【林峯蜜運中】吳千語就同「百億富三代」施伯雄…

2018-09-12

薛凱琪（Fiona）、吳千語、崔建邦、陸駿光等今日喺銅鑼灣出席一間salon開幕，吳千語被問到舊愛林峯現時同大陸模特兒張馨月拍拖時表示：「同佢仲係朋友，但冇特別聯絡。」

講到感情生活，吳千語透露現時係單身，提到佢同「百億富三代」施伯雄傳緋聞，吳千語話：「比較少時間了解，但如果有拖拍都好正常，唔會特登保持單身，睇緣份，睇下大家有冇機會相處。」吳千語指現時喺香港拍電影，之後再去橫店拍另一部電影。咁忙咪冇時間了解對方？佢話：「睇佢有冇誠意，時間係互相付出，之前拍拖都係咁大家抽空時間出嚟相處係好重要，我試過4個月返唔到屋企，另一半要明白體諒，不過都幾難。」

至於Fiona就透露特登推工作嚟支持朋友，佢笑住話：「陣間迫佢分股畀我先。」現時擁有時裝生意嘅Fiona，計劃稍後同大牌子crossover，問到生意回本未？佢表示：「一年已經回晒本，仲有錢賺，但賺幾多就唔可以透露。」雖然已經係小富婆，但佢話負擔大，開支大，「我係一個靠自己嘅女仔，我永遠唔贊成淨係靠男仔，我希望係公一份，婆一份。」Fiona咁叻，怕唔怕冇男仔追？佢話：「我唔需要佢好叻，唔使要好有錢，只要佢愛我、專一就夠。」

(蘋果日報)

【大住肚出席陳凱琳婚禮】感動到喊咗出嚟

2018-09-12

藝人陳嘉寶（Anjaylia）公布有喜，一班好姊妹當然開心不已，蔡穎恩（Evelyn）很早便知道老友懷孕：「好開心，其實一早已經知道，而我都有同佢同BB一齊經歷過出trip同上山拍攝，佢都好勤力，一直都有努力做gym，希望身體更健康更強壯咁去佗BB。」

Evelyn還指當Anjaylia跟大家說懷孕的時候，眾姊妹都很感動，還喊了出來：「可以陪佢見證到新生命嘅出現，真係好開心同好期待。講好咗將來佢如果要拍戲，大家就會幫手湊BB。」

不少懷孕媽咪不敢穿高跟鞋及搭飛機，但Anjaylia上月為出席好友陳凱琳婚禮搭飛機到峇里，對此，Evelyn表示：「佢依家差唔多6個月喇，其實都唔使太擔心，因為我都有陪住佢，同埋孕婦並唔係咩都唔做得㗎，只要小心謹慎好多嘢都可以做。」

賴慰玲霸實做BB契媽

Anjaylia另一好姊妹賴慰玲當然也替對方開心不已，仲已經霸了BB契媽的位置，姊妹情深：「好開心呀！好興奮呀！我仲緊張過佢，不斷問候佢！不過見佢佗得又靚又精神！都好放心！（會做契媽？）Yes！」賴慰玲還笑言很期待BB快啲出世，等BB可以跟她的兒子Marat一齊玩。

(on.cc東網)

【恭喜哂！】承認佗B：感謝神的賜予

2018-09-12

現年28歲的藝人陳嘉寶（Anjaylia）今日透過社交網承有了身孕，她上載了一張與丈夫的合照，並表示感謝大家的祝福：

「最近我身邊的朋友都在說我很奇怪，問我為甚麼做了運動之後手腳和臉瘦了這麼多，肚子的肉肉卻好像不減反增…現在謎底要給解開了！因為那不是單純的肉肉啊！那可是一個寶寶呀！哈哈……感謝神的賜予，也要特別感謝我身邊的小天使們在過去半年來貼心的守護，謝謝你們時刻緊盯並照顧着我這個不羈大頭愛自由的人。我會繼續好好努力做好自己，不管是鏡頭前後的那一個身份，都會繼續盡善盡美。謝謝大家對我們的祝福，若果未能一一回覆，請多多包涵。願主祝福各位。」

陳嘉寶對上一個Post都唔覺有肚，遮肚係厲害啵！

(on.cc東網)

【兩個都超Fit！】大肚吳日言：睇住嚟，生完之後…

2018-09-12

林芊妤（Coffee）同好姐妹吳日言（Yan）齊齊大肚，身為瑜伽導師嘅Cofee身材玲瓏浮凸，經常在社交網晒大肚性感相，懷孕都弗過人，今日佢仲貼埋同Yan嘅比堅尼合照，兩個白雪雪大肚婆好養眼，Coffee身上嘅比堅尼超性感，相反Yan嘅泳衣就密封事業線，比較保守。

