該成為束縛」。
兩人離婚聲明一出，網上即時翻出呢段楊冪接受訪問嘅影片，片段中嘅楊冪係短頭髮，所以推測訪問時間，應該就係生完小糯米之後做嘅，而該片中，當女主持講到有啲女星生完小朋友後，拍戲就冇咗動力、又或唔再享受拍戲，楊冪聽完就話：「我覺得沒有問題，大家可能會覺得我是不是一直非常忙，其實不是，因為可能我讓你們看到我在工作的時候，我都是動力滿滿，但是我回家的時候，我不會發微博『我回家了，我今天陪孩子』，我就是不會讓你完全看到，但是我有很多時間，其實是在家庭的。」
之後楊冪又講出對家庭嘅睇法：「但是我覺得說，我一直是覺得這樣的，我覺得家庭不應該是成為你的束縛，它可以給你歸屬感，但是它不是你的束縛，它應該是給你動力，讓你更好的去做更好的自己。」
而當女主持和應楊冪話覺得生小朋友係動力，不過做咗媽媽後都要選擇做啲自己想做的事嘅時候，楊冪就好認同咁話：「這個當然很重要，我覺得相信她有一天長大的時候，她會思考的時候，不會希望看到自己的母親是一個碌碌無為的人，也是一個很無趣的人。」
而片段最後，楊冪又表示希望可以畀小糯米做自己鍾意做嘅事，因為佢唔想以後畀阿女怪自己去強迫佢去做一啲佢冇興趣嘅嘢。
另外，二人離婚聲明中，表示今後將以親人身份共同撫養女兒小糯米。不過網民就猜測，小糯米比較多時間與父親劉愷威生活，因為小糯米在香港讀書，生活多由劉丹及太太照顧。而劉愷威亦曾公開表示，願意減少工作，分配更多時間給家人，甚至考慮回港發展，收工後可以回家照顧女兒。
翻一翻楊冪、劉愷威的微博，從2012年公布戀情開始，二人的互動幾乎成了戀愛日記，連續六年發文為對方慶生，互相慶祝母親/父親節、情人節、結婚紀念日，幫對方宣傳作品，日常互懟，字裡行間都是愛，但終究還是沒能逃過時間，成為過去式。
【“互懟”日常】
(綜合報道)
藝人江若琳同「生煎包王」蕭潤邦（Oscar）今日正式結婚！尋晚（22日）Oscar喺社交網PO咗頭相，一早做好準備娶老婆。
佢留言話：「上頭既（嘅）時候，塊鏡點解有條女響後面既（嘅）」見到Oscar着到紅噹噹，非常Sharp醒！
雖然暫時一對新人仲未「現身」，不過佢哋嘅兄弟姊妹團就已經急不待曝光二人今早接新娘嘅情況！
姊妹團員之一嘅張紋嘉（Crystal）首先PO張靚靚自拍，透露姊妹裙款式！
佢仲上載埋江若琳同媽媽手仔捉手仔難分難捨嘅一刻，兩母女眼神又感動又不捨，真係好感動！
而小肥亦有「劇透」自己嘅「伴娘衫」，吊帶工人褲上陣嘅佢就興奮話自己第一次做姊妹，就已經榮升做伴娘！
而JW男友葉韋彤（Tarzan）就做兄弟，佢upload咗Oscar正準備上門接新娘時嘅情況。
見到Oscar手上一大疊銀紙，另一位兄弟再拎住另一疊，多到連利事封都入唔落，睇嚟Oscar銀彈充足！
加埋佢企喺大紅花轎前面Chok晒甫，隨時可以上門接新娘喇。
Tarzan全程直擊蕭潤邦喺酒店接新娘過程，片中所見，姊妹團一見到班兄弟冇開門利是就即閂門，認真夠絕！
好彩最後都順利過到開門呢一關，跟住就見到Oscar同班兄弟團就穿上美少女戰士服裝，佢仲被要求戴上「口腔固定器」，開頭Oscar拒絕戴上，佢話自己口唇爆咗，但係最終都屈服。
而做兄弟嘅謝安琪就喺旁邊拍手附和，場面搞笑又熱鬧。
張繼聰都係兄弟，仲夠哂義氣一齊扮！佢身穿「火野麗」超搞笑～
