41歲藝人陳展鵬（煎Pan）尋日宣布下月娶細佢13年嘅單文柔（Phoebe），更被爆先後求過兩次婚(相關新聞: https://goo.gl/SBb1VU)，真係恭喜晒！煎Pan情歸Phoebe後，就一改以往低調處理感情事嘅手法，今朝仲頻頻發功放閃！
佢先喺09:09於微博晒出同女友Phoebe嘅影婚照花絮，仲留言：「是她」，似乎意寓「長長久久」啵！之後，佢仲晒埋自己嘅單人側面低頭照，兼情深款款配上「May I？」字句 ，認真Sweet爆！
而睇番佢個IG，佢亦有上載同Phoebe手拖手、互相對望嘅婚照，並留言：「也是唯一的」，給予女友一個肯定地位。
唔少網友見狀都有恭賀佢哋，仲紛紛留言：「早就知道你的女孩柔柔」、「郎才女貌，俊男美女，祝福」、「陳太好靚女！身材又好笑容又甜。」
(on.cc東網)
陪住唔少80、90後成長，至今播出已經超過26年，但有消息傳出將會停播，好似《東張西望》、《兄弟幫》及《#後生仔傾下計》等咁改名為《Big City Shop》繼續播出，個名有個「Shop」，顧名思義當然係賣嘢，有傳節目將會植入一些Big Big Shop有售嘅產品，到時大家會喺同時段不停見到「大明猩」出現。
自7月起通訊事務管理局宣布放寛植入式廣告規管，無綫在其多個節目中均有展示廣告商的產品與服務，好似《東張西望》、《兄弟幫》及《#後生仔傾下計》等，即使在鏡頭內清楚拍到其品牌，但在新例下亦算不違規，因為節目並非刻意介紹相關產品。其實《都巿閒情》在「今晚食乜餸」的環節中，已經有不少廚具和食品品牌贊助，所以今次改革大有可能主力為Big Big Shop的產品作示範。
無綫長壽節目《都巿閒情》的前身是《婦女新姿》，《都》於1992年2月5日首播，逢星期一至五13:25至14:10在翡翠台播出，每集45分鐘。由安德尊、宋芝齡、劉彩玉、林淑敏、姚嘉妮，同近年被封為「都巿閒情女神」的彭慧中等一班主持人主持，當中要數最經典的是安德尊與前主持人李錦聯煮餸時互寸互窒，好多人都唔係為咗學煮餸而睇，而係為咗睇佢哋兩個！
後來無綫索性開個節目《區區開伙》畀佢哋「嗌交」。不過隨着2016年底李錦聯離開無綫後，就未見佢哋同台。現在節目傳出改革未知一班《都》的主持人能否平安過度呢？
東網聯絡到無綫助理總經理（非戲劇製作）余詠珊，她坦承有意將節目進行改革：「我哋唔係要換走晒啲主持人，只係做咗咁多年都想節目有啲變化，下晝一點到兩點呢個黃金時間，有好多OL會睇婦女節目，所以想將節目做得生活化啲，講多啲化妝、美容、煮食等內容，但依家仲係諗緊、度緊，點樣改革都未定實。」至於問到《都》是否要改名為《Big City Shop》？她說：「可能會，仲諗緊。」
(on.cc東網)
14年拍拖，17年結婚，佢哋兩個嘅囡囡已經2歲大，細仔喺今年6月出世，湊夠一個「好」字，生活美滿幸福，老公好多時要飛去大陸拍戲，專心搵錢養家，而JC就留喺香港忙做辣媽湊細路。
JC日前喺西環湊女，被《蘋果》讀者凌先生透過「爆相爆片」捕獲，當時大概3點半鐘，見JC一個人推住BB車，Tessa就坐喺車入面，JC一身黑色小背心短褲，隱約露出佢嘅事業線，生完BB兩個幾月，已經差唔多回復以往身形。
凌先生見到佢兩母女喺西環堅尼地城海傍，JC推住BB車過馬路，佢話：「佢哋行去西祥街，Jessica C.推架車過馬路，佢見到第一架車經過停喺度，過咗架車佢就急推架車過馬路，但當時仲係行人紅燈，同埋落緊少少雨，都有少少危險。」
之後，JC就推住BB車行咗去附近寶翠園嘅商場，佢入到商場等升降機時，彎低身同囡囡傾咗幾句，好有警覺性嘅JC見到凌先生影緊佢，仲笑咗笑，之後就同Tessa入咗商場行街。
