雨僑跟老公羅力威於三月結婚，婚後大家各有各忙，最近兩人才有時間度蜜月。
因受颱風飛燕影響，雨僑跟老公羅力威滯留大阪多天後，終於找到「出路」，雨僑表示由於航空公司未有公佈明日（7日）的航機安排，他們不想在無了期呆等下去，決定自行訂了明日（8日）下午4時半宮崎飛香港的航班。
雨僑憂心謂：「現在當地情況很亂，公共交通工具都沒有位，連車都驚租不到，所以要走的話，惟有改飛宮崎，這是最好的辦法，據知東京、福岡、名古屋機位也要排到10幾號，票價已升到萬多元一張，跟買劉德華演唱會飛一樣，一票難求！我們一行5人是最後訂到宮崎那班機的乘客，最黑仔的是我們5個都沒有帶國際車牌，即使有車有開不得，惟有四處『撲』車！JR要轉4、5程之餘也不近，要推住幾個篋，都要搭大半日車。搭巴士就要一晚通頂坐13個鐘，但一上一落就到宮崎。其實我不敢包宮崎走是最好的選擇，只是剛好好彩有5個機位同所有公共交通工具的位，最適合我們，而且價錢合理！比起一些扶老攜幼家庭，我們5個比較後生行遠一點都無所謂。總括而言這次大阪行十足走難一樣！」
經過連番頻撲搶機位、搶車位後，雨僑終於撲到內陸機票去宮崎留一日。腦筋急轉彎的她猶如中獎，說：「總算鬆一口氣，內陸機都近，兩程機都收到confirmation了。連日來在大阪街頭沿途撞到好多香港人，在餐廳大家都好似相識的朋友一樣，傾談怎返香港，大家都有不同選擇，有些有小朋友、老人家都不想去太遠。難得逃出生天，索性在宮崎book了個resort靚hotel，當玩多日補償！」
(singtao)
今次生產，嘉欣選擇了在屋企分娩，過程相當特別：「今次生產好順利，順產，好痛、好痛，好痛，最特別選擇咗喺屋企生，因為加拿大好支持Natural Delivery（自然生產），我好感恩、好幸運，搵到一班好好嘅助產士，佢哋比咗我好多Emotion Support（情緒支持），畀咗好多Personal competencies（靠個人能力）嘅技術、方法，令生B嘅過程更安全，教我去聽自己Body去生BB，我覺得呢種方法好Empowering（有自信、自在），所以選擇呢個方法生，絕對係一個好難忘嘅經歷，同個仔一齊、同我嘅Family一齊。」
嘉欣屋企喜獲新成員，但她直言不會因此忽略囡囡：「依家我休養期間，要坐月、要照顧好個仔，同埋好緊要，要照顧家姐Kelly，因為呢個時間，始終突然多咗個BB，要放番多啲時間喺Kelly身上，令佢覺得OK，依家我忙緊呢一樣嘢，好希望好快可以介紹囝囝畀大家識，好希望見到大家，大家都要Take care，好多謝所有朋友、觀眾、傳媒支持同祝福，唔講咁多住，我都要瞓覺喇，byebye！」
問嘉欣老公有冇幫手接生？君馨表示：「我又唔知喎，但我諗佢想試一試一個喺屋企最natural嘅方法自己去生，咁一定有一個識得幫佢接生嘅人喺度，我唔知嗰啲叫醫生定係Birth mother…我唔知點叫，但總之有一個專業人士喺屋企幫佢接生，細節就唔清楚喇！」
