譚小環今日同老公蔡強榮（Eric）到九龍灣出席其第3間小食店分店開幕禮，譚小環母親一直在場點，佢話9月會喺東涌開另一間分店，合資約7位數字，今次嘗試喺商場開店，亦拍攝網上廣告宣傳：「我哋請咗（吳）志雄哥拍，拍一個懷舊 MK 7大件事，有關旺角70至80年代嘅軼事，好有古惑仔feel。」
小環笑言曾想找鄭伊健，但小店預算有限，而佢亦會有參與廣告拍攝。
除了開小食店，小環亦夢想開一間冰室，會是下一個目標，而餐廳主題也是懷舊為主，有人提議放佢以前嘅唱片封套掛喺店內，她笑言：「有得諗，每個人見我都諗起雀籠蓋住個頭嗰張CD cover，如果反應咁好，唔介意畀人笑，其實我行先人哋10年，依家好多人抄，希望出年能夠成事。」
(蘋果日報)
歲月催人老，逆齡有術的她亦深明這個道理，日前下午4時許，近期甚少在港露面的她與一女友人現身銅鑼灣，更以潮爆的黑白睡衣裝登場，腳踏黑色涼鞋，再配襯斜孭袋。
她們先在該處一間連鎖化妝品店購物，未幾已拿着大袋戰利品步出，然後再往附近商場的專櫃選購化妝品。
她現身時，店員亦不敢怠慢，隨即上前熱情招呼，她經過一番精挑細選，終搵到心頭好，然後去櫃枱碌卡付錢，未知是否信用卡機有問題，要碌兩次才成功過數，但海味依然非常有耐性地等候。
其後往地庫買花時，有女途人上前集郵，她有求必應，還除下墨鏡無懼素顏示人，大方合照，非常親民！看來粉絲有增無減，之後再經過一輪「掃貨大行動」，再到附近酒店食飯。
現年51歲的周海媚（海味）於1994年在電視劇《倚天屠龍記》中飾周芷若一角，將主角溫柔如水的一面演繹得淋漓盡致，深入民心，被觀眾讚是「最美周芷若」。
如今她在拍攝新版《倚》劇，升呢飾演心狠手辣的大反派「滅絕師太」，早前造型照曝光，網民指她的古裝扮相散發仙氣，樣子多年不變，再獲封為「史上最美的滅絕師太」！
新版就飾演滅絕師太
身形同個樣都完全唔似51嵗！
（on.cc）
42歲張新悅於上月7日第4度做媽咪，孻女取名Lola。
剛坐完月嘅佢將B女留喺屋企，同老公楊哲安帶三個囡囡到峇里度假，今日張新悅在社交網晒泳衣相享受陽光，寫道：「今天穿了泳衣，三個女都以為我可以落水了，她們不明白我只是在補充鈣質。」
結婚11年生咗四胎嘅張新悅，坐月經驗好豐富，大嘆女人唔易做：「坐月要坐100天，唔游得都要睇得，曬下太陽補充鈣質，曬太陽染頭髮，新潮坐月子，阿媽唔易做。」
着黑色一件頭泳衣嘅佢，身材回復得好快，網民都留言讚：「一D都唔似生完無耐！正！」張新悅仲上咗條短片，見到佢老公同囡囡坐喺泳池邊嬉水，冇得落水嘅佢負責拍片。
(蘋果日報)
新任人妻陳凱琳（Grace）美貌與智慧並重，好快就得到鄭嘉穎垂青，兩個星期前仲順利成爲鄭太！
但竟然睇得唔煮得，早前上《美女廚房》見真章，嗰道「冥鏹蝦球」真係耐人尋味，「地獄廚神」當之無愧。
Grace當時要整一道炸蝦球，但炸到燶晒，賣相認真麻麻！
主持林盛斌（Bob）笑言似囡囡上完烹飪堂後畀爸爸食的賣相，Grace即話有家庭味道。
果集嘉賓係組合農夫，陸永同C君大彈陳凱琳碟炸蝦球，C君仲話味道令佢諗起先人，更抵死將炸蝦球改名做「冥鏹蝦球」。
C君評語好搞笑~
Bob就食完即咳，之後更吐了出來，而，亦有評判指蝦球是生，一眾評判都畀頗為低分。
不過，話晒已經結咗婚、做人老婆，唔通真係想老公鄭嘉穎冇啖好食咩？
Grace終於的起心肝學吓廚，佢喺社交網限時動態上載咗一張三餸一湯嘅相，見到有「番茄炒蛋」、「小棠菜炒蝦仁」，仲有「豉油雞」添！賣相真係好吸引，唔知味道又點呢？隻雞都係自己斬？
一雪前恥嘅佢興奮咁話：「阿媽我得咗喇！多謝好朋友賞面」睇得出心情仲開心過結婚呀！
