他指媽媽大讚對方斯文，笑謂媽媽好似要幫佢物色「老婆仔」，問到係咪已經有女友？佢就話：「係咪想我孤獨終老呢。。。」
無綫劇集《特技人》演員關楚耀與傅嘉莉在油塘出席花車巡遊宣傳，兩人在玩遊戲時，更不怕尷尬即場上演咀戲，相當落力！關楚耀表示近日出街感受到劇集的威力，他指媽媽睇劇大讚傅嘉莉斯文，笑謂媽媽好像要在電視為她物色「老婆仔」，問到會否追求傅嘉莉？他說：「今日嚟係宣傳嘅……」
關楚耀被指帶女伴上樓，問到是否已有女友？他說：「依家冇拍拖，嗰個係我台灣朋友，佢嚟香港旅行同佢食餐飯，係咪想我孤獨終老呢，我只係正常同異性出街， 都寫到我咁肉酸。」劇中主動出擊追求關楚耀的傅嘉莉聞言笑說：「我介意，我反對。」
(on.cc東網)
生日時公布同男星拍拖，今日仲傳出婚訊添！兩人經常拍拖出席活動，不過早前傳出分手，如今不分即婚，網民都非常驚喜！有指佢會同2年前認愛方式一樣，喺生日當天完成人生大事！
內地當紅女星唐嫣2016年12月6日33歲生日時公布同羅晉拍拖。
唐嫣被爆已經揀好婚紗同籌備緊婚事，兩人會喺外地舉行婚禮，只邀請部分親友出席。而婚紗就同台灣天王周杰倫老婆昆凌採用同一位設計師。
雖然爆料網友已即時刪文，但婚紗照片已喺網上流傳，消息仲成為微博熱搜！仲有傳兩人已經買下3千萬人民幣（約3千4百萬港幣）豪宅做愛巢。
而唐嫣嘅工作人員對「揀好婚紗」傳聞表示不屬實，至於婚訊，就話對藝人私生活不太了解，未有否認婚訊！
(on.cc東網)
桃花運極強勁嘅鄧兆尊，身邊一直有Carmen、車厘子（Cherry）同Claire呢班「3C女友」做伴，最難得係佢哋幾個女人共侍兆尊依然相安無事，經常俾人影到兆尊一拖三行街街，真係令唔少男士羨慕，封埋佢做偶像！
今日有周刊報道，日前喺銅鑼灣見到兆尊同埋車厘子行街，本來唔係乜嘢特別事，不過佢哋身邊多咗個中女，疑似係有新成員加入，佢哋兩女人睇落仲好鬼好傾，齊齊喺兆尊後面跟住行！報道仲話兆尊同埋車厘子陪新女買衫，最初大家都有講有笑，但係行行吓兆尊好專心陪新女睇衫，搞到車厘子冇癮咁行開。
鄧兆尊今日回應《蘋果》，佢話：「我之前已經回應過，佢係我朋友嘅太太嚟㗎。」
(蘋果日報)
人妻陳敏之為咗頭家，真係捱到幾辛苦都冇怨言。敏之最近幫無綫一連開拍兩部劇《解決師》同《鐵探》，要日以繼夜，夜以繼日咁開工，今日凌晨終於出意外！
五個鐘之後敏之再post片，見佢按住傷口，不停話「好痛、好痛」，嚇到一班網民都問佢止咗血未。
敏之今日回覆傳媒時，透露係自己太投入所致。佢話﹕「剛才凌晨拍嘢時整親，嗰場戲太投入，呢排太辛苦、好忙，又唔夠瞓。嗰場戲要我急步走入房搵詩詠，我唔小心踢咗張床，床係木造，腳趾甲就咁爆咗。」敏之話起初都唔知自己流血，仲堅持繼續拍，後來有攝影師建議佢換拖鞋，所以傷勢唔輕，佢話﹕「換完鞋見到成地血，真係愈來愈痛。」
好彩之後都成功止血，敏之回家休息一會，又要繼續開工，佢仲上載囝囝子樂送媽咪出門口嘅片段，見未夠2歲嘅子樂幫手推行李，仲同媽咪一齊坐lift落樓，有咁窩心嘅囝囝，媽咪做嘢幾辛苦都唔緊要啦。
(蘋果日報)
無綫處境劇《愛．回家之開心速遞》一班演員日對夜對，老老嫩嫩似足一家人，就算唔使開工，佢哋都會約埋出嚟聚吓。
就好似呂慧儀（長腳蟹）過幾日就36歲生日，成班《愛．回家》演員就出晒嚟同佢慶祝，當中就有劉丹、單立文、張景淳、蘇韻姿等，而長腳蟹都好識做，帶埋阿仔「蟹籽」出嚟見吓啲叔兄弟！
話晒咁齊人開開心心賀壽，不過大合照時佢哋就搞笑地玩「工藤佑采Mode」，個個一齊黑面，連「蟹籽」都識得唔做得意表情，真係睇得出《愛．回家》演員幾咁「齊心」，而長腳蟹就似乎好Enjoy，另一張合照都繼續嚟黑面樣，果然係玩得之人。
而單立文除咗配合玩黑面，佢仲忽然用叉幫「蟹籽」梳頭，難得「蟹籽」又郁都唔郁任佢搞，場面真係夠晒搞笑。
(on.cc東網)
