藝人張名雅在將軍澳電視城出席「十二月星辰活動」，懷緊二胎的張名雅腹大便便。
她指現時BB已經38週，離預產期還有兩星期，BB隨時出世，自己已做好心理準備。
她說：「一星期前仲以為自己穿羊水生得，父母、老公都話咁快，最後原來虛驚一場。」
張名雅表示佗二胎的心情輕鬆得多，弟弟出世可以重用哥哥的用品及衣服，要準備的東西較少，自己亦放肆、沒有戒口。
(on.cc)
【真係好緊張】大肚張名雅：以為自己穿羊水生得
【Baby唔爭取仔仔監護權】驚傳黃曉明同Angelababy低調簽紙離婚
内地當紅小生黃曉明2015年與女星Angelababy（Baby）結婚，兩人育有一子「小海綿」。
最近内地傳出不少一線藝人遭稅局約談補稅，黃曉明夫婦更在名單之上。受范冰冰逃稅事件影響，近日傳出内地稅務局再召17位藝人約見，並要求他們於下月15日限期前自行補稅。名單更於網上瘋傳，包括鄧超孫儷夫婦、黃曉明夫婦、周迅、楊冪、趙薇、吳奇隆、趙麗穎、陳喬恩、黃渤、徐崢、吳京、吳秀波、霍建華等。
今日網上傳出黃曉明和Baby因稅務問題已低調簽紙離婚。
微博上多個知名帳戶披露，黃曉明跟Baby因巨額稅款決定離婚，女方決定離開，不爭取孩子監護權，引起内地網民譁然。
内地媒體向Angelababy身邊工作人員，得到回應是沒此事，一切都是假新聞。黃曉明方面工作人員也說，傳言太聳動了，是「嚇人」的假消息。
(綜合報道 / singtao)
【親自送蛋糕過嚟】又收花又收蛋糕 氹到龔嘉欣超開心！
無綫新劇《殺手》的拍攝正進行得如火如荼，有份參演的龔嘉欣昨日29歲生日，而謝東閔則今日踏入33歲。
並非同劇的余德丞特意準備了兩個蛋糕，親自送到現場為兩位壽星慶祝，蛋糕上還分別寫上二人劇中的名字，氹得在工作中度過生日的龔嘉欣非常開心。
嘉欣留言：「2018.12.05 在工作中度過 更加感恩 謝謝給我驚喜的余德丞和BeeBee 這個驚喜的確成功 我還在想為甚麼有人唱生日歌 原來那時候是剛好12.05 00:00 你們太有心了謝謝！而我今年的生日願望就是不要再受傷 做個打不死的殺手」
謝東閔亦有上載與余德丞的合照，留言感謝：「謝謝你（余德丞）專程過來劇組這邊提早同我慶祝 生日快樂 龔嘉欣 祝你繼續大紅大紫」
今日龔嘉欣又收到一大紥花，超靚，當然人仲靚啦~
祝嘉欣生日快樂！繼續努力！
（ig / sina）
【專心做少奶奶？】熊黛林坦言因爲一對孖女而搞到成日…
名模熊黛林出席琦琦自家品牌一周年活動，姍姍來遲。
她解釋因為塞車，但亦因為兩個孖B，成為遲到慣犯：「佢哋依家好得意，好好玩，會好不由自主咁同佢哋玩忘記時間，所以都成日會遲咗少少。（會唔會唔捨得，唔想出嚟做嘢？）咁依家佢哋仲未識拖住你腳叫你唔好走，會揮手，有工作盡量會安排佢哋瞓覺嘅時間。」
「（返大陸做嘢係咪較難？）都唔會，我都試過，但係就要即日來回囉，自己辛苦啲，一早出門口跟住好夜返屋企。（如果拍戲就要長啲時間喎？）依家都傾緊，但好似以前一拍就3、4個月，中間得一日返到，依家就唔得啦，所以要度吓。」
「（老公有冇叫你做少奶奶？）佢睇我自己，都唔想我咁辛苦，我自己都想多啲時間湊BB，BB日日唔同樣唔想錯過佢哋成長。」
問到有冇人搵BB拍廣告？她表示：「BB仲細，等大啲先，我唔抗拒，都想同佢哋拍，等佢知媽媽工作嘅環境，同埋知媽咪做嘢係好辛苦。」
（on.cc）
【傳媒問係咪孖胎】陳凱琳：今日喺IG放咗張BB相
早前宣布懷孕的藝人陳凱琳（Grace）現身眼鏡活動，身穿鬆身裙的她已見腹部微隆。
Grace稱現時仍有妊娠反應，會不時嘔吐，問到有否影響工作？她說：「都ok，習慣咗，知道要少食多餐，好過一次食太多。（口味有冇變？）有，我以前係甜品人，老公成日話我甜品當正餐，依家食多咗飯、粥，同啲有營養嘅食物，可能BB話媽咪糖分已經好夠。（重咗幾多？）10磅，我好易吸收，醫生話係正常，BB係中碼。」Grace透露已獲不少朋友送贈BB衫，至於已為人母的好姊妹有否將舊衫送BB？她坦言：「啲人話舊衫係祝福，我唔介意，仲覺得好好添，不過我未公布BB性別，所以未問人攞。」
