被譽為「最靚CEO」的黎姿（現名馬黎珈而），不經不覺已經47歲，眾所周知她的外貌身材keep得相當之好~
黎姿近年為旗下美容店連環擴充兼開新店，經常巡地盤睇裝修，又要不斷開會，更連員工制服都有參與設計，真的是非常忙碌！
雖然公司有衆多員工，但黎姿都經常親力親爲，參與公司各項大小事務。
她間中都會呻辛苦，「經過一整星期的會議，有時也會有喘不過氣來的感覺。不過我也很享受將公司每一個角落、每一個細節和每一個程序，一勾一劃，一針一線地刻畫出來。工作雖然有時會帶來壓力，總是會帶來無比的滿足感。」
但她近日在社交網自言開始有老態。
她發文：「眼睛真的是會洩露年齡的秘密，我也敵不過老花的命運。」
原來黎姿和不少人一樣，未到五十歲就已經有老花問題，她更post了自己戴粗框老花眼鏡的相片，不過靚樣依然！
(ig / 綜合報道)
49歲的鄭嘉穎和27歲陳凱琳（Grace）拍拖三年，於今年8月在峇里島舉行婚禮，不少圈中好友都有出席，一同為一對新人送上祝福，希望他們三年抱兩早生貴子。
兩人於上月23日晚上在社交網上載擁抱合照，一同發文宣佈有喜！
Grace宣佈有喜後都經常出席活動。
但每當傳媒問起BB性別和預產期，她都甚爲保密~令人更想知道Grace腹中寶寶的事…
直到今早，Grace和鄭嘉穎終於宣佈BB性別了，令網民非常期待！
Grace就上載出一張BB衫同BB球拍的相片，並留言：「Excited to meet little baby Kevin！I wonder if he’s going to love tennis as much as his daddy！（好興奮就快可以見到baby Kevin！唔知佢會唔會好似老竇咁鍾意網球呢！）」
原來Grace今胎係佗B仔，網民都留言恭喜Grace，都說很期待見到鄭嘉穎2.0呀！
(綜合報道)
歌手鍾欣潼（阿嬌）同台灣醫生老公賴弘國琴晚舉行婚宴，之前一眾人講到拋花球環節。
話關智斌（Kenny）會主動去搶，不過睇番現場片，阿嬌準備拋花球時…
一班兄弟姊妹硬推咗Kenny去最前位置，好兄弟張致恒（Steven）從後攬到實唔畀佢行開，容祖兒亦企定喺隔籬預備幫Kenny搶花球，阿嬌拋之前仲專登擰轉頭睇吓Kenny企個位，跟住就校啱位拋落佢度，花球順利飛落Kenny面前，祖兒仲伸手幫Kenny攬實個花球！
雖然睇落Kenny好似被迫咁款，其實佢有主動伸手攞住個花球，之後喺一片歡呼聲中，好高興咁高舉花球，真係恭喜晒！
恭喜Kenny呀！可能下年到你喇！英皇公司可能喜事連連！
相關新聞：
【「爸爸」楊受成感動：因為阿嬌大咗肚呢就…】 https://goo.gl/xqgTY2
【賴生頂唔順要走先】阿嬌賴弘國墨西哥絕密婚照曝光 https://goo.gl/xYeYwC
【阿嬌結婚 索爆姊妹團原來仲有佢！】https://goo.gl/sLAE1a
【浪漫又溫馨 阿嬌花海婚禮現場曝光！】https://goo.gl/yS9tKH
(綜合報道 / on.cc)
昨晚舉行盛大婚宴的鍾欣潼（阿嬌），身穿唯美婚紗現身，英皇娛樂老闆楊受成拖着阿嬌進場，阿嬌一出場，即獲全場賓客拍手歡呼。
有份出席的薛凱琪及何超蓮等更高聲吶喊：「阿嬌好靚呀！」
上台時，楊受成說：「我知你（賴弘國）識聽中文，知你識聽廣東話㗎，總之你要對阿嬌好好呀！」引來台下大笑。
