郭富城日前宣布太太方媛（Moka）再度有喜，心情大靚嘅城城全程笑得好開心（相關新聞：https://goo.gl/EsVXUZ）！三年抱兩，一家三口就快變成一家四口超幸福！
之前仲話要一年影一次全家福，下年就有新成員加入啦！
而呢日一向貪靚嘅Moka去髮型屋扮靚，迎接新嘅一年。
相中可見，佢刻意收埋孕肚，只露出個靚樣，不過睇佢塊臉依然好瘦。
佢留言多謝髮型師今次幫佢護理頭髮，仲話明年先去染髮，睇嚟佢好乖咁守佗B禁忌，打算「卸貨」後先染髮。
(綜合報道)
【宣布再度佗B後】方媛首PO相
【一個靚媽兩個準媽媽】大肚陳凱琳超幸福
一個靚媽加兩個準媽媽，好姊妹一齊佗B真係好開心！
賴慰玲、陳凱琳（Grace）同陳嘉寶（Anjaylia）因為拍劇集《殭》而成為好姊妹，賴慰玲去年結婚，囝囝Marat剛滿一歲，Grace同Anjay都爭住做契媽。
估唔到一年後，兩位契媽都就快做人阿媽，當時Anjay仲大住肚出席Grace嘅婚禮！話咁快連Grace都有喜。
Anjay就即將「卸貨」，而Grace早前亦宣佈腹中BB係男仔（相關新聞：https://goo.gl/3rrfsM）。
噚日冬至，三位靚媽相約一齊食飯，仲喺IG貼咗合照，見Anjay同Grace都刻意用大褸遮住個肚，Anjay留言﹕「Happy girls day !Blessed to hv such great companions ! Its not luck, it’s blessing !（開心聚會，感恩有你哋咁好嘅同伴，唔係幸運而係值得感恩。）」
而Grace都有喺IG上載合照，佢留言話：「Happiness is found in the simplest things and the kindest friendships 🌹🌻🌷#靈異學會 #冬至快樂」
三位都咁索！相信Anjay同Grace都有向賴慰玲取經，傾吓湊BB心得，賴慰玲留言﹕「Girlfriends.#靈異學會 #學會活動係生BB。」
(IG/apple daily)
【係佢接到花球！】江若琳：嫁畀你係我生命中最無悔最正確嘅選擇
「你係我嘅蘋果，我係你嘅蘋果樹，如果曬，我同你擋太陽，落雨同你擋雨水，行雷就劈我先，好唔好呀？」好感動呀！
蕭潤邦（Oscar）與江若琳（Elanne）進行完接新娘及向長輩斟茶儀式，二人再於海邊的露天場地進行註冊儀式。
新娘子穿上低胸露腿白婚紗翹住父親進場，穿上禮服及婚紗的兩人，在伴娘小肥和伴郎謝安琪的陪伴下，向現場的來賓宣誓，平時口若懸河的Oscar一開口就緊張到口窒窒要多度深呼吸，一開口就話：「好驚呀。」之後他拖住新娘子手說：「我係佢嘅…」朋友不停寸他：「唔好喊呀，我有紙巾。」
Oscar全程哽咽：「你係我嘅蘋果，我係你嘅蘋果樹，如果曬，我同你擋太陽，落雨同你擋雨水，行雷就劈我先，好唔好呀？」江若琳聽到好感動，要用紙巾抹眼淚，Oscar承諾：「我會一生對你永遠不變，I love you！」
Elanne被感動得不停流淚，但又淚中有笑。之後Oscar再鼓起勇氣讀出誓詞。
到Elanne宣誓：「喺過去十年裏面，我哋喺自己人生裏面不停去經歷，不停去學習，我好感激個天，喺我覺得喺呢個世界覺得好絕望嘅時候，你以另一個身份出現我面前，我都問過你，其實你生得咁高大，喺咪嚟同我擋風擋雨，但你話唔係，係為我擋子彈，的而且確喺我人生裏面，我做錯好多嘢同決定，但我有一樣嘢好確定，今日我決定嫁畀你，係我生命中最無悔，最正確嘅選擇。」
