歌手連詩雅（Shiga）與羅天宇出席健身中心活動。一向愛跑步的Shiga最近愛上健身，更報考健身教練課程，希望可以做得更好之餘亦不忘跟身邊的朋友分享正確的健身資訊。而羅天宇經常要忙於拍攝電視劇，必須保持最佳狀態，可惜他有先天右胸骨凹陷，雖然沒有影響健康但外觀就不太好看，近年開始健身，也會請教練幫忙，希望用後天方法去努力補救。
問到兩位有沒有受過傷？Shiga說：「因為經常跑步試過受傷，之前仲要去做物理治療添，不過當我遇上健身就明白到好多痛症可以通過健身去改善。」
而羅天宇就話：「自己有次一個人做胸部訓練時原來用錯力度同姿勢，當做完回家途中喺車上呼吸困難，好在喺路上休息一陣先好啲，嗰次真係好險，所以有教練在場就安全好多了！」
兩人會否與男女朋友一齊健身？羅天宇說：「女朋友就冇喇，哈哈，反而同一大班波友做，成班男人一齊做會有就鬥心好多。」Shiga說：「成日都好想同幾個好朋友一齊做運動，因為可以豐富啲同有趣啲，仲可以互相鼓勵！」
(on.cc)
佢現正懷孕中，早前自爆因宮頸壓力太重，生B前都要盡量躺着或坐着。而呢日佢就喺屋企休息，期間佢喺Instagram分享懷孕趣事。
「好無聊回顧吓一直紀錄下來的孕照，由20周（5個月）至22周（5個半月）到現在是26周（6個半月）。」
34歲嘅前亞姐冠軍張珮汶（前名張家瑩）仲話：「望住自己個肚子一天一天變大，心裏有種說不出的甜蜜感覺，太奇妙了，有件事想問，發生一兩次了，我突然feel到左下腹（另一次右邊）凸起咗一舊硬硬的…」
於是佢就即刻瞓平個身並用手摸吓個孕肚，之後先至放鬆番，佢透露：「都幾嚇人！成個過程大概分幾鐘，是寶寶的屁股還是頭仔呢，在做甚麼呢？」
唔少網民見到後都笑言BB手腳撐開，更指大肚嘅媽媽最靚，叫佢好好感受BB嘅成長過程！
(ig / 綜合報道)
藝人鍾欣潼（阿嬌）將於20日與賴弘國於香港補擺婚宴。
最近佢就積極收身，仲喺網上PO片同大家分享減肥進度。
「阿嬌婚前減肥日誌」片段
工作方面，除咗之前同賴弘國一齊拍內地真人騷《爸媽學前班》之外，佢更一直忙着籌備新專輯！
今日就推出情歌《聽說的幸福》。佢坦言好感恩能夠擁有這首歌，不過令佢感恩的對象唔係未婚夫，而係呢首歌嘅作曲、作詞人，內地著名唱作人汪蘇瀧。
阿嬌話：「汪蘇瀧係我一直好喜歡嘅歌手，覺得佢寫嘅作品好甜蜜，所以我就send message畀佢，問可唔可以幫我寫首歌呢？其實我哋之前係未合作過，不過佢好快答應咗，真係為我哋度身訂造，首歌仲寫得好好，本身自己都唔算眼淺，但一收到嗰陣感動到想喊，應該話遇到呢首歌係另一種幸福！」
MV描述一對情人相處的點滴，阿嬌話同另一半係異地戀，所以MV情節除左交代二人一齊相處嘅時光，仲有為另一半執行李、夜晚煲電話粥或者視像通話，就算去到邊都會影張相同對方分享。
其中一幕，男方下廚煮公仔麵，阿嬌即聯想起老公賴弘國為自己做過同類型事情，她說：「好多時我哋各自分開去工作，呢種情況下要維繫確係有難度，平時我哋好着重分享自己生活，最重要係唔好畀遠距離去影響到段關係。」
MV結尾，阿嬌手寫一句英文藝術字「You love me. I love you. That’s all that matters.」原來她於現場即學即寫，現場工作人員都大讚寫得有板有眼，寫嘅時候表情仲好冧，真係幸福滿瀉！
(綜合報道/on.cc)
前無綫監製潘嘉德人緣極好，每次飯局都有一大班台前幕後呼應，最新一次就有錢嘉樂、黃淑儀、袁偉豪、朱晨麗、孫慧雪和蘇恩磁等。
Gigi姐黃淑儀和蘇恩磁
出爐「星馬視后」黃智雯都有現身
智雯親自多謝提攜她的潘嘉德
而蘇恩磁就多謝搞手洪天明，可惜天明因工作而未能出席，最後由錢嘉樂做東，嘉樂更於席間送出其大賣的電影《黃金歲月》原聲CD，而袁偉豪又送自己的寫真集，有得食又有禮物收，認真開心。
而昨日藝人陳煒、康華等人應前無綫監製潘嘉德之邀，欣賞舞蹈劇《劉三姐》。
