TVB藝人Athena於今年3月結婚，今日佢趁住自己32歲正日生日，宣佈同老公終於造人成功！
婚宴當日一班節目主持好友譚玉瑛、蓋世寶、司徒瑞祈、何沛霖、鄧永健、阮政峰都有出席婚禮、見證住 呢個大日子。
好熱鬧呀！
曾主持兒童節目《放學ICU》嘅藝人吳綺珊（Athena）喺社交網透露：「今年有份特大生日禮物，肚入面多咗隻豬仔陪我過生日，我哋由二人世界變三人行了🐷❤️👪 #小金豬 #識放蠟燭一定掉轉放😜 #我哋要做爸爸媽媽了！」
佢仲晒出慶生照片，相中見吳綺珊開始見肚，不過身材冇走樣，依然少女味濃。唔少網友第一時間送上祝福，網民紛紛留言恭喜，仲話好開心見到佢踏入人生另一頁！
（facebook / 綜合報道）
藝人陳茵媺（Aimee）出席慈善晚宴，講到大仔12月4日生日，會送甚麼禮物給他？她說：「佢五歲啦，時間過得好快，其實佢每年都有要求要咩禮物，佢今年想要玩具氣槍，但我又唔係主張屋企有類似武器嘅嘢，雖然係玩具槍，係小朋友可以玩果種，喺外國好流行，但我就有啲驚，始終屋企仲有兩個細嘅，驚佢亂嚟。」
不過她表明就算肯買，都會跟大仔約法三章：「要佢做完功課先可以玩，同埋淨係可以瞄準一個目標，但唔可以瞄準人。（咁瞄準老公陳豪呢？ ）唔得，佢爹哋受傷邊個睇住小朋友，總之唔可以射人，指着公仔就得，所以我都諗緊買唔買畀佢。」
除了玩具氣槍，她謂還會買畫具給兒子：「佢都鍾意畫畫，咁我就可以買靜同動嘅禮物畀佢。（係咪小朋友想要乜嘢都盡量滿足佢哋？ ）我會呀，小朋友有獨立嘅思想，我會用成人嘅處理方法，但要聰明處理，作為媽媽，有獎勵之餘，都要同佢講有啲乜嘢唔可以做，咁樣先可以係雙贏局面，如果佢係要真槍，就真係唔會畀佢。」
Aimee續說：「（佢哋有冇試過過分要求？ ） No ！可能仲細個，要求比較簡單，佢哋想要啲冇可能得到嘅嘢，都仲可以氹到佢哋，遲啲可能就氹唔到。（淨係送禮物畀哥哥，細佬妹會唔會呷醋？ ）唔會，因為係大哥生日，佢會識得同細佬妹分享，佢哋三個好Friend，可能年紀好接近，識得Share同埋互相照顧，我好Lucky。」
問到她外出工作，誰人照顧三名子女？她說：「叫咗奶奶同老公睇住，老公啱啱放工，夾啱時間，放心啲。（佢都幾辛苦，放工仲要湊小朋友？ ）我覺得自己好Lucky，有佢幫手。」
（綜合報道 / on.cc）
藝人陳煒上周（21日）45歲生日，喺圈中出名朋友嘅佢，生日飯食足一個星期！
呢晚好友唐詩詠、馬國明、女友黃心穎、何遠東等為佢補祝生日，同時為曾經合作無綫劇《梟雄》嘅李興華兩位11月之星齊齊慶祝。
最意外係兩位壽星切蛋糕時，陳煒毫不避忌獲小鮮肉李興華搭膊頭兼獻吻，仲笑得非常之甜，好受落咁，有網民仲話佢哋有夫妻相添！
唐詩詠同黃心穎亦有喺社交網上載大合照祝賀呢位壽星。
(ig / 綜合報道)
藝人陳家樂與師妹曾樂彤出席品牌活動。
至於講到師妹曾樂彤今日推出EP，她表示可以出碟就已經好開心，問到可有到唱片店買隻討幸運？
她指一早已內部認購。隨即問到陳家樂可會買隻支持？曾樂彤打趣叫師兄可買半隻，陳家樂續說會買5隻：「之前都有幫過佢唱第一首歌嘅Rap版本，嗰時都幾難！」
問到陳家樂可有關心好友湯怡與洪卓立分手一事？
他表示分別都有同二人講「Take Care」：「佢哋都係我識咗十幾年嘅好同事、好朋友，但係佢哋嘅事就唔好有咁多人發言。」
講到有傳他是二人之間的第三者…
家樂就嗌晒救命，並續說：「太具創作性嘅嘢唔識講，但我哋今年都一齊合作拍咗3套戲。（話你哋又成日Post合照？）到時套戲出咗大家就會明白，今次有兩套戲都會同佢飾演情侶，仲有一套就會做同事。」
問到之後若見到面可會尷尬？他謂平時都會成日見，不會感尷尬：「都有講嘢，大家都識咗咁耐，關係係好朋友。（有冇同洪卓立解釋番件事？）都有同佢講過Sorry，搞到佢哋有更加多人傾。」
(綜合報道 / on.cc)