而阿嬌和老公賴弘國在台上致詞答謝來賓時，也不禁眼濕濕，並向雙方家長許下承諾說：「我和弘國以後會一起孝順你們，我們會真的幸福。」
之後到楊受成致詞說：「多謝各位親友，你哋今日蒞臨Michael同阿嬌嘅大喜日子，我喺呢度祝福佢哋百年好合，永結同心，幸福快樂。但我希望佢哋唔好連生貴子，因為阿嬌大咗肚呢，就做唔到嘢，因為對英皇娛樂嚟講，佢係其中一個最搵錢嘅Artiste。」
企喺隔籬的阿Sa就插嘴說：「金蛋呀！」阿Sa說：「我幫佢頂住先！」阿嬌聽到就好精靈地說：「即係幫我大住肚先係咪？」阿Sa爆笑回應說：「幫你做住嘢先呀！」
一對新人在台上合卺交杯及切蛋糕，又與雙方家長和兄弟姊妹團在台上祝酒，阿嬌與老公更不時深情對望，認真Sweet爆！
婚宴期間播放今年五月阿嬌在美國舉行婚宴的片段，片中當時好友蔡卓妍（阿Sa）在台上致詞時邊說邊哭，回想多年合作的經過。
至於視阿嬌如親女的楊受成，除全包了婚宴費用外，還送了一幢千萬的上海豪宅及一對龍鳳鈪給阿嬌送嫁。
相關新聞：
【賴生頂唔順要走先】阿嬌賴弘國墨西哥絕密婚照曝光 https://goo.gl/xYeYwC
【阿嬌結婚 索爆姊妹團原來仲有佢！】https://goo.gl/sLAE1a
【浪漫又溫馨 阿嬌花海婚禮現場曝光！】https://goo.gl/yS9tKH
(綜合報道)
歌手鍾欣潼（阿嬌）同老公賴弘國尋晚舉行婚宴。
之前佢哋原本喺墨西哥影婚照，原定計劃拍攝四個場景，不過因為鐘乳洞內水底溫度太低，加上長期浸在水中，拍咗兩個景最終捱不住，賴弘國率提出要先走，最後逼於無奈腰斬拍攝，雖然水底啲相數量唔太多，佢哋講過都唔會提前公開，要留番喺婚宴度公諸同好。
呢一批相隨住婚宴舉行而家終於公開，身穿白色婚紗頭戴花環嘅阿嬌，同着住白色恤衫嘅老公齊齊浸住喺水，深情咁凝望對方，真係好sweet!
而喺水底影嘅相，婚紗加埋水中漂浮嘅效果，令到阿嬌即時變做水中仙子一樣靚到爆！
相關新聞：
【阿嬌結婚 索爆姊妹團原來仲有佢！】https://goo.gl/sLAE1a
【浪漫又溫馨 阿嬌花海婚禮現場曝光！】https://goo.gl/yS9tKH
(weibo / 綜合報道)
37歲鍾欣潼（阿嬌）前日跟台灣「醫界王陽明」賴弘國（Michael）在尖沙嘴註冊，榮升賴太嘅阿嬌同老公休息一天後，今晚一對新人假西九一間酒店擺喜酒，現場一遍花海好浪漫，蔡卓妍、容祖兒和鄭希怡為阿嬌擔任姊妹團，「龍虎豹蛇」分享喜悅。
大家最關心嘅問題都係幾時生BB？阿嬌聽到，就轉身用國語問Michael：「你能幫我懷孕嗎？」Michael即答：「我都想。」阿嬌再跟記者話：「順其自然啦。」Michael話太太有100分，仲用廣東話讚太太「幾靚」，不過阿嬌唔收貨：「吓，幾靚？」記者即刻提水，係「好靚」，Michael先話「好靚女」又解釋番仲學緊廣東話，所以講得唔係幾好。
「賴太」阿嬌孖老公拖手現身見傳媒，應記者要求錫咗3次，阿嬌不時深情望老公，阿嬌着deep V拖尾長裙晒事業線，襯鑽石耳環同鑽石手鈪，性感迷人，兩夫婦齊騷婚戒，賴弘國十分細心，見到阿嬌前面地下有垃圾，即主動執走，等老婆可以十全十美影靚相，兩人化身甜蜜接吻魚，應記者要求連啜3次，阿嬌不時深情望着老公，幸福滿瀉！
