去年12月承認於2007年被確診患上抑鬱症，及後患上躁鬱症，更因病而為日常生活帶來不便，最近又自爆患上激腸症。昨日，他在社交網再爆自己的右耳失聰，完全聽不到聲音。
今日下午，他上載一張診症相，表示證實患上突發性失聰，他留言：「尋晚去播道醫院睇完，得普通科醫生，只係開左（咗）消炎藥我滴耳，話滴兩日都聽唔到就去睇專科……滴左（咗）3次，諗諗下都係唔多妥，一樣係右耳全聾、平衡力有問題……所以今日就去左（咗）浸會睇專科，仲要額外俾（畀）幾百蚊響耳道吸番播道俾（畀）我嘅藥出黎（嚟）… shit…醫生話我係突發性失聰…搞緊…」
藝人邵子風百病纏身，身體狀況令人擔心！
去年亦承認與藝人蝦頭分手
突發性失聰病徵，起初感到暈眩、耳鳴及耳痛，半天內一側耳朵的聽力突然失去、甚至是一覺醒來發現一側耳朵失聰。導致發病的成因可分為病毒感染、內耳缺血、免疫失調、創傷及腦內腫瘤等。
(on.cc)
真係超感動：「多謝你在我人生中最崩潰的時刻用你最大的力氣把我由黑洞拉出來。多謝你，一直等待著我。多謝你用最私人最簡單最真實的方式，跪在我面前。」
今年6月30日，Robynn喺Ig上載同拍拖八年嘅男友Jonathan，一張頭貼頭兼攬到實嘅甜蜜相，開心宣佈兩人訂婚：「多謝你由出道前到現在一直在我身邊，多謝你在我人生中最崩潰的時刻用你最大的力氣把我由黑洞拉出來。多謝你這八年無論什（甚）麼風雨都陪著（着）我渡（度）過。多謝你，無論我有多麼的不完美，多麼的失暈，多麼的不自信，你都看到最美麗最堅強的我。 多謝你在我的音樂路上一直這麼支持我，默默地當我的頭號粉絲。多謝你每天給我的歡樂，在我太累在沙發上睡著（着）時幫我蓋被子。多謝你鼓勵我去跑我人生第一個10k，而跟著（着）我當年的龜速一直在我身邊跑，甚至我第一次半馬，也還是一直在我身邊跑。多謝你讓我認識神對我的愛有多大。多謝你，一直等待著（着）我。多謝你選擇了在我最自豪的演唱會後，用最私人最簡單最真實的方式，跪在我面前。You are truly the love of my life, and the rock of my life. I am so excited to move into the next chapter of life with you. I truly am the luckiest.」（相關新聞：https://goo.gl/buXMES）
其後Robynn被問婚訊時，以「我們即將踏入人生新的階段」來回應大家祝福，不過目前就未正式宣佈快將結婚消息。
原來兩人本月已經正式入紙申請註冊結婚，Robynn好快就升格做譚太喇！
32歲嘅葉晴晴（Robynn）係女子組合Robynn & Kendy成員，同時亦係中共元帥葉劍英嘅孫女。
今日《蘋果》發現Robynn同大佢一年，現年33歲、報稱在財務顧問公司任職經理的男友Jonathan（譚載文），原來於本月18日已入紙申請結婚，擬結婚通知書上兩人同樣報住跑馬地。
Robynn今日回覆《蘋果》話：「多謝大家關心，我哋好興奮！婚禮一切籌備當中，仲有好多嘢要搞，但同時間Robynn & Kendy計劃緊明年年頭出碟嘅事情，上次出碟係2015年，所以都係人生大事，忙上加忙，但都是開心事！感恩身邊有好多荷光者幫忙，幫輕了許多。前排咁啱有朋友喺紐約附近結婚，我哋臨時安排喺Central Park影咗一輯相，過程好凍但影得好開心。」結婚又出碟，真係雙喜臨門！
