內地女星范冰冰自捲入「陰陽合同」逃稅被捕風波後，一直未有公開露面，她的行蹤備受外界關注。最近有指更要驗證范丞丞的DNA，到底兩人是否姐弟關係。
而冰冰男友李晨亦在事件發生後一直「潛水」。
不過，今日有一位名為「周於斯UC」的網民，指自己正跟李晨敘舊，並附上一張跟李晨的合照，地點是在關島。
周於斯是一名攝旅遊影師，他要幫李晨轉達一下：「冰冰最近有點事兒，在內地尚好，希望大家不要擔心。」如果發聲屬實，李晨便是在冰冰被捲入逃稅風波後首次發聲。
（on.cc）
【首開腔回應范冰冰被捕風波】李晨承認：她最近…
【兩年前低調嫁人】而家高調宣佈囝囝出世喇！
噚日透過社交網Instagram公開好消息，宣佈自己一索得男，升呢做媽咪！隨即公開B仔相，表示囝囝而家相當健康，重8.25磅，獲粉絲留言送上祝福。
36歲女星，前年低調嫁細2歲嘅圈外男友，婚禮以非公開形式舉行。
懷孕時留倩影！
巨肚~
曾演出韓版《命中注定我愛你》、《Mrs.Cop2》等劇集嘅李美度，據悉當時婚禮現場充滿着浪漫的氣氛，場面猶如電影一樣，而新郎十分照顧李美度，她展現出幸福的笑容，令賓客亦感受到兩人的甜蜜，紛紛送上祝福，場面感人。至於曾一同合作韓版《命中注定我愛你》的女星張娜拉及好友金慧秀等亦有出席婚禮到場祝賀。
(綜合報道 / ig)
【有途人搵佢簽名】65歲盧宛茵唯一女兒曝光！
65歲盧宛茵（Madam Lo）喺大台劇《BB來了》扮演野蠻奶奶，演技大爆發，備受觀衆讚賞。現實中嘅Madam Lo 婚姻失敗，同前夫新聞主播何鉅華離婚後，獨力湊大兩子一女，兩子早已成家立室。
《BB來了》劇照
唯一嘅女兒今年33歲，日前兩母女現身金鐘，被讀者爆料，Madam盧經常被人話同衛蘭撞樣，原來女兒更曾經被認錯係衛蘭！
女歌手衛蘭 （資料圖片）
馮先生接受訪問表示：「佢哋邊行邊傾，好似講緊手機app，盧宛茵問個女app點用，兩母女驟眼睇幾似樣，個女身型肥少少似阿媽。」問到女兒似唔似衛蘭？馮先生話：「都似㗎。」
Madam Lo 女兒 （讀者提供圖片）
之後兩母女分道揚鑣，Madam盧就獨個兒搭港鐵往柴灣方向，坐低後不停玩手機，問到係咪有人讓座畀Madam盧？馮先生表示：「車廂有吉位，冇乜人認到佢，見佢真人白頭髮都幾多。」
之前Madam盧曾公開兩個兒子全家福，但女兒就好少曝光，生得肥肥白白嘅Madam盧，同衛蘭嘅五官幾乎倒模；而從馮先生提供短片所見，都係面圓圓眼大大，着低胸衫身材仲好好㖭，而身型就同媽咪一樣咁圓潤，Madam盧傾到手舞足蹈同女兒感情好好。
（讀者提供圖片）
對於女兒被指似衛蘭，Madam盧喺電話表示：「佢都試過畀人認錯係衛蘭，幾年前有學生妹以為佢係衛蘭，搵佢簽名㖭。」Madam盧話女兒未結婚，兩母女一齊住，嗰晚約埋去街食飯。至於女兒教用手機app，Madam盧話：「我玩吓遊戲，有時有啲嘢我唔識，佢教我。」
（盧宛茵提供圖片）
（apple daily）
【特別的生日禮物】趁老公生日宣佈喜訊！
今日在社交網上發佈了一張超聲波圖片，並寫道：「袁爸爸生日禮物來了[蛋糕]就問你怕不怕[陰險]（圖片來自社會）」，正式宣佈懷孕！據悉，她的預產期將是年底。
她在超聲波圖片上加了「小豬佩奇」的水印，估計也是出於保護寶寶信息的目的。她特別選擇在老公生日當天宣佈喜訊，給袁弘一份特別的生日禮物。
之前關於她是否懷孕的猜測已經很久了，她在年初自導自演的電影《泡芙小姐》之後也沒有再接新戲，被懷疑是專心安胎，不過她本人從未對此有過回應。