Elanne再嗚咽讀出誓詞，全場拍掌！之後兩人交換戒指，再深情擁吻，十分浪漫！
而擔任兄弟團的當奴在場見證兩人宣誓，他在社交網留言：「蕭潤邦話曼聯輸波都未喊過，今日為咗娶老婆而喊。」
完成儀式，江若琳拋花球，JW接到花球後即大笑，面都紅晒，江若琳即攬住JW。
JW男友Tarzan（葉韋彤）亦行前搭住JW膊頭，一齊影合照。
相關新聞：
【江若琳蕭潤邦結婚 伴娘竟然係佢：第一次⋯】https://goo.gl/FgsTPB
【三對情侶超級Sweet！江若琳多次感動落淚】https://goo.gl/xdV2UP
【鬧蕭潤邦班兄弟好無賴 小肥不滿：我哋強迫收咗⋯】https://goo.gl/Yb3D2L
(綜合報道)
【鬧蕭潤邦班兄弟好無賴】小肥不滿：我哋強迫收咗⋯
今日係江若琳（Elanne）同蕭潤邦（Oscar）嘅大喜日子！（相關新聞：https://goo.gl/FgsTPB）
歌手小肥和Elanne好老友，情如親兄妹，今日佢更擔任好友婚禮嘅伴娘，當玩完新郎後接受訪問時說：「感動位有嘅，唔係一開始有囉，因為啲嘢好急好趕，穩定咗情緒後，就諗阿Ling（江若琳）終於嗰塊肥田開始久旱逢甘露，哈哈哈，之後Oscar又終於都…，呀，都幾感動其實。（你有冇感動到喊？）未呀，可能今晚先啦。」
問開門利是可感滿意？電話中傳來疑似Elanne的聲音大叫：「滿意」。小肥就話：「有人話滿意，我就麻麻哋，滿意囉，如果兄弟們覺得對唔住我哋姊妹們就後補啦，即係請食飯，中途再派錢咁樣啦，同埋佢哋遲到，遲到講明罰錢，佢哋都冇畀啦，佢哋睇住我哋時間緊迫，咁強迫收咗嗰個數嘅利是，都有意頭，不過我哋唔滿意囉，意義好好，幾多唔講啦。」
至於為何只玩三個遊戲，他說：「因為班兄弟好無賴，首先無賴一遲到，我哋唔想吉時過，雖然我哋好想玩Q佢哋，二係好蠱惑，佢哋用咗員工啲出入口突然間入咗嚟，又呢樣又嗰樣，唯獨係一樣嘢我哋好喜歡嘅，蕭潤邦兄弟係唔幫蕭潤邦，哈哈哈…」
問他有何祝福？他就話：「愈Friend愈簡單，希望佢哋永遠幸福、快樂、開心，身體健康仲有，學蕭潤邦老竇話齋：『精精日上』，哈哈哈。」
而擔任Oscar伴郎的謝安琪說：「我都覺得好開心，因為我都參加好多婚禮，佢哋畀我嘅感覺係兩個互相搵到對方，真係好開心，開心到係全日都感覺到佢哋兩個嗰種甜蜜，我覺得斟茶畀老人家嗰度最感動，阿Elanne一早就忍唔到喊啦，我都明白女仔出嫁會唔捨得屋企人，有好多感受，我又好戥佢開心，我知Oscar對佢好好，好錫佢，佢嫁咗之後會有更多人錫佢囉。」她又祝一對新人白頭到老，永結同心。
相關新聞：
【三對情侶超級Sweet！江若琳多次感動落淚】https://goo.gl/xdV2UP
【係佢接到花球！江若琳：嫁畀你係我生命中最無悔最正確嘅選擇】https://goo.gl/APZwS1
(綜合報道/on.cc)
【兩個都超可愛！】鍾嘉欣激罕曬仔女：對不起
鍾嘉欣(Linda)於今年八月喺溫哥華屋企為脊醫老公Jeremy誕下第二胎仔仔Jared Anthony Leung，三年抱兩，湊到個「好」字超開心！
