藝人楊證樺和太太沈可欣的第二個囝囝上月11日出世，他們大方在社交平台宣布喜訊，獲得網民洗版式的恭賀。
今日元旦日，證樺特別上載囝囝的嬰兒寫真照。
佢留言話：「Hello大家好，今天是2019年1月1日，我要同大家正式宣佈（布），我的名字楊宏信（SEAN），祝各位哥哥姐姐新年快樂，身體健康，心想事成！」
見照片中小小Sean被巨大的雙手抱起，一時扮小天使，一時架上眼鏡扮攝影師，非常可愛。
有酒窩似足媽咪！
當然也不忘附上一家四口的合照，幸福滿滿！
(IG/Ming pao)
【好Warm呀！】陳茵媺曬一家五口全家福：今年每個月都有⋯
藝人陳茵媺不時會教仔女勞作，個人充滿創意。
呢日陳茵媺在社交網分享新作品，原來她設計了一個2019年的家庭月曆，封面是一家五口的幸福合照，相當溫馨。
陳茵媺留言：「Our family calendar I designed has finally arrived today! Happy warm visuals every month of this year! Do you guys do one too? #design #familylife #familycalendar」意思她今日收到親自設計的家庭月曆，今年每個月都有快樂溫暖的視覺，問大家有無興趣也做一個。
將一家人相片製作日曆放閃真係好sweet！而陳豪就話：「呢個日曆都整咗好耐，全程由太太發版，盡量每年都希望可以有一個trip去做呢樣嘢，平時啲人就會將相片儲喺雲端，電子化聽落好方便，但未必會睇返，啲相如果有一個實質物件喺度，就會係一個好好回憶。」
(綜合報道)
【肚凸凸出巡】開心宣布佗豬B～
恭喜恭喜！剛踏入新一年就有喜訊！
兩人因為拍電影撻着，當時已傳出擦出愛火，不過就一直冇認拍拖，而上年就突然宣布已婚，之後就一直盛傳有喜，多次被影到肚凸凸出巡，最近仲被拍得去睇BB用品，令傳聞甚囂塵上！
內地男星馮紹峰同老婆趙麗穎今日喺微博正式承認準備做父母喇！
馮紹峰發文：「知否知否，應是一家三口」，老婆趙麗穎就轉發話：「等候等候 恭迎2019」，而馮紹峰講緊嘅「知否知否」就係夫妻檔所拍兼現正播放中嘅大陸劇《知否知否應是綠肥紅瘦》，順道為劇集宣傳，真係一舉兩得！
馮紹峰未有說明寶寶預產期及性別，而內地傳媒報道，趙麗穎已有身孕七個月，預產期今年三月，並且佗男胎，而兩人去年奉子成婚只領證結婚，一切從簡，未有拍婚紗照及擺婚宴。就快做老竇嘅馮紹峰向親友表示，當日不拍婚照是怕趙麗穎有身孕不方便，等寶寶出生後會去補拍，至於婚宴則有可能與寶寶百日宴一起慶祝。
兩人因為拍電影《西遊記女兒國》撻着，當時已傳出擦出愛火，不過就一直冇認拍拖，而趙麗穎喺上年10月16日生日就突然晒出領證照宣布已婚，之後就一直盛傳有喜，多次被影到肚凸凸出巡，最近仲被拍得去睇BB用品，令傳聞甚囂塵上！
馮紹峰就試過喺微博發文寫上「從此1+1=4」，引起佗雙胞胎猜測，不過隨即秒刪貼文！如今，「唐僧」馮紹峰都變老竇，「國王」都做媽媽，網民都留言祝福佢哋呀！
(on.cc)
【平民燕窩一樣滋補】桃膠、雪燕、雪耳邊款最有效？
秋冬的時候天氣乾燥，皮膚容易失去水份，這時最適合煲湯水滋潤一下。相信女生們對於桃膠、雪燕、雪耳3款食材並不陌生，又經常可以在湯水、糖水中看到它們的蹤影。這3種食材雖然價格沒有燕窩昂貴，但是滋補養顏的功效卻可與燕窩媲美，因此又被稱為「平民燕窩」，究竟它們有甚麼功效令愛美的女生愛不釋放手呢？那一種最有效呢？
桃膠主治尿道炎
桃膠是桃樹為了修補樹上裂痕而分泌出來的半透明樹膠。不過其實桃膠較少用於美容功效上，除了煲湯時會用到桃膠外，一般大部份時間桃膠都會用於糖水。
1. 治療淋證的病
患有淋證的病的患者，如泌尿系結石，可以透過服食桃膠得到舒緩和治療。
2. 有助腸道健康
