賭王千金何超盈等，昨晚喺灣仔出席「香港青年聯會第26屆會慶及會董會就職典禮」，何超盈獲委任為青聯名譽副主席，林顯伊笑言今年升職做咗青聯副主席，佢話幾年前開始入會，慢慢升上去，不過因此忙咗，而家忙緊屋企地產生意，佢話：「而家忙緊賣樓，有好多樓盤推出。」佢仲話忙到連旅行都冇時間去。
另外，胎B 8個月嘅蔡一鳳（Michelle）現身就職，佢話10月18日擇日開刀，心情好緊張，不過就嚟「卸貨」，有啲唔捨得，仲話BB日日都踢佢好百厭。Michelle透露重咗11公斤，冇因為懷孕而停工，相反佢仲忙緊明年1月嘅大型慈善活動，到時會請韓星Rain鄭智薰同Jessica等嚟港出席。
Michelle話：「個慈善機構5年前喺澳門成立，依家想喺香港做番啲嘢，咁啱1月26號舉行晚宴嘅時候，啱啱係BB百日宴，好開心，到時會將啲禮金捐出嚟，當係幫BB積福。」
(apple daily)
「我同女友拍咗拖5年，我哋兩個都想結婚，不過後來發現結婚其實係兩個家庭嘅事，所以需要多啲時間去溝通同籌備先得，慢慢嚟啦。。。」
藝人吳嘉龍自從去年完成麥浚龍新片拍攝後，開始放自己「悠長假期」，期間去了旅行及花時間多陪家人，並開始認真考慮自己的人生大事﹕「我同女友拍咗拖5年，佢係馬來西亞籍嘅潮州人，不過喺香港生活。我哋兩個都想結婚，不過後來發現結婚其實係兩個家庭嘅事，所以需要多啲時間去溝通同籌備先得，慢慢嚟啦，或者出年囉。」
談到父親吳耀漢，嘉龍笑謂﹕「我哋雖然唔係一齊住，但我成日都想約佢，點知發覺其實佢忙過我！」
(on.cc東網)
中日混血兒落選港姐工藤佑采，喺香港小姐競選中被「鞭屍」，出局都仲要跳舞暖場搞到佢黑晒面，成為網民熱話。
琴日歌手張敬軒（軒仔）就將IG嘅頭像轉咗做工藤佑采，而工藤佑采亦即刻Cap圖發文。
今日工藤佑采行動再升級，直頭將自己個IG頭像換做軒仔個樣，留言話「呢期潮流興玩交換頭像」，有網友留言問佢係咪鍾意軒仔，又好好奇佢哋係咩關係，但佢只係應咗句「唱歌好聽香港唔多」，睇嚟好欣賞對方。
而軒仔IG就湧入大批粉絲留言，大家都好關心佢同工藤佑采有冇發展機會，有網友更話：「皇上春風滿面#喜事近😁」仲有網友催佢快啲解決終生大事！
此外，工藤佑采仲首次回應番當日「黑面」：「外國都有好多唔同類型嘅藝人明星、唔一定係要笑唔停，我本身冇表情就係咁樣Poker Face，女王的教室天海祐希都係成日黑面，渡邊直美就好搞笑，藝人都唔係一定要得一個類型～」畀網友大讚佢同軒仔一樣咁有趣，仲睇好佢會紅。最搞笑係有唔少網友都跟風用埋同一個頭像，睇嚟大家都好支持工藤佑采嘅真性情喎！
（ig / on.cc）
張繼聰錫細女張靖（Karina）錫到燶，就快歲半的張靖正在牙牙學語，最愛叫爸爸做「阿聰」。
對於前世小情人這樣稱呼自己，張繼聰當然不介意，但就不時被她搞到暈得一陣陣。
張繼聰昨晚在社交網上載張靖以嬌嗲聲線叫他的片段，並留言︰「嗌『阿聰』唔緊要，仲要嗌到咁嬌嗲❤️ 仲要失驚無神嗌一嘢，求佢嗌多嘢都冇🤣 真係令我迷醉👧🏻」
(明報)
黎明前日忽然公開密冚4個月大女兒正面大頭相，並留言「我的女兒好胖呵呵，平凡是她的運氣」，不少樂迷即時為他送祝福。
其前妻樂基兒(Gaile)，雖然講過婚後會努力造人，又話希望呢一、兩年會做媽媽，但目前仍然未有喜訊。不過，佢噚日亦喺社交網貼相放閃，慶祝同老公Ian結婚一周年大日子。
38歲嘅Gaile，喺去年美國時間8月27日，即香港時間今日凌晨，同經營有機食品生意嘅Ian喺美國加州結婚，噚日佢喺Ig貼咗大婚當日，同老公恩愛攬腰嘅咀嘴相，同時又喺Ig Story放咗結婚當日嘅短片回味一番，可見Gaile相當重視同老公嘅一周年。
