據台灣媒體報道，早前神隱近半年嘅劉詩詩傳出懷孕消息。
二人曾秘訪求子聖地。
10月尾公開現身時已經肚凸凸，唔少網民都覺得詩詩真係佗緊B。
據他們夫妻的密友透露，劉詩詩懷孕約5個多月：「有害喜孕吐，但還是很漂亮，精神很好，照常吃吃喝喝」。
有傳劉詩詩今次懷雙胞胎，密友說不是：「我看她走路和站姿完全沒有一般孕婦樣子」。一路恨生仔的吳奇隆終於成為準爸爸，親友們都很替他開心，行事低調的他，現在還沒打算主動公開喜訊。
而台灣網友都拍得吳奇隆帶劉詩詩回台灣陪家人提前過聖誕節的照片，照片中他們夫婦倆戴著帽子、口罩，劉詩詩穿上寬鬆外套，而吳奇隆則揹着背包在她後面，並在劉詩詩上車前伸手作勢攙扶，似乎真的好似有身孕了。
吳奇隆和劉詩詩因電視劇《步步驚心》結緣，3年前領證結婚，隔年在巴里島補辦婚禮。
兩人年齡雖相差16歲，但劉詩詩曾透露，相處祕訣是溝通、體諒和雙方都有一顆感恩的心。
（綜合報道/on.cc）
藝人陳庭欣最近喺熱播台慶劇《兄弟》飾演Cool爆保鏢「Oli」一角大受歡迎，成功入屋！
事業得意，感情方面亦有著落！今年爆出與身家過億的商人楊振源（Benny）拍拖。
早前大方承認與圈外男友Benny拍拖，更自爆對方好細心，令佢非常窩心：「佢一向有戴錶嘅習慣，但我哋拖手嘅時候，佢為咗唔想隻錶整到我隻手，佢就會轉戴另一隻手，可能對其他人嚟講冇咩特別，但從來冇人喺我身上做過呢樣嘢，我覺得佢好體貼。」
兩人拍拖短短九個月，已傳出準備閃婚，有指楊旗下的公司內部傳出楊振源將於明年迎娶陳庭欣！
其實，陳庭欣拍拖以來一直獲男友疼錫，而她與男友的兩名兒子相處融洽，雙方已見家長，關係穩定。
另外，陳庭欣亦承認男友曾問過她希望將來結婚點搞，她自認傳統，覺得男友跪地求婚最浪漫！
(綜合報道)
吳雨霏（Kary）於今年6月為老公洪立熙（Brian）誕下囝囝Asher，產後專心湊仔，一家三口超幸福！
佢時不時都喺社交網站PO相講吓近況，分享下湊仔日常咁。
呢日Kary曬出一家三口全家福，原來Asher已經半歲大！
相中見到Brian抱起Asher，兩父子一齊着牛仔裝，Kary更用Asher手仔摸落爹哋塊面，成個畫面好sweet好溫馨。
Kary仲以英文留言話囝囝嚟到呢個世界已經六個月，更顛覆咗佢哋兩公婆嘅生活：「在過去的六個月，你一直是我最好的老師。母性很難──它確實暴露了我的弱點並推動了我的極限，但你教給我的遠遠超出了我的想像。在我成為母親之前，我不知道我有它（母性）。我相信所有媽媽都有同感。我喜歡我成為的人，我喜歡做媽媽。我擁抱的事實是，我不是一個完美的媽媽，我永遠不會，但我會為你做到最好。謝謝你帶給我一生中最好的六個月。」
Kary仲話每日佢都好感恩上帝畀咗份咁完全又珍貴嘅禮物自己，仲多謝囝囝，話囝囝係自己「老友」。
Kary一字一句都超感觸，睇嚟呢六個月嘅湊仔生活真係俾咗佢好多學習嘅機會，唔知佢幾時會生多個，又「學」多一次嘢咁呢？
相信每個新手媽媽都會有同樣嘅感受！
(綜合報道)
呢16年，佢由少女變成人妻，再變為人母，有仔又有女，湊到個「好」字！一家四口幸福美滿。
而黃浩然與太太莫家嘉（嘉嘉）亦於2005年結婚，二人婚後育有兩個仔仔，兩公婆人前人後都十分恩愛！
昨日出席慈善活動時，佢重遇舊拍檔黃浩然。
二人曾於2003年合作拍攝電影《新紮師妹2美麗任務》，當年電影上映時亦好收得，戲入面黃浩然飾演「周劍雄」，而蔣怡（Coco）則飾演「王妃」。兩位難得聚頭當然要合照留念啦！
Coco仲留言話原來佢哋足足16年冇見面：「一轉眼， 原來已經16年冇見啦！好彩大家都冇變！」唔少網民見到二人合照都留言大讚佢哋個樣都冇變過，仲話回憶返晒嚟呀！
(綜合報道)