準媽媽陳凱琳（Grace）昨日身穿桃紅色套裝現身品牌活動，即使西裝褸扣起都明顯見肚，自宣佈懷孕後第二次出席公開活動，她今次依舊冇有怕，繼續穿着3吋「斗零踭」。
之前4吋高跟鞋
Grace笑言有帶定平底鞋更換：「呢對比起平時我着嗰啲矮好多，咁自己又細粒，老公都有批准我着呢對。（佢有做對你更貼心嘅事？）都有，佢啱啱打畀我睇吓我安全到目的地未，話唔好嫌佢囉唆。」
問到BB有幾多個月？
Grace繼續封口：「暫時唔想講住，過咗3個月。（幾時公布？）畀我多啲時間諗吓再講。」
於活動開始前，有公關表示Grace會宣佈BB性別，問到此事時，Grace都即刻呆一呆。
然後話想同老公一齊於社交網上宣佈：「下個月啦，都想一齊講，因為生BB係兩個人嘅事，都唔想單方面咁講咗先，但呢個性別我哋兩個都開心嘅，可能同公關有啲誤會，所以佢哋先咁講。」
說罷即來「投訴」，笑指未打電話給好友黃智賢問爲什麽要跟記者透露BB性別：「但佢會係BB個契爺，所以有咩都會同佢講，佢有第一手資訊。」
問到着桃紅色套裝是否暗示BB性別？她大笑謂：「想有番啲聖誕氣氛啫！（上圍好似豐滿咗？）好尷尬添！自己都冇為意。」
黃智賢係BB個契爺
(綜合報道 / on.cc)
已育有兩名兒子，現年38歲的張栢芝昨日被爆已誕下第三胎，消息震撼整個娛樂圈，大家都很好奇這位單親媽媽的第三胎的經手人是誰。
栢芝數月前曾在社交平台表示要「努力生個妹妹」後，消息指她日前已在養和醫院誕下第三胎，當時大批傳媒拍攝到栢芝媽咪步出養和醫院，張媽媽一見到記者時一臉驚訝。
被問到是否探栢芝時更慌張掩面澄清是來睇醫生。
張栢芝2006與謝霆鋒結婚後，先後誕下於長子Lucas和幼子Quintus，惟婚姻僅維持5年。
栢芝於2011年離婚後，以單親媽媽身分全程投入照顧兩兒子，更為了小朋友移居新加坡，到小朋友漸長大才回歸演藝事業，兩兒子現年已11歲及8歲。
組合C AllStar成員釗鋒於2013年7月突然傳出和栢芝已拍拖半個月，爆出姊弟戀，男方更被拍得登堂入室，在栢芝家中出入，男方否認戀聞並指因有合作而到栢芝家開會！但栢芝無懼緋聞繼續交往，為欣賞釗峰開騷，她專程從新加坡返港捧場！
2015年栢芝被拍得和房地產投資商在北京聚會，期間男方輕攬栢芝纖腰並親自送返別墅，之後更傳出男方贈送價值7千萬港元的北京豪宅給栢芝，及後更拍得二人與兩個兒子一起行街食飯。
去年栢芝和比自己年輕九歲的台灣男星何孟懷合作參演真人show節目《女神的選擇》，節目中兩人有不少親蜜互動，之後傳出於巴黎訂婚的消息，直至今年年初更指兩人已結婚。栢芝方面隨即發聲明否認，指為惡意捏造，並稱會交律師處理。
之前又突然在社交網上載與酷似荷里活男星Chris Pratt的老外撐枱腳、以及和一對兒子玩耍的大合照，相中兒子Lucas更冧爆的伏在老外的胸口，及後這張相片被刪除。
有報道指栢芝的第三胎是個男嬰，而BB的爸爸則是65歲新加坡富商。
數月前，傳出張媽媽爆女兒栢芝被一名65歲新加坡富商追求，又指對方十分照顧人。
相關新聞：
【震撼整個娛樂圈】傳張栢芝第三胎性別係… https://goo.gl/YBMgJS
【傳張栢芝再誕B】好友張文慈坦言覺得好驚訝 https://goo.gl/fVN9Fm
【好圓潤】張栢芝5月最後公開出席活動時孕味濃 https://goo.gl/XR2oKD
【前任新抱張栢芝傳已誕下第三胎】前老爺謝賢首回應 https://goo.gl/1cbXm2
【傳前妻張栢芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張栢芝已順利誕下第三胎 https://goo.gl/ih6xja
(綜合報道)
藝人張栢芝神隱半年後，昨日突被爆料傳出第三度做媽咪，消息震撼娛樂圈！自從栢芝生了謝振軒（Lucas）及謝振南（Quintus）之後，一直對兩位兒子照顧有加，亦悉心教育。
大仔謝振軒（Lucas）
