三月公開新戀情嘅佢收收埋埋，之後極速閃婚！
曾先後戀上藝人吳卓羲、李晨等嘅張馨予今年八月結婚。
不過內地就有消息指她現時懷孕五個月，故令不少網民懷疑她奉子成婚，縱是如此，也有不少人都向她送祝福。
而內地傳媒於八月時已於家具城見到張馨予，當時她的小腹已微微隆起，被指已有身孕。
但其經理人只回應：「藝人的私事，我們不了解。」而今次指她懷孕五個月，傳媒亦有向其公司問及此事，但就未有答覆。
(綜合報道/on.cc)
【仔仔好乖咁…】陳茵媺好惆悵
藝人陳茵媺（Aimee）同陳豪結婚5年，婚後育有兩子一女，一家五口生活幸福美滿！
話咁快原來大仔梓燁（Aiden）已經5歲、細女凱婷（Camilla）亦已經2歲大。
日前5點幾，一身街坊打扮嘅Aimee，帶住三歲嘅二仔浩鋒（Nathan）喺香港仔大街行街。
原先被抱住嘅Nathan，因為扭計要落地，最後兩母子手拖手行。
Aimee似喺度搵緊地方，邊行邊搵，路過有趣嘅聖誕佈置時，Aimee又會同囝囝影相留念。
最後佢哋去到香港仔中心，入咗一間連鎖玩具店。
入到玩具店後，Aimee似有意大手掃貨，先拎起兩個店內提供嘅購物袋，跟住就好細心咁逐樣玩具攞起嚟慢慢揀，仲不時詢問身邊嘅店員，每一件玩具嘅出處同相關卡通片。
見Aimee將「變形金剛」玩具同時興嘅「爆旋陀螺」比較，見佢個樣好惆悵，似乎難以取捨。而Nathan就好乖自己去挑選玩具。
經過一個鐘嘅精挑細選後，Aimee最後買咗一大袋玩具同花紙離開。離開嗰陣，Aimee接受訪問話臨近聖誕，所以買定啲玩具畀自己同朋友嘅細路仔，大家開心喎。
(Apple daily)
【竟然仲未⋯】大肚張名雅要「催生」
藝人張名雅今年七月宣佈再度有喜，一家三口即將變成一家四口！
轉眼間名雅已經臨盆在即，呢日佢喺社交網發文，指原來今胎仲有兩日就已經滿39周。
但係bb似乎仲未喺媽媽個肚入面瞓夠，遲遲唔肯出嚟，搞到張名雅都好心急！
佢仲留言「催生」，佢提到：「Two more days till 39 weeks pregnant!（還有兩天便懷孕滿39周） BB你係唔係等我今日返TVB食埋一年一度嘅盆菜宴抽埋個大獎先出世同我哋見面呢？」
佢仲拎BB嘅超聲波圖自拍，話係同BB嘅合照，睇嚟佢已經急不及待想見到BB啦！
(on.cc)
【傳張國榮係媒人⋯ 】毛舜筠：我真係好嬲
毛舜筠去年成為了藍帶廚師，今年憑《黃金花》奪金像影后，上星期榮升老闆娘在灣仔開設曲奇餅店，喜事一浪接一浪！這間餅店是她和美術指導老公區丁平（Tony）的心血結晶。
區丁平是毛姐的第三任老公，毛姐的感情世界經歷過滄海桑田，17歲花樣年華的她跟張國榮（哥哥）有一段puppy love，當年20歲的哥哥向毛姐求婚被拒；毛姐於21歲嫁給首任老公文舒揚，婚姻維持3年；29歲嫁給第二任老公蔣家駿，婚姻維持5年；35歲跟區丁平閃婚，其實兩人相識多年，原來幸福早已在身邊！
談到一直有傳當年是哥哥介紹兩人認識，毛姐好氣又好笑：「梗係唔係啦，其實呢個謠傳傳咗幾十年，我真係好嬲，不過我懶得去澄清，嚴格嚟講，穿紅線嘅人係梁太（梁李少霞），但佢又唔係介紹人，因為我哋識咗好耐，大班朋友成日去梁太屋企聚會，我哋根本唔需要人介紹，已經識咗幾十年，喺同一張枱食飯唔知幾多次，只不過係梁太見到我哋都single，曾經約我哋食飯，就係咁之嘛，食吓食吓就開始拍拖，同哥哥完全無關，哥哥只不過喺我結婚時有出現，同埋佢知我同Tony拍拖時，佢話：『正喎！』就係咁唧，戥我哋開心。」