其實，JC身為人母，有兩個小朋友，真係要以身作則，帶住囡囡衝紅燈過馬路呢個行為真係相當危險，咁樣不遵守交通燈違規過馬路最高罰款$2000，罰款事小，兩母女人身安全事大，真係唔好再亂嚟喇。
(蘋果日報)
藝人江若琳（Elanne）跟未婚夫蕭潤邦（Oscar）年底就結婚，兩人經常在網上高調晒愛，真係冤氣到暈！
Elanne日前在社交網上載了一張靚女相，但額頭上有粒圓形狀物體，她留言：「話說尋晚做完騷 ，換完衫，蕭生好熱情咁走埋黎（嚟）親吻我額頭一下，仲讚我靚要幫我影張相添，係女仔都當然即刻覺得冧冧豬啦，但當我哋執好晒嘢，準備返歸嘅時候，佢無啦啦賤笑，我問佢笑咩，佢叫我睇下（吓）部相機，我當下即時xyz＠#* 原來佢將佢食緊舊香口膠黐咗喺我額頭，而我一直都唔知，距離我哋結婚仲有3個月，我仲有時間反口！你地（哋）覺得呢？」
最抵死是她的好友們紛紛留言：「嫁得過，好玩呀！」、「呢個好笑，你冇感覺嗰下好嘢。」
(on.cc東網)
陳展鵬同胡定欣因《城寨英雄》成為螢幕情侶，人人認定他們可以有情人終成眷屬，惟展鵬最終情歸單文柔。早前在定欣ig「追蹤名單」已不見展鵬的帳戶，有人指男方因高調與單文柔以情侶檔姿態接job，經常晒恩愛有關，展鵬的ig亦沒有follow定欣(相關新聞:https://goo.gl/Agjezw)。
如今展鵬宣布與女友單文柔結婚，定欣到底有甚麼反應？昨午5時許未，定欣以一身DEEP V打扮獨自現身中環睇醫生，逗留個多小時才離開。
被問及陳展鵬結婚一事時，她笑笑口說：「我都係啱啱先知，因為有好多記者打畀我，（佢請你飲你去唔去呀？）其實人哋會唔會搞婚禮呀，你知唔知呀，到時先算啦，人哋都唔知點樣搞點樣邀請，咁都係開心事嚟嘅，（會唔會戥佢哋開心？）冇錯，會…會…！」
說罷便匆匆往取車。
(on.cc東網)
41歲陳展鵬宣佈迎娶28歲女友單文柔（Phoebe），昨晚接受《東張西望》訪問嘅時候，講到求婚嘅過程，陳展鵬話過程都係有心意嘅，因為要喺英國搵一部巴士，仲要當眾跪低求婚，佢仲話：「呢啲係佢要求嘅，因為佢話：『你拍戲嗰時好浪漫嘅喎。』我咪話拍戲同真實唔同，但佢就話唔得，因為要有嗰個畫面，所以專登揀嗰個地方。」
陳展鵬又話婚禮會簡單做，但係都會做齊啲嘢，講到買咗樓，佢就話：「香港啲樓真係好貴，不過都有儲錢，所以都冇問題嘅。」至於造人計劃，展鵬就話會努力。
Phoebe都有接受訪問，大爆展鵬先後求過兩次婚，第一次是用紙戒指，Phoebe當時派檸檬Say No，但其實已甜在心，Phoebe說：「有次喺香港，佢趁我瞓覺時，用一隻自己摺嘅心形紙戒指戴喺我隻手度，我醒咗先發現，我就問佢咁叫求婚？當時佢問我肯唔肯，始終我係女仔，想要一個畫面，之後佢叫我打開隻戒指，入面寫咗好多嘢，但我都冇應承。我話唔答應，但其實好開心，佢記得我鍾意手工藝，或者花心思嘅嘢。佢話想趁呢次機會做啲嘢送畀我，話要買戒指唔難，但想花啲心思，到之後喺英國，佢搵咗條街有巴士，就跪低求婚，我一直好期待呢個畫面，好感動，佢肯當住咁多人跪低。（十月結婚，依家心情點？）好興奮、緊張，好多嘢要準備，十月中會去簽字、同屋企人食飯，我哋都希望低調，有一個屬於自己嘅美好回憶，好多細節仲安排緊。」
問到是否雙喜臨門？她與未婚夫明顯夾了口供，互相呼應地笑言：「唔係，但我都想三喜臨門，好多嘢隨緣。」她直言沒想過自己如此早結婚，但最終被對方真誠打動，所以決定下月結婚。
兩人早前已遠赴英國及法國拍攝婚照，陳展鵬接受傳媒訪問時說：「英國係佢好鍾意嘅地方，所以喺英國做呢個畫面出嚟，係希望佢留住呢刻回憶啦。」
