【三年抱兩】肚凸凸出巡中環

2018-12-19

囝囝舊年出世，眨吓眼都已經1歲半大，佢喺10月尾宣佈再佗第二胎，三年抱兩，恭喜恭喜！

日前佢身穿西裝褸襯爛牛，腳踏平底鞋，喺中環ifc出現，見佢面圓圓同身形都肥咗少少。

楊愛瑾（Miki）前年嫁咗畀富二代郭永淳，升呢做永安新抱！

時不時都會PO下囝囝Luken嘅得意相！

日前捕獲到佢一個人首先行咗入去一間專賣有機護膚品嘅商舖，估計佢之前已經訂好心水貨物，所以佢入店後，店員已好快將一袋戰利品交畀Miki，Miki同店員傾咗一輪先捨得走。

之後，Miki行咗入商場嘅高級超市，見佢全程慢行，專攻健康類食物，如蔬菜、水果、三文魚等食材，原本打算去排隊畀錢時，佢再攞多兩袋麵包，果然要照顧家中大小同肚裏BB，所以要食得健康。

最後，Miki就拎住一大袋戰利品離開，佢行去扶手電梯時，記者上前問佢腹中BB係男定女，佢就有禮貌講：「唔好意思。」避做訪問，行到去商場門口，原來已有朋友做柴可夫，揸住車嚟準備接送。

Miki雖然大肚，不過嚟緊會外出旅遊，佢之前就在喺IG貼文，講到要帶囝囝坐飛機，加上自己佗住一個，所以有啲擔心。

佢留言表示：「真的好忙好忙……月中要帶著Luken坐長途飛機，諗到都緊張。雖然佢已經一歲半，但我肚裏還有位寶寶，始終在照顧上也不太方便，希望Luken在飛機上能睡上8小時，盡量不打擾到其他旅客，時差方面也能調節得好，還有行李清單也要準備好。」

(Apple daily)

【阿嬌婚照靚到爆】楊受成當衆訓示賴弘國之後驚Michael嬲

2018-12-19

鍾欣潼（阿嬌）同「醫界王陽明」賴弘國（Michael）昨日在港註冊結婚，亦有向長輩敬茶的儀式，其中阿嬌兩公婆跟足傳統，跪在地上向老闆楊受成恭敬奉茶，楊受成一早視阿嬌如親女一樣愛錫，他飲過「女兒」及「女婿」茶當然甜在心頭，即向一對新人送上大利是。

而容祖兒則擔任「大妗姐」角色，在阿嬌敬茶時，不停講吉利說話。

到阿嬌媽媽和經理人霍汶希飲過茶後，就送上金手鈪及金豬鏈作為賀禮。

斟茶儀式完後，阿嬌和老公向祖兒、蔡卓妍及鄭希怡大派利是。

楊受成更拖住賴弘國的手，似乎正叮囑他要好好照顧阿嬌！

「爸爸」楊受成捉住賴弘國隻手，訓示賴弘國，他說︰「你要好好對她（阿嬌），不好的話你就不要來香港。」

鍾欣潼（阿嬌）昨日和賴弘國（Michael）註冊結婚，儀式於下午5時開始，兩人讀完誓辭後交換結婚戒指，然後情深一吻。

期間，好友容祖兒起哄大叫︰「惜多啖，唔夠呀﹗」簽字後，一對新人與擔任證婚人的賴弘國爸爸及英皇老闆楊受成合照。

霍汶希（Mani）叫楊生影相時要挨近阿嬌，楊生搞笑答︰「我驚Michael嬲。」

現場眾女星起哄說捨不得阿嬌出嫁，阿嬌卻笑言想她們早日結婚。

容祖兒拋錯書包說︰「嫁出去嘅水等如潑出去嘅女﹗」隨即被蔡卓妍（阿Sa）笑她說錯話，惹來全場大笑﹗

相關新聞：

【正式升呢做賴太奶奶激讚阿嬌！】https://goo.gl/Ttwk5U

【30多位至親好友見證阿嬌率先有驚喜】https://goo.gl/JGUbPa

【今日正式註冊！賴弘國攬實阿嬌笑笑口現身】https://goo.gl/y7X5Rg

（綜合報道）

【張繼聰都受影響！？】謝安琪：聽到呢個消息都好沉重

2018-12-19

藝人張繼聰時不時都會同老婆謝安琪（Kay）喺社交網到放下閃，特別係成日PO囡囡張靖（Karina）嘅可愛相，一家四口幸福又溫馨，真係超Sweet！

謝安琪同任賢齊昨日喺尖沙嘴出席活動。

提到hmv清盤，近日推出新碟嘅Kay話知道消息，但暫時唔知對自己有冇影響，作為唱片業一份子，覺得好欷歔，佢話：「我都鍾意去唱片舖聽歌，感受吓唔同嘅創作，唱片業艱難已經唔係今時今日，所以仍然好努力去做音樂，同創作係值得尊敬，希望做一啲嘢，令到本地樂迷能夠再支持唱片。」會唔會轉攻網上推出歌曲？阿Kay話：「聽到呢件事都好欷歔，我當然唔想，一路都想搵方法求存求變，聽到呢個消息都好沉重。」