無綫處境劇《愛·回家之開心速遞》的演員劉丹與呂慧儀（長腳蟹）等，現身「冬至聖誕傳愛心」活動與長者大玩遊戲。
兩人透露冬至及聖誕節也要開工，劉丹說：「到時應該會叫外賣一齊食一齊過節，會食好啲，但唔會太豪華。」
長腳蟹笑言向來有大食大，冬至由劉丹請，新年飯則由劇中的「阿叔」單立文請：「論資排輩有排都未到我。不過我哋事無大小都鍾意慶祝，大家平時都會輪流請食嘢。」
長腳蟹透露兒子已經放假，她惟有盡量抽空陪伴：「我又帶唔到佢返公司，不過佢依家大啲，識多咗朋友仔，佢仲多Party過我。」
對於同劇的林淑敏獲得最佳女配角，長腳蟹指他們已經食了幾次飯慶祝，並戥對方高興：「好難得，真係好開心，得到觀眾嘅認同，佢真係好努力。」
劉丹笑言如果可以取得劇集獎就最圓滿，長腳蟹稱這將是他們下年的目標。
另外，劉丹表示兒子劉愷威已回港，並會逗留一段時間：
「佢話想休息吓先，佢一路拍劇太辛苦，我見到佢都覺得心痛。（依家輪到你忙拍劇。）我哋好他條，其他人好羨慕，拍成世都願意。（叫阿仔客串？）唔知佢，佢有經理人公司。」
問到新抱楊冪會唔會返嚟，劉丹就話：「我真係唔知。（想唔想一家人團年？）咁多年都係咁上下，大家工作忙。」
(on.cc)
前財政司司長梁錦松喺02年閃電再婚，同細佢26年嘅內地跳水皇后伏明霞結婚，當年結婚消息相當震撼！
婚後育有兩子一女，包括大女梁司渝，同兩個囝囝梁皓嘉、梁家瑋。
《蘋果》搵到梁錦松回應離婚一事，佢表示：「謝謝關心。我和太太很好，離婚傳聞絕無其事，無中生有。」
梁錦松否認婚變，而伏明霞就孖住教友姊妹鄭秀文(Sammi)等聚會。
Sammi今日喺Instagram擺咗一條同伏明霞等友人聚會嘅片，一身黑皮褸打扮嘅Sammi負責揸機拍片，不過佢唔識揸機，將相機打橫拍攝，搞到伏明霞無所適從，但就笑得非常燦爛，一啲都唔似受婚變傳聞困擾。
(Apple daily)
藝人江若琳（Elanne）和「生煎包王」蕭潤邦（Oscar），將於本周拉埋天窗！
會喺紅磡某酒店擺逾40圍喜酒大宴親朋。
二人相識十年、相戀一年多就決定結婚！
日前兩人抽空到金舖揀金飾，他們主攻巨型「流星錘」龍鳳鈪，準新娘試戴上手後，連Oscar也貪玩試埋一份，場面搞笑！
之後Elanne再試戴斤両十足的超粗金頸鏈，期間Oscar搣未來老婆面珠，相當肉緊。
一輪快閃掃金後，準新人就滿心歡喜拿住大袋金器離開。
昨日兩人受訪時被問到專揀重型金飾，Oscar大玩不文說：「我鍾意粗（操）嘢嘛！」並表示長輩覺得重型金飾，能顯得新娘更精神。Elanne則說金飾由未來奶奶及媽媽話事：「奶奶怕唔夠金器，所以再叫我去試款，媽咪仲準備咗皇冠畀我做嫁妝，最開心係喺內地嘅90幾歲阿爺會嚟。（斟茶畀阿爺時咪一定會喊？）我都唔敢諗。」
Oscar更爆料籌備婚宴期間，曾提議請「特別嘉賓」贈興，但Elanne卻很大反應：「我話佢唔嚟得，如果唔見咗佢，我婚都唔結！」原來Oscar欲帶愛貓「糯米滋」到酒店影相，可是Elanne卻擔心愛貓會走失，最後他亦接愛妻意見。
而婚宴後，兩人即往歐洲度蜜月，問是否造人之旅，Oscar直認：「我Ready咗啦。」睇嚟佢哋已經Get Ready，準備迎接新生命！
貪靚的Elanne透露婚前幾日已開始「禁食」望速瘦，而當日會着一套裙褂、兩套婚紗及兩套晚裝，但只露背不低胸，問會否欠睇頭？Oscar搶答：「我會低胸。」至於玩新郎環節，新娘會派出前HotCha三位成員、JW等14位姊妹，迎戰Oscar的張繼聰、DJ Donald及細 So等兄弟團，問可擔心玩出火？Elanne搶答：「我會衝出嚟救佢，錫住佢。」
