藝人陳瀅（Jeannie）喺社交網上載咗自己去嘉年華玩嘅相，女神個樣固然夠吸睛，不過最大嘅亮點都唔係佢，而係佢身邊嘅羅天宇！
二人早前拍攝《跳躍生命線》飾演情侶。
之後Jeannie同羅天宇嘅緋聞傳到疑幻疑真，雖然雙方都否認拍拖，但佢哋又冇乜避忌、周不時都會孖住出動。
Jeannie喺IG動態度晒出幾條短片，當中有個鏡頭仲唔覺意掃到佢身旁、撳緊手機嘅羅天宇添。
之後Jeannie又上載大合照，原來佢兩個係約咗班friend去玩，三男三女~
羅天宇今日凌晨都有喺自己個社交網度上載相片，見佢玩射籃game，隔籬仲有一大堆米奇公仔。
而之後Jeannie晒戰利品嘅時候都咁啱見到有一對米奇公仔，唔通係羅天宇親自為佢贏嘅？見Jeannie滿載而歸，個樣冧到爆呀。
(ig / on.cc)
袁文傑在劇集《不懂撒嬌的女人》飾演游生而爆紅，事業發展順利之餘…
上年年尾仲宣佈計劃喺今年同拍拖7年的女友張潔蓮（Jackeline）結婚
但今年先發現愛貓患上癌症，10月底袁文傑的媽媽突然離世。（相關新聞：https://goo.gl/WLkE4Y）
最終沒有機會親眼看見兒子成家立室。
今日有周刊報道，袁文傑的心情至今仍然未平伏，雖然袁媽媽的身體近年變差，不過她的意志力很強，一直都努力尋找治療方法，本來袁文傑打算與女友在10月影結婚相。
當時因為媽媽入院而取消，後來更因為媽媽離世，本來在今個月15日舉行的婚禮，亦決定無限期延遲。
袁文傑接受周刊訪問時，他表示媽媽當日接受針灸療程後，突然暈倒送院，送院後一直昏迷，醫生指情況並不樂觀，過了數天媽媽便離世，本來婚禮一切進行中，因為媽咪的離世而決定延遲婚禮，他感激女友的體諒。袁文傑還表示媽媽離去後，他盡量不想將情緒帶入工作，不過感謝朋友的慰問。
（綜合報道 / appledaily）
今早終於肯公開囝囝嘅外貌，佢喺社交網上載一段歡迎家中新成員到來嘅片段。
仲留言：「It’s such a blessing and thanks everyone for your wishes. Both baby Milo and I are well！ I’m so grateful to have you，my second son，baby Milo. I love you！😘（感謝大家嘅祝福，我同Baby Milo都好好！好高興有你，我嘅第二個我兒子，Baby Milo，我愛你！）」
片中見佢生完都仲係咁靚，除咗有佢哋一家四口嘅溫馨全家福外，亦有細仔嘅萌照。見到雙眼皮明顯嘅佢一時瞇眼熟睡，一時半開眼呻脷賣萌，一時又打晒喊露，相當得意！
31歲嘅前港姐張名雅（Carat ）前日順產誕下第二胎，而佢一早已透露呢胎係囝囝嚟，並已為佢改英文名叫Milo。
唔少網友都話佢上半面相似老竇，而個鼻同嘴就似媽咪呀！唔知大家又覺得似邊個呢？
另外，名雅又透露有餵人奶：「開始谷奶了！！開始升左（咗）兩cup…lol」東網聯絡到佢，佢表示囝囝出世時6.5磅，又指：「今日出院啦，又谷奶了…好驚又好痛！」
至於講到大仔Mario升呢阿哥，佢就話大仔未夠兩歲，仲未明白Milo係個BB，仲以為細佬即係媽咪個肚添！