煒哥稱：「係德哥請我哋睇㗎，當然好精彩，因為德哥好鍾意睇舞蹈表演，我哋更入後台同班舞蹈演員合照，當中好多都係朱晨麗嘅師弟妹！」
畢業於香港演藝學的芭蕾舞團的朱晨麗，亦有帶同緋聞男友何廣沛見識，今次兩個名正言順「拍住拖」去睇show！
同後台舞蹈員合照！
（on.cc）
她表示家中沒有請工人、亦冇請陪月，暫當全職媽咪湊女：「呢幾日醫院都好好，教識晒我點幫子子沖涼、換片，我哋呢啲新手媽咪真係驚，最難真係掃風，要好好研究一下。呢幾日好多朋友都嚟探子子，長輩佢哋都好錫佢，一出世已經收好多衫同利是。」
董敏莉（Monie）早前開刀誕下愛女子子，日前已出院接囡囡回家。
Monie坦言成功餵人奶感動到想喊，初嚐做媽媽的感覺：「因為我哋都想試餵人奶，但頭幾日都唔係好成功，但尋日開始有，嗰一刻直頭想喊出嚟！（感受到做媽咪未？）依家開始有啲習慣，因為以前我好怕屎尿之類嘅嘢，但幫個女換片真係唔同，好有成功感之餘，呢啲係母愛嘅力量啊！」
產後她自己就出現腳腫情況，亦因要照顧囡囡而停工：「我依家當佢係公仔，之前買咗好多衫畀佢着，我喺屋企冇嘢做可以幫佢扮靚。今年過聖誕節就好開心，多咗子子陪我過。工作方面暫時都未有復工時間表，我都同電台同事講要新年後先復工，因為真係唔捨得離開個女。」
(on.cc)
睡眠是人體自我修復的重要機制，經常失眠的人，就容易生病。失眠很可能是不良的生活習慣或情緒所致，如果你經常睡不好，不妨試試以下inspirestory網站建議的五個方法，也許很快就能一覺睡到天亮。
晚餐最好安排在睡前3～4小時之前吃。為什麼？因為如果你剛吃完一頓大餐就去睡覺，你的胃正忙著消化食物，不但直接影響睡眠，還會消化不良。如果你不得不晚吃，那就吃點輕食，減少影響。記得睡前要給你的身體足夠時間去消化食物。
很多外食和包裝食品都含有味精（MSG），這種提味用的「神經興奮毒素」吃多了不但睡不著，還會口渴一整夜。日常飲食儘量不吃味精，少吃速食。到超市採購食品時，也要留意一下成分，增味劑E621就是味精。
要提升睡眠品質，最好別和科技產品睡在一起。電子設備發出的電磁場很可能影響人體的生化反應，干擾睡眠。手機、電視機、调制解调器（數據機）、筆電、平板電腦等，最好別放在臥房；而除濕機、空氣清淨機、嬰兒監視器之類不便搬離的電子產品，睡覺時也應把電源關掉。
如果鬧鐘或手機一定要放臥室，那就放在離頭部遠一點的地方，這樣還有個好處：隔天你必須下床去把它關掉，起床成功率更高。
據WebMD報導，美國太空總署艾姆斯研究中心「抗疲勞計畫」前主任Mark Rosekind指出：「科技產品影響睡眠一個最簡單卻最重要的原因，就是認知刺激。」
很多人可能睡前還在打電腦、滑手機或看電視。專家建議，睡前一個小時內最好不要看螢幕。如果你覺得無聊，回想一下20年前人類是怎麼生活的吧。其實，睡前還可以做些別的事，例如拿一本書來看，或聽聽輕柔的古典樂。
你可以通過改變外在環境來改善失眠，但最好的辦法還是在自身下功夫，重點在於「放鬆」二字。放鬆有很多方法，以下列舉幾個小技巧：
1. 睡前不要再想工作的事，也不要思考會使你擔心或緊張的事。
2. 如果靜不下來，至少也要排除負面想法，集中意識想些正面的事物。
3. 看一些名人語錄，或許能影響你的世界觀，令你自內而外平靜下來。蘇格拉底、尼古拉·特斯拉（Nikola Tesla）、密勒日巴、達芬奇、孔子、馬克吐溫、聖雄甘地，這些都是值得借鑑的名人。
4. 靜坐。研究發現，靜坐不僅能令人放鬆，更能夠逆轉人體DNA中造成焦慮的分子反應，改善失眠。台灣精神科醫師李政勛在自述中寫道，他曾經因為失眠的問題，長年靠吃安眠藥入睡。他回憶自己後來修煉法輪功後晚間靜坐，很快就進入睡眠。「真是奇妙。」他說。
當然，還有多種其它因素也會擾亂睡眠，例如不合適的床墊、咖啡因、含人工色素或防腐劑的食品及飲料等等。不過，克服失眠最好的方法還是從內心下功夫。我們時常忙得不可開交，而遺忘了這個根本之道。
