天王郭富城於去年4月同方媛結婚，同年9月22日喺社交網宣告生女，貼一家三口手牽手相，並寫道：「開心、微妙、感恩！我們三人！成長、家庭、守護！」
天王老竇郭富城為慶祝囡囡Chantelle踏入1歲生日。
據知琴晚城城喺迪士尼酒店為愛女搞咗個生日會，除咗有米奇同米妮陪囡囡切蛋糕，城城仲請咗藝人好友帶埋星二代出席，包括沈嘉偉同邱淑貞，張智霖同老婆袁詠儀、楊千嬅夫婦等，成班小朋友陪囡囡喺樂園歡度生日，充滿笑聲。
楊千嬅夫婦 (資料圖片)
張智霖及老婆袁詠儀都受邀 (資料圖片)
城城從來都冇透露過囡囡嘅出生日期，仲以為小公主係9月中出世；直至噚日城城喺迪士尼為囡囡搞1歲生日會，相信Chantelle嘅正確生日應該係9月初。
(apple daily)
美國加州一名黃姓華裔女護士(Vilma)在兒童醫院的新生嬰兒加護病房工作已達32年，近日她上班時，嚇然發現一名兒科醫生的名字非常熟悉，閒聊一輪驚覺就是28年前她親手照顧過的早產嬰。
1990年4月，Vilma負責照顧早產的賽米納托爾（Brandon Seminatore），當時他的體重只有2磅6安士，當年她更抱著賽米納托爾拍合照，並得知其父是警察。上月，Vilma輪值日班工作時巧遇賽米納托爾，她也發現這名年輕醫生的名字相當熟悉，只是想不起二人在那裏見過面。直到賽米納托爾提起醫院是他出生的地方時，Vilma便開始懷疑賽米納托爾就是28年前親手照顧過的孩子。
「我問他爸爸是不是警察，一陣沉默後，他問我是不是Vilma，我就說對」，Vilma回憶相認一刻，她先震驚，之後便欣喜若狂，「很明顯，其母要他來找一名叫Vilma的護士，但他不以為意，並認為當年的她應該已經退休。」賽米納托爾直呼是「超現實」，「因為他從沒想過會遇上曾經照顧過自己的那個人……不是所有人都有機會看到自己的病人長大，我非常開心能和她分享這開心的時刻。」
(singtao)
黃心穎噚日因為講咗落選港姐工藤佑采黑面態度有問題，仲話對佢徹底失望而搞到今日俾工藤喺ig開post爆seed喪鬧，黃心穎最初喺回應傳媒時就表示：「冇乜好回應。I stand on my ground.尊重個舞台、尊重自己。」
黃心穎之後再補充又話：「節目一早安排咗係咁、我唔信last minute先話要佢哋唔入圍個啲（佳麗）出嚟跳，佢仲要話我借佢上報？真係無乜再想補充、以往嘅參賽者、個個都係好珍惜呢個舞台、留俾自己一個好好嘅回憶。跳好佢、做好自己係應有態度。」
心穎最後再強調，表示唔想講落去：「我其實唔係好想再繼續講落去，因為我唔係要同佢拗又或者開個罵戰，我係講出我嘅立場…但我覺得冇乜所謂，但我就唔想繼續周璇落去，亦都唔想再去回應。我都唔想同佢扯上關係。」
至於心穎男友馬國明對心穎與工藤佑采掀鬧戰，則表示：「其實我唔知發生乜嘢事，希望大事化小，小事化無，無謂再講喇。」
（apple daily）
08年參選香港先生入行嘅羅天宇，最出名嘅都算係喺《愛‧回家》當中飾演嘅馬子仁一角，
感情方面，入行後同參選過港姐嘅湯洛雯拍拖，本來兩人都相當甜蜜，可惜喺今年3月，湯洛雯最後承認兩人已經分手。
而呢段情當中，仲曾經傳出過有第三者，被指介入兩人戀情嘅陳瀅當初雖然已經即時否認，但今日又有周刊爆出陳瀅同羅天宇已經暗撻半年，日前更相約周志文同劉佩玥一共四個人前後腳入場睇戲，陳瀅更提早半個鐘離場。
陳瀅 （資料圖片）
今日有傳媒向羅天宇求証係咪同陳瀅拍拖，羅天宇回應表示：「唔係，（目前單身？）係，Sorry，其他嘢唔回應喇。」
（on.cc）