大女Kelly已經2歲，細仔Jared轉眼都四個月大啦！
聽日係平安夜，嘉欣就為一對仔女打扮成聖誕天使PO相上社交網。
兩姊弟樣子好似樣，四個月嘅Jared肥肥白白超得意！
兩姊弟着上聖誕衫，家姐Kelly攬住細佬合照，真係好Sweet呀～
嘉欣用英文留言：「大家好，對不起，我沒有在社交媒體上活躍。我專注於跟丈夫撫養我們的兩個孩子。這是一次具有挑戰性的美妙體驗。現在Leung家族已經開始了日常工作，我有更多時間進行更新。祝大家冬至快樂！」
網民見到之後都留言大讚：「omg cute爆」、「好可愛啊！」
(綜合報道/Apple daily)
【三對情侶超級Sweet】江若琳多次感動落淚
今日江若琳（Elanne）同蕭潤邦（Oscar）結婚啦！
一對新人凌晨6時已經起身化妝、整頭為婚禮做好準備。
上午9時，Oscar孖住17位兄弟團，包括擔任伴郎的謝安琪（Kay）、張繼聰、電台DJ當奴、細So、Jerald、JW（王灝兒男友）富二代男友Tarzan Ip（葉韋彤）、Kenji Lee及Hachill輝等到酒店房接新娘(相關新聞：https://goo.gl/FgsTPB)，新郎更依足傳統準備了8人大紅花轎迎娶Elanne。
接受完Elanne姊妹團的「酷刑」對待後，包括任伴娘的小肥、JW、黎美言、張紋嘉、張惠雅及Erica Tang等的玩新郎遊戲挑戰後，他終於成功贏得老婆歸。而穿上中式結婚裙褂襯金頭飾的新娘子，人逢喜事特別明艷照人，一對新人一見面即又攬又錫，之後新人向父母跪地斟茶，Elanne聽到長輩祝福時，多次感動落淚，而江媽媽亦送上多款金器作嫁妝。新人還向兄弟、姊妹團大派大利是。
3 Pair情侶勁煙韌
接着手戴三對勁粗龍鳳鈪及金戒指的Elanne偕Oscar在大妗姐的陪同下移玉步到酒店的花園兜圈取行大運之意，更在維港的無敵海景前拍大合照，Oscar和Elanne全程十指緊扣，而另一Pair情侶亦很煙韌，見卓悅太子爺Tarzan Ip攬住女友JW，至於Kay和老公張繼聰就貼到實，Kay更嘟嘴賣萌。
Oscar今早為迎娶江若琳可謂去到盡，在玩新郎遊戲中，他放下型男包袱，戴上金色長假髮、着裙變身、戴上「口腔固定器」，變身做「大口」美少女戰士，他接受訪問時說：「玩咗三個遊戲咋，佢哋全部都好錫住我，扮美少女戰士同戴住口箍已經最啃。（幾多開門利是？）總之佢哋happy啦。」
而江若琳（Elanne）則說：「我覺得佢最靚係呢個造型，係一絕嘅，我啲姊妹諗得好好，全日都好感恩，由尋日上頭開始，已經覺得好感動，同埋因為全部兄弟姊妹、屋企人都嚟晒，斟茶畀爹哋、媽咪同公公（故鄉稱爺爺為公公）時，令我諗起好多回憶，尤其係因為屋企最老嘅長輩只得佢一個，突然間諗起我婆婆、嫲嫲，我公公又睇唔到，我就忍唔到，突然間好感觸。」
(綜合報道/on.cc)
【出咗世六日都唔敢抱】王祖藍：我都好擔心呀
李亞男同王祖藍結婚3年，婚後亞男一直都好想快啲佗B，直到今年7月宣佈造人成功！
昨日李亞男宣佈B女出世啦，佢喺IG貼出囡囡Gabrielle嘅手仔相報喜(相關新聞：https://goo.gl/Y8Nc3M)。
祖藍同鍾舒漫等昨日喺葵青為音樂劇演出，祖藍心情好靚！
一嚟到就多謝在場記者，佢話：「其實囡囡喺今個月17號出嚟，依家已經返咗屋企。」