隨著越來越多的細節曝光，還有網友在產檢時偶遇張歆藝夫婦的身影。
根據當時的信息，目前孩子已經有3個月。在張歆藝懷孕後，老公袁弘都陪在她身邊悉心照料。網友在微博下紛紛送上祝福，祝福寶寶健康平安。
（騰訊）
【出版21年】TVB再宣佈《TVB周刊》停刊
逢周一出版、一書兩冊的《TVB周刊》，自1997年5月20日創刊，首期封面人物為沈殿霞。
前身為《香港電視》，首期封面人物是波叔梁醒波，於1967年11月19日無綫開台日同步創刊，當時一本只售兩毫子。兩者皆為無綫官方刊物。
由《香港電視》到《TVB周刊》，無綫這本官方刊物，宣佈由紙媒轉為網上版。
電視廣播（0511）今晨公佈中期業績，宣佈《TVB周刊》印刷版將停刊。集團指發行量維持穩定，「在忠實讀者的支持下，《TVB周刊》發行量維持穩定。為了在瞬息萬變的市場保持競爭力，電視廣播出版實施了嚴謹和有效的成本控制措施，以提升其盈利能力。」
不過，據知無綫至今仍未正式通知《TVB周刊》員工有關轉為網上版的決定，只是上周內部有傳聞稱會停刊、轉為網上版，但無綫一直未有正式公佈詳情，令員工感徬徨，直至公司宣佈中期業績，員工才知道周刊將停刊，但迄今管理層仍未向員工宣佈有關詳情及人手安排。
（apple daily）
【同蕭正楠不結即分？】傳黃翠如已經無耐性等落去…
蕭正楠同黃翠如拍拖4年，其間屢傳婚訊，喺今年4月仲有傳佢哋去出走秘密註冊，不過事後佢哋話：「結婚嘅傳聞已經回應得太多了，不再回應喇！多謝關心！」
唔知係咪因為翠如日前去咗《美女廚房》做嘉賓，雖然佢多次俾男友批評廚藝……
點知嗰日佢炮製嘅魚粥，竟然令大家跌晒眼鏡——個個都話正，蕭正楠都讚好，搞到翠如感動到當場落淚，令大家都嚇咗一跳。
同場衆人都起哄，叫蕭正楠拎婚戒向翠如求婚，仲話約定喺紅棉道等！
兩人相戀四年，雖去年曾有傳會旅行結婚，但最終只聞樓梯響，有傳原因是蕭正楠覺得自己要儲夠老婆本，有錢有樓，才有「資格」娶上市公司主席女兒、有「百億千金」之稱的黃翠如，由於至今仍未達標，令女方至今仍嫁杏無期。
女生青春有限，有指「等了又等」的翠如已無耐性再等下去，向男友逼宮若一年內不結婚，就要重新再將兩人關係定位，看來蕭正楠想留住翠如BB，真的要加把勁！
（綜合報道 / on.cc / apple daily）
【已經揾咗整容醫生】阿Sa默認與男友…
藝人蔡卓妍（阿Sa）現身中環的品牌活動，提到早前滑水意外撞傷左額，她透露這天要靠化妝遮住傷疤，平時就要貼去疤貼。
「個整容醫生幾好手勢，分好多層縫針。（男友呵番？）佢好緊張，四圍問朋友，個整容醫生係佢搵嘅。」
而家睇又唔覺~
至於有否整其他部分？她反白眼笑說：「第日返工呀。（唔使返工就去？）都可以考慮。」
問到男友石恆聰可有承諾無論變成怎樣都要她？她甜笑說：「唔好咁老土啦！（男友有冇唔畀你再滑水？）冇，我鍾意玩，可能遲啲要買個頭盔！其實所有運動都危險，我呢行又靠樣，都要護住個樣。依家唔可以浸水，沖涼都要貼住。」提到最近去短旅行，她默認與男 友去，露出甜笑話：「哎呀，番工好辛苦架，香港成日落雨，搞到部戲拍一日又停幾日，所以抽咗幾日時間去玩，放鬆吓！」
男友石恆聰
（on.cc）
【晚晚播 通通要讓路】TVB公佈最新播映安排
日前公佈累積收視超過100億點擊，佘詩曼話：「之前冇諗過可以達到，依家心想事成當然好興奮，哈哈，不枉本宮心機算盡去演繹！」