開學了！父母不易做，98年落選港姐傅楚惠上月中獲選為「十大傑出家長」，11歲女兒孫蔓而（Chloe）去年亦成為香港小太空人，母女俱是彼此驕傲。傅楚惠與囡囡日前一同接受《蘋果》專訪，她分享成功之道：「我經常代入佢嘅身份去睇事物，好似佢坐喺BB車時，我會踎低，喺佢角度睇佢嘅世界。」
拍過不少無綫劇的傅楚惠（前名傅楚卉），06年婚後淡出娛圈，專心相夫教女，近年才重返幕前。
傅楚惠上月獲選為「十大傑出家長」，參選的原由也是女兒的鼓勵，她日前與女兒孫蔓而一同接受《蘋果》專訪，她透露去年與女兒翻閱親子雜誌，發現這個選舉，女兒靈光一閃，興奮又雀躍的嚷着要母親參加，Chloe更是提名人。
傅楚惠笑說︰「平時都係我鼓勵佢參加比賽，今次佢調番轉鼓勵我。我諗深一層，如果我退縮，咁我以後叫佢參加比賽咪冇說服力，所以就贍粗粗試吓。」過往得獎者不是校董就是教育界頂尖家長，所以傅楚惠得悉自己當選是百感交集：「嗰刻開心之餘亦好感觸，做一個家長並非輕鬆容易嘅事，呢十多年我同佢一齊成長，經歷好多嘢，有喜有悲。」
同楊怡、張美妮友誼深厚
成功非僥倖，傅楚惠的教女心得是與女兒同步︰「我從來都唔做虎媽，亦冇一個方程式湊女，一切都是源自愛同嗰份同理心，我經常代入佢嘅身份去睇事物，好似佢坐喺BB車時，我會踎低，喺佢角度睇佢嘅世界，但我要同她分享我嘅感受時，我就會抱番高佢，然後再了解佢嘅睇法。」
原來Chloe從小就對自己要求很高，正因女兒讀書已經壓力很大，傅楚惠不會再額外再催谷︰「功課上學校已經做得好好，學術上我唔會再加壓，我反而做一個角色幫佢抽離，等佢有個空間放鬆，可以學習自己嘅興趣。」Chloe透露每當自己在書房溫習太久，媽咪反而會讓她停下來︰「媽咪會同我講close your eyes，open your mouth，然後佢會放粒朱古力入我口。」讓女兒由外至內甜入心。
好母親要懂得誘導子女，Chloe自小怕黑，傅楚惠就將囡囡的弱點轉化為興趣。Chloe說︰「有次我發現窗外有點光閃呀閃，原來係星星，我以前以為世界就只有地球，後來媽咪話我知太空有好多唔同嘅星體，我就提起咗興趣，自己去圖書館睇書，想了解多啲，後嚟媽咪見到有小太空人計劃，就鼓勵我參加。」去年Chloe從近二千名小朋友當中，脫穎而出成為「小太空人」，得以到美國太空訓練營及甘迺迪太空中心與太空人交流。Chloe近年多了一個興趣，就是英語話劇，去年更取得香港校際話劇節的「傑出演員獎」。
Chloe去年成爲小太空人（右三）
女兒愛上演戲，身為母親的傅楚惠亦繼續演藝事業，不過她同時要幫媽咪打理地產生意，又要湊女，更要讀書，惟有犧牲自己睡眠時間。傅楚惠說︰「時間分配係吃力，呢十年嚟我好少同朋友聚會，分一半畀囡囡，一半畀工作，寧願自己瞓少啲，但過程開心、有滿足感。但因為有咗小朋友，反而事業心湧出嚟，因為要諗將來。o依家我仲讀埋幼教課程，希望將來可以喺呢方面發展。」
在Chloe眼中，媽媽是智慧與美貌兼備︰「佢係一個好靚亦好叻嘅家長！好多家長會逼小朋友去學興趣班，但佢會畀我選擇。每次我做錯嘢，媽咪只會話只要你自己知道錯啲乜，下次改過，我就原諒你。」
（apple daily）
今日係9月3號開學日，藝人胡諾言晒出兩個女胡芷苓、胡芷悠着上校服嘅開學照，並溫馨留言：「乖喇 ！畀心機喇 ！ @threewuboss」
見兩個阿女企得好端正，個樣仲精神奕奕，完全冇「開學恐懼症」呀！有埋老竇親自打氣，相信佢哋喺新學期一定充滿動力。
唔知幾時輪到囝囝胡澔錕影番輯得意開學照呢？不過咁，波仔其實都好忙…因為 –》 https://goo.gl/zjAdh9
(ig / on.cc)