愛情可以改變一個女人，曾經十指不沾陽春水的毛姐，為了區丁平甘心做「煮」婦。「因為我以前成日都拍戲，人哋問我識唔識煮嘢，因為我唔識，但話畀人聽唔識好似好低威，所以我話：『我做大事㗎，哈哈！』而同Tony結婚之後，佢唔鍾意出街食飯，佢要食住家飯，但我唔識煮，咁點算呢，問老友梁李少霞，佢煮得好好，佢每日教我一個餸，教教吓將《方太與我》送晒畀我，自己一日煮兩個餸，一路加落去，到o依家入廚24年，如果唔使開工，每餐都係我煮。」
結婚24年，毛姐和老公的感情如細水長流：「o依家升華到唔同level，好似兩嚿好多棱角嘅石，經過24年磨合，完全了解同適應，好似睡衣同拖鞋咁，好舒服，好知道佢性格係點，如果明知道會辣着就唔講，佢最鍾意食，所以成日都整嘢畀佢食。」
一家四口幸福美滿！
愛上烹飪後，毛姐發覺煮餸跟做戲的滿足感很相似：「不斷聽到有人話我知：『《家有喜事》睇咗幾十次，好鍾意，連對白都完全識背。』我好開心，煮餸一樣，當你煮出嚟之後，見到食嘅人鍾意，某程度上滿足感仲大過做戲，因為做戲只係扮演一個角色，有其他人分工合作，但煮餸由買料到煮，所有嘢全部都係我一個人做。見到鍾意嘅人、屋企人、朋友食得開心，好enjoy！」
入行40幾年，毛姐由電視台拍劇捱起，今年才首嘗影后滋味，其間歷盡辛酸：「其實電視台嘅日子都辛苦同難捱，晨昏顛倒，好多角色唔到你揀，有啲角色唔係好想做，譬如性格唔連貫，夾硬做，電視劇慘在有幾個導演，甚至乎有好多個編劇，拍攝時間好長，瞓都唔夠，唔好話再去研究點解角色唔連貫，亦好難搵邊一個去傾，好多時出現呢啲問題，所以係難嘅，不過，亦可以咁講，因為經歷咗40幾年演藝生涯，冇乜嘢係我未見過。」
(apple daily)
【卓林Andi搵媽媽幫手】吳綺莉首PO文：昨天的事⋯
藝人吳綺莉（Elaine）的19歲女兒卓林與31歲太太Andi於11月8日喺加拿大多倫多結婚，日前返港定居，未有返屋企同媽咪吳綺莉一齊住。
但表明「I don’t have any money」嘅卓林，前晚被所入住嘅賓館東主再次催租2,250元，結果驚動吳綺莉收拾殘局。
昨日下午一時許，吳綺莉、卓林同Andi一同去咗兩間銀行，其間吳綺莉未有就事件表態(相關新聞：https://goo.gl/di2WN2)。
吳綺莉晚上約9點，終於更新facebook，以笑臉表情指「覺得活著真好」。
佢留言話：「昨天的事放下，今天的事做好，明天的事再算，感謝天父感恩每一天。」而朋友們就留言支持：「知道你的偉大。」
相關新聞：
【好想同媽媽修補關係 卓林拍片尋父：我需要答案】https://goo.gl/KktJX4
【吳綺莉態度180度轉變…Andi：我覺得很受傷】https://goo.gl/eoDUfq
(Apple daily)
【唔係戚美珍】苗僑偉超高調：我的情人
藝人苗僑偉（三哥）向來都係好好先生，除咗對老婆戚美珍錫到燶之外，同仔女相處亦有一手，尤其對囡囡苗彤（Phoebe）寵愛有加，之前孖住囡囡出席活動時，佢大方表示唔會過問仔女嘅感情事，會抱開通態度，認真係廿四孝老竇！