由於桃膠屬滋潤的食材，所以能夠達到潤腸通便的功效，對於有便秘的人來說也是一大福音。另外，腸胃的狀況有改善的話，皮膚的質素相對也可以得到提升！
雪燕滋陰潤膚
雪燕是植物雪燕樹木髓的分泌物，驟眼看上去形態確實與燕窩差不多。在美容功效方面，雪燕本身的質地膠質較重，黏性也相對地高，所以美容滋潤皮膚的功效比桃膠略勝一籌。
1. 滋潤皮膚
雪燕質地較黏，膠質較重，對於乾裂或有乾紋的皮膚亦有一定的功效，它可以幫助滋潤皮膚。
2. 促進美容排毒
雪燕同樣有潤膠通便的功效之餘，又可以幫助身體排解毒素，減少肌膚上的黑色素，保持白滑。
雪耳
雪耳是生長在枯木上的一種膠質類的真菌，雪耳又名為銀耳，很常聽到用於糖水和湯水之中，如木瓜雪耳糖水，又或者與白果煲成湯水。
1. 溫肺益胃
雪耳的滋陰護膚功能大家皆知，除了美容護膚外，雪耳還可以達到潤肺的功效。因為它的性質為性平，所以可以幫助體內增加水份，益胃生津。
2. 補腦提神
雪耳有補腦提神之功效，有醫學研究證明，雪耳中多種的糖類物質可以抑制惡性腫瘤的生長。
總結：
桃膠在美容功效上仍然有代證實。最貴的雪燕滋陰，對皮膚乾燥及保養均有功效。雪耳在中國史書上也有記載，向來被視為保養食材，保益效果相對平和，而且較為可靠。最平的雪耳勝！
(新傳媒 / sina)
【元旦報喜】宣布已經與圈外女友拉埋天窗！
今日報喜，佢已於昨日除夕同27歲圈外女友註冊結婚，升呢做人夫！佢話：「定能與對方組織溫暖家庭，已決定今後一起生活。」
與27歲女友相戀三年，昨日入紙，唔係奉子成婚，而兩人暫未定幾時擺喜酒。
據女方友人爆料，佢話兩人於五年前透過友人認識，拍拖兩至三年，早已展開同居關係。
日本男子組合EXILE嘅43歲成員MAKIDAI今日喺官方網站報喜，佢已於昨日除夕同27歲圈外女友註冊結婚，MAKIDAI話：「定能與對方組織溫暖家庭，已決定今後一起生活。」據其事務所透露，MAKIDAI與27歲女友相戀三年，昨日入紙，唔係奉子成婚，而兩人暫未定幾時擺喜酒。
近年MAKIDAI除咗係EXILE成員，MAKIDAI仲以PKCZ成員身份從事音樂活動。而MAKIDAI去年三月曾被拍到與新婚老婆嘅約會照而爆出戀情，當時指其另一半係與安田美沙子相似嘅靚女，據女方友人爆料，佢話兩人於五年前透過友人認識，拍拖兩至三年，早已展開同居關係。
(apple daily)
【2019已經有哂目標】袁偉豪話同張寶兒⋯：要係夫婦檔
藝人袁偉豪（Ben）昨晚到大埔超級城出席倒數活動。
新一年剛到，Ben也已經定下新目標，就是想重拾十多年前的樂隊夢，找志同道合的樂手班底組隊表演，希望給觀眾認識演戲以外的他。
他說：「過去一年所定嘅嘢，好似相集都做到，年尾攞埋星馬視帝，係錦上添花，新一年想再幫自己定新目標，做啲唔同嘅表演，早前我雲頂做咗個騷，都幾好玩！（做歌手？）唔係想做一個歌手，業餘玩吓都好開心啦，呢個係十幾年前嘅夢，趁依家仲有一團火，就想試吓！」
講到與女友張寶兒分道揚鑣賺錢，佢話：「有冇得合體做嘢都要睇公司安排，自己同女友都冇乜所謂！（想一齊拍廣告？）等結婚先啦，要係夫婦檔就有意思啲！（咁幾時結？）順其自然啦，2019其實未係時候，要計劃吓嘅！」
(on.cc)
【承認有圈外人⋯】唐詩詠：愛情有就有
唐詩詠、王浩信、姜麗文噚晚喺鑽石山出席倒數活動，唐詩詠近日傳撻著姚子羚舊愛鄭子邦(的士邦)，一齊去禪修做善事，唐詩詠話：「以為自己單身可以好正，點知所有男性動物都被形容為我伴侶，覺得唔好意思，呢個團隊三十幾位義工，全部都認識，亦唔係第一次一齊去做義工。我唔想影響人哋，今次傳呢個，下次傳第二個，我都用咗好多時間去學習，依家學識咗都想教人。」