曾經有環保團體計算過連鎖快餐店每日「派膠」數量驚人，單是一杯飲品已「生產」一個塑膠杯蓋和膠飲筒，相當不環保。快餐店肯德基（KFC）早前宣佈，由周四（23日）起香港和澳門全線分店將正式停用塑膠飲管和杯蓋，減少浪費。
快餐店肯德基（KFC）上月宣佈，香港和澳門全線分店將正式停用塑膠飲管和杯蓋以減少浪費。香港麥當勞今日亦表示，為響應環保，全線麥當勞和McCafé今日起，每逢周一實行「無飲管星期一」，但使用管形匙羹之飲品不在此限。
麥當勞表示，逢周一麥當勞會清空飲管箱，亦不會主動派發飲管，如有需要可向職員索取。早於2007年6月，麥當勞亦曾將每月的第2及第4個星期一定為「無飲管日」，當日全線餐廳會把飲管收起，但在2008年開始就改為自願性質，變相將活動取消。
(綜合報道)
新地郭氏家族長子郭炳湘上月喺港島深水灣道新地郭家大宅暈倒後送院，目前仍然留醫港安醫院，連日嚟都有傳媒喺醫院外守候。
郭炳聯連續幾天都有到醫院探望哥哥郭炳湘
咁啱歌手林憶蓮與男友恭碩良晚上七時許現身港安醫院，林憶蓮首先落車，見到記者影相即轉頭戴上灰色口罩，再會合恭碩良，向對方示意有記者影相，兩人戴上情侶口罩步入醫院。
昨晚林憶蓮同男友恭碩良揸車到港安醫院，兩人一落車之後發現有記者，即停步回頭同恭碩良講咗句，跟住就喺個背囊入面拎咗個口罩出嚟戴，恭碩良就左摷右摷先搵到個口罩，然後急急入咗醫院。
大約一個鐘之後，佢哋就拖住手行出嚟，問咩事到醫院？手上拎住白色藥袋嘅恭碩良話：「你知近排天氣架啦！入到室地方有冷氣，出面又熱，可能一冷一熱，我唔舒服，過兩日有騷要做，我把聲都變變哋，驚會失聲，咪嚟睇醫生，以免有閃失。」之後便上車離開。
兩人雖然相差11嵗，但一直好恩愛，感情穩定。
（綜合報道）
藝人吳綺莉女兒吳卓林與加拿大籍女友Andi今年四月「私奔」到加拿大後經濟狀況令人擔心，除淪落街頭瞓天橋底，最終更走投無路拍片求助，並到垃圾站拾荒。自出走後卓林與Andi鮮有在社交網更新近況，但前日兩人再度活躍起來，除齊齊更新頭像外，卓林更大讚女友，十分甜蜜。
今年六月，Andi已經以「未婚妻」稱呼卓林，昨日終於在社交網確立彼此關係，正式宣佈訂婚，雖然身為媽媽的吳綺莉向來對二人戀事持反對態度，但原來亦一早已經知道二人將會結婚消息。
吳綺莉好友林建明昨日接受電話訪問，坦言吳綺莉笑言女兒可以成功入籍：「卓林嘅嘢我冇聯絡㗎啦，不過早前一兩個星期見到佢媽媽（吳綺莉），聽佢話佢哋結婚添，咁佢媽媽話好呀結婚，咁咪攞咗個加拿大籍囉，係咁聽過吓㗎咋！」至於吳綺莉在截稿前未有回覆。
(on.cc)
二人育有一女，近日再做父母，為囡囡添多個妹妹！難掩再做人母嘅佢，急不及待將一家四口合照放上社交網，並留言：「陳氏二小姐出世啦！沒想到媽媽肚子這麼小，你竟然有6.10磅！媽媽很滿意啦～❤乖豬！」再多個前世情人嘅陳定幫抱住大女非常冧，唔少網民紛紛留言恭喜佢哋，藝人陸詩韻都有讚好送祝福！
林盛斌（Bob）御用風水師、陳果齊兒子陳定幫同太太楊錳霏（阿Bee）早已育有一女陳楚翹，兩夫妻今年再造人成功，阿Bee再陀囡囡，今日剖腹產女，重6磅10安士，母女平安。
阿Bee呢胎獲老公陪入產房打氣，36歲陳定幫回覆傳媒：「呢次我第一次陪產，上胎冇入，我冇剪臍帶，我同醫生講你千祈唔好俾我見到血，我淨係陪老婆得㗎啦，老婆今次好叻，佢瞓足兩個月，BB 29周本來隨時出得嚟，但老婆聽醫生話肯瞓床，結果囡囡足月出世。」陳定幫話暫時同囡囡取名陳楚惠，囡囡同家姐初生時一模一樣，似爹哋，輪廓分明，陳定幫今日留喺醫院照顧老婆。
(apple daily)