佢透露太太係開刀生，因為要揀日子去就自己綵排：「唔好意思，因為舞台劇影響咗個女嘅生日。」
問到佢有冇陪入產房？佢話：「有，太太係半身麻醉，好好笑，醫生播住張學友《每天愛你多一些》，邊聽住歌邊開刀，感覺好似同平時做水晶甲冇咩分別，成個過程只係十零分鐘。」
佢又話因為開刀關係，醫生都已經剪咗臍帶，佢只係象徵式剪一下。
祖藍話囡囡對眼好似太太，但仍然有啲問題，佢話：「弊傢伙，個鼻同個嘴有啲似我，但女大十八變，我會祈禱佢越大越似媽咪。」
而呢幾日佢要做舞台劇，所以由外父外母照顧妻女。祖藍話呢幾日要綵排：「自己每日返到去，都趕到返去凌晨睇佢飲奶，係母乳餵哺。」
囡囡17日出世，直到今日祖藍先第一次抱女：「出咗世六日都唔敢抱，驚自己一抱就忍唔住喊，會傷到把聲。結果今日抱眼濕濕，同亞男約好咗，做完個舞台劇會好好地喊一場，出世重約7磅，肥嘟嘟好白淨。手腳好長，手指腳趾都好長。」記者話咁咪似太太，佢話：「你哋都擔心呢，我都好擔心呀。」
囡囡英文名叫Gabrielle，祖藍話係太太改，意思係天上嚟嘅天使，但中文名未諗到，但祖藍有方向：「我想同音樂劇有關，因為仲喺個肚，播流行曲冇反應，但播音樂劇就好大反應。」
至於冬至要做騷，佢話到平安夜先得閒可以慶祝一下，之後會同太太去日本：「送一個坐月旅行俾太太，好多孕婦鍾意去日本，亞男冇食刺身成年，帶佢去大擦特擦。」
問到太太復原未？佢話：「太太都仲有啲痛，要食止痛藥，見到佢睇BB個開心樣，我就知冇揀錯老婆，一定係個好媽媽。」咁幾時再追多個仔？佢都好心急：「起碼要等半年，因為開刀復原要耐啲，我都想快啲，我都老喇。」
(apple daily)
【同張栢芝離婚七年】謝霆鋒激罕講感情事：也真的得放⋯
節目中嘅老婆婆突然問謝霆鋒結咗婚未，同前妻張栢芝離咗婚7年嘅霆鋒就打咗個突，好尷尬咁答婆婆話仲未。
謝霆鋒主持節目嘅《鋒味》最新一集去到捷克取景，仲去到當地一位中國籍嘅老婆婆屋企煮飯，期間佢聽到老婆婆分享自己嘅婚姻故事後，亦激罕談到自己嘅感情觀。
之後老婆婆就同在場眾人講要好好保護自己嘅伴侶，因為到老咗嘅時候，一個人會非常孤獨，只有老伴先可以令人內心平靜。
聽完呢番說話，謝霆鋒好感慨咁講：「她忠告我們一定要珍惜我們身邊的人，能夠珍惜的時候就珍惜，但是要放的時候，也真的得放。」
平日好少講感情事嘅佢突然有感而發，令好多網民都聯想到係同栢芝早前承認誕下第三胎有關。
亦有網民將佢口中嘅「珍惜」同埋「放」好自然咁套咗落栢芝同王菲身上！
(on.cc)
【傳兩個月前搞離婚】劉愷威楊冪揀喺冬至宣布分訊係因為⋯
藝人劉愷威與內地女星楊冪昨日（22日）經理人公司發布離婚聲明，指二人係和平分手，並會共同照顧及撫養囡囡小糯米。
雖然佢哋離婚傳足多年，但「威冪」一直三緘其口。不過愷威今年年初參加內地節目《跨界歌王》第三季嗰陣，曾多次唱苦情歌，有心水清嘅網友總結佢嘅苦情歌單，包括《心如刀割》、《原來你甚麼都不想要》、《給寶寶的歌》、《說散就散》、《慢慢》、《背叛》、《方圓萬里》等……全部歌都苦過食黃蓮，真係愈唱愈慘，愈聽愈感受到佢有幾苦！
當時愷威接受訪問時，只話自己只係想將一啲唔同成長階段喜歡嘅歌Share，依家睇番，呢份歌單原來暗藏心聲。
今日就有大陸傳媒指，二人於兩個月前在加拿大辦理離婚手續，而小糯米就會繼續留港讀書生活。
