【被問到吳千語想…】林峯自爆聖誕節唔係同張馨月過

2018-12-16

藝人林峯以六福珠寶「愛恆久」系列代言人身份出席「2018六福珠寶賽馬日」。

跟品牌合作多年，會否經常送珠寶給家人或另一半？他就表示：「我都好多謝六福，好多朋友百日宴或者長輩生日，我都會送金銀珠寶，我會攞discount，亦會買來孝敬父母，所以屋企都幾多呢啲。」林峯又表示始終有一日會踏入人生另一階段，所以都希望品牌到時可以贊助他，問到不是應該父母傳給他嗎？他笑說：「我呢啲靠自己，講心嘅，唔講家傳之寶。（屋企有冇家傳之寶畀你？）啲人成日話我去旅行買手袋，其實我係買畀媽咪，我成日同佢講要當手袋係藝術品，將來就會成為家傳之寶。」

此外，他笑言已經忘記第幾年入馬場出席這個品牌的活動，並表示跟品牌合作了很多年，每次到馬場差不多都是為工作，但本身是馬會會員，當時申請馬會會籍，主要都是想父母可以進場食飯，因為他認為馬會的東西很好吃。問到會否考慮做馬主？林峯坦言：「好多朋友有問過我，我出年先諗吓，可以當係一個地方或者活動聚會吓，但我完全唔識賭馬，我試過口噏就中，自己買又未必中。（如果做馬主會唔會幫隻馬改名，例如叫玉樹？）未諗到咁遠喎，都要睇吓朋友意見。」

問到聖誕節將如何度過？林峯表示：「會同一個細細個就識得嘅好朋友，同埋佢一家人過，因為我啲屋企人聖誕節通常係打麻雀過，我又唔識打，覺得有啲悶。」

「（咁會唔會帶另一半張馨月出席？）感情事唔講啦。（有傳聞指吳千語想翻兜你？）」

「感情事真係唔想分享咁多。（係咪有開心事先至會分享？）其實一年前都同傳媒朋友講過，想大家專注我嘅作品上面，其實我今年有四套作品，係好多人一齊嘅心血，唔想每次出嚟都係花咗心機喺其他嘢上面，希望大家睇到自己的作品。」

(on.cc)

【下周出嫁】準新娘江若琳宣告失敗：好崩潰

2018-12-16

藝人江若琳出席聖誕活動，表示這是2018年及婚前最後一個活動，做完這單就收爐，問到下星期日與蕭潤邦（Oscar）結婚的她準備成點？

她即大呻：「好崩潰，因為之前忙住拍劇同廣告，搞到唔得閒搞，我諗我係世界上就嚟結婚都仲未派晒帖嘅新娘，我係上年宣布結婚，之前仲一直懶懶閒，但點知突然就到結婚。」

她亦大呻擺酒排位很頭痛：「原來排位係好深嘅學問，要諗下邊個同邊個坐會有話題或者有冇不和，因為我哋想嚟嘅賓客可以開心。」

問到Oscar到時可會準備驚喜給她？她表示：「夜晚成個Rundown都係佢決定，我唔知佢準備咩，但我叫佢唱歌，但佢話唔會唱。」

問到試了婚紗未？她笑言：「都未。」問到可要減肥？她又呻：「要呀，之前一直拍劇，本身以為同劉美君拍劇可以減肥，因為以為佢係食得清淡，點知佢成日叫外賣，搞到我減肥失敗，所以依家淨低一個星期會努力做運動。」
近日與劉美君忙於拍劇。

問到婚紗可會性感？她表示：「唔會，唔係好性感，背脊會有少少，都係騷啲最見得人嘅地方。」她亦表示27日就會飛去英國度蜜月，笑言：「但又係乜都未Plan，諗住忙埋結婚先，依家淨係訂咗機票，會去15、16日，諗住到時會去睇波，可能會去埋西班牙睇波，係睇波之旅。（唔係造人之旅咩？）睇吓造唔造到先，順其自然，都想結完婚冇耐就有個BB，但BB都係睇緣分。」