至於老公張繼聰為蕭定一旗下藝人，有冇受事件影響？阿Kay話：「以我所知佢係電影部分，唔直接有關連，但詳情都要問番佢。」

同場嘅小齊被問到hmv清盤面臨倒閉，佢話：「o依家啲人屋企都唔買CD機，時代進步年代唔同咗，又係潮流轉變，工業革命變化，我哋歌手都差啲被人淘汰，好多人問我係咪出新歌，我都問你有買咩？山不轉路轉，路不轉人轉，要調整。」

(綜合報道/Apple daily)

【瘋傳第三胎爸爸係…】張栢芝終於發聲

2018-12-19

38歲張栢芝日前宣佈再生第三胎，仲喺微博話「小王子」已經滿月了。

不過BB生父嘅身份就一直成謎，網上就有傳小王子生父嘅身份最有機會係兩個人，分別係65歲嘅新加坡富商同埋大陸富豪孫東海。

不過昨日張栢芝工作室微博就有消息，個微博分享咗一段估計新加坡富商同孫東海係生父嘅新聞，但就唔係承認，而係簡單咁講咗句：「假的。」

之後栢芝工作室於微博上載「尿片蛋糕」的相片，並留言：「甜蜜時刻，彌月之喜，祝福我們的『小王子』健康長大」

相關新聞：

【BB好可愛】張栢芝小王子滿月照曝光！？ https://goo.gl/VLhNCC

【首晒「一家四口」】張栢芝：願與大家分享這甜蜜時刻 https://goo.gl/tfi9iz

【傳秘密誕下第三胎】38嵗張栢芝現發文宣佈… https://goo.gl/q19w6o

【歷經4次流產】38歲張栢芝被爆高齡誕B驚人内幕 https://goo.gl/9LNMb3

【強勢回歸！張栢芝突然PO相即引起網民⋯】https://goo.gl/BVSyRc

【超驚喜！張栢芝現身力撐⋯】https://goo.gl/tFHgeF

【精神方面就…】張栢芝「產後」警覺性極高 https://goo.gl/CeeVqj

【最新全身照曝光！張栢芝被捕獲喺⋯】https://goo.gl/bNz5oX

【傳張栢芝未結婚都願意為佢誕下第三胎視Lucas同Quintus如己出】https://goo.gl/QvJTHo

【係張爸爸介紹】張栢芝第三胎生父原來另有其人 https://goo.gl/P3sqye

【傳秘密誕下第三胎】張栢芝終於現身 https://goo.gl/wJkLmo

【傳張栢芝誕下第三胎】好友區永權就話… https://goo.gl/V9qBdF

【前妻張栢芝傳誕第三胎】前夫謝霆鋒被捕獲… https://goo.gl/rvEAnB

【傳緋聞女友張栢芝生B 梁釗峰回應⋯】https://goo.gl/JUe7Nt

【栢芝媽現身養和傳張栢芝已秘密出院】https://goo.gl/bCpRso

【傳收7千萬豪宅】傳張栢芝第三胎生父就係佢 https://goo.gl/Naitte

【震撼整個娛樂圈】傳張栢芝第三胎性別係… https://goo.gl/YBMgJS

【傳張栢芝再誕B】好友張文慈坦言覺得好驚訝 https://goo.gl/fVN9Fm

【好圓潤】張栢芝5月最後公開出席活動時孕味濃 https://goo.gl/XR2oKD

【前任新抱張栢芝傳已誕下第三胎】前老爺謝賢首回應 https://goo.gl/1cbXm2

【傳前妻張栢芝誕下第三胎】前夫謝霆鋒首回應 https://goo.gl/FdtYz5

【張母在養和探栢芝】傳張栢芝已順利誕下第三胎 https://goo.gl/ih6xja

（微博 / 綜合報道）

【正式升呢做賴太】奶奶激讚阿嬌！

2018-12-18

37歲鍾欣潼（阿嬌）正式升呢做賴太！今日跟台灣「醫界王陽明」賴弘國在尖沙嘴舉行註冊儀式，一對新人於4時10分才抵會場，記者叫佢哋停低影相，阿嬌急急腳邊行邊話：「我要趕住去換衫。」(相關新聞：https://goo.gl/y7X5Rg)