問到新郎送乜嘢禮物畀老婆？佢用國語表示：「有一個小節目。」阿嬌望着老公笑問：「吓？」問準備了多久？Michael坦言：「不是太久，有空就練，幾個星期，自己也很緊張。」醒目嘅阿嬌笑問老公：「幾個星期，即係唱歌啦？」Michael要保持神秘給老婆驚喜，笑笑口說：「不透露，我不會別的東西。」暗示係唱歌。
而問到阿嬌心情係咪好緊張？會唔會想喊？阿嬌話：「今日好開心，好多朋友推晒工作由第二度飛嚟，因為佢哋嚟見證我哋大日子。」問到之前減磅係咪為咗今晚呢條閃爆deep V裙？佢話：「我仲有幾套呀，前排真係腫啲。」佢仲話好彩今晚冇搞主題，講到兄弟團表現好chok，問到係咪幫姊妹團謀福利？Michael表示：「他們是我小時候的朋友。」對於蔡卓妍笑言要幫容祖兒搵兄弟團「抄牌」，阿嬌大笑：「ok，叫我去做ok啦。」
四位姊妹團成員容祖兒、蔡卓妍(Sa)、鄭希怡（Yumiko）同阿嬌中學同學Cindy，齊着上靚靚「姊妹裝」預早到場打點。
祖兒及阿Sa接受傳媒訪問時話，今日冇玩新郎儀式，開門利是亦已經喺前日接過。祖兒更自爆收咗double開門利是，「因為我有貪得無厭嘅精神，嗰日阿嬌、Michael、嬌媽同阿嬌老爺奶奶都有畀。」
講到今日姊妹們，會唔會有驚喜畀一對新人？祖兒同阿Sa就搞笑話會製造驚喜畀Kenny（關智斌），祖兒話：「網上聲音話想佢接到花球，我哋都好接納網友意見。」有指好似佢哋兩個急啲（結婚）喎，加上Mani都話想下隻金豬買畀佢哋，阿Sa就扮傻話：「吓！我同祖兒結婚？」兩個人仲即刻扮咀嘴。之後，祖兒仲提議Ｍani可以送咗先，「始終都有用o架，好似買樓花咁，唔係咩叫預繳啫！」
前日阿嬌註冊，祖兒亂爆金句講：「嫁出去嘅水，等如潑出去嘅女。」要Sa糾正佢話係「嫁出去嘅女，等如潑出去嘅水」先啱，笑問祖兒今晚仲有冇金句要爆？佢就笑住話覺得好驕傲，又話嗰日只係自言自語，估唔到咁都聽到，懷疑係畀人裝咗偷聽器，仲怪阿Sa嗰日反應慢，講完先至話佢知講錯，搞到阿嬌簽緊紙都話要糾正佢。
祖兒話今晚唔會飲酒，因為想記得所有moment，所以今晚頂酒嘅責任會交畀瓊姐（Yumiko）同阿嬌中學同學Cindy，仲爆Yumiko係「酒筲箕」，然後又再同阿Sa一唱一和，祖兒話今日付出嘅係感情，阿Sa就接住話仲有愛同責任。人情呢？祖兒即抵死話：「唔係要畀吓嘩！」之後再補充：「我哋媽咪都已經送咗禮，佢哋嘅錢，咪即係我哋嘅錢！」
另外，早前傳出阿Sa同男友石恆聰（Anthony）打算明年底結婚，問阿Sa男友今晚會唔會到？係咪嚟取經？佢就好正經咁話：「係嚟賀阿嬌同Ｍichael！」傳媒叫祖兒幫手催阿Sa，祖兒就即刻用口吹阿Sa耳仔，又笑住話：「吹咗喇，唔關我事o架喇！總之我一陣就上台比武招親！」阿Sa就話兄弟團幾省鏡，會幫祖兒攞Contact！
祖兒同阿Sa喺結婚蛋糕旁邊玩自轉，仲拍片擺咗上ig，但千祈唔好睇少呢個結婚蛋糕，呢個結婚蛋糕有成個人咁高，蛋糕頂仲有個堡壘。
阿Sa之前都講過，蛋糕價值接近6位數字，所以要搵埋Joey夾份，真係物重情義都重。
(綜合報道)
鍾欣潼（阿嬌）前日同咗台灣「醫界王陽明」賴弘國註冊，今晚就喺西九一間酒店擺酒，一對新人仍在為晚宴裝身，準備以最佳狀態現身！
但婚禮團隊已分工合作為佢哋搞好一切，會場並佈置得浪漫滿瀉，入場接待處放上白色長枱準備迎賓，會場外當然有阿嬌同賴弘國嘅靚爆婚紗相，還有一個拍攝區，放咗飾物畀賓客配戴影相留念。