（on.cc）

【要盡量控制住自己脾氣】44歲郭羨妮：真係好似發緊夢咁

2018-12-16

藝人郭羨妮（Sonija）以似V露膝短連身裙現身《2018六福珠賽馬日》，騷長腿展示性感。問會否投注？她笑言自己懂得策騎，但對投注沒有心得，志在參與。

提到聖誕節的節目，她表示要陪囡囡溫書：「因為放完聖誕假佢就要考試，所以主要係陪佢溫書。不過溫書期間都會同老公帶佢去主題樂園，咁先可以有bargain power（討價還價的力量）叫佢繼續溫書。（囡囡讀書辛唔辛苦？）佢功課好多，都有呻好辛苦，而我就負責督促佢做功課。」

「（怕唔怕影響母女感情？）就係怕，所以我都有同佢講，話如果真係搞唔掂就要去補習。同埋有時見佢學完啲嘢轉頭又話唔識就會好忟，所以都盡量控制住自己啲脾氣。」原來今日是囡囡跳舞比賽，但Sonija要出席活動未能現身支持：「所以派咗我媽咪去代我打氣。」

由於有橫財命，經常抽中禮物：「我記得第一年入TVB，台慶嗰陣我係有份做司儀，點知無啦啦畀我中咗架車，真係好似發緊夢咁。同埋都試過抽到唔少現金獎，不過六合彩就未中過，可能啲財運係自己送埋嚟，唔使自己買。」

(on.cc)

【預產期係…】大肚陳凱琳：你知呢啲嘢唔可以後悔

2018-12-16

藝人陳凱琳（Grace）身穿白色露肩晚裝配搭名貴首飾出席「2018六福珠寶賽馬日」，腹大便便的她仍穿上5吋幼跟高踭鞋，她說：「今日對鞋係比較高少少，但係呢條裙要襯高鞋，佢有Platform都OK。（老公鄭嘉穎知唔知？）佢知道呀，都OK嘅。」

至於嘉穎日前出席活動，透露Grace不用他送聖誕禮物，笑言可能是「戙」他，記者笑指嘉穎可能有被害妄想症。

對此Grace笑說：「其實佢出活動前，我同佢出街食飯，我講過話今年互相唔使送禮物，因為唔想有壓力諗送咩，嗰刻佢又話OK，點知出到嚟就咁同你哋講。（但呢一個係你哋婚後第一個聖誕節喎？）咁咪夠晒特別囉。」
Grace今日還會擔任模特兒行騷，她表示會小心一點，幸好有兩位男士會陪着她。她又透露自己較喜歡簡單款式的珠寶，問到嘉穎送過甚麼名貴的珠寶給她？

她說：「咪就係結婚戒指囉，有時都唔捨得戴，驚洗手會甩咗，你知呢啲嘢唔可以後悔。（屋企有冇家傳之寶留畀你？）咁我又冇問過喎。（有冇諗過買定啲珠寶畀小朋友？）都有傾過呢個問題，大啲就會送畀佢，有諗過送畀BB做出生禮物，到佢識欣賞時，成件事就好完美。如果係生女嘅，就直接傳番畀個女，如果係生仔，就等佢送畀個老婆。不過依家性別都要保密，應該。」

問到預產期是近春天還是夏天？她謂：「要再check吓，不過我依家佗得好舒服，因為冬天佗BB冇咁熱，大肚之後熱啲，我已經佗得舒服過媽咪，我係6月出世，媽咪當年仲要佗住兩個，好辛苦，我有啲咩唔識都會問佢。（你之前話自己肥咗10磅，依家仲有冇體重飆升？）我已經唔敢再上磅，驚畀到無形壓力自己，因為好多人都話要減幾多先至可以返番之前咁，我淨係想享受做媽咪，佗BB嘅過程。」

(on.cc)

【好姊妹佘詩曼爭住攬】姚樂怡3歲囡囡超靚女！

2018-12-16

藝人姚樂怡囡囡吳芊憧（Gaibe）22號3歲生日，佢同老公就提早搞咗個生日會，一班好姊妹鍾麗淇、湯盈盈、文頌嫻同周家蔚都帶埋小朋友出席，而單身嘅佘詩曼（阿佘）就單拖赴會，非常熱鬧呀！

姚樂怡喺網上分享多張相片，一家三口合照時，Gaibe擺出一個3字手勢，非常可愛！

樂怡留言：「小雞髀契爺契媽，我的好姊妹好兄弟!!! Thanks for coming!! 」而好姊妹佘詩曼一向鍾意小朋友，當然唔會放過集郵機會啦，除咗攬住壽星女合照..