掀起中港台三地煲劇熱潮嘅大陸劇集《延禧攻略》，唔單止阿佘覺得開心，身為製作人兼監製嘅于正，事後喺微博貼兼暗示會開拍續集：「透露一下《延禧》二的故事：前緣再續，非遺再傳，唯獨愛與美食不可辜負！」
《延禧攻略》中佘詩曼飾演由忠變奸嘅嫻妃
事實上于正喺14年因為先後因為新劇《宮鎖連城》被指抄襲《梅花烙》，《美人製造》抄襲《邪惡催眠師》而被告上法院，之後沉靜咗一段日子，早前于正接受大陸傳媒訪問，當時佢被問到《延禧攻略》熱爆，可覺得吐氣揚眉？佢話：「沒有，因為我也沒有憋屈過！」之後仲話：「你看無論怎麼別人怎麼罵我，我就基本上就是覺得，事實就事實，不是就不是，就沒有那麼多要去計較的東西。」
提到《延禧攻略》選角過程，于正話秦嵐嘅角色係度身量做，嗰陣開戲睇完富察氏嘅生平，已經覺得非秦嵐莫屬；至於吳謹言呢，于正話係俾佢嘅演技吸引，雖然有唔少人將《延禧攻略》同《如懿傳》比較，于正話實情係一啲都唔同，唔使擔心，兩套劇好好睇，從來都冇諗過要去比較。
另一方面，無綫今日公佈《延禧攻略》嘅播映新安排，由本周（8月20日）開始，一連七晚，星期一至日連續播映，10月5日播映大結局。
新增嘅播映時段星期六晚八點半至十點半，即《流行經典50年》同《美女廚房》。無綫稱，周六晚上同時段安排之多個節目，將待該劇結局後順延播出。
(apple daily)
【當晚原來係TVB…】大懵黃建東竟去錯婚宴場地
藝人黃建東（Derek）一向都好大頭蝦，繼之前搭車跌咗信用卡，呢日佢再有烏龍嘢發生！
佢喺社交網發文指有公司同事結婚請佢去飲，佢本來預啱時間諗住一去到就開席，點知去到見場地仲未Set好……
佢留言：「我較啱時間好老定咁臨開席前行上去中環大會堂二樓諗住一坐低就開波，發覺個場竟然仲未Set好，原來…佢喺沙田大會堂擺。」
佢續指自己兩邊走搞到身水身汗，仲隔空向新郎哥道歉。
最後搞到遲大到，認真瘀爆，事後他分享瘀事到社交平台，並說：「原來沙田大會堂既美心，係唔等於中環大會堂美心！」
有去飲這餐喜酒的王宗堯，就取笑他去錯地方，並將印有地點名的請帖話：「沙田隻字都好大吓！」搞到建東相當瘀皮。
當晚是TVB幕後同事在沙田大會堂結婚擺酒大日子，一對新人應該唔會嬲嘅！
(on.cc)
【懷孕六個多月】針不離身：飯前同臨瞓前都要打
她出席電影首映，懷孕中的她手腳仍然纖幼，表示現懷孕六個多月：「但屋企人話我個肚好細，趁依家行得好想出吓街，朋友話之後我就唔想出去，會好論盡，好似恐龍咁，還好依家手腳仲呃到人，冇好腫。」她亦謂已知BB性別，但未公布住。
而講到她之前因妊娠糖尿要入院，她表示：「因為血糖指數好高，做產檢時畀人『的』咗入醫院，住咗四日三晚，悶到慌，大肚婆情緒又激動，最後一日我同醫生爆喊講話想返屋企。（依家冇事？）我係中咗妊娠糖尿，同飲食超標，依家要每日打針，出街一定要打針。」
藝人吳日言謂現時每日要打四支針來控制指數：「飯前同臨瞓前都要打，打到生為止，仲要打多4個月，同埋之後要加藥，但醫生話唔使擔心，所以依家每日我真係針不離身。（好痛？）我打肚皮嗰度，已經係最舒服個位，因為最多脂肪，希望BB出世健康，媽媽受苦都在所難免，將來佢大個我會同番佢講呢個紀錄。」
她亦謂在醫院見到其他孕婦入院生B：「佢哋係咁話好痛，啲人又走嚟走去好忙，所以變咗我都聽唔少嘢，都已經擔心緊第時順產定開刀好。（你想呢？）我想試吓做媽咪順產嘅感覺，但又驚痛。」她謂預產期是12月頭，預約了港島的醫院。
曾慶祝江若琳蕭潤邦麵舘開張 （資料圖片）
(on.cc)