最後，Oscar隔住門向江若琳講愛的宣言，現場有人起哄問佢11年嚟有幾多條女，佢即刻話冇呀！冇呀！
(綜合報道)
不少內地粉絲獲悉後大為振奮，雖然至今為至仍未有貼文，但中午為止已有8萬名粉絲追隨。
日本萬人迷木村拓哉今早突然宣佈內地開通微博，向中國巿場全力進軍。
有粉絲對此感半信伴疑，有粉絲猜測木村是為了宣傳代言手錶的品牌而開微博，亦有粉絲認為是為了幫細女光希做宣傳。
其實，光希早已被中國傳媒看中，她早前便為內地時尚雜誌《紅秀》拍攝封面及寫真，因此木村開微博助女兒一臂之力一點也不出奇。
(on.cc)
天后容祖兒到屯門為新國語碟舉行簽名會，露腿的她即場示範幾吓舞步，又與歌迷玩問答遊戲，期間歌迷以不同造型跳新歌的舞步，氹到祖兒哈哈大笑。粉絲更送上一本製作精美的「答案之書」給祖兒，最後她與全場影大合照。
受訪時祖兒表示這幾日的快樂情緒仍未消失，開心事一浪接一浪：「今日聽到王祖藍生女，好開心，我晏少少會打畀佢恭喜佢。」
她亦表示當日很感動：「因為見到好姊妹結婚，亦睇到公司上下一心去幫阿嬌打點，當阿嬌翹住楊生進場嗰刻，就好似一家人。（你都有喊？）有啊，愈嚟愈易被感動，人大咗就變咗個喊包，乜都好易被感動，尤其是見到佢好靚，見到楊生好開心，好似嫁女咁，我嗰日係放盡喉嚨去招呼賓客，希望公司可以Keep住一直有喜事。」
講到當晚蔡卓妍（阿Sa）帶埋男朋友到場，問當晚可有幫手催婚？
她表示：「我就唔做呢啲嘢嘅，大家都有自己分數，同埋楊生嗰晚已經好幫到手，成日都叫成枱人飲酒，所以順其自然，佢哋都有自己計劃。」
講到當日他們全體「造就」關智斌（Kenny）接花球。
她笑言：「簡直就各自有崗位，Kenny好似懵然不知咁，愈企愈前，簡直如有神助，我喺後面頂一頂，張致恒夾住佢，阿嬌就有後眼，神一般嘅眼界，所以佢根本冇得走。」講到今晚冬至，她表示已經與家人食冬至飯，亦謂有幾日假放，會留在香港休息。
問她可有開心到飲醉酒斷片？她笑言：「完全冇，我畀老闆隊咗一杯之後就好胃痛，所以冇再飲，懷疑係假酒！哈哈，所以非常清醒，記得好細微嘅片段。」
相關新聞：
【前日參與阿嬌婚宴】瘋傳懷有第二胎 https://goo.gl/4LUQcL
結婚被批！】賴太阿嬌：其實唔想比大家知 https://goo.gl/9f8Hw9
【傳一直想翻撻林峯】吳千語喺阿嬌婚宴撞到林峯!? https://goo.gl/TsaLYi
【Yumiko話已經準備好】阿Sa同百億男友石恆聰激罕同框https://goo.gl/ZuVVu5
【賴生賴太戰鬥力爆晒燈】阿嬌即刻換衫又出動 https://goo.gl/B9AvEj
【接住有喜事！？】成功搶到阿嬌花球 唔係祖兒同阿Sa https://goo.gl/9Qb1oT
【「爸爸」楊受成感動：因為阿嬌大咗肚呢就…】 https://goo.gl/xqgTY2
【賴生頂唔順要走先】阿嬌賴弘國墨西哥絕密婚照曝光 https://goo.gl/xYeYwC
【阿嬌結婚 索爆姊妹團原來仲有佢！】https://goo.gl/sLAE1a
【浪漫又溫馨 阿嬌花海婚禮現場曝光！】https://goo.gl/yS9tKH
（on.cc）