仲有周家蔚同洪天明兩個囝囝。

湯盈盈
呢張合照超溫馨！

好多網民都話阿佘唔只觀眾緣好，就連小朋友都好鍾意佢，仲乘機催佢快啲搵個對的人組織家庭啦！

(ig / 綜合報道 / on.cc)

【黃智雯龔嘉欣謝安琪急慰問】突宣佈缺席今晚台慶：嘔吐發高燒全身紅疹

2018-12-16

佢剛剛喺社交網上載一張佈滿紅疹手臂相，透露：「免疫力系統爆煲，今朝6點開始便嘔吐高燒，加上全身紅疹，今晚應該出席不了公司一年一度的盛宴了～～（《萬千星輝頒獎典禮》）預祝各位載譽而歸💕💕我會在家支持大家。」

相中見佢隻手臂出晒紅疹，情況令人擔心，唔少粉絲都好關心佢，仲叫佢要休息多啲！

由於情況太恐怖，好多藝人都留言慰問，黃心穎同歐陽巧瑩叫快啲去睇醫生。

陳敏之、龔嘉欣、何雁詩、黃智雯、張景淳、譚杏藍等都叫佢要保重。

而謝安琪就用英文留言：「Take care babe,have plenty of tests and stay calm and warm.」

藝人吳若希（Jinny）平時忙於工作之餘，又要照顧一歲幾嘅囡囡淼淼，近日佢終於撐唔住病倒！

3日前Jinny仲孖老公出席無綫盆菜宴，當時仲好開心與同事合照，估唔到短短幾日病情爆發！真係要多多保重身體！

(facebook / 綜合報道)

【百佳惠康屈臣氏HKTVmall密切關注】集團涉隱瞞爽身粉含致癌物47年

2018-12-16

外媒報道，嬰兒用品公司強生（Johnson & Johnson）早在1971年或之前，已從內部測試得知產品含石棉，但未向當局報告，強生的律師否認指控。強生爽身粉在香港亦有售，有零售商表示適當時候會安排將貨品下架。

石棉可致肺癌、喉癌、卵巢癌、間皮瘤。儘管大多數暴露於石棉的人士沒有患癌，但某些人即使少量石棉已足以在幾年後引發癌症。

本港有出售強生爽身粉的惠康、百佳、屈臣氏、HKTVmall等均表示密切關注事件，將與供應商保持聯絡，並留意衛生署的指引。衛生署回應指，一般要視乎石棉在爽身粉裡的含量，以及使用時間和方法等因素，才能判斷引發的健康風險。

海關則表示會密切留意事件，一般在香港出售的私人用途消費品會受《消費品安全條例》規管，產品須符合由標準檢定機構公布的合理安全標準。

有記者在市面發現強生爽身粉的成份註明含滑石粉，香港醫院藥劑師學院會長崔俊明強調，在港有售的強生爽身粉雖含滑石粉，但不代表一定含石棉，需了解產地、滑石粉來源、製造地點及時間。他指石棉是致癌物，若人長期使用含石棉的爽身粉，有機會吸入石棉，或致肺癌。

對於強生被指得悉其爽身粉含石棉但未有公佈，家長陳小姐直斥做法「無良」。她稱長子曾用強生爽生粉，「之後聽過話爽身粉會阻塞毛孔，就唔敢畀佢用，出汗就用毛巾抹」。

路透社報道指，強生集團隱瞞其爽身粉含有石棉達47年，可導致使用者患癌，但強生反駁報道是陰謀論。強生今年7月被美國密蘇里州法院裁定需向22名報稱因使用強生爽身粉而患癌的女子，賠償共46.9億美元（約368億港元）。