之前仲一齊去賀仔仔苗晉大學畢業！
近來有好多前輩級嘅藝人都加入IG行列，好似汪明荃、李司棋等，汪明荃最近仲帶起「汪阿Tag」熱潮，搞到好多後生仔女都跟住Tag埋一份！
三哥近日都終於加入IG大家庭啦！原本只係玩開微博嘅三哥兩日前就開咗個IG帳戶，而三哥IG甫嘅第一張相亦係同一對子女嘅合照，暫時未見三嫂戚美珍嘅倩影，三哥仲識得Tag埋一對仔女嘅帳戶添！
雖然苗僑偉平時好含蓄，好少高調「放閃」，但對住囡囡呢個「前世情人」又唔同講法啦，呢日佢喺社交網上載一張同Phoebe嘅合照。
相中囡囡搭實佢膊頭，兩個一齊甜笑，成個畫面勁溫馨！咁都仲未夠，苗僑偉仲要留言：「我的情人」，真係甜到漏！
(綜合報道/on.cc)
【超驚喜】張栢芝現身力撐⋯
上月傳出為新加坡富商生B嘅張栢芝，雖然一直未有回應生B傳聞，但栢芝產後就不時出現喺社交平台。
月頭飲食作家Bonnie上載咗張喺遊艇會同栢芝嘅合照。
剛過去嘅星期日（9日），栢芝去參加大埔康樂園寓所嘉年華時又被網民野生捕獲。
而昨晚，栢芝又出現喇，而且最爆嘅係，栢芝竟然係幫佢拍片拉票！
許廷鏗今晚就喺IG度，post咗一條幫自己首《停半分鐘聽一闋歌》拉票嘅片，不過勁就勁在，佢竟然搵嚟張栢芝一齊拍片！
片段中嘅栢芝戴住一頂紅色Cap帽，栢芝睇落非常精神，塊面冇之前兩次咁腫。片中先由許廷鏗讀出《停》嘅其中一句歌詞：「無暇在鬧市裏」，然後栢芝就幫佢講埋下一句：「停半分鐘聽一闋歌」，之後栢芝就攞出一張寫住歌名嘅紙仔，然後再講「許廷鏗」。而睇得出搵到栢芝幫手嘅許廷鏗亦好開心，大叫「Yeah」。
而搵到栢芝幫手嘅許廷鏗就寫住：「周末驚喜！重量星級嘉賓拉票！慶祝殺入十強！」之後再hashtag埋「#我最喜愛的歌曲最後10強 #多謝支持啊 #冇辦法啦 #對手太強喇 #古天樂先生又出現啦 #我最期待的畫面 #順帶一提 #佢真係有聽我啲歌 #我都估唔到 #仲要係第一隻碟開始聽 #識唱螞蟻嗰隻 #唔通又係由細聽我聽大 #唔好玩啦」。
相關新聞：
【精神方面就…】張栢芝「產後」警覺性極高 https://goo.gl/CeeVqj
【最新全身照曝光！張栢芝被捕獲喺⋯】https://goo.gl/bNz5oX
【傳張栢芝未結婚都願意為佢誕下第三胎 視Lucas同Quintus如己出】https://goo.gl/QvJTHo
【係張爸爸介紹】張栢芝第三胎生父原來另有其人 https://goo.gl/P3sqye
【傳秘密誕下第三胎】張栢芝終於現身 https://goo.gl/wJkLmo
【傳張栢芝誕下第三胎】好友區永權就話… https://goo.gl/V9qBdF
【前妻張栢芝傳誕第三胎】前夫謝霆鋒被捕獲… https://goo.gl/rvEAnB
【傳緋聞女友張栢芝生B 梁釗峰回應⋯】https://goo.gl/JUe7Nt
【栢芝媽現身養和 傳張栢芝已秘密出院】https://goo.gl/bCpRso
【傳收7千萬豪宅】傳張栢芝第三胎生父就係佢 https://goo.gl/Naitte
【震撼整個娛樂圈】傳張栢芝第三胎性別係… https://goo.gl/YBMgJS