至於為何選擇昨日公布消息？
大陸傳媒指日期係兩人共同選擇，因小糯米正在放聖誕假，唔希望佢受到媒體打擾。
相關新聞：
【劉愷威當年霸氣求婚 楊冪：家庭不應該成為束縛】https://goo.gl/v9DDmG
(on.cc)
【劉愷威當年霸氣求婚】楊冪：家庭不應該成為束縛
劉愷威與楊冪昨日宣布離婚。 
佢哋由相識到結婚，冇好似戲劇情節般激烈，雖然平淡亦有甜蜜時光。當年劉愷威趁楊冪瞓着，靜靜幫佢戴上戒指，更霸氣表示：「戴上了就不許摘下來！」可惜最終敵不過時間洗禮！
相關新聞：
【傳兩個月前搞離婚 劉愷威楊冪揀喺冬至宣布分訊係因為⋯】https://goo.gl/yCC5ez
佢哋合作劇集《如意》時認識，相處一時間後喺一次傾電話時，劉愷威鼓起勇氣向楊冪問：「不如我們在一起？」確立咗情侶嘅關係，當時佢哋公開戀情後一直各有各忙拍劇，最好嘅拍拖地點就係喺片場，其中一次楊冪去探班，劉愷威一早準備咗戒指，不過未諗到點樣求婚，楊冪喺片場等到瞓着咗，劉愷威就靜靜雞將隻戒指戴上佢隻手度，當楊冪瞓醒發現隻手多咗隻戒指，有啲驚驚不停問：「怎麼了？怎麼了？」劉愷威淡定表示：「就這樣了，戴上了就不許摘下來！」之後在車上再正式單膝跪地求婚。
結婚初期佢哋非常恩愛，劉愷威接受訪問時曾表示：「我將毫無保留的愛你！」楊冪聽後感動落淚。
不過佢哋長時間分隔異地兼各有各忙，最終濃情亦遭時間沖淡5年緣盡。
而原來楊冪喺好耐以前發表個人觀點時，早就已經講過「家庭不應該成為束縛」。
兩人離婚聲明一出，網上即時翻出呢段楊冪接受訪問嘅影片，片段中嘅楊冪係短頭髮，所以推測訪問時間，應該就係生完小糯米之後做嘅，而該片中，當女主持講到有啲女星生完小朋友後，拍戲就冇咗動力、又或唔再享受拍戲，楊冪聽完就話：「我覺得沒有問題，大家可能會覺得我是不是一直非常忙，其實不是，因為可能我讓你們看到我在工作的時候，我都是動力滿滿，但是我回家的時候，我不會發微博『我回家了，我今天陪孩子』，我就是不會讓你完全看到，但是我有很多時間，其實是在家庭的。」
之後楊冪又講出對家庭嘅睇法：「但是我覺得說，我一直是覺得這樣的，我覺得家庭不應該是成為你的束縛，它可以給你歸屬感，但是它不是你的束縛，它應該是給你動力，讓你更好的去做更好的自己。」
而當女主持和應楊冪話覺得生小朋友係動力，不過做咗媽媽後都要選擇做啲自己想做的事嘅時候，楊冪就好認同咁話：「這個當然很重要，我覺得相信她有一天長大的時候，她會思考的時候，不會希望看到自己的母親是一個碌碌無為的人，也是一個很無趣的人。」
而片段最後，楊冪又表示希望可以畀小糯米做自己鍾意做嘅事，因為佢唔想以後畀阿女怪自己去強迫佢去做一啲佢冇興趣嘅嘢。
另外，二人離婚聲明中，表示今後將以親人身份共同撫養女兒小糯米。不過網民就猜測，小糯米比較多時間與父親劉愷威生活，因為小糯米在香港讀書，生活多由劉丹及太太照顧。而劉愷威亦曾公開表示，願意減少工作，分配更多時間給家人，甚至考慮回港發展，收工後可以回家照顧女兒。
翻一翻楊冪、劉愷威的微博，從2012年公布戀情開始，二人的互動幾乎成了戀愛日記，連續六年發文為對方慶生，互相慶祝母親/父親節、情人節、結婚紀念日，幫對方宣傳作品，日常互懟，字裡行間都是愛，但終究還是沒能逃過時間，成為過去式。
【“互懟”日常】
(綜合報道)