踏入9月，莘莘學子又要返學！但其實好多讀國際學校的星二代，8月底已經開學。
天后陳慧琳（Kelly）的兩名仔仔「蝦餃仔」劉昇和「小龍包」劉琛，昨日就由一名外傭湊放學，兩兄弟平排出校門，着藍色格仔衫的細佬劉琛同哥哥一見到記者就避鏡頭，甚至耷低頭行，沒有回答記者提問。
劉昇（右）好似提點劉琛唔好畀記者影到。
自己就耷低頭行。
Cool到爆！
但貪玩的劉琛一度跑前向攝影師扮鬼臉，令不發一言的哥哥笑出來，非常可愛！
點知劉琛突然衝前扮鬼面，令劉昇都忍唔住笑！
之後三人就登上一架掛有Kelly的縮寫英文名同生日日期的黑色七人車離開。
(on.cc東網)
藝人陳豪愛子心切，早年已為大仔陳梓燁入學事宜奔波，去年他安排仔仔入讀半山的幼稚園，但今年已秘密轉往黃竹坑的新加坡國際學校就讀K2，與趙薇女兒同校！
為了方便仔仔上學，他不惜舉家由大埔搬往南灣月租七萬的新居！
昨日下午約三時，陳豪常用的七人車由司機駕駛直入校內停車場，離開時全車拉上車簾，看來是接載梓燁放學。
此外，陳豪前晚九時許獨自驅車前往中環，見他把座駕停泊於街頭後，便不停撳電話，就連引來途人目光他亦未有理會，撳了足足十分鐘後才肯收手，及後他急急踏油離開，似乎急趕回家慰妻。
(on.cc東網)
昨日是新學年開學日，名媛諸葛紫岐（Marie）為培育已是資優生的4歲多囝囝薛華韜（Arthur）成為「學霸」，為兒子同時入讀兩間幼稚園，上午返完銅鑼灣學校後，下午接連往北角的國際學校上課！
之後Marie與兒子再往位於北角的漢基國際學校，穿上一身紅色校服的Arthur下車時更極為精靈醒目，一臉興奮紮紮跳步入校園。
事後Marie接受訪問時表示：「Arthur今年係讀兩間幼稚園，其實本來我想佢讀全日嘅，但佢又考到漢基，所以畀個仔自己揀，佢好有自主權，等佢自己做決定，佢最後選擇分開上、下午返兩間，等如返全日囉，其實佢返得開心就得喇！」
此外郭可盈的女兒林天若，早年亦是分上、下午同時入讀兩間幼稚園，如今她已就讀蔡繼有學校，新學年還被選為風紀隊隊員。
郭可盈及女兒 （資料圖片）
(ON.CC)
位於溫哥華的一間日式料理餐廳早前供應全新菜式，原來是老闆茱莉亞(Julia)的「鬼主意」。炎熱天氣令人胃口不太好，加拿大一間日本餐廳想增加食客的食慾，她說：「今年的溫哥華夏天非常炎熱，一日我坐在梳化上，想起冰涼的啤酒，跟著腦內浮現『啤酒拉麵』的想法。」茱莉亞表示出身自廚師世家，大家都很愛吃，所以她炮製許多創意料理。
推出「啤酒拉麵」（Beer Ramen），雖然不是真的把拉麵浸在啤酒中，但有網民被賣相嚇得崩潰：「好噁心」、「好想吐」。
製作啤酒拉麵的過程是先將煮滾的拉麵泡入冰水，接著放入啤酒杯，再加入鰹魚湯，最後加上一層蛋白，啤酒拉麵就炮製而成，賣相可說相當神似。啤酒拉麵還可以配搭炸薯條、炸雞或蔬菜。不過，網民似乎不太受落，有人寫道：「好噁心」、「好想吐」。
（singtao）
藝人吳綺莉女兒卓林與加拿大籍女友Andi今年四月到加拿大生活，其經濟狀況一度令人擔心。不過，兩人繼續我行我素，愛得癡纏！
今年六月，Andi已經以「未婚妻」稱呼卓林，前日更在社交網站宣布訂婚。而一直很擔心女兒的吳綺莉，原來早已知悉此事。
今日亦透過短訊回應卓林與Andi訂婚一事：「大家說得開心就好，我冇回應。」記者再問卓林是否親自告訴她訂婚一事，她繼續以相同答案回覆，不想多談。
(on.cc)
劉德華將於12月舉行「My Love Andy Lau 劉德華 World Tour」，今日喺洲際酒店舉行宣傳，華仔以棟篤笑形式又唱又跳，舉行咗一個35分鐘嘅小型演唱會，期間展示佢以前拍劇同演唱會畫面，重溫經典爆呔場面及講述墮馬後一啲小趣事，連女兒問題都回答無所不談，與現場百多位粉絲及贊助想共度開心時刻。
講到難忘畫面時，螢幕展示華仔曾經在演唱會中造型，包括小鳳仙、空中飛人、跳拉丁等，重點係難忘嘅爆褲相片，華仔形容：「係不可修補的裂縫。」自始後造褲會整闊啲，並心情大靚對傳媒表示今日問乜都得，你敢問，我咁答，即時問佢今日唔使湊女放學咩？華仔就話：「就係知你哋會問呢啲，所以搞哂你哋嚟呢度，唔好搞我個女，今早我好似batman咁，冇人發現我入過學校。」