（Apple daily）
藝人張衞健回歸返港為無綫拍劇，《大帥哥》收視叫好，不過「復出劇」，有可能變成「收山劇」。
有指張衛健之後不再有拍劇的打算，除了香港，其他地方也不想再拍，戲言拍劇令他死了很多腦細胞。其實《大》劇裏面很多對白都是由張衞健自度，經編劇化學作用下而成，才有如此抵死啜核的橋段。
不過張衞健多年來高高低低，其太太張茜早年佗B七個月流產，其實08年張茜亦曾懷孕八個月後流產，兩度小產打擊至深；
加上張媽媽早年曾游水遇溺險死。
以及年初張弟張衞彝（Henry）倒斃家中，歷經各種生生死死，令張衞健看淡名利，更珍惜與家人共處。因此萌生了放棄繼續拍劇的想法。
（綜合報道 / on.cc）
何雁詩同鄭俊弘（Fred）前年10月到美國拍大台節目秘撻，兩人瞞戀近半年，去年4月兩人終於拖手認愛。不過，佢哋公開戀情後承受唔少壓力，屢傳情變。。。
剛從美國洛杉磯登台返港的歌手鄭俊弘（Fred）和何雁詩（Stephanie），提到美國之行，Stephanie說：「我哋之前分別都去過美國唔同嘅地方登台，好開心今次邀請我哋兩個一齊開Show，洛杉磯係一個好靚嘅地方，天氣好好，加上臨近聖誕節，當地氣氛好熱鬧，不過因為Fred拍攝嘅劇集未能逗留，希望下次有機會再去。」
Fred亦說：「好感謝劇組度到三日期出嚟畀我飛去外地開Show賺錢，除咗度期問題外，今次開騷過程又遇上好多波折，如音響、機件問題，不過都順利完成，一直都忙拍劇未有時間出席其他歌唱活動，今次歌迷會好多成員專登飛去支持我哋，反應好好，好感動。」
獻唱期間，Stephanie更忍不住喊，Stephanie直言經過今次，大家的感情更增進一大步，「見到現場反應比自己預期嘅好，又搞到自己都忍唔住感動落淚。」
Fred則預告除夕會與女友一齊出席倒數活動：「其實自己唔係抗拒情侶檔，不過始終希望大家專注喺我哋嘅工作表現，而唔係啲八卦新聞上，但可以一齊倒數係開心嘅。」
(on.cc)
昨日是Boxing Day，不知道大家在最後一天聖誕節假期是怎麽過呢？
藝人蔡卓妍（阿Sa）昨晚就和她的偶像過渡了一個很愉快的晚上。她於社交網上大晒合照，網民高呼好羡慕！
她留言：「我暈喇 入行38年 都仲咁靚仔咁charm 咁有heart 咁有passion 對所有人都咁好 呢份堅持唔係人人都做到 #再説一次我愛你 #iloveandylau ❤️❤️ #andyforever」
劉德華的20場跨年紅館個唱，已經舉行了超過一半，連日來均有不少圈中人捧場。
鍾楚紅
梁詠琪
劉嘉玲
昨晚Boxing Day是劉德華跨年演唱會的第12場，捧場嘉賓有容祖兒﹑蔡卓妍（阿Sa）和霍汶希（Mani）。
祖兒在社交網上載在後台跟華仔的合照，化身粉絲的祖兒大讚華仔敬業又落力，舞台靚到不得了。
她說：終於到我看這個100分的演出 謝謝華仔 永遠的敬業落力熱情無限 為我們帶來這個熱血沸騰的boxing day 舞台靚到不得了 紅館樓底好左（咗）好多 好像去了太空館 靚仔歌王用心用生命演出 我也是落力的觀眾 用心用生命欣賞佢嘅演出 不停大嗌 成身汗 但係冇得聽開心的馬騮同倒轉地球有啲遺憾。」