(大紀元)
一到冬天，大家常會遇到靜電「觸電」情況，究竟毛衣是否特別容易「過電」？握電梯扶手為何會「觸電」？有什麼方法防止靜電？
‧毛衣特別容易有靜電？
毛衣質料大多為羊毛或化學纖維，導電性能比較低，容易透過摩擦產生靜電。棉或絲質衣服導電性能比較高，可以減少靜電產生。
‧電梯扶手也有靜電？
搭扶手電梯時，握扶手有時會「觸電」，原來扶手電梯軌軸運作時，會因磨擦產生靜電，扶手是塑膠製，難以釋放靜電，所以當人觸摸扶手時，靜電就會被釋放。
‧冬天靜電特別多？
其實一年四季人體都會積存靜電，冬天天氣比較乾燥，空氣濕度較低、人體中的水分較少，因此靜電會一直存在人的身體裏，當大家觸碰物件時，就會釋放靜電，「觸電」情況就會出現。
‧有方法防止靜電嗎？
在室內放置加濕器、勤洗手、勤塗保濕霜，可以減少靜電積存在體內。較有效的方法是，開門或是觸碰物件前，用手觸摸牆壁，讓靜電釋放出來，有助減少「觸電」情況。
(明報)
近年向綜藝節目發展的麥美恩（Mayanne）事業漸入佳境，參選港姐後入行七年，由娛樂新聞台主播做起，主持地位終於獲得肯定。唔少網民都Like佢「傻大姐」嘅性格夠哂率直可愛！
尋日佢率先同壽星仔預祝咗生日。見到Mayanne瞇埋眼、嘟晒嘴咁，究竟係同邊個慶祝咁有誠意？
原來今日係森美45歲正日生日，森美昨日喺社交網曬相留言話：「預祝生日 真係有福啦！佢同我慶生 行運啦！」
相中森美打哂煲呔，而Mayanne就着上低胸吊帶裙超省鏡！
同場仲有吳若希！
不過…有後生女陪慶生嘅森美雖然口講行運，但相中嘅佢就似乎唔多受落，皺晒眉頭擺出一副愁樣，好難為咁喎！
而網民亦似乎睇得穿森美嘅內心，踢爆佢話：「扮乜嘢？！你內心深處其實好歡喜呢個妹妹仔嘅」、「你其實想正日佢同你慶祝嘅」，更忍唔住話：「美恩打從心底好鍾意你！」
當然唔少得同爸爸媽媽一齊慶祝啦！
個生日蛋糕好Cute呀！
仲有好拍擋小儀！
(綜合報道/on.cc)
藝人江欣燕（欣欣）近來甚少在熒幕上露面，但間中也會出席活動，跟大家分享近況。於10月時和黃翠如出席活動，自爆飽受白内障困擾。她說看到劇本的對白就像會飛出來一樣，駕駛時看到雙白綫也會變成六條，做完手術之後她更懂得要保護眼睛。
近日欣欣就帶同媽媽、妹妹江希文及其5歲囡囡永悅到主題公園遊玩，三代同堂非常溫馨，欣欣還把照片上載社交網。
江媽媽心情大靚！
照片中的5嵗永悅托腮又舉起V字手勢，又依偎着媽媽江希文裝睡，年紀輕輕已懂得搶鏡！
原來永悅的眼睫毛長長的~
笑眯眯的眼睛~
今次三代同堂的旅程，是因為希文兩母女的主題公園全年入場證已到期，所以決定一齊玩最後一日，結果欣欣自掏腰包買入場卷陪她們玩。
而正努力keep fit的江希文，就自備低糖午餐，當中有雞槌及水果，夠晒健康！ 
個個都玩得好盡慶，樂而忘返！
(綜合報道)
袁偉豪同張寶兒呢pair甜甜蜜蜜，感情穩定，不時傳出婚訊，不過每次佢哋都否認。
早前仲一齊去咗日本為寶兒慶生！
無論開心定唔開心，另一個都會陪住對方！
李佳芯同袁偉豪昨日喺鑽石山出席活動。講到佢哋兩個分別角逐視帝、視后，早前已經攞咗星、馬視帝嘅袁偉豪就話平常心，仲表示希望將自己嗰票投畀馬德鐘：「我有兩個已經好滿足，唔可以去到咁盡。」提到女友張寶兒，講過如果袁偉豪成三料視帝，佢將會有驚喜送畀男友，袁偉豪即刻話：「吓！好驚呀！唔好嚇親我。」
講到視后，袁偉豪指視后競爭雖然大，但會睇好李佳芯、陳煒同黃智雯。
候選人之一嘅李佳芯就話：「好多嘢太估唔到，香港呢個仲冇得估，所以唔估就最好。」
對於由張衛健主演嘅《大帥哥》聽晚首播，但未播已獲提名，李佳芯就認為冇問題：「咁咪仲熱鬧，幾好，大家都鍾意百花齊放。」問佢最近做乜放慢手腳唔拉票？李佳芯笑住話：「o依家拉，其實我內心好緊張，（叫男友陳炳銓投票？）我會叫身邊嘅人同屋企人投票，向外就要靠大家。」
(綜合報道/Apple daily)