2008年梁洛施戀上李澤楷，希望離開娛樂圈，但她仍與英皇有合約，最後迫得打官司收場。當年她的經理人霍汶希直斥梁洛施：「合約苛刻？不能這樣說。我手下有30多個藝人，走了的只有一個梁洛施。」
據當時的報道，梁洛施12歲時與公司簽18年長約，當中有不可主動解約、只得公司有權解約，而解約七年內亦不能於任何地方從事娛樂工作。
梁洛施方面認為合約不公，要求法庭宣布無效。官司長達半年，最後雙方達成和解，梁洛施成功離開英皇。
十年後的今日，梁洛施宣佈復出，亦似乎憑「一飯泯恩仇」。容祖兒日前上載合照，見到梁洛施及Mani同時出現！Mani留言表示：「Happy reunion！」
現時梁洛施經理人Kim開心上載世紀合照
她接受傳媒訪問提到兩人早已見過面，因此才有飯局的出現：「Isabella返港後有撞番，話要約食飯，噚晚食咗，朋友gathering。」
(綜合報道 / sina)
34歲藝人李亞男（Leanne）生咗喇！
兩公婆喺社交網興奮宣布喜訊，透露囡囡叫Gabrielle。
係佢哋兩公婆嘅聖誕禮物：「We are happy to announce that Gabrielle is the best Christmas gift we have ever received！2018 is really a special year for three of us. 💕❤️😍 #冬至快樂 #babygirl」(相關新聞：https://goo.gl/Y8Nc3M)
而老竇王祖藍就透露囡囡係17日出世，佢仲搞笑留言：「個樣太似我，所以唔畀你睇😝」Leanne接受東網訪問時表示：「多謝大家的祝福！Gabrielle好健康好可愛！we are very blessed to have her. 遲啲同大家分享佢嘅相片：）」
之後佢話其他細節就留待祖藍今晚一次過講。
(ig / 綜合報道)
她有份出席鍾欣潼（阿嬌）的婚宴，但就未有帶同兒子出席。
兒子剛度過兩歲生日，她在社交網上載出兒子的側面照。
相中的仔仔一頭茂密短髮，肥嘟嘟，白雪雪，十分可愛，頭上還戴了一個「多啦A夢」的竹蜻蜓裝飾。
她說：「親愛的星星，不知不覺你就兩歲了，你現在愈來愈有主見，也愈來愈調皮了，希望你能夠學會分享，希望你能擁有機器貓的竹蜻蜓自由的飛翔，也希望你能就這樣永遠黏着我不放。」
不過網民卻將重點放在蛋糕上，有細心的網民發現，蛋糕上面有小豬一家四口的的裝飾，隨即惹來再懷孕的疑問？
台灣女星陳妍希有份出席阿嬌婚宴
紛紛詢問蛋糕是否藏着玄機？
其後陳妍希的工作人員代為否認，表示只是單純的裝飾，並沒有任何含義。
(on.cc)
由彭浩翔執導之賀歲電影將於出年農曆新年爆笑上映。拍攝完結兩星期後，有份參與的藝人已不斷開始宣傳，徐天佑及陳奐仁（Hanjin）都是有家室之人，聖誕節當然是想與家人一起度過。
早前天佑在社交媒體上發放一張家中擺放了七呎聖誕樹的相片，表示要給太太一個驚喜，令不少網友留言大讚浪漫！
愛妻愛到出面的還有Hanjin，被問到聖誕節會如何度過時。
Hanjin就表示：「都係同BB過，日日都係聖誕節，只要有佢就足夠了。」旁人驚訝以為Hanjin秘密生了小朋友，但原來Hanjin與太太私下互稱「BB」，非常sweet！
(on.cc)