現懷孕32周嘅Coffee仍然手腳纖幼，肚子比懷孕28周嘅Yan只係大少少，Coffee留言：「之前一起主持節目而認識，到現在一起前後懷孕，太有緣份了吧，哈哈哈！」而Yan更貼埋老公合照，留言：「今年第一次落水，結果就畀佢地笑我『唔做運動。皮膚太白。唔識游水。』睇住嚟，生完之後減畀你地睇。」

Yan自嘲今日其實去浸水，Coffee留言取笑：「hahaha!!!真係行都快過你ma！」Yan無奈回覆：「我已經覺得周身散哂。」

(蘋果日報)

【《再創世紀》】演活蠢鈍敗家仔有驚喜！

2018-09-12

「寧生敗家仔莫生蠢鈍兒」，無綫重頭新劇《再創世紀》正在熱播中，戲中扮演億萬豪胡楓兒子的他有齊兩樣！

劇情交代他購入大批迷你債券，卻撞正美國經濟危機，所以蝕本，聽從助手Shawn（李啟傑飾）的建議，盼望美國政府會出手相救，所以決定繼續借錢「填倉」，希望能翻身度過難關，最終埋單欠下百億。此時他竟瞞着正在醫院養病的胡楓，於家族公司生意造假帳「填氹」！

這個危急關頭黃子雄仍相約大批𡃁模到酒店「開派對」，結果搞到自己突然昏迷，袁偉豪趕至，亦未能救回他一命！

黃子雄一直徘徊在二、三線的他經常飾演貴公子，今次演出「有驚喜」，演玩世不恭的二世祖入型入格，發現迷債爆破時驚嚇表情亦演得很真實！

(on.cc東網)

【肚凸凸孕味濃】陳嘉寳轉哂口風：是上天的禮物

2018-09-12

現年28歲陳嘉寶（Anjaylia）去年十一月與富二代兼滑水健將黃頌祈結婚，經過九個月的時間，被指終於成功「造人」！

早前有街坊於銅鑼灣鬧市，見到Anjaylia身穿鬆身Ｔ恤購物，一向手腳纖瘦「細細粒」的她，手腳帶點水腫、全身「圓碌碌」，加上肚凸凸，孕味甚濃，估計應懷孕超過三個月，近日更被指在社交網上「露口風」，在社交網站放童年照，被好友追問是否「你女兒？」她亦不避嫌回覆「I wish」，講到明恨生小朋友。

陳嘉寶最近社交網甫相都似係刻意遮肚。

就算見到肚，都係以鬆身衫見人。

查實今年七月，Anjaylia與幸福媽咪陳茵媺同場，她亦已由結婚當日講明「以工作行先」轉口風為「小朋友是上天的禮物」，仲話羨慕茵媺生完三個都好像沒生過般，她亦很想跟對方一樣，未知是否暗示自己都想生三個？！

(on.cc東網)

【被捕獲半同居】鄧麗欣王子真係好Sweet！

2018-09-12

王子（邱勝翊）自認愛鄧麗欣後，相差5歲的姐弟戀一直受到外界的高度關注，近日他也被目睹帶女友回南港住處，兩人對望聊天，他還伸手寵溺地摸對方下巴，小倆口互動走小清新路線，雖然才認愛2個月，不過兩人進度頗快，甚至有共同友人透露，他是以結婚為前提交往的。

王子接鄧麗欣見友人，晚上一起回到南港住處。

據《鏡週刊》報導，王子1日開著車到捷運昆陽站，接到女友鄧麗欣後便直上交流道往汐止，兩人下車後輕鬆逛超商，接著進民宅探訪友人，和對方的孩子玩得開心，氣氛和樂又溫馨。據雙方共同朋友透露，今年29歲的王子人生規劃是在33歲至35歲間結婚，與鄧麗欣也是以結婚為前提交往的。

王子和鄧麗欣公開認愛，對戀情態度大方。

直到晚間10點多後，王子和鄧麗欣離開友人住處，回到南港的家，接著就再也沒出門，女友來台期間應都是住他家，在台灣展開「半同居」生活，雖然才認愛2個月，不過進度頗快。據悉，王子很欣賞鄧麗欣直率性格，且對媽媽相當孝順，而他本身也很有長輩緣，很討鄧媽媽歡心，若兩人真以結婚為前提交往，好事看來是在不遠之日了。

(ETTODAY)

【幸福人妻密密接Job】勁速吸Like冇難度

2018-09-12

相關圖片

舊年「封盤」嫁咗畀半億闊少，做咗富貴人妻之後，唔止更索，仲越嚟越好動。不過唔係嫁咗有米老公，就淨係歎世界做少奶奶㗎。佢都有繼續做演員同做model，實行工作密密接。。。