Grace指現正處於放假階段，除了出活動外，有不少時間煲劇。問到嘉穎出埠工作，會否擔心她，她坦言：「都ok，佢知我身邊有人照顧我，佢都放心。（每日打幾多次電話？）佢去機場打一次，去到機場又打，上機又打，我話我仲係同一狀態喺髮廊，佢好sweet。（黃智賢讚嘉穎乖咗好多？）哈，我要出活動前問定佢講咗乜，係乖咗，照顧周到咗，不過佢以前都好乖。」
她自言：「我今日喺IG放咗張BB相，個BB望住自己嘅肚腩，就好似我嘅感受咁，好得意。（有咩感受？）好神奇，雖然都見過身邊朋友大肚，但我依家終於明白個感受，我嘅五舅母最近生咗孖仔。」
「（你係咪孖胎？）唔係。」
提到之前Grace老公鄭嘉穎在活動上指胎兒性別由她負責公布，Grace笑謂：「佢又拋番個波畀我，之前話一齊公布，佢依家飛咗去馬來西亞工作，等佢回來我哋約咗幾個朋友食飯，到時會同佢哋講，跟住再公布。因為嗰幾個朋友係親友，佢哋都未知BB性別，想尊重番長輩意願，唔想佢哋要睇報紙先知。」
(on.cc)
【原來今年已經…】周迅大方透露自己真實年齡 網民驚訝！
内地女星周迅近日推出自傳，網民紛紛貼出書本的側拍照公諸同好。
小時候一樣有氣質美！跟現在也沒大分別！
書内有不少周迅的私照，她不但公開自己多年來在各場合攰到倒頭大睡的有趣相，更自爆是位「睡寶寶」！
這張明顯是偷拍啊！
無論在車上、酒店床上、化妝中，就連在熱爆劇《如懿傳》的片場，都可以邊聽導演說話邊睡着！真是很厲害！
另一張則是她在冷宮角落，穿上羽絨大衣睡着的相，神似毛毛蟲，非常有趣，真想不到周迅會有這一面！
周迅在自傳中首度公開自己的獨生子女證和港澳通行證。
大方揭露自己是1974年出生，今年已44歲，網友驚訝表示：「以為是76年的呀！」、「哪裏像個74年的，太美了！」
（綜合報道 / on.cc）
【繼阿嬌賴弘國 Stephy同王子之後】終於輪到呢對公開姊弟戀！？
時下興姊弟戀，大家熟悉有阿嬌同未婚夫賴弘國相差八年，而同樣愛得浪漫經常放閃就當然唔少得鄧麗欣Stephy同王子呢對啦~
Stephy同王子相差5年~
睇嚟又有一對姊弟戀即將誕生喇~
日本電影《小偷家族》老牌女星樹木希林今年9月與世長辭，享年75歲。樹木希林嘅21歲孫仔內田雅樂（UTA）今年入行，以1.9米身高成為模特兒界新寵，更登上國際天橋，UTA遺傳父親本木雅弘優厚條件，年紀輕輕已甚有台型。
與名模Bella Hadid合照，呢個機會唔係人人都有！
UTA上月與女模遠藤政子齊齊透過Instagram晒拖手合照，疑似公開戀情。
昨日兩人又繼續放閃，UTA同女友各自喺IG Story上載恩愛片段，二人於食店排排坐自拍，只見遠藤政子黐實男友，不僅面貼面，仲錫錫男友面頰，似乎係要正式公開戀情。
25歲嘅遠藤政子曾演出配對真人騷《TERRACE HOUSE》，今年打入全球100大美女成為候選女星之一。
（綜合報道 / apple daily）
【黃日華患癌太太傳來好消息】但囡囡黃芷晴就有壞消息公佈
藝人黃芷晴出席朱古力活動，身穿紅色中空lace裙的她頗為性感，她即場設計朱古力聖誕卡。
講到媽咪現時情況？她說：「OK，係定期覆診，其實上次訪問冇交代太多，但想藉今次同大家交代番，其實佢真係唔係復發，其實媽咪係今年做咗個療程，係醫生建議嘅，就係可以醫血癌最好嘅方法，就係接受骨髓移植，依家就已經做完㗎啦，其實幾年前醫生都建議過做，但今年就搵到適合嘅骨髓，不過就唔知係邊一個，好多謝佢。」