而阿Sa亦在社交網上載跟華仔合照。
發文說：「華仔拖住我呀！！！我又攬到華仔呀！！！😍😍我暈喇 我承認我有好多偶像 但係華仔係我唯一一個 又係偶像又係我嘅學習榜樣 入行38年 都仲咁靚仔咁charm 咁有heart 咁有passion 對所有人都咁好 呢份堅持唔係人人都做到 #再説一次我愛你 #iloveandylau ❤️❤️ #andyforever」
華仔入行38年，依然熱衷於演藝事業，還一直得到很多同行喜愛和後輩尊重，阿Sa說的是真的，華仔真的是一個很值得學習的好榜樣！
(綜合報道 / ig)
被譽為「最靚CEO」的黎姿（現名：馬黎珈而）除咗忙住做生意，同時仲要湊三個囡囡，咁忙但都仲Keep到個靚樣，真係一啲都唔簡單！
好多時都親力親為，真係超犀利！
佢日前喺社交網貼相，罕有地公開三個小公主親自佈置聖誕樹嘅「影後」照。不過合照中就未見黎姿～
今次終於見到黎姿露面啦！佢喺社交網貼出近乎素顏嘅新相，並留言話：「乘搭了10多小時的飛機，雖然很疲憊，但終於可以跟家人放一個悠閒的假期，心情特別興奮！」
雖然黎姿冇透露今次旅行嘅目的地，但如果要飛10幾個鐘嚟計，可能係啲歐美或澳洲地區，有網民話係倫敦。
不過，網民關注嘅重點並唔係黎姿去咗邊，反而係佢坐咗10幾個鐘飛機，皮膚仲係勁好，叫唔少網民大叫羨慕。
唔知佢帶咗3位小公主去邊呢？不如勤啲更新同大家開心share吖……
(綜合報道/apple daily)
藝人葉翠翠婚後成功兩年抱兩，先後誕下兩個仔仔，老公錫到燶，一家四口幸福美滿！
「小王子」Jake
今年6月再添一個寶貝仔「小小王子」Triton。
翠翠時不時都會喺社交網到開心些牙自己嘅湊仔日常！
日前一家四口出動影家庭照，三父子更以父子裝上陣超溫馨！
之後翠翠喺Facebook同大家分享，張張都咁靚~
「小王子」Jake雖然未夠兩歲，但打哂煲呔成個小大人咁好趣緻！佢仲遺傳到媽媽嘅基因，對鏡頭敏感度極高，精靈又可愛。
而「小小王子」Triton則在拍攝尾聲被睡魔急Call，瞓住影相，好搞笑。
翠翠分別穿上白、粉藍與粉紅色裙，產後半年嘅佢已極速收身，大曬長腿，冇畀兩個Cute爆仔仔搶鏡。
佢留言話攝影師完全沒有修圖。真係超Fit！
(Facebook/綜合報道)
30歲梁洛施(Isabella)早年為李澤楷誕下三個囝囝，於分手後全力照顧三名兒子。
雖然息影一段時間，今年高調重返娛樂圈，為事業努力。
臨近聖誕節，與當年打官司收場的霍汶希和容祖兒合照食飯，網民都說這是世紀合照，還希望陸續有來，將來有更多合作機會。（相關新聞：https://goo.gl/YiB54H）
Isabella近日於社交網貼出傷口相。
並發文：「我的粉絲們昨天是冬至都還沒有跟你們問好。梁小姐很不幸，昨天患了肺炎，醫生都給我打點滴了，整個人都是迷迷糊糊的狀態。最近天氣都不是太好忽冷忽熱，請你們要保重身體」。
另一張相見電子體溫計顯示39.3度，似乎仍未退燒。
好友甘比見到就回覆：「哎呀!要小心。」
Isabella又貼咗一張由住處窗口影出去嘅風景相，相中見佢似係身在首爾，住處對住南山公園附近嘅東國大學，未知係旅行定係喺當地工作!?