陳冠希(Edison)出道多年，一直予人壞孩子嘅印象，但自從遇上大陸名模秦舒培，女方仲為佢生下囡囡Alaia後，呢個「壞孩子」Edison就搖身一變成為「炫女狂魔」嘅慈父。
最近Alaia嘅媽媽秦舒培就接受雜誌專訪，首度談及佢對呢位「壞孩子」嘅第一個印象。
秦舒培與Edison相戀3年，雖然佢哋仲未簽紙結婚，但二人已育有一女Alaia。秦舒培最近接受雜誌專訪，講到佢對Edison嘅第一印象，佢話最初係喺ig到見到Edison鬧一個失禮嘅部落客。當時秦舒培就覺得Edison好Cool、好真實，第一個印象係好好嘅。之後，佢喺一個時裝周活動上，透過朋友認識到Ediosn，認識深咗就發覺佢係一個好有趣、好細心同好聰明嘅人。
與Edison交往後，秦舒培坦言好多朋友都唔理解，就算去到美國，仍然會受到四方八面嘅壓力，而喺嗰段時間，佢亦睇清楚好多人同事。至於父母，秦舒培指初時父母都唔接受Edison，為咗改變父母對男友嘅印象，秦舒培迫佢哋去美國見男友，當佢哋見過Edison後，想法就改變咗喇。但秦舒培重申，父母接受Edison成件事都好自然，男友亦冇做特別嘢嚟討好父母。
至於同Ediosn嘅愛情，秦舒培覺得佢哋嘅愛情好簡單，「就是每天只要在一起，做最簡單的事情都很開心。」佢仲話，佢哋一齊嘅時候諗到乜就做乜，完全冇束縛，是一種好舒服嘅狀態。
愛很簡單，咁Edison做過乜最令秦舒培感動呢？佢嘅答案同樣簡單，佢話同Ediosn一齊，無論自己想做咩，對方都會支持，所以佢認為「支持」係最重要，亦覺得呢兩年自己嘅自信多咗，有工作就去工作，冇工作就湊女同陪Edison。
(蘋果日報)
老婆唯有喺下面留言：「我就知道一激動打成了母子，母女啦～」皮膚遺傳了媽媽，烏黑茂密的頭發則遺傳了爸爸，長相看起來和媽媽更像一點，特別是鼻子。。。
8月31日凌晨，歐弟妻子鄭雲燦二胎產女，歐弟在微博發文報喜，激動的他連字都打錯了，把母女寫成了母子：「母子平安，謝謝大家謝謝世界」。
難掩激動心情的歐弟報喜時連字都寫錯了，讓人誤以為他二胎得子，好在妻子鄭雲燦在評論區留言糾正：「我就知道一激動打成了母子，母女啦～別說我氣色好呀，我那是根本來不及卸妝直奔醫院，休息好了再分享順產經歷～謝謝大家」，之後歐弟便把「子」改成了「女」。
歐弟還曬出一家三口在產房的溫馨合照，小家伙剛出生沒多久，皮膚還是皺巴巴的。鄭雲燦躺在產床上抱著女兒，臉色蒼白，看上去非常虛弱，一旁的歐弟豎起大拇指，為妻子鄭雲燦感到驕傲。
剛生產完的鄭雲燦身體還非常虛弱，躺在床上的她望向在歐弟懷中熟睡的女兒，眼神中滿滿的母愛。
小家伙的皮膚遺傳了媽媽鄭雲燦，烏黑茂密的頭發則遺傳了歐弟，長相看起來和媽媽更像一點，特別是鼻子和媽媽鄭雲燦一模一樣。
前兩天剛好是歐弟和鄭雲燦結婚四周年紀念日，女兒的到來無疑是結婚紀念日收到的最好的禮物，網友們也紛紛留言恭喜歐弟：「明明是母女，歐弟太開心了吧！字都打錯，然後你老婆素顏好美呀」「祝寶貝健康成長！！幸福 健康快樂！恭喜」「恭喜恭喜，照顧好寶媽和寶寶哦，還有你自己」。
(騰訊)
噚日係楊怡嘅38歲生日，日前已經同老公羅仲謙放閃，同一班好朋友慶祝生日。
今日凌晨楊怡再喺ig出post，今日同佢慶祝生日嘅係第13期無綫電視藝員訓練班嘅同學仔，轉吓眼已經係20年前嘅事，時間真係過得好快。
見到有張美妮、陳少邦、徐榮、楊明、趙永洪、李忠希、傅楚惠等十多人，仲有貴人事忙嘅林峯都喺度呀！
楊怡留言﹕「相識已是緣份，感恩我們能相遇，相知，相惜，20年的友誼，不容易。13期萬歲，開心難忘的830，謝謝大家#13 #感恩 #幸福 #友誼永固。」
(蘋果日報)
升呢父母嘅藝人，當然家庭為重，要家人得到健康，就要先從飲食開始。收身成功嘅新手媽咪吳雨霏（Kary）同陀住第二胎，挺住巨肚嘅謝天華太太李天恩（Tina），佢哋日前不約而同去咗渣甸山間超巿買餸，兩位靚媽都為家人煮餐好而出動。