28歲嘅「宅男女神」陳嘉寶(Anjaylia)舊年「封盤」嫁咗畀半億闊少黃頌祈，做咗富貴人妻之後，唔止更索，仲越嚟越好動。

之前就跟埋佢滑水教練老公出海玩滑浪，近月喺Ig罕晒泳衣生活相，健康微性感，輕易吸近萬個「Like」。

Anjaylia唔係嫁咗有米老公，就淨係歎世界做少奶奶㗎。佢都有繼續做演員同做model，實行工作密密接，最近佢就接咗護膚品牌Origins嘅廣告，繼續玩健康清純，身穿白色運動裝嘅佢，就喺仿如森林環境之下做運動騷靚肌，表達自然同靈氣氣質，佢自己都喺Ig留言，話自己近年心境變咗，以前好鍾意急追求完美，o依家就學識順其自然，更多了新習慣，例如嘗試玩Outdoor Yoga 。

除咗Anjay，同片仲有兩個90後女拍檔，分別係顏卓靈同人氣中韓混血插畫師Sue Chang，顏卓靈就喺廣告片彈結他同跳舞，演繹自己動靜皆宜、多才華嘅一面。

(蘋果日報)

【姚嘉妮獲讚掂】老公林祖輝﹕媽咪係infinity

2018-09-12

近年「亞視幫」喺無綫發圍，田蕊妮、陳展鵬、袁文傑、陳煒等一個個彈起，姚嘉妮(嘉嘉)喺2001年已過檔大台，無論演忠、奸或是潑婦、八卦師奶角色都恰如其分，早前在熱播劇《BB來了》，40歲人扮過氣MK妹陪月員仍被稱讚冇違和感，可惜多年來主力被派做《都市閒情》主持，未有機會上位做一姐。

林祖輝曾在無綫當經理人，問到有冇幫太太一把？祖輝話﹕「我只係公司小職員，唔可以左右到監製啲乜。以前我高峰期，除咗Manage苟芸慧、金剛、龔嘉欣，仲有50幾個新人。新人好簡單，捉上去戲劇部直接介紹畀監製認識，見真人好過睇相；但嘉嘉本身係藝人，唔適宜咁做，透過真正合作同認識更重要。」

40歲嘅嘉嘉雖然係兩子之母，與祖輝育有分別係9歲囡囡Kyra同6歲囝囝Kyros，但身材同樣貌都Keep得好好。祖輝亦讚老婆忍得口﹕「佢好鍾意食嘢，又易肥，但就好忍得下，會做好多運動。」

未能突圍，會否替嘉嘉不值？祖輝話﹕「冇話抵唔抵，好多時練十年就係等一個機會，我覺得佢係有潛質，自己係TVB做過我知，咁多藝人咁多監製，監製未必好多時間去了解一個藝人，但如果有越多機會，發現原來佢演癲癲喪喪都得，咁其他人或者都會睇到，有潛質嘅就自然有人度身訂造角色俾你，拍劇真係好睇天時地利人和。」

祖輝曾經到過北京做國家級運動員的經理人，但工作一年便決定回港，佢直言為咗屋企人﹕「當時太太知道有第二個小朋友，咁就開家庭會議，一係一家人上北京住，一係我返落嚟。咁北京天氣冇香港咁理想，最後決定返香港，就做咗童裝生意。」林祖輝直言在子女心目中，評分一直落後太太，佢苦笑話﹕「女女話Daddy一百分，但媽咪係infinity(無限)，我咪慢慢追返分。」

祖輝表示從來唔會俾小朋友有讀書壓力，佢笑言﹕「因為家長唔想有壓力囉，我俾小朋友讀國際學校，都係唔想佢哋有太多功課同考試壓力，見囡囡現在都好鍾意返學，每朝自己起身、刷牙，做乜都唔使逼。」

(蘋果日報)

【四年抱三？】宣佈陀第三胎！

2018-09-12

佢哋結婚三年，話咁快又追第三個，佢哋嘅生產力，泊得住陳豪同陳茵媺。呢個英文名男仔又得，女仔都得，睇嚟佢想呢胎嘅性別保持神秘。。。

曾主演台劇《犀利人妻》嘅台灣女星隋棠，2015年下嫁從事美國財務顧問嘅老公Tony，婚後二人育有兒子Max同女兒Lucy。早前隋棠喺一個節目上話兩、三年後可能會為愛引退，同老公Tony返美國定居，意味着退出娛樂圈。點知事後佢出席活動澄清唔係退出，只係想一對子女去美國讀書，佢仲話唔做嘢冇安全感。

近日同老公去咗歐遊嘅隋棠，不時喺佢嘅facebook貼相放閃，今晚佢貼咗張同老公坐喺倫敦地鐵站內嘅相，兩人四目交投，隋棠喺fb宣佈自己懷第三胎，佢留言話︰「這次旅行沒帶Max和Lucy的原因很簡單，因為，老三奧里出來後，要有兩人世界更是難上加難了。」

佢講到第三胎名字叫奧里（Olie），呢個英文名男仔又得，女仔都得，睇嚟佢想呢胎嘅性別保持神秘。佢哋結婚三年，話咁快又追第三個，佢哋嘅生產力，泊得住香港代表陳豪同陳茵媺。

唔少網友都報上祝福，「生三寶！！！！太猛了」、「原來有老三了!恭喜恭喜!」

(蘋果日報)