名雅又大爆生仔過程夠晒驚險，佢表示：「之前生Mario時過程好慢，但呢一胎係突然間穿咗水，成條褲濕咗，我就大嗌『我穿水呀』！全世界好緊張，即刻入醫院，但好順利。可能我成日周圍行、做運動，我第一胎都係順産，入醫院時都係一度，但度數去得好快，姑娘好快已經話十度，可以生得，用咗力兩、三下就生咗，囝囝好合作，好抵錫！」
又開心話：「我最想就係佢可以係聖誕前出世，哈哈！可以一齊過聖誕！」再次恭喜張名雅！
(ig / on.cc)
上個月中剛誕下第三胎的藝人張栢芝，一坐足月就舉家飛到新加坡旅行兼過節。
去到當地後，栢芝已急不及待外出Shopping，有網友指在當地一個購物商場撞到對方，仲影到佢喺一個品牌專櫃睇嘢。
相中所見，身穿紅色外衣嘅栢芝戴上墨鏡，仲孭住個小背包，身形依然好弗！栢芝星味十足，難怪咁易畀粉絲認到嘅，而呢名網民見到栢芝後，就主動上前要求合照，結果栢芝一口答應，影合照時仲舉起V字手勢，氹得粉絲好高興！
粉絲仲發文大讚：「好高興見到你，遇見女神瞬間變小粉絲，你真係好靚，好希望下次再見到你。」
相關新聞：
【捕獲張栢芝孖兩個仔仔現身 至於小王子就…】https://goo.gl/R4Zttt
【瘋傳第三胎爸爸係…】張栢芝終於發聲 https://goo.gl/To8hyL
【BB好可愛】張栢芝小王子滿月照曝光！？ https://goo.gl/VLhNCC
【首晒「一家四口」】張栢芝：願與大家分享這甜蜜時刻 https://goo.gl/tfi9iz
【傳秘密誕下第三胎】38嵗張栢芝現發文宣佈… https://goo.gl/q19w6o
【歷經4次流產】38歲張栢芝被爆高齡誕B驚人内幕 https://goo.gl/9LNMb3
【強勢回歸！張栢芝突然PO相 即引起網民⋯】https://goo.gl/BVSyRc
【超驚喜！張栢芝現身力撐⋯】https://goo.gl/tFHgeF
【精神方面就…】張栢芝「產後」警覺性極高 https://goo.gl/CeeVqj
【最新全身照曝光！張栢芝被捕獲喺⋯】https://goo.gl/bNz5oX
【傳張栢芝未結婚都願意為佢誕下第三胎 視Lucas同Quintus如己出】https://goo.gl/QvJTHo
【係張爸爸介紹】張栢芝第三胎生父原來另有其人 https://goo.gl/P3sqye
【傳秘密誕下第三胎】張栢芝終於現身 https://goo.gl/wJkLmo
【傳張栢芝誕下第三胎】好友區永權就話… https://goo.gl/V9qBdF
【前妻張栢芝傳誕第三胎】前夫謝霆鋒被捕獲… https://goo.gl/rvEAnB
【傳緋聞女友張栢芝生B 梁釗峰回應⋯】https://goo.gl/JUe7Nt
【栢芝媽現身養和 傳張栢芝已秘密出院】https://goo.gl/bCpRso
【傳收7千萬豪宅】傳張栢芝第三胎生父就係佢 https://goo.gl/Naitte
【震撼整個娛樂圈】傳張栢芝第三胎性別係… https://goo.gl/YBMgJS
【傳張栢芝再誕B】好友張文慈坦言覺得好驚訝 https://goo.gl/fVN9Fm
【好圓潤】張栢芝5月最後公開出席活動時孕味濃 https://goo.gl/XR2oKD
【前任新抱張栢芝傳已誕下第三胎】前老爺謝賢首回應 https://goo.gl/1cbXm2