今年6月，一索得男嘅吳雨霏（Kary），已經坐完月，可以自由活動，收身成功嘅佢日前素顏同老公洪立熙（Brian）孖咇到超巿，喜歡潮人打扮嘅Kary，着住黑色高衩連身長裙，老公Brian就白裇衫，兩公婆黑白配，襯到爆。其實Kary產後一直深居簡出，及至日前佢有到盧凱彤靈堂送佢最後一程，之後又未有再露面，看來Kary樂得把時間都花在囝囝身上。
當日下午4時許，Kary同老公Brian去到超巿，Brian帶定寫下要買東西嘅紙仔，佢逐一放上手推車，佢哋揀咗水果同日用品，放滿一車便去畀錢，Brian推着車到停車場，而收了身嘅Kary輕鬆兩手揈揈，佢條連身裙係鬆身款。Kary夫妻冇帶囝囝出去濕平，所以可以專心選購東西，Brian將東西放車尾箱時，Kary分工合作拎起取回嘅乾洗衣物，臨走時，Brian禮貌打招呼，Kary也點點頭。
其實，超巿內仲有一家「四」口掃貨，佢哋係謝天華同46歲大肚太太Tina同約3歲囝囝謝浩飛（天天），謝天華今年4月開心報喜老婆再有喜，日前見到Tina個肚又圓又大，佢為安全都着平底鞋，佢哋去咗買雞蛋同水果。
當Tina專心揀嘢時，天天突然活潑叫嚷，媽咪馬上向囝囝叫停，謝天華也踎低勸止，天天非常聽話，睇嚟佢哋平時家教都係講道理，佢哋買晒嘢都去埋單，謝天華負責把東西放入車尾箱，Tina就拖實囝囝。因為佢哋架車泊邊位，所以謝天華先開車出嚟，先畀老婆同囝囝上車，當時停車場都好繁忙，佢架車有頂住後面，謝天華都猛示意不好意思。兩個都咁錫老婆，真係唔話得～
(蘋果日報)
話說清義哥(何基佑兒子)早前在餐廳用餐時因為某些原因情緒失控，在餐廳內放聲大哭。我見狀便跟他說，你現在需要冷靜，爸爸和你到餐廳門外，等你安靜後我們再進去。
說畢我便抱起他然後步出餐廳，他哭得更利害，我沒有理會他，繼續向餐廳門口走。當我兩出走到街上，我把他放在我面前，相隔大概一米多距離，然後讓他自行冷靜。不到兩分鐘，他開始冷靜下來，嘗試控制自己的流淚，然後喘著氣告訴我，爸爸，我…我…冷靜…好了。
接着我便給他紙巾說，冷靜了吧？好，用紙巾把眼淚擦乾，我們返回餐廳，你要保持安靜，知道嗎？清義哥點點頭，於是我們便回去用餐。
相信很多家長都經歷過孩子在餐廳或公共場所情緒失控，大家都非常害怕遇見這種情況，既尷尬又費時。其實只要有適當的策略，就可以很輕易地處理。從上文可見我的處理是十分輕鬆，而每個步驟雖則簡單，但裏面亦都存在着不同的功能。
首先我把嚎哭失控的孩子帶離「案發」現場，一來可以保持餐廳環境安靜，二來可以把孩子的注意力稍為分散（特別如果是因為環境影響他的情緒）。過程中我保持冷靜，看著他的眼睛，具體地讓孩子知道他需要表現的正當行為：「你需要冷靜」，和他將要做什麼：「爸爸和你到外面冷靜」。
當我倆在門外時，除了再次告訴他「冷靜後再進去」之外，我沒有和他交流（包括眼神，言語，身體接觸等等）。我和他相隔的距離不足產生遺棄感，同時亦是一個安全和恰當的距離。
當他冷靜過後，我遞上紙巾的目的是希望他以一個具體的行動把那種不安情緒擦去然後扔掉。當我牽着他的手回到餐廳內，我並沒有跟他說任何道理，只是再一次告訴他請保持安靜，事情就告一段落了。
面對情緒失控的孩子，家長必須保持冷靜，無須打無需罵，我們絕對可以用一個從容不逼（我稱之為有型）的態度去處理。清義哥之所以能夠這麼快冷靜下來，不是因為他天生異品，而是因為在家訓練有素，他知道情緒失控是不會得到他想要的東西，包括父母的關注。
經過十次，八次的冷靜區的經驗，三歲的他已經可以很快自行平復下來。所以各位爸爸媽媽們，如果孩子在家中情緒失控，我真係恭喜你，因為這是訓練他學習自行冷靜的最佳和最安全的時機。
若要等到在街上才開始練習處理，恐怕大部份家長都會感到有點壓力。人人都有情緒，有情緒不是罪，嚎哭也不是罪，作為父母有責任教導孩子用正確的方法去表達情緒，和自行冷靜下來。加油呀！
(Topick)