進入宴會廳的走廊兩邊佈滿美麗鮮花，十分清雅，會場內有一道花橋，估計是讓新人站在橋中拍照。
阿嬌今年初喺美國搞嘅pre wedding party，都係一遍花海，散發溫馨浪漫。
一對新人更用自己Q版中式禮服公仔設計咗叉電器（俗稱尿袋）同蠟燭送給賓給做回禮禮物，非常有心思。
今午5時許，酒店外用鐵欄劃出傳媒採訪區，現場逾半百傳媒採訪，也有約有10幾名阿嬌粉絲迫入看熱鬧。
(apple daily)
宋仲基和宋慧喬喺拍攝韓劇《太陽的後裔》時撻著咗，戲假情真！
兩人於去年7月突然宣佈婚訊。
當時消息震驚亞洲，二人於去年10月31日舉行盛大婚禮。
婚後雙宋不時結伴旅行周圍去，時不時都會放下閃，真係好Sweet！
宋慧喬新劇《男朋友》正在火熱播放中，作為婚後首個作品，外界反應極好。
「喬妹」宋慧喬去年底婚禮上，老公宋仲基用C字珠寶品牌白金鑽戒將她變為宋太，更是宋仲基自掏腰包買的。今日有好消息，品牌宣布喬妹成為品牌大使，是繼蘇菲瑪索（Sophie Marceau）後，品牌當今唯一，也是首位東方面孔品牌大使。真係超犀利！
呢個品牌向來極少用品牌大使，除法國女星蘇菲瑪索在2008至2012年是大使身分外，如今宋慧喬成亞太區品牌大使，她的高人氣、好氣質、正面形象等，正是脫穎而出主因。
其實之前喬妹已經成為雪花秀全球代言人，更是品牌成立21年來第一人。
近日她在《男朋友》記者會及劇中，都不斷戴住品牌的各個系列，暗暗盡大使之力。
(apple daily)
2010年港姐冠軍陳庭欣(Toby)今年初被爆與律師唐偉倫分手，之後極速戀上現年40歲、坐擁美容王國、身家過億嘅楊振源（Benny）。
拍拖9個月嘅Toby同Benny發展得好快，Benny愛得好高調，完全唔介意同朋友分享喜悅，早前將facebook頭像換上同Toby嘅攬攬合照，Toby仲擺出心心示愛。
今日有周刊報道指二人計劃明年拉埋天窗(相關新聞:https://goo.gl/8CBDbK)。
Toby今日接受傳媒訪問時話﹕「真係暫時未有計劃啊！希望事業同愛情同樣順心！謝謝大家關心。」問到男友係咪嫁得過？Toby就好冧咁話﹕「剛剛問啦，佢(Benny)話佢自己嫁得過(一個滴汗emoji)。」
Toby否認與Benny同居，話自己一直同家人及3隻鸚鵡同住，對於換50萬寶馬新車，Toby解釋﹕「之前講過，係爸爸計過舊車是時候換，不安全，所以爸爸安排的。」
Toby雖然否認同居，但見Benny喺豪宅搞朋友聚會時，Toby亦係以女主人身份出現，與Benny穿上同款T恤，Toby着埋貼身短褲，明顯已融入家中。
而報道亦指Toby已見過Benny嘅家長，仲同兩個仔亦相處融洽，相信要做楊太亦冇難度啦！
(綜合報道/apple daily)
12年港姐冠軍張名雅前年同圈外律師男友蔡錦豪結婚，婚後育有囝囝Mario。
之後張名雅話自己鍾意小朋友，仲話越多越好添！
結果喺今年7月，張名雅宣佈再有喜，預產期係12月，不過呢個媽媽都好活躍，10月仲同老公去咗泰國度假，仲晒咗幾張大肚三點式泳衣相，當時都已經見到張名雅個肚份量唔少。
話咁快嚟到十二月，噚晚張名雅喺IG透露準備入產房，仲幫囝囝改埋名叫Milo：「See you soon baby Milo.」
據知，BB已經出世，係順產。
今日下晝張名雅喺IG貼咗自拍照，睇到佢精神都唔錯，留言話多謝各位祝福！
(apple daily)