強生現時亦正面臨至少4500宗相關指控。此消息更拖累強生股價於當地時間周五（14日）暴跌逾10%。

(綜合報道 / apple daily / singtao)

【成功懷孕狂比人鬧】BB被批係不幸：我會努力成爲好媽媽

2018-12-16

她發文表示，認為孩子幸福與否，不是取決於父母的職業，並留言：「我會努力！我想成為一個好母親」

35歲的日本前AV女優蒼井空，日前與老公DJ NoN近日現身台灣記者會，宣布現已懷孕5個月。喜訊公布後，不少網民都送上祝福，亦有人留言批評。

蒼井空前日於網誌以日文留言分享即將為人母心情，她表示今年元旦宣布婚訊後，已收到留言指：「AV女優要生小孩的話，小孩就太可憐了。」

她表示已有心理準備，將來自己的孩子遭受欺凌的機會率很高，但她仍渴望有自己的孩子。蒼井空又表示自己家人及親戚都知道她拍AV的事，她的父母從小尊重她的決定。

她認為小孩幸福與否，不是取決於父母的職業，並留言：「我會努力！我想成為一個好母親」

蒼井空在微博發文

(微博 / 綜合報道)

【豬女定豬仔？】黎諾懿：會獎勵太太

2018-12-16

藝人黎諾懿現身廣告頒獎典禮。

另外，講到視帝，他表示希望能跟《BB來了》的拍檔李佳芯齊齊攞獎。

他表示希望與《BB來了》拍檔李佳芯一同奪獎

劇集被指非常貼地，訴盡新手爸媽心聲。

但承認對手強勁：「好開心可以同張衞健、馬德鐘競爭，但攞獎好講運，好開心拍到套好劇，我會全力爭吓。」

張衞健《大帥哥》演出獲同劇演員激讚，角色亦備受觀衆喜愛！

馬德鐘《跳躍生命線》飾演救護員由播映至今呼聲甚高，此劇集亦大受歡迎。

他透露今年拍了八個廣告，非常開心，希望下年再接再厲並笑言自己很抵用。

問到會否買禮物好好獎勵自己？

他說：「會獎勵太太，之前結婚周年我送咗粒綠寶石畀佢，希望下年可以送大粒啲，同埋希望可以生個女，依家已經『造緊嘢』，全力以赴，呢個係明年最大嘅project，生個豬女，如果豬仔都OK，不過生埋呢個唔會再追，因為要精神去湊。」

他指囝囝很黐自己，由凌晨三時陪他玩到朝早六時。

(綜合報道 / on.cc)

【太太朱麗倩囡囡劉向蕙首次堂堂正正】劉德華：今年小一煩啲

2018-12-16

一連20場「My Love 劉德華世界巡迴演唱會」前晚在紅館正式開鑼。

劉德華(華仔)首次讓太太和女兒坐在觀眾席大方面對傳媒下欣賞他的演出。華仔突然變得不再將太太和女兒隱藏，最大原因應該是墮馬事件發生後的經歷，讓他想通了人生最重要就是一家人樂也融融的相處，所以這次華仔安排了爸媽、太太和女兒一起坐在觀眾席上欣賞他的演出直至完場才離開。

受訪時問到女兒劉向蕙和太太朱麗倩也是首次那麼公開地露面？華仔指出，這是女兒看他的第一個演唱會。

不過，傳媒指出，他的太太卻不是第一次看他的演唱會？華仔說：「太太有來看，你們也影過她。」當傳媒指他的太太首次堂堂正正不用避傳媒坐在觀眾席。

此時，華仔即時大男人上身說：「我是一家之主，當然是我話事。以免你們亂寫喇！說我避這處避那處，大大方方便算。」這次華仔將紅館天花變成投射畫面，其中一幅彩色一家三口的圖畫，原來是出自華仔女兒的手筆，華仔說：「這是她交的功課，(有版權喎！女兒同意嗎？)她那麼細，版權是爸爸擁有。(事前可有教女兒怎樣面對傳媒？)我自己練也不夠時間還教她。(驚不驚女兒只願意看你一場演唱會？)驚架！」