再問到佢屋企人會唔會嚟睇演唱會？華仔大方話：「點會唔嚟，用下腦啦。」之後華仔就跳咗一part獨自去偷歡舞步，問到佢現時腰部如何，佢話係得嘅，OK嘅。
(apple daily)
歌手陳柏宇（Jason）到電台宣傳新歌《認真如初》，提到剛上載一條冇着褲的惡搞短片，他笑指冇着褲是重要元素：「呢啲係我先諗到，又唔係犧牲色相，我啲同事慣咗睇我唔着褲周圍走，我成日喺佢哋面前換衫，唔想浪費時間走入房。（女同事有冇投訴？）冇呀，福利嚟㗎。拍片啲人問我拍唔着褲使唔使問過公司先，我話唔使，我係導演嘛！」
快將成為人父的柏宇坦言不緊張：「應該會剪臍帶，其實我入去（產房）已經係最大鼓勵，如果剪歪咗點算？咁就一世，感覺幾『頻能』。」
他指太太預產期在10月初，已大致準備好嬰兒用品，只欠一個比較大的沖涼盆：「可能最後都係買個細嘅，或者擺BB喺洗碗盆沖涼，可以企起身嘛。（太太符曉薇好緊張？）唔算好緊張，佢緊張點瘦番多啲。（生多個先收身？）收咗先個惰性冇咁強，已經懶咗咁耐。」
太太Leanne 下月初預產期 （資料圖片）
Jason透露BB出世前後約有一星期放假，希望工作時間不太長，讓他有多點時間陪女兒：「我會帶個女出嚟，歡迎你哋湊，自問有經驗、唔驚跌佢落地就隨便。」至於新歌宣傳，他笑言不用太「老正」地介紹，最重要有娛樂性包裝：「所以除褲囉。（下次除埋衫？）唔得，下次笠絲襪喺頭。我好即時性，諗到就拍，一擺低就會唔記得。」
(on.cc)
無綫big big channel舉辦《夏日VR明星決戰》，星夢娛樂的鄭俊弘、林穎彤等五人勇奪團隊總冠軍，贏得三萬元獎金。鄭俊弘與林穎彤笑說每人有六千元獎金，原本打算去長洲遊玩，但因登革熱作罷，惟有改為大吃一餐兼請老闆何哲圖吃生日飯。
事隔年多在月中再出唱片的鄭俊弘可謂雙喜臨門，他說：「希望成績好，因為呢隻碟有好多歌係自己創作，所以呢隻碟更似自己嘅『親生仔』，用咗好多心血好期待。」
林穎彤透露現在開始錄歌，預計明年推出新歌，她亦趁機請師兄鄭俊弘為她寫歌，鄭俊弘說：「可以，但係我要同你傾吓你鍾意咩曲風，自己都未試過寫歌畀人。」
（on.cc）
今日兩位終於都重逢喇！杏兒今日喺社交網度貼出同佢嘅合照，佢留言話：「絕世好爸的二女和四女，衝上雲霄的Belle和Zoe，但其實，Flora演的專業人士是我最喜愛最喜愛的，希望有一天我們可以一起演一遍。」
胡杏兒社交網
2003年，大台播放劇集《衝上雲霄》，相信大家仍然好懷念吳鎮宇同馬德鐘飾演嘅飛機師Sam哥同Vincent，記得佢哋當然仲會記得佢哋戲中嘅另一半陳慧珊飾演嘅Belle同胡杏兒飾演嘅Zoe，時間飛逝，轉眼已經15年，雖然大台喺12年就開拍《衝上雲霄2》，可惜陳慧珊同馬德鐘都冇份演出，而杏兒飾演嘅Zoe死後，就以另一身份同吳鎮宇嘅細佬吳卓羲發展感情…
劇集《衝上雲霄》
劇集《衝上雲霄》
睇到杏兒嘅留言，發現原來佢哋合作《衝上雲霄》前，已經合作過劇集《絕世好爸》，戲中秦沛飾演佢哋爸爸，父兼母職咁湊大四姊妹，分別係劉錦玲、陳慧珊、郭羡妮同胡杏兒，呢四姊妹嘅組合，相信依家都幾難有機會見到了。
劇集《絕世好爸》
(apple daily)
之前已經有傳聞話佢哋擦出愛情火花，之前有消息突然傳出佢大肚啦！所以突然將所有工作停曬，雖然佢喺微博發文否認大肚，但據佢哋啲閨密爆料，佢的確有喜了，接近三個月，所以除咗輕鬆嘅廣告工作同品牌活動，佢幾乎係全面停工。
馮紹峰最近拍完劇後，暫時亦打算停工陪女友，噚日佢兩個一齊喺上海飛深圳，再喺深圳坐車嚟香港度假同買嘢。
佢哋拍拖同結婚都未認過，但就經常出雙入對俾人影到，咁點解到依家佢哋都唔肯認戀情，聽講係因為女方啲廣告合約條款問題，所以對於感情事都要低調啲，不過佢哋雙方都已經有計劃年底前拉埋天窗，有計劃去歐洲結婚，不過之前不會向外公布。其實媒體早排都問過憑《花千骨》喺內地走紅嘅趙麗穎係咪要結婚生仔？
佢工作室發言人依然係否認大肚傳聞。而噚日佢哋兩個喺上海飛到深圳時，兩個人坐喺最前排一行，兩人都戴住帽，低頭整理行李，趙麗穎一直用毛毯遮住個肚。
（apple daily）
