剛於十月與拍拖年半、錫礦大王後人陸漢洋（William）成婚的藝人苟芸慧（苟姑娘）昨日出席活動，她笑指自己未習慣叫另一半做老公。
她被問到到好姊妹李亞男B女的四維超聲波照…
苟姑娘笑言：「我見到張相好似祖藍，嘴係似爸爸，鼻高高就似媽咪。到時囡囡可以參加Miss Chinese，Miss Hong Kong，Miss International。」
問到會否受姊妹感染，加大力度造人？
她透露與老公計劃到虎年才生BB：「我哋希望二人世界先，而且依家拍緊劇，年尾都會拍另外一套。所以八月先去到Honeymoon。（打算去邊？）之前去過沖繩參加朋友婚禮，覺得好靚！所以應該去嗰到Honeymoon。（同老公有共識遲啲生？）係呀！有夾過生肖，我哋諗住生老虎。（老虎咪要四年後？）三年幾啫！計劃最理想係老虎囉！（如果意外呢？）意外你哋就會知啦。」
（綜合報道 / on.cc）
藝人李亞男（Leanne）現時懷孕逾八個多月，但依然相當活躍，早前更挺巨肚，低調前往探班撐場…究竟是誰，要出動懷有八個多月身孕的李亞男呢？
就是為密鑼緊鼓綵排原創聖經音樂劇《唯獨祢是王II》的老公王祖藍打氣。
祖藍正式綵排時，Leanne則化身「得力助手」，細心欣賞老公演出的同時，更不時幫老公拍攝花絮照，兼全程看管住老公的電話、銀包及劇本，十分「廿四孝」！
Leanne事後笑言「是次探班」其實是「正式捧場」：「因為祖藍12月尾正式演出嘅時候，差唔多撞正我生B，我可能去唔到捧場。但呢個幾兩個月，老公差唔多日日都要排劇，好多時候排到差唔多凌晨時間先返到屋企……見佢咁辛苦，我真係好想支持，同埋見證佢苦練嘅成果。」
問到如何慰勞老公？她說：「煲多啲潤喉嘅湯畀佢囉，佢要養聲，我依家同佢溝通好多時都係睇口形。」Leanne又透露現時行動尚算方便，只是不能站立太久：「因為個肚依家真係開始大喇，企得太耐條腰係會酸嘅，但我覺得OK呀，我都依然會周圍去，郁動吓，完全唔郁動其實仲辛苦。」
（綜合報道 / on.cc）
39歲的歌手王菀之於2015年下嫁給「Figure王」蘇卓航（Eric So），人前人後二人表現恩愛，相當甜蜜！
話咁快二人結婚已經三年，為咗慶祝結婚三周年，兩公婆就去咗日本旅行，佢哋去原宿又去下北沢，玩得相當開心！
王菀之喺社交網上載咗一張合照，二人後方有一大個「LOVE」字，加埋王菀之笑到見牙唔見眼個樣，真係一切盡在不言中！
王菀之仲留言：「就係咁，我姓咗蘇三年喇 #2015年11月28日。」圈中好友楊千嬅都有留言送上祝賀。
另外，王菀之又上載一張拎住一條超細嘅牛仔褲相，並表示：「呢排瘦咗少少，呢條ok！」
結果Ivana呢張相同發文都引起網友好多揣測，指佢有所暗示，有網民就留言問佢係咪有喜，部分更直接留言恭喜佢送上祝福，又有啲向佢查詢BB嘅性別添！唔知Ivana同佢老公幾時正式公佈喜訊呢？
(綜合報道 / on.cc)
噚日有人喺社交網上，影射舒淇係中國華融資產管理股份有限公司前董事長賴小民其中一個情婦，而舒淇工作室得知後亦即時發聲明，表示強烈譴責之餘，又指出「舒淇不認識賴小民」、「警告帖文的發佈者、轉載者，以及相應網絡服務平台，立即刪除已發佈的上述帖文及相關鏈接，停止發佈。
轉發相關帖文及惡意揣測中傷舒淇等行為」、「將向造謠者、侵權者採取法律行動並保留追究法律責任的權利」，而且更表明「絕不姑息」。
對於被影射喺情婦，舒淇噚晚就喺微博出post：「清者清，不落濁 ~~~這世上除了生離死別，其他的都不值得難過、執著、氣惱」
而舒淇心情亦似乎冇特別受到呢單新聞影響，皆因佢今日仲攬住愛貓update IG，而且仲寫住「Have a great day」。
(Apple daily)
現年48歲嘅女星鍾麗緹（Christy）近日有一個自稱「知名情感作家」的網民，發文指Christy靠食激素藥物增加成孕機會，即令老公張倫碩嬲爆發文反擊，怒斥對方造謠。
Christy今日撐老公怒斥造謠者。