【傳前妻張栢芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張栢芝已順利誕下第三胎 https://goo.gl/ih6xja
(綜合報道/on.cc)
現代人的壓力與日俱增，累積的疲憊也愈來愈多，韓團SHINee成員金鐘鉉自殺身亡、看似人生勝利組的英國超模卡拉·迪樂芬妮（Cara Delevingne），也因憂鬱症纏身而自曝有自殺念頭…當負能量來襲時，透過以下7大抗憂鬱妙方，讓你保有好心情！
1.自我肯定
心情低落或受到挫折時，應放下對自我的論斷，透過回想工作或課業上的良好表現來為自己加油打氣，轉換心情！
2.運動紓壓
壓力大到快抓狂？那就起來跑一跑、動一動吧！藉由能活動全身的運動或室內伸展、戶外散步等放鬆身心，將身體及心靈的負面思想全部排除，讓壓力煙消雲散！
3.冥想
花5分鐘時間讓自己徹底放空、冥想片刻，不僅能達到紓壓效果，還能提升想像力、找回工作靈感，搭配薰香或芳療精油的使用，對抗焦慮更有效喔！
4.找人聊天
不開心的時候不要憋在心裡，找親愛的家人或可信賴的朋友好好聊聊，適時把心中的垃圾清空，心情才會豁然開朗！
5.轉移注意力
焦慮時，不要把思考重心持續放在會讓你感到煩躁的人、事、物上，透過任何可以幫助你短暫轉換注意力的小方法，像是聽音樂、看電影等來脫離當下的緊繃感。
6.寫心情日記
若一時間找不到人訴苦，不妨寫一寫心情日記，把所有感受都記錄下來，除了能達到訴諸文字發洩的目的之外，還能作為檢視情緒的紀錄，找到壓力來源。
7.充足睡眠
充足的睡眠不但能消除疲勞、還能使思慮變得更加清晰，每天有良好的睡眠品質對情緒有正面的幫助，更是擺脫焦慮、易怒的重要關鍵！
(自由時報)
34歲藝人李亞男生咗喇！
佢喺社交網興奮宣布喜訊，仲透露囡囡叫Gabrielle，係佢哋兩公婆嘅聖誕禮物。
「We are happy to announce that Gabrielle is the best Christmas gift we have ever received !2018 is really a special year for three of us. 💕❤️😍#冬至快樂#babygirl」
而老竇王祖藍就搞笑留言：「個樣太似我，所以唔俾你睇😝」
(ig / 綜合報道)
台灣天王周杰倫（周董）趁聖誕臨近，就孖住老婆昆凌大搞聖誕P，仲交換禮物，不過咩都有嘅周杰倫今次竟然畀昆凌份禮物「大」親，仲要即刻喺社交網曬相晒恩愛，又啜又攬老婆，又話自己第一次都畀埋老婆，到底昆凌送咗咩咁厲害？
原來昆凌同周杰倫班好友夾埋，等周董抽到佢份「厚禮」鞋盒 ，入面有晒指示又玩晒小遊戲咁，去到最尾合埋眼行到去車庫…
一睇原來係一部約價值$350萬嘅林寶堅尼（Lamborghini）超級SUV Urus！原來昆凌堅係送咗部林寶畀老公周董！不過搞笑在今次佢哋係搞聖誕P，又話係交換禮物，但周董就話呢份係生日禮物，似乎係昆凌真係好有心，早成個月就送定禮~
收到咁大份禮，周董都即時晒相，冧豬寫道：「今年的聖誕交換禮物竟然串通朋友們讓我抽到昆凌準備的鞋盒 裏面打開開始各種遊戲指示 最後一個閉上眼走到車庫 眼睛睜開真的嚇傻了…,,,,,謝謝你精心策劃準備的生日禮物 Thank u for this Birthday gift my love #人生第一次被女生送車 #uglysweater #christmasgift #birthdaygift」
