一直喺大台默默耕耘，早幾年憑飾演處境劇《愛·回家》一角而開始令觀眾認識，12年同拍拖8年女友黎芷珊分手後，喺前年11月同圈外女友兼中學同學Kimmy結婚。
憑處境劇《愛·回家》律師「嚴謹」一角入屋。
雖然張達倫拍劇經常日夜顛倒，但佢一有時間都會陪囝囝享受吓親子樂。好似日前就捕獲到佢同老婆及囝囝去旺角波鞋街行街，但佢今次係做湊仔公，用孭帶孭囝囝，等老婆可以專心揀波鞋，呢個老公真體貼。
當晚7點幾，張達倫孭住囝囝陪老婆睇波鞋，佢哋喺櫃窗望完一輪之後，老婆Kimmy就走入舖頭試鞋。點知試鞋期間Zachary有啲唔耐煩，要落地行，張達倫於是放低囝囝行幾步，然後小心翼翼扶住個仔，繼而再放手畀個仔行幾步後又扶住，由舖頭裡邊行到舖頭外面，睇張達倫個樣，係好enjoy成個過程。
期間有人認得張達倫，都主動同張達倫打招呼及同佢個仔玩。
至於Kimmy試鞋試咗10幾分鐘，但最後因為冇size而空手離開。
(Apple daily)
前港姐李美慧（Vivi）今年10月為老公曾文豪誕下囡囡「小糖心」。
日前囡囡滿月，佢哋兩公婆就大擺滿月酒宴請親朋一齊賀一賀佢～
爸爸仲學B囡咁皺眉超搞笑！
綁了一條粉紅色頭巾在頭上嘅B囡超可愛！其中一張相仲見到佢兩邊手仔戴咗唔少金器，真係萬千寵愛在一身呀！
今次就輪到Vivi嘅一班好友包括有份擔任Vivi結婚姊妹團嘅藝人楊埕、郭千瑜等，親自上門探「小糖心」。
楊埕喺社交網上載多張合照以及「小糖心」嘅可愛片段，見佢哋輪住咁抱BB，而BB就好乖咁畀大家抱，完全唔怕生保而扭計，認真叻女！
五個女人一個墟呀！
楊埕（右二）及郭千瑜（最右）當日有份做李美慧（最左）姊妹！ 
楊埕仲話抱到唔捨得放手：「誰家寶寶這麼可愛漂亮，抱住唔想放手啦，佢太香，四個女仔一晚真的不夠。」
(綜合報道/on.cc)
透露除了自己之外，還有大批苦主：「加埋我有23人，我哋班苦主喺Facebook成立咗個群組大家互通消息。」金額更涉及六位數。佢希望古天樂能伸出援手！
斯洛伐克名模Lea T.近年有意由模界轉戰大銀幕，早前因仰慕男神古天樂，不介意酬勞多少，接拍電影《掃毒2》跟對方合作試水溫，最後卻慘被走數！原來連Lea在內，被走數的苦主多達23人，金額涉及六位數。她希望古天樂能伸出援手！
今年中，Lea在一個電視廣告的工作場合上認識名為Michael的中間人，對方透露正為電影公司物色外籍模特兒在戲中客串，Lea得悉該片是大製作，加上可跟古天樂做對手戲，認為機會難逢，不虞有詐下答應。
六月底，她興致勃勃為電影客串，每晚由凌晨12時拍至早上8時，更以內衣上陣，不過完成工作後，接洽工作的中間人恍如人間蒸發，故至今仍未收到酬勞，她坦言：「拍完之後就搵唔到嗰位中間人，打電話畀佢，佢冇接，傳短訊又唔覆，所以都唔知可以點做。」她稱今次是首度跟對方合作，沒想到電影拍了，但被欠薪，她亦大感無奈。
Lea透露除了自己之外，還有大批苦主，在片中客串的模特兒及演員亦跟她同一遭遇：「加埋我有23人，全部都係外籍人士，大家都係由同一個中間人聯絡，但都收唔到酬勞，我哋班苦主喺Facebook成立咗個群組大家互通消息。」估計共涉及六位數金額。
據知，不少演員酬勞低廉，兩日戲份由早拍到晚，只收五千元，可謂血汗錢。
她自言若得到身為演藝人協會會長古天樂伸出援手就最好，因為一班苦主都是外籍人士，對香港法律並不清楚，亦不認識本地電影人，深感求助無門：「大家初時都有考慮過報警，後來有人去勞工處求助，不過勞工處就叫我哋搵小額錢債審裁處。其實我聽聞被走數嘅情況好普遍，不過今次係我第一次遇到，雖然對方欠我嘅錢唔多，但我覺得係公義問題，都好想討回公道。我認為香港電影業需要有所改善，唔可以容許有人咁做，亦唔可以因為我哋唔係本地人就覺得冇問題。」她有感追回欠薪機會渺茫，聽聞該中間人已將所有錢花在賭枱上，所以就算找到對方，相信對方也無力歸還。