當日被捕捉畫面，顯見兩人關係都幾好，有冇發展可能？詩詠就話：「話我哋幾好就係最奇怪地方，我哋大家都係做義工，唔可以話人唔好，話好就會有無限聯想，將來未發生事唔去評論，我哋只係上堂，發展呢啲唔會去諗。」
詩詠又透露現時有一位追求者係圈外人，但就好秘密話：「唔講，講咗會冇。」新一年願望係咪希望可以搵到合適伴侶？佢話：「梗係工作先啦，嚟緊會拍動作戲，挑戰難度，女人要努力搵錢先，愛情有就有，冇都有錢，所以有冇愛情都要努力搵錢先。」
今年屢傳婚變王浩信雖然多次否認，噚晚佢話倒數前喺屋企食完飯先出來工作，仲話：「太太唔使開工，我出嚟搵食，新一年希望工作有新嘗試，除咗演技亦會努力做音樂，夢想係踏上一次紅館，以前感覺好渺茫，但o依家朝呢個方向，希望獲得唱片公司賞識。」來年願望會唔會想少啲傳婚變？王浩信話：「要回應嘅都回應咗，希望樣樣都正面啲。」一家三口多啲出嚟闢謠？佢就話：「我會維持番自己作風。」
(Apple daily)
【網民勁嗌恭喜】收花冧爆攬住留言⋯
早前被傳同男友去結婚兼度蜜月，之後佢就突然喺社交網站上載同一男子攬攬合照，佢仲揸住束花，網民都紛紛嗌恭喜，唔通真係。。。
上年10月公開戀情，兩人一直關係穩定。（相關新聞：https://goo.gl/MKPn7c）
台灣女星許瑋甯早前被傳同男友去摩洛哥蜜月結婚，後來佢透過經理人否認婚訊。
不過佢就突然喺社交網站上載同一男子攬攬合照，佢仲揸住束花，網民仲紛紛嗌恭喜！
真係結婚啦？
其實係佢套網劇《Ai在西元前》終於正式拍攝完畢，佢喺社交網站上載煞科照片，相中見到佢着上白色飄逸嘅戲服，喺夕陽下依依不捨攬住工作人員。
佢有感而發留言：「2018充滿著（着）溫暖和驚喜，被工作填滿也學習到很多新的東西，懂得捨得。不再勉強自己做不喜歡的事⋯⋯讓身邊留下真正的朋友並活在當下⋯珍惜享受跟家人聚在一起的時光終於可以好好過個年了⋯」並透露該網劇將於今年暑假播出。
(on.cc)
【男友買樓冇落佢名】馮盈盈認有鬧交：大家諗法好唔同
藝人馮盈盈、傅嘉莉、張寶兒、張景淳、伍富橋及張啟樂等到屯門V City出席倒數活動，鬥擺甫士及玩遊戲。
期間新鴻基地產代理有限公司租務副總經理孫雅茵送上願望板，讓藝人寫上新一年願望，盈盈表示想表演唱歌，笑言只有她這位嘉賓沒有獻唱：「我仲未練好歌，希望抽到時間練好啲，依家噪音方面嘅功力就唔錯。」
2018年奪得飛躍進步女藝人的盈盈表示將拍攝新劇《極道怪咖》，跟主角王浩信等都未合作過，是一次大挑戰。
她又透露男友「寶寶」最近置業，兩人要搞裝修及買傢俬，身為女主人的盈盈非常投入：「但大家諗法好唔同，都有鬧交，我希望可以上鏡啲畀我開live，佢就想簡約啲，惟有互相讓步。（新屋有冇你名？）冇我名㗎！畀我留番首次置業Quota啦！（新一年大計包唔包括結婚？）寶寶買咗樓，冇晒錢喇！惟有再努力啲工作儲錢，所以我哋聽日慶祝元旦，都係要節儉，始終佢有供款壓力。」
(on.cc)
【生唔係問題】陳豪：坦白講我哋都⋯
陳豪與太太陳茵媺及三個小朋友剛到澳洲探親及享受陽光與海灘，過一個熱辣辣嘅聖誕節！
一家人難得可以夾到時間一齊去旅行！
見到啲相都feel到佢哋玩得幾咁開心！
相關新聞：
【激罕帶仔女去⋯陳茵媺超有心思全部一腳踢】https://goo.gl/ta77CK
【已經plan好哂 陳豪陳茵媺一家五口超溫馨！】https://goo.gl/7fn8PU
享受完假期就要繼續努力工作，昨晚陳豪在鑽石山荷里活廣場出席除夕倒數活動。
陳豪指出席活動前亦與小朋友食飯慶祝除夕，不過就未能與小朋友倒數慶祝：「咁年年都係咁，除夕倒數係一個搵錢機會，太太亦都明白，太太都支持做嘢先。」
問到陳豪新年願望可希望再生多個BB？他笑說：「生唔係問題，最緊要係養同教，依家小朋友開始大都幾忙，但坦白講我哋都鍾意小朋友，遲啲先再諗，搞掂呢三個先啦。」
陳豪仲話希望咖啡生意擴充開分店。
(綜合報道/on.cc)