問姊妹團可會錫住玩？兩人異口同聲話：「應該唔會囉，聽講啲遊戲都幾辣嘅，不過事先聲明唔可以玩浪費食物嘅遊戲。」問Oscar派開門利是時，可做定被「打劫」的心理準備？他好老定說：「唔怕，我會畀佢哋盡情蹂躪，其他方面我係冇價值嘅。」他又預告在婚宴上會給Elanne驚喜。
相關新聞:
【結婚前嘅驚喜！江若琳冧爆：往後既日子都會多咗個第三者】https://goo.gl/nAa6iD
【下周出嫁】準新娘江若琳宣告失敗：好崩潰 https://goo.gl/zs9nLm
【江若琳蕭潤邦結婚】準人夫Oscar前後畀足兩次禮金：驚唔嫁個女畀我 https://goo.gl/5ZWeJH
(綜合報道/on.cc)
獨居近億元豪宅的82歲謝賢（四哥）與年輕49年的CoCo拍拖十幾年，之前感情一直好穩定。四哥曾經有過兩段婚姻，與甄珍及狄波拉離婚後，四哥不再相信一紙婚書，所以未有想過要與CoCo結婚，但對女友的愛護卻有增無減。
同狄波拉再見亦是朋友
他更表示若然對方找到比自己更好對象，他願意接受對方離開，四哥還曾在節目中表白過:「希望這是自己最後一段感情。」至於CoCo亦曾亮相內地節目談及四哥，指他是一位很紳士的男人，很呵護自己，所以和他一起很幸福!
不過四哥今年7月自爆與細39歲的CoCo分手，回復單身（相關新聞：https://goo.gl/zsepPu）！
之後曾大呻寂寞的他，更自嘲是老人與海，生活枯燥。
但最近有人爆料指四哥跟CoCo復合，並不時到其寓所探望他。
他接受電話訪問時，問到兩人是否翻撻？他笑言從未分手：「我哋幾時嗌過交，我哋大家係朋友，唔會分手，一直都係好朋友關係。（佢上你屋企做咩？）大家係朋友呀嘛！」
有愛情滋潤，難怪四哥心情大好，昨日他與友人在中環相約high tea時表現風騷，不時談笑風生。
(綜合報道)
藝人鍾欣潼（阿嬌）同「醫界王陽明」賴弘國（Michael）今日在港註冊結婚，好友兼同事古巨基都有獲邀出席觀禮，註冊儀式完成之後，古巨基於社交網上載同一對新人嘅合照，並留言祝福二人：「愛，就是美。祝福嬌嬌and Michael ，永結同心❤」
而合照中仲有阿嬌媽咪、老爺奶奶、老闆楊受成、當然唔少得佢嘅好姊妹蔡卓妍、容祖兒、鄭希怡同關智斌。
容祖兒亦有上載合照同埋自拍照，留言話：「最美麗的日子 最美麗的心情 最美麗的天氣 一切很美 全賴賴生賴太 永遠愛你喲」睇得出佢好戥阿嬌開心！
當中有個神秘人出現喺阿嬌婚禮入面，仲表明話佢賴死唔走！究竟係邊個呢？
阿Sa蔡卓妍上載嘅合照非常搞笑，事關佢得三分之一嘅靚樣出到鏡，成個畫面都係一對新人同容祖兒，難怪佢留言話：「就算你嘅生命裏面多咗個賴生 但係我仍然會賴死唔走嘅#我係你背後嘅女人#攝下攝下#永遠都有我 #新婚快樂」好姊妹真係好姊妹~
（ig / 綜合報道）
藝人吳綺莉（Elaine）19歲女兒卓林與31歲太太Andi早前喺加拿大多倫多結婚，之後返港定居，初時未有返屋企同媽咪吳綺莉一齊住，而係租住旺角公寓，但最終亦因冇錢交租而被迫遷離，更驚動警方。
最後要吳綺莉收拾殘局，卓林與Andi惟有搬回吳綺莉家中。
其間吳綺莉未有就事件表態(相關新聞：https://goo.gl/di2WN2)。
而卓林一直未有再露面。
不過佢今日喺社交網PO咗張相。
佢留言話：「Need not to flee we are a bevy of the free（不必逃離，我們這一群是自由的）。」
似乎係想重新出發！
相關新聞：
【卓林Andi搵媽媽幫手 吳綺莉首PO文：昨天的事⋯】https://goo.gl/H9oxVU
【好想同媽媽修補關係 卓林拍片尋父：我需要答案】https://goo.gl/KktJX4
【吳綺莉態度180度轉變…Andi：我覺得很受傷】https://goo.gl/eoDUfq
(綜合報道)
