無綫藝人黃子恆被爆食國產粉絲，女方更指自己懷孕，又鬧爆黃子恆玩失蹤。子恆承認一度欲與女方進一步發展，但堅稱只與對方發生過一次性行為，又否認是BB經手人，又指不介意驗DNA以證清白！
今日黃子恆在經理人及工作人員伴同下現身開工，子恆明顯木無表情、愁眉深鎖，似乎被新聞影響心情。
不過他都相當專業，一埋位即專心拍攝，拍攝一場用手扣扣鎖疑犯的戲份，不過拍第一個鏡頭時不太順利，要重拍導演才收貨。
而同場的還有演員蔡思貝。
相關新聞：
【期間沉思十秒】黃子恆最新回應 https://goo.gl/FYEMtm
【疑搞大粉絲個肚】黃子恆首度回應 承認… https://goo.gl/sDjpCL
【決定墮胎】TVB男藝人被爆疑搞大咗粉絲個肚 https://goo.gl/feimTf
（on.cc）
陳智燊（Jason）與老婆宋熙年（Sarah）結婚兩年，今年8月升呢做爸爸媽媽。
轉眼間囝囝Damon已經100日大，兩公婆為寶貝仔舉行百日宴。
Sarah在社交平台分享全家福，可見一家三口襯到絕，Sarah和Jason穿了皮褸，配以特別訂製、寫上「TEAM 100 DAMON」的Tee，慶祝囝囝出世100日；囝囝Damon亦穿上同款外套，加上一頭濃密頭髮，眼仔碌碌，又長大了不少，但依然都十分可愛！
Sarah在帖文以英文留言：「我至今最大成就是組織了自己的家庭。好多謝兩位大小陳生，感謝你們帶給我的所有快樂。祝Damon100日快樂；媽媽和爸爸十分愛你……感謝你讓我們成為你的爸爸媽媽」。
百日宴上，貼心的Jason為免囝囝扭計不肯和親友合照，特別製作了囝囝的紙版「替身」，好讓所有親朋好友都可以和Damon合照留影，Jason真的非常貼心，網民都說Sarah沒有嫁錯郎！
(ig / 綜合報道 / singtao)
前港姐冠軍張名雅今個月7號就踏入31歲生日。
現時懷有第二胎嘅佢隨時生得，不過佢肥肚唔肥人，仲係好輕鬆咁周圍去。
呢日佢就同一位女性朋友提早同自己慶祝生日，佢喺社交網上載相片。
相中嘅佢紅粉緋緋，完全冇孕味，唔講都唔知佢已經懷孕超過9個月！
佢留言話：「找到藉口在第37週出去，她準備的蛋糕令我好驚喜！」朋友為佢預備嘅紫色蛋糕有隻半透明嘅蝴蝶，真係好精緻，唔知個蛋糕係咩味架呢？估唔到今次名雅收埋個孕肚，改為曬蛋糕，畀網民追問個肚點解唔見咗添！
(ig / on.cc)
近年備受力捧藝人黃子恆今日爆出疑與女粉絲有性關係，該名粉絲仲話自己已經懷孕4個月，並揚言會墮胎。(詳細報道：https://goo.gl/feimTf)
事後黃子恆接受傳媒訪問，承認同呢個女fans的確發生過關係，但就堅稱只係一次，而且有做足安全措施，講到女粉絲表示目前懷孕，佢就堅決否認同自己有關，仲話唔介意驗DNA，同埋可以查佢出境紀錄。
【決定墮胎】TVB男藝人被爆疑搞大咗粉絲個肚 https://goo.gl/feimTf
(綜合報道)
藝人王浩信與太太陳自瑤又再傳出離婚消息！
今日有報道指太太陳自瑤已經死心，堅決離婚；
亦有指浩信現時都好生性，還跟好友伍允龍返教會，尋求心靈輔導；另外還有叫太太接受婚姻輔導，可惜Yoyo仍堅決離婚。
對於有傳聞指兩人正辦理離婚…
王浩信今日回覆傳媒時話：「哈哈，流料，冇回應。」
相關新聞：
【王浩信被指…】傳陳自瑤心已死 搞緊離婚 https://goo.gl/3AEnBN
(綜合報道)
就快又嚟到無綫一年一度爭視后視帝嘅大日子，上年憑《踩過界》嘅盲人律師成為視帝嘅王浩信。
今年以《兄弟》一劇入圍，唔知佢有無信心呢？
事業得意嘅王浩信，感情方面就屢屢傳出婚變同緋聞，而今日更有報道指老婆陳自瑤已經對雙方嘅婚姻關係死心，正辦理離婚。
誕下愛情結晶後，男方事業更步步高升，絕對可以話係幸福美滿羨煞旁人。