細仔謝振南（Quintus）
本身非常喜歡小朋友的栢芝曾多次揚言要再生育，恨再度當媽。她的目標就是多生一位小公主，希望有兒有女更加圓滿！
於本年2月底，栢芝在社交網上載一張擁着小女孩的照片，留言：「實在太可愛了！2018年之前，必定要生出BB來，this is my goal！」
7月時兩個兒子都在放暑假，她亦上載與兩個囝囝及張媽媽三代同堂的茶敍照片，當時她表示要幫囝囝多添一個妹妹。
可惜事與願違，有傳栢芝今胎都係生仔，未知渴望生女的她會否繼續追女？
相關新聞：
【傳張栢芝再誕B】好友張文慈坦言覺得好驚訝 https://goo.gl/fVN9Fm
【好圓潤】張栢芝5月最後公開出席活動時孕味濃 https://goo.gl/XR2oKD
【前任新抱張栢芝傳已誕下第三胎】前老爺謝賢首回應 https://goo.gl/1cbXm2
【傳前妻張栢芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張栢芝已順利誕下第三胎 https://goo.gl/ih6xja
(綜合報道 / on.cc)
與謝霆鋒離婚多年的張栢芝，傳出誕下第三胎，不少人感到詑異！
雖然大家都知她很喜歡小朋友，分屬好友的教友包括張文慈（Pinky）、劉美娟等都未知此事。
Pinky接受東網電話訪問時說：「真係唔知，我都有一段時間冇見佢！（有冇成年？）都有啦！都耐到唔記得。（傳佢生咗驚訝嗎？）都驚訝，不過我都唔多講啦！」
相關新聞：
【好圓潤】張栢芝5月最後公開出席活動時孕味濃 https://goo.gl/XR2oKD
【前任新抱張柏芝傳已誕下第三胎】前老爺謝賢首回應 https://goo.gl/1cbXm2
【傳前妻張柏芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張柏芝已順利誕下第三胎 https://goo.gl/ih6xja
（on.cc）
藝人張寶兒（Bowie）現身首飾活動，問她是否揀嫁妝，她笑言嫁妝不需要自己買。至於男友袁偉豪（Ben）若獲三料視帝是否會結婚？
她坦言：「我覺得好難話計劃唔計劃，但現時未適合住，大家仲有好多抱負喺工作上。（大家有傾過？）任何認真拍拖嘅人都會，但呢個未係我哋嘅計劃。（大家有時間表未？）好難講到將來，呢一刻想喺工作上繼續努力。（Ben話佢準備好，只係畀時間你發展工作。）佢將個擔子畀咗我，佢依家事業發展得好好，佢需要時間去做得更好，我拋番個波畀佢先。」
Bowie稱會投票支持男友，並相信對方有能力做三料視帝，但認為其他藝人的作品也很出色，她表示：「如果佢再攞獎，我要諗一個surprise畀佢。（如果佢喺台上向你求婚呢？）我覺得私下會好啲，希望呢個時刻係兩個人。（對求婚有冇憧景？）我覺得諗過通常唔會成真，所以唔好諗。」
（on.cc）
久未露面的張栢芝今年38歲，自從與謝霆鋒於2011年結束五年婚姻後，除了演藝工作，她大部分時間都專注照顧兩個兒子，大仔Lucas已經11歲大，細仔Quintus也8歲了，最近有讀者向傳媒爆料，聲稱栢芝在養和醫院秘密誕B。
今年7月放暑假，栢芝曾上載與兩個仔仔跟媽咪三代同堂茶敍照片。
當時只係影上半身
當時佢仲話要幫仔仔生多個妹妹，似乎真係有意追多個B喎，唔係點會冇喇喇話想生呢！
再翻查紀錄今年3月她曾在內地選秀節目《星星美人魚》擔任嘉賓亮相。
5月又應邀在上海出席一個品牌活動，當時穿上連身裙的她有點圓潤，面龐仲好飽滿，疑孕味濃，之後她就未有出席任何公開活動。
相關新聞：
【前任新抱張柏芝傳已誕下第三胎】前老爺謝賢首回應 https://goo.gl/1cbXm2
【傳前妻張柏芝誕下第三胎】前夫謝霆鋒首回應 https://goo.gl/FdtYz5
【張母在養和探栢芝】傳張柏芝已順利誕下第三胎 https://goo.gl/ih6xja
（on.cc）