其實周董本身都擁有至少20輛超跑，包括法拉利、林寶堅尼LP700超跑、義大利超跑Pagani Huayra、訂製款的蝙蝠車、賓士SLR722超級跑車等，今次又有新車落地，相信佢都應該開心到爆喇！
(on.cc)
歌手古巨基晚上在將軍澳電視城為薛家燕主持的節目《流行經典50年》擔任嘉賓，他笑謂每次見家燕姐也要採集她頭上的「寶石」，並已經集齊七粒。
古巨基錄影完節目就要趕入機場飛到上海為電視節目錄影，他說：「重返節目好開心，同時好難得相隔12年再同方力申、側田、小肥齊唱屬於佢哋嘅《年年有今日》，我哋係『一條順』，原本仲有Rubber Band嘅6號，但佢嚟唔到，2007喺我演唱會唱過，今次喺節目再聚。」
近日有傳太太肚凸凸疑似有孕…
兩人都有出席阿嬌婚宴，古太一見傳媒就走，更令人懷疑~
最後古巨基一個人接受傳媒訪問和影相，情況頗爲尷尬。
追問可以報喜了嗎？
他笑言的確有喜事：「太太嘅喜事喺一月發生…」
「因為佢生日。（郭富城宣布太太懷第二胎！）係咩？ 等我做完訪問傳信息恭喜佢。（幾時可以恭喜你？）我都期待緊，總之有就會話畀大家聽。」
(綜合報道 / on.cc)
藝人林夏薇（薇薇）於2015年秘嫁身家逾20億的金融才俊莫贊生（Jason）。
據報Jason是多間上市公司董事，但日前有人發現兩夫妻在將軍澳同灣仔被貼街招。
被指是「空心老倌」：「金融才俊，其實係空心老倌，老婆生一個BB畀一億，邊有錢畀，提防股壇老千」
因而令人揣測Jason嘅經濟狀況。
其後有媒體「起底」，發現Jason名下只有一個相信是與家人聯名擁有的筲箕灣居屋單位，令「空心老倌」一說更感真實。
其實早於2016年，兩人亦曾被貼只有合照、沒有文字的街貼，當時林夏薇指不知原因，稱已報警處理。
今次亦一樣，她以短訊回覆傳媒：「這種行為非常無聊，不值得回應，我們行得正企得正！交畀警方處理，多謝關心。」
薇薇一直未有就事件作出回應，但今日在微博連發三篇文章，未知是否與近日事件有關。
第一篇文章：「人活一世，不爭、不理、不解釋，用不爭彰顯你的大度，用不理詮釋你的從容，用不解釋證明你的品行。只要身正，就敢坦言面對，只要心正，就能一生無愧！」
第二篇文章：「很多時候，我們不理不是因為心虛，而是學會了讓步。很多時候，我們不解釋不是因為懦弱，而是讓時間去證明。」
第三篇文章：「做人，別太傻，在不懂你的人面前，說得再多，也是浪費。在討厭你的人心中，做得再好，也是徒勞。與其把時間和精力花在不值得的人身上，還不如留給自己。」
(綜合報道)
本月23日就係藝人江若琳同「生煎包王」蕭潤邦（Oscar）結婚嘅大日子。
早前佢哋擔任婚紗店代言人順便影結婚相，明言會喺外地再影婚照。
一對準新人於社交網上載喺日本白川鄉嘅靚靚婚照，面對雪地靚景，江若琳着住低胸婚紗，Oscar唔知係咪驚江若琳凍親定性感得濟，從後甜蜜攬實對方。
而江若琳仲自爆為影呢輯相凍到暈低：「呢輯雪地相想同大家分享好耐啦！Happy些牙（Share），攝於白川鄉，多謝我嘅好姐妹。」
另外，佢仲話今日收到一份最好嘅結婚禮物，有傳媒致電Elanne問究竟係咩禮物？
佢話：「呢個係我同Oscar之間嘅秘密，真係唔講得，但一定唔係有BB。」
(ig / 綜合報道)