余安安會先了解事件，希望可以幫到苦主！
(on.cc)
現年46歲的古巨基於2014年7月與拍拖20年的助手Lorraine在美國拉斯維加斯註冊結婚，翌年再在港補擺喜酒。
基仔之前講到明同老婆都好鍾意小朋友，期待做爸爸：「但明白呢件事唔可以有壓力運作。」有冇嘗試人工受孕？基仔坦言：「冇吖，不過有好多介紹例如食療調理身體，中藥嗰啲。」
奈何結婚至今一直未有好消息。
不過，身形向來纖瘦的Lorraine近日明顯較以前圓潤，臉頰相當飽滿，驚現雙下巴，十足懷孕初期婦女。日前晚上約9時，她與基仔以情侶牛仔外套現身西九商場餐廳出席朋友飯局，同場還有鄭欣宜、陳淑芬母子及李琳琳等。
明顯發福的Lorraine穿上鬆身恤衫及闊身牛仔褸，未知是否為免將肚仔箍得太緊，她穿上黑色闊身褲，而為安全起見，她亦穩陣地腳踏平底波鞋出動。
至晚上近12時，眾人醫肚後陸續步出餐廳，心情大靚的Lorraine與友人笑笑口傾不停，怕被認出的基仔則戴上帽及口罩，為太太護駕，而當男友人跟基仔說話時，Lorraine識做地行開「讓位」，但基仔仍不時望向行在前方的太太，其後兩公婆再往停車場取車。
而欣宜則翹着陳淑芬兒子陳家豪邊行邊傾，臨走前還禮貌地跟一眾長輩道別。
(綜合報道)
藝人余德丞（Dickson）日前孖住緋聞女友蔡思貝一齊主持旅遊節目《緬甸奇幻旅程》，有傳二人因拍節目撻着。
之前Dickson出席活動時被問到有傳蔡思貝因形象差的問題，令到劇集《大帥哥》淪為倉底貨，Dickson就話：「我唔知呢件事，但聽啲PA同導演講套劇幾好睇。」問到可覺蔡思貝形象差？佢即力撐緋聞女友：「唔係啊嘛？佢形象好好喎，因為我鍾意做運動同短頭髮嘅女仔，可能我對佢有Bias（偏心）啦。」仲講到明係偏心思貝！
Dickson仲毫無避忌喺社交網上載二人親密合照，佢更合上眼，好冧咁將頭挨落對方膊頭，畫面十分甜蜜。
佢仲留言表示二人性格大不同，但卻如此合拍：「佢鐘意睇書 我鐘意睇波 佢鐘意刺激 我鐘意舒適 佢唔鐘（鍾）意俾（畀）人控制 我鐘（鍾）意控制人 可能就係因為咁 當我亂咁噏當秘笈 佢會講埋我份台詞 當我認真同人溝通緊 佢會係（喺）汁（側）邊輕鬆慢慢等」
Dickson嘅留言令傳言更加撲朔迷離，連好多網民留言話以為佢公開戀情，不過佢其實係為二人節目拉票，仲話思貝係最佳拍檔！
(綜合報道/on.cc)
張栢芝同謝霆鋒06年結婚後，先後生下兩子，分別係11歲嘅Lucas同8歲嘅Quintus。
直至11年，栢芝同霆鋒離婚後，栢芝一直盡心盡力照顧兩個囝囝，至於感情方面似乎就冇乜着落。
不過近日就驚傳栢芝喺跑馬地生咗BB嘅消息，有指栢芝周日(25日)喺養和醫院生下第三胎，據知BB爸爸係曾經同栢芝傳過緋聞嘅新加坡富豪。
日前栢芝媽現身養和醫院，不過記者問佢係咪探栢芝時，栢芝媽話只係自己睇病，其他乜都唔講。
有關栢芝突然生仔消息傳出後，昨晚就傳出消息，話栢芝已經出咗院。
對於秘密產子之事，張栢芝及經理人等方面一直迴避傳媒，不承認亦未有否認。
連日來大批傳媒在醫院外及張栢芝大埔寓所外守候，除栢芝媽曾一度現身醫院，之後並未發現其他相關人物在醫院出現，至於栢芝的大埔寓所亦未見栢芝蹤影，直至昨日傍晚，醫院現場消息指張栢芝已秘密出院。
對於栢芝已出院一事，劉美娟說：「唔知道！」至於張文慈則說：「唔好意思，唔太清楚，唔方便回應。」
相關新聞：
【傳收7千萬豪宅】傳張栢芝第三胎生父就係佢 https://goo.gl/Naitte
【震撼整個娛樂圈】傳張栢芝第三胎性別係… https://goo.gl/YBMgJS