據知，註冊時間本訂於4點半舉行，約4時45分眾人才陸續步出露天場地，英皇老闆楊受成坐在第一行主人家位置，由律師主持註冊儀式。

着deep V花裙嘅阿嬌艷光四射，當阿嬌和老公讀出婚姻誓詞時，現場傳出歡呼拍掌聲，大會更出動航拍，儀式好簡約，阿嬌宣誓後，楊受成步上主禮台，之後一班姐妹行出去同新人影相。

親友紛紛企起身用手機拍照，大家都戥阿嬌開心。

榮升賴太嘅阿嬌深得老爺奶奶歡心，在註冊儀式舉行前兩老去洗手間，傳媒要求佢哋合照，兩人都好大方，問到新任奶奶覺得阿嬌點？賴老太笑容滿面表示：「很喜歡她，很棒！」再問想唔想快啲生寶寶？佢笑笑口冇答，身邊人則說：「唔好阻住，佢哋想去厠所。」

「龍虎豹蛇」好姊妹容祖兒、蔡卓妍(阿Sa)同埋鄭希怡(Yumiko)當然都有出席！佢哋下午4點左右陸續到場，祖兒梳起頭髮着住長裙及戴上黑手套同着住4、5寸高嘅鞋，打扮成個貴婦人咁。問佢送乜畀一對新人時，佢話:「冇乜特別，我送咗成個人畀佢。」因為現場保安唔畀傳媒做訪問，所以祖兒都唔可以企定定接受傳媒採訪，講完幾句之後入咗去會場。

阿Sa就着住貼身上衣襯間條長裙現身，佢見到現場咁多記者，都有揮手打招呼，而Yumiko就同埋老公一齊到賀。

古巨基老婆Lorraine近日傳有喜，基仔今日同老婆都有嚟，着住鬆身衫嘅Lorraine，步伐輕盈，但同基仔相隔10幾個身位，記者叫佢哋一齊影相，但基仔話:「佢話唔同我一齊影相喎。」

另外，到賀嘅仲有小豬羅志祥整容女友周揚青同關智斌等等，周揚青同阿嬌係老友，今日佢染晒金毛着住紅衫，一見記者影相即急急閃身入會場。

（綜合報道）

【原來出咗世三個月終於曝光】BB仔勁似爸爸

2018-12-18

與前妻早已有兩名女兒，再婚之後與現任太太誕下一名兒子！恭喜恭喜！

再婚的藝人周永恒（Roy），今年6月被爆與內地女友陳薇（Britni）入紙在港排期結婚，其後簡單簽字註冊。
與前妻趙頌茹育有兩個女兒的他…

9月時陳薇開刀為他誕下兒子，改名為周聖恩。

不經不覺聖恩已經三個多月大，Roy使和太太為囝囝搞百日宴。

肥嘟嘟的聖恩擁有一對圓睩睩大眼睛，非常似爸爸。

(on.cc)

【結婚10周年】梁漢文同太太相愛20年不離不棄：我哋會互相扶持

2018-12-18

梁漢文（Edmond）與太太林文慧於2008年結婚，不知不覺間已踏入10周年。

十年來夫妻二人經歷過唔少風風雨雨，太太於2011年確診乳癌，Edmond陪伴在太太身旁共同面對打敗病魔！

Edmond話最心痛嘅係太太喺患病期間仍然為佢搞演唱會事宜，佢話：「佢病冇講畀人知，最擔心係佢開會時不停吸二手煙。」

梁漢文曾經分享過：「呢五年無論食、生活同各方面都要特別小心，醫生指這類病只要五年內不復發，才算真正找回健康。2017年剛好踏入第五年，看到台下的太太健健康康坐着看我演唱會，這是世界上最好的情人節禮物。」

仲話同太太結婚咁多年最想同佢講嘅係：「感激佢對我好細心。」

而今日Edmond喺社交網上載二人於92年初相識時嘅合照，重溫昔日的日子外，並以此作為慶祝。

Edmond留言：「最近睇返（番）幅相先留意到，原來同佢認識嘅第一日喺92年4月6號，哈哈！嗰日有朋友幫我地（哋）影低咗呢一張兒時合照，都幾有記念性今日到咗我哋結婚10週（周）年嘅日子，從98年拍拖到08年結婚，呢20年我哋一齊領略過唔同嘅滋味，有喜亦有悲。發生開心事嘅時候我哋會盡情慶祝，遇到唔開心嘅事我哋會互相扶持。希望往後嘅日子你繼續健康快樂 #結婚10週年 #眨吓眼就到 #時間快到有啲驚」