Gaile更留言寫：「Happy one year anniversary my love and many many more to come」之後再hashtag寫「 #oneyearanniversary #partnerincrime #bestfriend #loveofmylife #justyouandme」夠晒sweet！
Gaile妹妹都有貼相祝姐姐結婚一周年快樂。
(蘋果日報)
劉德華年底在紅館開20場跨年騷，門票將於下月4日公開發售，不少歌迷在早前開始排隊等候買飛，日前竟發生歌迷遇襲事件，4涉案男士先後落網。
今日華仔紅館騷官方面書專頁、城市售票網、紅館官網公佈劉德華演唱會《My Love Andy Lau World Tour》門票公開發售特別安排，將不設售票處售票。
鑑於近日接踵發生於城市售票網售票處外因輪候購買演唱會門票而導致的傷人事件，映藝文化娛樂（主辦機構）經與康文署及警方協商後決定，基於保障市民的人身安全及維持公眾治安等重要考慮，加上在現階段沒有其他更佳的方案下，《My Love Andy Lau劉德華World Tour – Hong Kong 2018》將不會安排於售票處售票，只設網上、流動應用程式及信用卡電話訂購。不便之處，敬請見諒。
售票詳情如下：
《My Love Andy Lau劉德華World Tour – Hong Kong 2018》
香港體育館（紅館）
15.12.2018 – 3.1.2019
$980, $580, $380
共20場，約60 000門票於9月4日（星期二）上午10時起於城市售票網公開發售，顧客可同時透過以下途徑購票：
● 城市售票網網頁：www.urbtix.hk
● 信用卡電話購票：2111 5999（每日上午10時至晚上8時，包括公眾假期）
● 流動應用程式My URBTIX（Android 及 iPhone版）
每人每次限購最多4張門票。
（售票首天購買此節目的門票時，當使用同一信用卡的累計購票數量在任何一次交易中已達上述的每次購票上限，該信用卡於當天即不能再用於購買此節目任何場次的門票。）
除城市售票網和香港體育館的渠道外，主辦機構僅會透過以下三個官方平台公布所有最新、最準確的演唱會訊息：
(1) Facebook:
https://www.facebook.com/MyLoveAndyLauWorldTour/
(2) IG:
https://www.instagram.com/myloveandylauworldtour/
(3) 微博:
https://www.weibo.com/6598879485/
主辦機構查詢電話：2751 9118
城市售票網呼籲顧客切勿光顧「黃牛黨」
城市售票網從未授權任何人在指定場地或途徑以外售票，敬請留意。市民購買或取得未經授權的門票，會涉及風險，並助長門票炒賣，請循正式途徑購票，以免受騙及招致損失。
（singtao）
早前TVB新劇《殺手》龔嘉欣突破大變身，不少網民看到嘉欣都覺得非常驚嚇，完全摒棄了乖乖女形象。
變身後
原來這套新劇高海寧都有份參演。繼嘉欣之後，又一突破的女藝人…
早前拍完 《C9特工》，拍住馬國明。
最近正在拍TVB的新劇《殺手》的高海寧，為了劇中的造型不惜將頭髮剪短，還染了橙粉色的新髮型。
這幾張大頭的自拍照竟然同關詠荷十分相似，更有不少網民留言:「好似娥姐呀！」
更有網民話:「睇錯以為係關詠荷」
不過其後高海寧貼了半身照，還是依舊咁靚，不過就沒那麼似關詠荷了，證明了角度的重要性！
(sina)
「但佢認為條路唔啱行，我哋為呢件事拗咗足足4年，佢都唔接受呢件事，唔接受冇辦法啦，已經變咗一個事業與家庭嘅抉擇。」
李道洪經歷了兩段婚姻，現任太太結婚18年，有兩子，分別是18歲大仔Winston和14歲的細仔Victor。前妻，是梁小玲、無綫「御用癲婆」趙希洛的母親。