「阿媽我得咗喇！多謝好朋友賞面」
之前Grace仲自嘲對煮飯冇乜天分，不過如今竟然大躍進，入得廚房出得廳堂，愛情嘅魔力真係好偉大呀！
（ig / on.cc）
陳庭欣（Toby）曾經講過要戀情低調，但早前佢就大方喺社交網公開同富二代男友楊振源（Benny）合照。
日前（27日）Toby 31歲生日，佢再加碼晒出同男友慶生照片！
面對女友強勁攻勢，Benny終於做表示，親證女友地位，而今次亦係自戀情被公開後，佢首次晒出兩人合照！
佢喺Instagram上載當日合照，不過就只係得佢哋兩個，見到Benny攬實Toby，又頭貼頭咁，真係Sweet到一個點！而個背景就有氣球砌成「HAPPY BIRTHDAY HON…」
雖然睇唔到之後嘅字，不過相信就係「HONEY」喇！因為Toby之前已經以「我的honey」稱呼男友，而Benny今次亦呼應番大講愛的宣言「Happy birthday Honey ❤」，又喺相上加咗「Forever Love」同心心圖案，Toby仲唔冧到爆！？
(on.cc東網)
2018年度香港小姐所有獎項都已經塵埃落定，最後由大熱門17號陳曉華(Hera)摘下后冠，雖然Hera係賽前嘅大熱門，但就有好多網民覺得佢當晚嘅表現一般，唔及亞軍鄧卓殷等。
比賽過後，Hera噚晚終於有時間喺社交網寫得獎感受，佢坦言話可能自己唔係好多人心目中表現最好嘅女仔，但當晚係佢23年嚟最令佢自豪嘅陳曉華。
Hera噚晚喺ig貼文答謝朋友，佢話：「呢幾日都收到大家既(嘅)祝福同恭賀，好多謝大家既(嘅)每一票。」之後Hera再話曾經問過自己係咪要有獎先叫贏，「好幸運！自己係(喺)呢個過程入邊，發現比賽最珍貴既(嘅)意義原來係見證自己既(嘅)成長，得到別人既(嘅)肯定好重要，但得到自己既(嘅)肯定先係最重要，或者我係(喺)好多人心目中唔係當晚表現最好既(嘅)女仔，但就好似我既(嘅)五強感言所講，我做到呢23年黎(嚟)最令自己自豪既(嘅)陳曉華非常感激每一位既(嘅)愛護！」
(蘋果日報)
佘詩曼近日憑《延禧攻略》喺中港台人氣急升。早前佢接受專訪，被問到由《金枝慾孽》到《延禧》，帶咗啲乜嘢俾佢，阿佘話覺得《金枝》可能係開咗宮鬥劇嘅先河，自此就有好多唔同嘅宮鬥劇，佢覺得係個好開始，而佢拍咁多宮鬥劇，學識咗隱藏，佢話：「就是沒有把所有的感情都放在臉上，因為可以以表面表露出來。因為導演戚其義想我們臉上是沒有東西的，但是心裏面又藏着很多東西。」
《金枝慾孽》截圖
《延禧攻略》截圖
阿佘仲話自己當初睇劇本，就覺得自己個角色嫻妃好有發揮，由一張白紙同低調，慢慢有變化，而佢亦有設計角色，好似有場佢半夜發夢醒咗聽到永珹喺度喊嗰場戲，佢係故意俾皇上知道自己非常照顧佢，就故意搞到自己一腳血，阿佘話：「原本的劇本不是那樣的，然後我就提出我可以就走到那石頭旁邊，然後就很陰沉地去弄腳。本來是說話的，我記得好像是有對白來的，但是我覺得也不用都說出來，我演出來。」
被問到中港兩地嘅宮鬥劇有咩唔同，阿佘話其實冇唔同，而且仲覺得比以前進步，包括佢哋啲衫同色都比以前好，而且《延禧》拍攝時間冇咁長。
對於有傳香港版本剪輯到阿佘係主角，佢佘話：「其實也不可能，因為我拍了只有那麼多，那個沒可能說我拍了那麼多，然後剪了別人的，然後我就變成很多，劇情也不完整。」對於自己唔係女一，阿佘話：「我覺得123是數字來的，數字對藝術家不重要，對我來說，我可以演到一齣好戲，好的角色對我來說是最重要。」而阿佘仲話多得《延禧》，將佢帶番《金枝》嘅回憶入面，仲叫觀眾唔好因為嫻妃而討厭佢。
(sina / apple daily)