祝佢哋身體健康，愈嚟愈恩愛！

(綜合報道)

【楊秀惠覺得好心噏】蔡思貝：好唔開心

2018-12-18

藝人蔡思貝、楊秀惠、曹永廉、徐榮、李嘉等在深水埗出席《大帥哥》之「開倉派米與民同樂」活動。

講到《大帥哥》在台慶頒獎禮「捧蛋」…

蔡思貝表示：「好唔開心，我覺得『大帥哥』（指張衞健）攞視帝係實至名歸，因為佢特登返嚟拍劇，同埋帶起番睇電視劇嘅情懷，好多人因為佢都重新睇電視，佢係功不可沒。」

楊秀惠亦對張衞健失落「視帝」感到很心噏…

「我哋冇獎冇所謂，但佢係一個好好嘅前輩，好有才華，佢亦付出好多，佢嘅無私精神令到大家好團結，好似一家人咁樣，我都有短訊同佢講，佢永遠都係我哋心目中嘅視帝，佢覆番我話多謝鼓勵。」

大家又覺得點呢？

(綜合報道 / on.cc)

【賴弘國攬實】阿嬌笑笑口現身

2018-12-18

37歲鍾欣潼（阿嬌）正式註冊結婚了！今日阿嬌跟台灣「醫界王陽明」賴弘國在尖沙嘴舉行註冊儀式，只邀請30多位至親好友見證，下午2時40分，阿嬌嘅座駕返抵西環寓所，約10分鐘後，阿嬌嘅座駕再度駛離寓所，出發到筲箕灣，原來是調虎離山引開傳媒。

由於一對新人欲低調進行，故在餐廳包場舉行註冊儀式，地點位於尖沙嘴海旁，可以盡覽270度維港靚景，一對新人可以望着海景作出山盟海誓，浪漫滿瀉。而餐廳的露天位置有5排座椅，以白色簡約佈置，有幾個花球點綴，賓客可望着海旁景色；今日天氣風和日麗，而露台外有草地，但因為海旁邊有小樹，故就算註冊儀式舉行時有船隻駛近，船上嘅人都未能分享阿嬌嘅喜悅一刻，私隱度極高。

約下午2時許已有傳媒聚集餐廳外，現場保安嚴密，有餐廳職員在扶手電梯位把守，而商場亦安排三、四個保安協助。在下午近3時，英皇工作人員抵餐廳，約3點半，開設婚嫁公司的梁靖琪（Toby）抵會場，未知她是否阿嬌婚禮的統籌人。

下午約4時10分，一對新人抵會場，新郎着白裇衫襯深色西褲，阿嬌着黑色上衫、灰色外套、白色鞋，當兩人在停車場由扶手電梯行落嚟時，老公好細心為阿嬌撥頭髮，仲攬住阿嬌條腰，讓傳媒拍攝老婆最靚一面。

記者叫佢哋停低影相，阿嬌笑笑口急急腳，邊行邊講：「我要趕住去換衫。」

冇停步即入會場。

英皇CCO霍汶希（Mani）拿着一袋禮物到場，記者問Mani送甚麼？佢表示：「我買咗幾隻豬啦，由古生古太開始，即係基仔結婚開始，都係一揪揪豬囉。」

記者笑指阿嬌講過唔要豬，Mani笑笑話：「我唔理啦，佢阿媽話最緊要好運。」問到註冊程序？Mani表示：「我真係唔知，主要都係簽紙啫，同埋今次阿嬌想低調原因，因為佢想正式擺酒先同大家分享喜悅，阿嬌唔想煩到人哋，唔好意思，我都同佢講呢個世界好難保密，因為始終有咁多人知道，所以呢幾日我都好辛苦，個個朋友問我，又唔可以答，好尷尬。」

問到今日有乜人嚟賀阿嬌？Mani話都係一班姐妹，問到佢嫁女心情點？Mani笑答：「唔係嫁女，係嫁妹。我覺得好開心，雖然好破費，英皇啲金豬畀我掃晒。」希望下隻金豬送畀蔡卓妍（阿Sa）？Mani話：「我買畀周勵淇先，希望下一隻金豬係紅姐（惠英紅）同阿Sa。」問到估一陣係咪好感動？Mani坦言：「有，我帶咗一包紙巾嚟。」