又指已備孕近一年，寫上：「調理身體、作息規律、多運動，做針灸等等，所有的目的都是讓身體更好更健康，我要開心活到100歲！現在還沒走到一半的時間，而我也生過三個小孩，我很有信心，自己的身體早就知道怎樣生小孩，而我也會繼續用正面的態度期待着。」
(綜合報道 / on.cc)
藝人張彥博憑劇集《跳躍生命線》中「雄姐」一角，大受觀眾歡迎，歌手出身嘅佢更即將喺12月9日舉行首個演唱會。
近日佢雖然好落力準備緊個演唱會，但亦不忘更新社交網同大家互動，佢仲喺凌晨上載咗段化妝片同幾張相，畀驚喜一眾網民！
事關片同相入面嘅佢係打扮成女仔，仲戴埋假髮，好有誠意㗎！
張彥博留言：「豁出去了～盡力吧！希望大家頂得住👩愛惜自己的電話視屏啊…😳」最後仲宣傳埋自己演唱會，唔知呢啲造型係咪同個騷有關呢？
呢個Post一出，就引嚟好多網友留言，幾乎個個都讚好張彥博個女仔Look，仲搞笑話「雄姐終於現真身」。
仲有唔少網民都話第一眼以為雄姐係韓國女星宋智孝，大家又覺得似唔似呢？
(綜合報道 / on.cc)
藝人吳岱融與太太鍾淑慧於1995年拉埋天窗，婚後誕下仔仔吳政樺，一家三口相當幸福。
二人結婚已經23年，今日吳岱融在社交網發放夫妻恩愛合照，見到吳岱融啜爆太太又送上鮮花，真係好有愛。
另一張相就見到仔仔吳政樺疑似不屑的樣子似是正在呷醋中，相當搞笑。
吳岱融發表愛的宣言：
「11月28號的今天是我們的結婚週年紀念。23周年了，連結婚之前在一起的七年我們已經一起了30年， 辛苦了老婆 多謝你一直照顧這個家，錫住我和仔仔
祝願我們繼續週年年年快樂，
永遠愛你的老公
公：哎吔，做乜打我，
婆：禮物呢？
公：微博都發咗表心意啦 禮咩物嗻，
婆：唔得 禮物，
公：（暗暗沉沉講）卅年囉喎都仲禮物，咁市儈啊你呀
婆：（大聲）你講咩呀？
公： 我話 週年快……樂😝」
兩夫妻對話超有愛！
(綜合報道/on.cc)
藝人王君馨（Grace）到中環宣傳劇集《是咁的，法官閣下》，她透露剛由紐約返港，早上五點半才落機，但為煲劇而冇瞓覺，之後就出席活動。
講到紐約之旅，Grace表示同老公去慶祝感恩節、到百老匯睇騷，並出席胞兄的婚禮。
講到頒獎禮提名，她直言最希望劇集得到「最佳劇集」獎：「愈睇愈寫實，講出香港人心聲，身邊人都話好有共鳴。（咁你自己提名視后呢？）有人撐我會爆冷，有呢啲鼓勵我覺得好大支持。」
Grace在劇集表現出色，連校長譚詠麟同方力申都發文大讚，為競逐今年最佳女主角打下强心針。
對於最近又報道指Grace為衝刺事業而封肚拒生B，她表示：「係希望過多一兩年先預備，我同老公年紀仲細，佢只係嚟咗香港年幾，仲習慣緊呢度嘅節奏，而且我想環遊世界先。（攞完視后先生B？）呢樣好睇天時地利，自己控制唔到，不過跟住都有套大劇要練功夫，希望畀到觀眾驚喜。」
（綜合報道 / on.cc）
兩個港姐孖住去旅行！
湯洛雯（靚湯）同朱千雪早前到北海道拍攝大台節目《3日2夜》，一邊拍嘢一邊去玩，難怪佢哋咁開心啦！
節目近日終於播出街，見到佢哋翹晒手真係好好感情，仲姊妹頭上陣！
千雪BB就喺社交網上載短片，見靚湯好熟練咁幫佢紮麻花辮，而千雪就好享受咁自拍同玩電話，難怪佢留言話好愛靚湯！
但個原因竟然係：「I love this girl because she’s always there when I need her… to do my hair.（我愛呢個女仔，因為我好需要佢幫我整頭髮。）」
唔少網民見到都大笑，仲Tag咗自己好姊妹叫對方學下嘢！
(綜合報道/on.cc)
今日同太太齊發聲明宣佈離婚，結束七年多婚姻。
兩人在聲明上表示已決定今日離婚，強調是和平分手，據知雙方不牽涉索取贍養費及分身家等錢銀問題。
曾演日本神劇《半澤直樹》嘅49歲男星及川光博，今日同47歲演員太太檀麗齊發傳真宣佈離婚，結束七年多婚姻。
及川光博與檀麗於2009年11月合演《相棒》特別版撻着，繼而拍拖在2011年7月註冊結婚，不過兩人在結婚一年多即出現問題，女方被發現搬離愛巢到外家居住。
及至今日，兩人在聲明上表示已決定今日離婚，強調是和平分手，據知雙方不牽涉索取贍養費及分身家等錢銀問題。
(Apple daily)