胡杏兒喺2015年嫁俾李乘德（Philip）後，一索得男，舊年10月誕下囝囝李奕霆（Brendan），Brendan盡得父母優良遺傳，趣緻得意，難怪一班契媽sss——即係「胡說八道會」嘅李施嬅、胡定欣、黃智雯、胡蓓蔚及姚子羚，錫到Brendan仔燶。
今日一班契媽sss齊腳去探契仔，黃智雯趁Brendan仔飲奶時抽契仔水——係腳板底啫。
而另外啲契媽就好sweet咁講故事俾Brendan仔聽，唔知係咪要為契仔準備入學，佢哋竟然嚟三語教學，首先係有姚子羚嘅普通話，仲有胡蓓蔚嘅上海話，然後到李施嬅嘅英文，加埋平日Brendan嘅廣東話，即係佢學緊兩文四語！
話晒Brendan仔先得嗰10個月大，聽唔明係常識吧？難怪佢聽聽吓都碌大眼仔望住契媽sss，一頭霧水，隔住個mon都戥佢搲頭……
其實，仲放緊暑假，俾啖氣唞吓得唔得呀？
(蘋果日報)
藝人楊怡、郭晉安、周柏豪、周勵淇（前名：周麗淇，Niki）、鄧佩儀、蔚雨芯和無綫高層杜之克等，到將軍澳出席TVB新劇《再創世紀》記者會。
會上更為本月30日生日的阿怡與Niki送上玫瑰花生日蛋糕，慶祝38歲生日，原來二人巧合地同年同月同日生，而為劇集唱主題曲的柏豪更唱生日歌助興。
阿怡接受訪問時提到「雙喜臨門」！Niki還在活動上摸一摸楊怡的肚子。
Niki然後再摸一摸自己的，兩個女人笑容滿臉！
她頓一頓說：「多謝！生日又出新劇。（計埋老公羅仲謙生日係咪三喜？）都係喎！（會唔會係四喜臨門？）你哋兜個圈問呢啲嘢！（會唔會送個B慶祝老公生日？）承你貴言啦，依家好Fit，順其自然啦！」
她表示生日願望是身體健康、心想事成，問到會如何慶祝？她說：「都係同屋企食飯。（見你哋慶祝生日好Sweet！）太過份啦，竟然畀人Po咗先，等我又快啲Po番啲相。」
問可有送禮物給老公？阿怡笑說：「佢話唔使，慳錢，又話切蛋糕好肥。（咁期待老公送乜畀你？）講咁多都唔會送啦！冇呀，我成日叫佢儲錢買層樓寫我名咁囉！佢都講得啱，佢話『唔使送啦，唔需要慶祝一剎那，我哋係細水長流！』（你哋唔係買咗樓？）邊個會嫌多㗎，都可以要嚟投資，我都想有驚喜！」
(on.cc)
近年鍾意返大陸拍劇搵銀嘅周海媚（海味），最近喺電視劇《香蜜沉沉燼如霜》裡面餘演天后荼姚，呢個角色除咗法力無邊之外，仲要係一個大反派，雖然睇到大陸網民都咬牙切齒對天后恨之入骨，仲大讚海味演得好。
當大家大讚海味演得好嘅同時，唔知係咪有人對海味呢個反派角色入戲太深，有班網民竟然走咗去海味嘅微博，用一啲人生攻擊嘅字眼去鬧爆海味，如「看了這個電視以後覺得你真的好醜」、「大暴牙，噁心死了」、「趕快去把你的大齙牙做了去，演技攔就不說了，牙真是太影響大眾眼睛了」，除咗人生攻擊外，亦有人批評海味演技「感覺不管是生氣還是平靜都只會咬牙瞪眼」、「都老演員了還演成這樣，什麼情緒都要大瞪眼。浮誇粗略。看看隔壁佘詩曼演的壞人。」等等，而讚好同彈爆嘅網民更開始出現罵戰。
睇見一班網民鬧得咁激烈，搞到海味都心灰意冷，昨日喺微博出post，表示自己會退出微博：「成長於一個母親和外婆都信佛的平凡家庭，我從小受到的教育是，做人要善良，也不能被他人欺負。網絡時代，理解情緒大於客觀的輿論生態；身為藝人，把自己的一切交付到顯微鏡下被凝視也是職業宿命。但當思考被情緒裡挾變成潮水方向，我選擇激流勇退。一生何求，誰計較讚美與詛咒。陌生人你好，感謝你的愛意和乖張（義解「不順」或「不相合」），微博再見，繼續我的地闊與天長。」
海味更在post中張貼咗一條2分19秒影片，影片中有海味出道至今嘅相片，而最後係寫住「微博，再見」。
(蘋果日報)