其實早前陳展鵬與Phoebe已經被捕獲蜜遊倫敦，去有百年歷史的Borough Market逛街，兩人還互相餵食，非常sweet(相關新聞:https://goo.gl/3UikdZ)。原來這趟英倫之行真正目的，是要影靚靚結婚相。從兩人發佈的婚照，單文柔穿上一條deep V婚紗裙大晒有料身材，而婚照除了不乏歐陸式建築物及街景外，最特別是兩人於一架寫上「520 Next Station Marry Me」的巴士前留倩影，陳展鵬更單膝跪地向文柔送上鮮花，非常浪漫。
展鵬表示很多衫包括西裝都是在英國才購買，拍照時又很怕被人偷拍放上網，所以拍攝過程感覺很刺激。
(蘋果日報/on.cc東網)
41歲陳展鵬與單文柔拍拖1年多，即決定與女友拉埋天窗，將於下月中舉行婚禮，準新郎陳展鵬接受傳媒訪問表示：「多謝大家關心，其實都籌備咗一段時間㗎啦，始終屋企人唔方便搭飛機，所以會喺香港結婚，原本諗住11月，但因為工作安排，所以定下個月中。」
問到咁快結婚是否雙喜臨門？陳展鵬避答：「都拍咗一段時間㗎啦，唔快㗎啦。」再追問係咪雙喜臨門？佢笑住話：「我都想四喜臨門㖭，一次搞掂！」
雖然是終身大事，但陳展鵬不會大排筵席廣宴親友：「只係屋企人同親友食個飯，想低調啲搞，因為要夾埋屋企人同親友一啲時間，所以邊日就要定實好先。好多謝公司畀時間我去影結婚相同籌備婚禮。」而《蘋果》記者昨日到過婚姻註冊處，並未發現展鵬與文柔的擬結婚通知書，展鵬透過短訊回覆表示﹕「未(入紙)，唔急。」
(蘋果日報)
藝人陳展鵬與前港姐單文柔（Phoebe）拉埋天窗，問是否影完婚照先決定宣布？
他說：「我都唔想太高調做呢件事，因為想同屋企人去外國酒莊搞婚禮，都要配合雙方家長，自己屋企人唔方便搭飛機，所以決定去當地只係影相。加上香港媒體都想幫我分享呢件事，都想影啲相畀大家同大家公布，我都想盡量私隱啲，但根本冇可能。（閃婚？）唔算喇，識咗接近兩年，需要磨合同睇性格，結婚都要睇雙方面家長傾過偈，所以我哋已經有晒安排。（幾時行禮？）10月中，都想盡量低調，儀式會做足，食飯只係雙方家長，唔會話請好多朋友、擺好多圍，想簡單啲，因為工作都忙，加上家長都想低調。（幾時生B？）隨時都Ready，呢啲講緣分同睇天安排，搞掂婚禮先，都需要時間處理好。」
（on.cc）
王祖藍同李亞男結婚3年，一直努力造人，直到今年7月先宣佈造人成功，論成績，唔及好姊妹鍾嘉欣已經湊夠「好」字有一仔一女。
李亞男8月出活動，當時透露陀B「過咗4個月」，雖然一直都未有宣佈係B仔定B女，但就露過口風，話驚如果係B女會似爸爸。
咁答案呢？今日李亞男開估，真係陀B女呀！佢喺ig上載咗張孕照，佢雙手呵護住個肚，肚上就寫上「Baby Girl」同兩個心心，佢又留言話：「日小公主陪我開工，佢好乖！」之前擔心囡囡似爸爸，睇嚟都感染到網民，有人幫佢祈禱話「拜託要像媽媽！」其實唔怪得啲網民擔心，因為之前有人查過史書，清朝有兩位妃嬪分別似祖藍同林盛斌，效果出到嚟搞笑又嚇人。
李亞男今日回覆《蘋果》時話好開心第一胎生女，佢話﹕「男女我都鍾意，不嬲想有囡囡幫佢扮靚，女仔始終黐媽咪多啲吖嘛。其實知道係囡囡時好開心，不嬲想有個女，但都希望第二個係仔啦。現在未買晒bb嘢呀，房裝修緊，最重要佢可以好健康咁出咗嚟，我就放心喇！」
(apple daily)
41歲視帝陳展鵬與28歲前港姐女友單文柔（Phoebe）終於拉埋又窗，今日展鵬在big big channel（bbc）宣布迎娶單文柔，並表示自己在香港求婚成功，令今年娛樂圈又添喜事！
展鵬致各傳媒友好：「各位親愛的傳媒朋友、各位好友，多謝大家一直對我的支持和包容。今日，好高興同大家宣布，我要結婚啦！一路以來，我都全情投入工作，直至Phoebe的出現，讓我們感受到幸福和信任。對於感情方面比較傳統的我，是時候用我最大的努力去建立一個美滿的家。多謝大家的關心，希望得到你們的祝福。」
(on.cc)