【傳張栢芝再誕B】好友張文慈坦言覺得好驚訝 https://goo.gl/fVN9Fm
【好圓潤】張栢芝5月最後公開出席活動時孕味濃 https://goo.gl/XR2oKD
【前任新抱張栢芝傳已誕下第三胎】前老爺謝賢首回應 https://goo.gl/1cbXm2
【傳前妻張栢芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張栢芝已順利誕下第三胎 https://goo.gl/ih6xja
(apple daily)
【激罕】捕獲范冰冰李晨孖住去…
內地藝人范冰冰自逃稅風波後，一直甚少露面，更不時傳她與李晨已分手。
早前她於北京獨自現身，而其男友李晨就於廣州出席頒奬禮，李晨明顯面容飽滿了不少，沒之前那麼憔悴，看來是女友都正準備復出之故。
日前二人就孖住齊齊深夜外出吃火鍋，只見李晨先從飯店內出來，冰冰如之前現身一樣，穿着一身黑色裝束，把自己包到冚緊隨其後，李晨更戴上可愛的帽子。
她與李晨分別後，便與助手一齊坐車返家，冰冰的心情明顯相當不俗，更不時與助手傾偈，又主動給對方開門，看來愛情的魔力真大！
(on.cc)
【多年來尋遍中西醫】張頴康戒口打針擔心…
無綫藝人張頴康同老婆麥雅緻去年10月再做父母，囝囝「小花生」出世，兩人成功湊夠好字！
時不時都會喺社交網到曬下家庭樂，一家四口幸福美滿～
今次兩公婆孖埋小豆一齊拍攝皮膚產品廣告。
他透露受銀屑病困擾近十年，以往均以化妝遮掩患處，要戒口之餘，多年來尋遍中西醫治病，最終花了數萬蚊打針，現時已康復九成，還被品牌商睇中邀請拍硬照。問到否可一世免費打針？張頴康笑謂：「唔係，佢哋贊助咗一個額畀我，應該都夠我打兩年幾療程。」
張頴康不諱言患病期間情緒受影響，又擔心會遺傳給下一代，幸好現時有藥物可以控制，更指太太麥雅緻不時上網了解該病例，又於網上與病友分享經驗，如顧問般專業。
(on.cc)
【飲妊娠糖水飲到想嘔】好似成晚冇瞓咁：塊面都青埋
首次陀B嘅佢好小心，佢日前去檢查有冇妊娠糖尿，佢喺Instagram貼相片並留言：「剛剛飲完妊娠糖水，原來杯嘢都幾大杯，飲咗一半真係有啲想嘔，不過死忍過去，因為唔想重新再飲過。之後抽咗一支血，姑娘叫我等兩個小時之後再抽多支血（好彩姑娘好nice，又幾溫柔），等待中… 昨晚知道要早起，可能緊張所以成晚冇瞓咁，基本上在老公的鼻鼾聲中度過，0依家釣緊魚，好掛住屋企張床#懷孕28周#妊娠糖尿測試#懷孕大小事#懷孕紀錄。」
34歲嘅07年亞姐冠軍張珮汶（Grace，前名張家瑩）今年4月嫁圈外老公何駿杰（Adrian)，新婚半年，今年10月宣佈有喜，至今已懷孕7個月。
Grace都係為食媽咪，佢做完測試未出報告就要食朱古力蛋糕，佢離開診所就去咗餐廳，入到去即睇實朱古力芝士蛋糕，餓到呱呱嘈：「妊娠糖尿測試完畢，一身鬆哂，要等報告，不過暫時唔理住啦，餓到塊面都青埋，即刻去開大餐先，食件cheesecake獎勵下自己。」佢之後好開心話報告出咗嚟，順利過關，冇妊娠糖尿。
不過Grace又發現BB胎動情況唔同咗，佢話：「踢嘅位置變咗，下腹有時會有啲悶痛。」Grace話日前再去咗產檢，醫生話BB個頭已經掉轉，所以好大機會佢會揀順產，再多兩個月，就可感受生B過程。
(Apple daily)