Isabella的經理人Kim短訊回覆《蘋果日報》：「Bella在韓國過聖誕放假，她已經看了醫生，情況好多了，多謝關心，天氣冷大家也要多注意身體。」
Isabella經理人Kim (最右)
希望Isabella早日康復！
(weibo / 綜合報道 / apple daily)
藝人Angelababy（楊穎）人紅是非多，出道以來都話題不斷，自去年年頭為愛夫黃曉明誕下「小海綿」之後，為求賺「奶粉錢」就迅速收身復出。
但就經常被人話耍大牌！
之前有大陸報道指Baby同迪麗熱巴拍攝大陸綜藝節目《奔跑吧》時，鏡頭前係「巴比組合」，早已傳出兩位女星不太夾，玩遊戲時都係明爭暗鬥，而熱巴更多次出現尷尬微笑。迪麗熱巴因Baby而選擇離開，唔少熱巴fans喺微博攻擊Baby，令雙方fans爆罵戰。
之後Baby再被爆於《奔跑吧》疑享有特權，喺水上環節同鄭愷、沙溢一齊競賽時，兩男頻頻被罰落水變落湯雞，相反Baby就獲得特別照顧，被扔落水及被噴水嘅機率少好多，有網民嘲Baby：「是不是玩不起」、「跑男不適合你，回家當公主去吧」、「萬萬沒想到，你全程只被淋了一次水！太強大的背景了」。
又有眼利網民睇到她身穿價值4,000港元的名牌外套劈柴落田，話Baby炫富。
而今日網上流傳一批影片截圖，圖中所見，Baby應該係準備拍廣告，現場好多工作人員包圍佢，大家都幫佢整理造型，當要換鞋時，Baby助手就蹲下幫佢着襪及換鞋。
Baby獲工作人員服侍着衫。
助手彎腰幫baby除鞋。
助手彎腰幫baby除襪。
助手幫baby換上高跟鞋。
網友就批評她「她一年給她的助理多少錢？連襪子都要助理穿」。而Baby就從頭到尾都冇試過彎腰，被網民指「公主病」、「明明是可以能及的，非要助理伺候」。
不過都有網民幫她講好話，指呢個情況喺拍攝時很常見，因為衫同髮型都唔可以亂，等助手幫手會更有效率，情況係可以理解。
(綜合報道)
大熱劇集《跳躍生命線》講述一班新舊救護員勇救病人的故事，每個救護員都抱著爭分奪秒「救得一個得一個」的心態，救活了固然值得開心，但劇情中仍穿插不少人救不回來的悲劇，可見生命的無常與無奈。
「依家除咗你之外，無人可以幫到BB，你出力啦！」已為兩女之母的阿Jane，回想今年七月生產第二胎時驚險萬分，往醫院途中遇上交通擠塞，需要在救護車上作緊急分娩，期間不但發現胎兒胎位不正，胎兒更遭臍帶纏頸，一度令嬰兒陷入危險，幸得三名救護員臨危不亂，短短十分鐘內，於救護車內完成接生過程，化解種種危機，力保嬰兒，奇迹地完成「不可能任務」。
Jane表示，今年七月四日感到胎兒有作動情況，遂電召的士與母親一同由灣仔往瑪麗醫院準備分娩，但當時已是傍晚六時許，交通非常繁忙，在中環塞車十多分鐘。隨着時間流逝，陣痛亦逐漸加劇，其母於是致電九九九，並由救護車送往醫院；雖然車程只需十分鐘，但在送院途中，Jane已「生得」，而車上的救護隊目盧思杰就臨危受命，肩負接生的重任。
盧指，一般救護員熟知順產的接生程序，但當日發現孕婦穿羊水後，胎兒最先露出並非頭部，而是臀部位置，令他十分憂慮，「因為有指引，呢一類情況要即刻送院交畀專科醫生處理。」盧續說，當時感到救護車已經上斜，令接生難度增加，但已經「無得返轉頭」。
分娩期間，胎兒身軀亦已經露出，但赫然發現胎兒的頸上被臍帶纏着一圈，隨時有窒息危險；盧惟有以單手環抱胎兒，另一隻手則沿着其身軀解開臍帶的纏圈，期間一度需要換手處理。
當解開臍帶後，Jane的力氣卻不足以將胎兒的頭部推出產道，頃刻母親或救護員都苦無對策，情況一度非常危急。當時盧說：「媽咪，依家BB就只係靠你，BB個頭仲係入面，佢就會缺氧。我哋一齊加油啦。」Jane最後出盡力氣成功將BB誕下，但卻未有聽到喊聲，盧隨即施以急救卻未見成效，「當時見到BB個身已經呈現紫色，我個心已經做最壞打算」。
隨即盧檢查女嬰有呼吸，即叫同事從產科急救套裝中取黏液抽吸器，把黏着女嬰口、鼻的黏液吸走，並用手輕掃女嬰背部。直至一分多鐘後，嬰兒手腳略見「郁動」，並發出喊聲，才令眾人鬆一口氣。
Jane表示，本身已有生育經驗，故分娩前一周已進行產檢，發現胎兒位置和其他情況均正常，但事後有助產士告知，曾生育的孕婦可能因肚皮過鬆，導致胎位再次轉動所致。她憶述當時情況危急，非常感激救護員的幫助，分娩期間除不停匯報胎兒狀況，亦一直鼓勵自己才能母女平安。
(綜合報道 / on.cc / hk01)