【傳張栢芝再誕B】好友張文慈坦言覺得好驚訝 https://goo.gl/fVN9Fm
【好圓潤】張栢芝5月最後公開出席活動時孕味濃 https://goo.gl/XR2oKD
【前任新抱張栢芝傳已誕下第三胎】前老爺謝賢首回應 https://goo.gl/1cbXm2
【傳前妻張栢芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張栢芝已順利誕下第三胎 https://goo.gl/ih6xja
(綜合報道)
羅天宇與同母異父的弟弟胡㻗、Jessica C.等出席聖誕街頭裝飾活動，眾人分別帶同愛犬出席，羅天宇帶著「豬豬」現身，但就笑牠蠢，剛養牠時教了1年牠才識得去廁所。
提及到舊愛湯洛雯被拍到與「的士邦」鄭子邦在夜店舉止親䁥，他認為是角度問題，又說曾和湯洛雯聯絡過，對方否認拍拖，亦沒因此有不開心。
問他看到報道會否有酸溜溜感覺？他表示不會，如果對方得到幸福會為其高興。至於會否復合？他說：「不知，大家之前都有不少問題，總之做好自己。」
（singtao）
藝人鍾欣潼（阿嬌）同未婚夫賴弘國一同參與學習預演父母的內地節目《爸媽學前班》，昨日（29日）播到第八集，一如以往兩人在節目繼續大晒恩愛。
在今集課程入面，教育專家叫嘉賓根據對人生遺憾的思考，向另一半表達想要作出的承諾，賴弘國對阿嬌坦言：「我沒有聽過Twins的歌。」
阿嬌聽到後即刻扮嬲，賴弘國就真情告白說：「你卸下光環後，我還會是一直支持你的小粉絲。」冧冧豬的阿嬌亦透露心聲：「感謝節目中所有人的分享，是你們令我更了解婚姻生活，帶給自己更多思考。」賴弘國也說：「我們對以後的日子更有信心。」
完成上午的課堂，一眾藝人嘉賓就來到英國當地農場，大家需要找出任務卡，並完成任務，阿嬌和賴弘國的任務就是「摸小豬」。二人通過模仿與豬仔「打招呼」的方式，成功靠近圍欄，最後順利完成任務。
而在之後的任務，兩人不時與小動物互動，享受與大自然相處的愜意時光。而拍攝節目當日正值感恩節，藝人嘉賓齊齊準備感恩Party，阿嬌大晒廚藝，炮製炸雞翼。而寫感恩卡時，阿嬌感恩身邊出現的每一個人：「感謝人生中遇到了父母，遇到了阿Sa（蔡卓妍），遇到賴弘國。你們的出現讓自己反思人生的許多道理，遇到了更好的自己。」
（on.cc）
前港姐李嘉欣出席教堂舉行的聖誕音樂會，透露將會上台朗讀聖詩，屆時兒子亦會一同現身。
雖然有上台經驗，但剛才仔仔竟然想縮沙。
她謂：「我同佢講爸爸唔喺香港已經縮沙，如果個仔唔陪我，我咪要自己上去？」對於兒子日漸長大，問會否心思思想復出拍戲？
她說：「都未必有咁嘅諗法，我都拍咗好多年，依家好享受呢份新工（做媽媽），一個小朋友好多嘢要跟，依家仲係需要我嘅時間，所以除非有機緣。」
至於仔仔可有表演欲？她不諱言想仔仔學習做生意，但兒子數學卻表現普通，是否遺傳不到爸爸的生意頭腦？
但嘉欣說兒子喜歡文學東西，平時一晚便看完一本厚書。理財方面，嘉欣表示老公也有教導兒子，讓他知道不可以浪費，亦曾帶他到劏房體驗，讓他學會珍惜所有。
（綜合報道 / on.cc）
藝人陳庭欣（Toby）最近喺熱播無綫劇《兄弟》中飾演Cool爆打女「Oli」一角大受歡迎，成功入屋！
現實中，Toby其實係好sweet、好識氹男朋友嘅，佢自從宣布與擁逾億身家的老闆楊振源（Benny）拍拖後，兩人一直表現恩愛，可謂事業愛情兩得意！
深夜時分，呢對情侶又喺網上放閃，分別着上印有「Boyfriend Material」及「Girlfriend Material」嘅情侶T恤，Toby仲嘟起嘴仔、輕撫男友胸肌合照，真係甜到漏呀！
有網民仲趁機問佢哋兩個幾時拉埋天窗，唔知幾時有好消息帶畀大家呢？
（綜合報道 / on.cc）