她表示媽咪八月底做完手術，現時休息了三個月，可以在家中休息，現時全家都放下心頭大石，問到可是最好的聖誕禮物嗎？她說：「都係，其實爸爸生日就係佢出院嗰日，佢九月頭生日，其實都要多謝爸爸，因為我都多嘢做，所以要多謝爸爸照顧媽咪。」
黃媽媽終於康復真的是一個好消息！但是囡囡就有個壞消息公佈…
活動上她自爆現時沒有男友，她坦言兩人於一個月前分手。
「其實呢兩年半裏面我哋嗌交時間比較多，大家都攰，大家執着於唔同嘢，所以不如分開，依家自己心情OK，反而之前成日接啲婚紗騷，不過我朋友裏面都係得一個結咗婚，所以我唔急，搵啲朋友或者屋企人過聖誕。（準備識新男朋友未？）咁快？未算準備好。」 
於聖誕節前分手，對芷晴來説都算是一個壞消息，希望她的家人和朋友都能陪伴她，讓她不用過一個Lonely Christmas~
（綜合報道 /on.cc）
【囡囡真面目終於曝光】吳若希慨嘆：trouble two is coming
愛女如命嘅Jinny，一歲半嘅囡囡Giselle不嬲都係家中掌上明珠，不時都會上載囡囡新相同大家分享下湊女生活。
點知今朝一早，Jinny一起身就發現自己盒化妝品palette變咗嵗半囡囡「新玩具」！
揭開囡囡神秘面紗，真面目曝光！
Jinny即時上載影片，影片一開始就已經將床已經好多粉，證明囡囡已經玩咗一輪…
之後見到Giselle將盒palette化成粉末，啲眼影倒到成枱都係，完全可以用「災情嚴重」嚟形容，Jinny都話「起身見到個鍾無艷」，但Giselle好似玩得好開心，意猶未盡！
之後Jinny一直苦笑，囡囡可能驚媽咪鬧，就走咗去門後面，Jinny仲問佢係咪面壁思過！
Jinny一邊問佢做緊咩，一邊好慘咁苦笑。
Jinny事後都忍唔住留言笑指Giselle真係自己親生嘅。
「起身見到個鍾無艷，我就知道trouble two is coming 聽聞啲BB會喺呢段時間用不同方法測試媽媽的底線，從而引證自己是親生的～～」，最後再Hashtag埋「#iloveyou」。
其實每個小朋友進入2-3歲就有叛逆期，我們統稱為trouble two，係必經階段。佢哋會鍾意唱反調，會發脾氣同大哭，本身係乖孩子都會容易喺呢個階段變成小霸王。
作爲父母首先唔好打罵佢哋，應該理解同尊重BB，比多啲鼓勵佢，仲有就係切勿經常將 “No!”放在嘴邊，因爲會打擊小朋友信心，不妨將語句改成 “你可以…”，從而教導BB正確做法原來係咁。
Jinny都樂觀面對，各位爸爸媽媽要加油呀！
影片如下：
(facebook / 綜合報道)
【曾懷孕8個月不幸小產】張衞健張茜結婚14年同甘共苦 不離不棄
曾經有多個劇集成爲代表作嘅張衞健（Dicky）闊別香港熒幕多年，終於返嚟見下香港觀衆！
《齊天大聖孫悟空》
《鹿鼎記》
最近重返無綫，於熱播劇集《大帥哥》中飾演多情大帥。
劇中雖然有四個老婆，但現實生活中，張衛健其實係百份百愛妻號，對老婆張茜非常專一！
張衞健與張茜結婚十四年，依然非常恩愛，兩人共同走過人生高山低谷同兩次流產傷心經歷。
Dicky曾捲入1997年金融風暴，投資失利險破產，之後要馬不停蹄在中港兩地工作揾錢，雖然聚少離多又要捱窮，但張茜一直不離不棄、與愛郎共度時艱。
兩人因拍劇而結緣
而張茜在2008年，曾懷胎八個月但最後不幸小產，Dicky當時立即推掉所有工作陪老婆，幸好有老公在身邊扶持，才得以走出不堪回首的陰霾。
近年他不時與太太在網上「放閃」，並曾發文：「步伐一直都是那麼快，知道你趕的很辛苦！放心，我會學會慢下來，看清楚沿途風景。」表明願意放慢生活節奏多陪伴太太。
婚後Dicky就送了北京一層5000呎豪宅給太太，他知道老婆喜歡意做運動，為免她舟居勞頓所以家中放滿健身器材。
而大廳中間更有兩人的溫馨合照，真係超幸福！縱然至今膝下無子，但兩人依然開心快樂過生活，再此祝福兩人繼續幸福快樂！
(綜合報道)