(綜合報道 / apple daily)
藝人薛家燕的一連兩場紅館處女騷「薛家燕愛你無限60年演唱會」昨日開鑼！去到個唱尾段，家燕的三個寶貝仔女驚喜現身答謝媽媽養育之恩，是整晚最為「有洋蔥」部分！三人上台前先有一條片段記載多年來的回憶，片中大讚家燕是位女超人媽媽、是他們的驕傲。
隨後阿仔石耀庭捧住鮮花登場，身穿晚裝的大女石祐珊及細女石耀珠於兩邊上台，眾人合唱《You Raise Me Up》搞到家燕眼濕濕。
阿仔見狀立即拎出紙巾，讓細妹幫忙擦淚，他們表示多謝觀眾一直以來的支持，又指媽媽為今次個唱勤力練習，為了用最佳狀態表演，希望觀眾拍手鼓勵她，說畢便落台。
期後家燕不禁哽咽指一見到仔女出場就已經好感動，更大爆身邊有人曾話三個小朋友是包袱，但對於她來說卻是推動力，令自己做每一分一秒都是值得。
又慨嘆已經把他們湊大，今次開騷仔女都好支持自己，大女珊珊甚至有份統籌：「佢花咗好多時間，大家喺網度見到我話要舉行選婿大會，其實我都係借一個廣告提吓佢，要留意自己識男朋友，都有好多人嚟參加，但我因為做演唱會冇時間去揀！」
大女珊珊(左二)
續講到自己復出後都由朝做到晚，每日只睡4小時，都有人問我：「你唔辛苦咩？唔攰咩？但我話畀大家聽我唔係唔知攰，而係唔可以攰，為咗達到自己可以做到個有責任嘅媽媽⋯」此話確實道盡不少媽媽的心聲。
說到此時家燕姐接不下去，由觀眾的掌聲填補空間，然後她接話：「做嘢都畀我動力，爭取每分每秒。」非常感人！現場觀衆拍掌鼓勵家燕姐！
(綜合腦報道 / on.cc)
藝人張頴康麥雅緻早前為仔仔小花生慶祝生日，雖然無大排筵席，但一家四口齊齊整整已經覺得好滿足好幸福！爸爸張頴康仲話只係希望仔仔健康成長，過得簡單開心，仲叫小花生一定要記住生日係代表媽媽麥雅緻好辛苦咁生你出嚟，所以一定要孝順同尊敬媽媽！果然係一位好丈夫同好爸爸！
佢哋仲去咗主題樂園玩得好開心添！
張頴康呢排忙緊拍攝新劇《解決師》，佢今日就上載照片話終於煞科喇！
佢留言多謝監製畀咗「Man Sir」呢個咁好玩嘅角色佢。
仲搞笑話：「如果我有啲乜嘢做得唔夠好嘅，咁以後每一套戲都繼續搵我，等我做得更好😜！」
佢亦同一眾戰友講辛苦哂，仲話拍完之後需要休養一段時間
「因為同FYY（馮盈盈）合作咗半年，我確診患有職業性失聰！」
網民都話估唔到馮盈盈嘅音波功咁勁，仲搞笑話張頴康應該搵對方索償呀！
(ig / 綜合報道)
早前誕下7磅兒子，現時已改名為陳顥昇，BB出生三個星期後，一家人拍下靚靚家庭照。
咁細個就表情多多，好識氹爸爸開心！
媽媽坦言兒子是大隻B，手手腳腳已經相當有力，頸仔亦相當有力，可以支撐起個頭仔。
幸福人妻岑潔儀（Zoey）早前為老公Dixon誕下第二名仔仔，而家已經成為兩子之母。
她又謂：「佢食奶奶好快，一口氣就可以食晒，喊聲亦唔大，仲好好湊。」
BB真係錫媽媽，Zoey更指二月底會為顥昇舉行百日宴呢！
(ig / 綜合報道)
恭喜！恭喜！琴日喺社交網宣佈細女平安出世喇！
剛出生嘅周家二公主，擘大口仔，相當得意。呢頭爹哋貼完相，嗰頭已經收到唔少嘅祝賀，包括蔡思貝同岑杏賢等，都有喺爸爸個社交網度留言講恭喜送祝福！
周志康接受傳媒訪問時透露：「本來預產期喺19號，但係我太太今朝有少少作動，我哋咪去睇醫生，醫生話可以準備喺今日生，所以我哋咪入院催生。」佢仲話以為第二次冇咁緊張，點知太太一開始作動，自己就心跳加速，結果BB好順利喺今晚出世，佢仲有親手剪臍帶，佢話：「穿羊水到出世都係一個鐘左右，醫生入嚟幾分鐘就出世，BB真係抵錫。」
問到大女探咗妹妹？周志康表示：「家姐已經探咗BB，佢話會好錫BB，畀晒啲玩具BB玩；之前我都代妹妹買咗份小禮物送畀家姐當係見面禮，希望佢哋和睦相處。」
（facebook / apple daily）