「陳年往事啦喎，40幾年前往事。我哋係好早期一段婚姻，可以話誤會而結合，了解而分手。麗的時間認識，跟住我哋拍檔，跟住我哋唔合就離婚，前後都有4年。74年結婚，78年離婚。」
退出娛樂圈數十年的梁小玲，是李道洪麗的訓練班師姐，演情婦、二奶角色最入型入格，包括《親情》和《京華春夢》。但李道洪透露，梁小玲早早已厭倦娛樂圈這個花花世界。
「佢好厭惡影視工作，冇人知㗎，佢一路喺電視做咗好多年，但其實佢係一個好純樸嘅人，佢唔慣影視圈嘅虛偽圓滑，我哋影視圈鍾意埋堆，佢又唔埋堆，佢係一個好獨立個體，唔鍾意太多應酬，而我係幾喜歡埋㗎，譬如同發仔（周潤發），我哋收工會一齊去宵夜，佢就認為收工應該返屋企，做乜你11點收工，1點先返嚟？」
「第二，佢認為一個男人做演員係冇出息。我讀書係讀理料，跟住去台灣讀土木工程，佢認為我應該做工程師，但香港環境好特殊，你台灣讀書，香港係攞唔到牌做工程師，我認為冇出息，我認為電視條路啱行，但佢認為條路唔啱行，我哋為呢件事拗咗足足4年，拗到我喺台灣大賣座紅咗，佢都唔接受呢件事，唔接受冇辦法啦，已經變咗一個事業與家庭嘅抉擇。」
跟前妻再見亦是朋友？李道洪說：「再見就打吓招呼，點吓頭，因為雙方有唔同家庭，唔希望有另外一個誤會，只有《歡樂今宵》聚餐大家見一見啦。」
99年尾，李道洪娶了年輕21歲的上海姑娘，他感激太太支持自己演藝事業：「但到咗我呢個時間年紀漸大，我希望有家庭，所以由我大仔出世之後，我就減少工作量。」
(蘋果日報)
藝人楊怡同羅仲謙拍拖5年終於喺2016年10月2日結婚，婚後不時高調晒恩愛，人前人後都咁Sweet，簡直羨慕死人。
今日係羅仲謙（謙仔）34歲生日，老婆楊怡就為佢搞咗個驚喜嘅生日Party，一眾親友都有到場。
之後，謙仔喺IG晒相兼留言：「跟阿怡＠tavia_yeung一起開生日會❤，難忘的一個晚上，多謝各位朋友的祝福，感激感激，希望大家天天都笑口常開😘🎉😜😎」
相中見佢哋一行人去咗Party Room玩，壽星仔謙仔同楊怡一時扮相撲手，一時又喺波波池入面深情對望，到切蛋糕時，謙仔仲攬實老婆玩錫錫，認真Sweet爆！
(on.cc東網)
佘詩曼、秦嵐、吳謹言、許凱等人主演的《延禧攻略》自播出之後，無論是收視率還是各位演員的表現都是全城熱話，每個演員都迅速被起底，各演員都憑著此劇集爆紅，當然包括捱了八年的28嵗女主角「魏瓔珞」吳謹言。
當時爲了更迎合角色性格。製片人于正決定剃去吳謹言的眉毛，只剩眉頭，隨後她解析：「主要是我的眉毛又濃又黑，會沒有清宮人物的感覺。」被讚非常敬業！
被剃眉後
但昨晚內地一份名為《中國電影報道》媒體點名批評，發文斥「魏瓔珞」吳謹言耍大牌，力數她三宗罪。
文中指，原先《中國電影報道》約了吳瑾言於本月25日接受訪問，但是吳瑾言就臨時要更換採訪地點，當團隊趕到新地點準備訪問時，先發現原來他們根本沒和同場地協調好，還要求電視台負責場地的費用。接着又話吳謹言之後還有其他工作，給予採訪嘅時間，無法滿足節目架機器及採訪嘅需要。
最後，《中國電影報道》指特別關注青年演員的培養和發展，愛護每一個德才兼備嘅青年演員。「尊重別人的工作，尊重別人的時間，是一個青年演員最基本的素養。在工作中，都有可能遇到各種不同的問題，可以相互溝通相互理解。但我們對吳謹言團隊處理這次採訪事件深表遺憾，希望這是他們的第一次，也是他們最後一次。從藝路上任重道遠，德為先。」
對於電視台狠批三宗罪，吳謹言嘅經理人公司凌晨即時發文致歉，表明會徹查、內部檢討並對相關人員究責。今早其經理人公司再發聲明，「在藝人管理工作上，時間協調不明、外部溝通不清，造成媒體朋友工作上困擾、產生誤解，對於此次嚴重失職深感慚愧，公司內部已嚴重警示此次事件的相關人員。」吳謹言轉發公司嘅道歉聲明，並表示：「我和團隊向《中國電影報導》節目組誠懇致歉，對不起！希望自己成長中的每一步都有媒體和大眾的監督。」
（apple daily）
