今日佢就喺Instagram貼出Lucy新相，佢變咗攣毛B，萌到不得了，仲留言話：「登登登……登#點解阿女變咗貝多芬#電咗髮 #扮可愛」眼睛大如波子，好精靈活潑！
42歲嘅李璨琛12年同時裝設計師嘅梁志瑩結婚，今年3月，佢哋愛情結晶品李元元（Lucy）出世，囡囡確實係父親前世情人，李璨琛對住囡囡即冧爆，Lucy已5個月大，識笑識陪人玩，今日李璨琛就喺Instagram貼出Lucy新相，佢變咗攣毛B，萌到不得了，李璨琛留言：「登登登……登#點解阿女變咗貝多芬#電咗髮 #扮可愛」Lucy眼睛大如波子，好精靈活潑，佢個樣生得同爹哋李璨琛餅印一樣，不過爹哋卻搞笑話佢似著名作曲家貝多芬。
李璨琛升呢爹哋，有女萬事足，佢樂得湊女為樂，不時喺Ig貼出愛女相，佢有日仲貼出父女喺梳化攤抖相，廿四孝爹哋仲為囡囡Lucy搧涼，佢留言：「大熱天時唔比人開冷氣，搞到我要幫個女撥扇，睇下Lucy個樣幾無奈，#出汗#排毒 #心靜自然涼個屁。」
李璨琛仲會餵奶，佢好享受父女親子任何一刻，畢竟小朋友眨眼就長大。
(蘋果日報)
林芊妤（Coffee）、楊柳青噚晚到中環，祝賀前落選港姐林慧倩投資6位數字開嘅餐廳開幕，佗緊8個月BB嘅Coffee着住露肩裙，襯平底鞋現身。
佢急不及待讚自己：「我好乖唔着高踭鞋，B仔就快8個月，之前胎盤前置，每個月都覆診，早排太操勞，胎盤未上返去，醫生話咁樣好易會出血，比較危險，原本想同老公去旅行，都要打消呢個念頭。」
為咗BB安全同自己健康着想，Coffee明白有啲嘢需要犧牲，雖然老公翟志榮（Weng）近呢兩個月較得閒，佢話：「我自己嘅工作都cut咗好多，係想趁呢段時間去旅行，因為BB出世之後就冇二人世界機會，本來想去土耳其或澳洲。」
講到生B準備功夫做成點？佢就開心話得到好多贊助，BB床同必需品都齊晒：「之前搬新屋，因為大肚婆有避忌，所以老公負責搬，我就返娘家住，好多嘢仲未執，下個月又要上育嬰班，已經搵咗陪月姐姐。」
(蘋果日報)
「我相信明天會更好
不管抱著誰 我依然可以自由地流浪
我相信明天會更好
不管你在哪兒
變成了哪一國的星星
我相信明天會更好
祝你愉快 這裡留白」
盧凱彤（Ellen）變成了天上的星星，林二汶跟她說：「放心去忙着放假，我會忙着活好。未知何時收工，收工你嚟接我啦，到時電聯。」二汶很有信心，Ellen會收到message，因為，「你往生的世界，電波接受訊號很強，這些post，你應該都load得到。」而且，應該不用煩著用邊個plan比較好。
Ellen妻子余靜萍亦已復工，為曾國祥執導電影《少年的你》續任美指，昨日曾國祥還在社交網貼出余靜萍工作的照片，寫道：「強人是你！」
Ellen喪禮上，余靜萍和二汶，亦一直十分堅強，直到臨別一刻。今日有周刊報道，稱表現硬淨的二汶，在火葬場內，與相識18年的Ellen真正訣別一刻，終於忍不住崩潰痛哭，明哥黃耀明馬上攙扶。當Ellen的靈柩除除送入火化爐內，眾親友都喊著她的名字，此時余靜萍雙親亦忍不住悲慟痛哭，林嘉欣一直扶著。
周刊報道又指，Ellen生前為新碟錄了幾首歌，包括《光》，原定上周派台，唱片公取環球為表尊重，故將之延期。由於Ellen生前為新碟錄好的歌不多，故公司計劃以single形式，預算今年內推出。
(蘋果日報)
呢日，李施嬅喺社交網上載多張靚相，並留言：「可以同好姐妹一起工作，太感恩。食得太多榴槤，我地（哋）身上散發著（着）榴槤嘅味道回港喇！」
藝人李施嬅近日聯同幾個好姊妹姚子羚、胡蓓蔚同陳自瑤，齊齊去咗馬來西亞拍攝節目。難得可以出埠拍攝，佢哋當然好好把握機會寓工作於娛樂，順道喺當地遊覽啦！
呢日，李施嬅喺社交網上載多張靚相，並留言：「可以同好姐妹一起工作，太感恩。食得太多榴槤，我地（哋）身上散發著（着）榴槤嘅味道回港喇！」其中一張相佢哋淨係做「影後」，四女背向鏡頭坐喺度鬥大籮，構圖搞笑！
而另一張相中，佢哋就一字排開擺甫士，而每人腳下都刻有唔同嘅英文字，姚子羚係「Pretty」，陳自瑤係「Cute」，李施嬅係「Gorgeous」，而胡蓓蔚就係「Hot」，李施嬅仲搞笑咁問粉絲認唔認同呢啲字添！
(on.cc東網)
鄭嘉穎同陳凱琳結婚，一班老友出席峇里婚禮時都玩得好盡慶。開心旅程雖然已經結束，不過喺當地影嘅靚相，執一執之後都陸續登場。
繼Anjay同賴慰玲後，Natalie噚晚都激罕喺ig上載一件頭泳衣相，由於好遠，唔少網友都話想睇近啲(相關新聞：https://goo.gl/4WAUxV)。今早Natalie亦大方再晒多三張，有前有後，仲有美腿，身材fit到爆，配合海天一色，加上白滑美肌，確係賞心悅目，數小時已有逾二萬個likes。
Natatie透露相片由黃嘉樂女友Samantha操刀，話係送俾大家嘅「遲來的七夕快樂」，佢仲搵咗啲資料，發現#4月14是blackday係for單身人士的，唔知明年嘅4月14詩詠能否脫離單身行列呢？！
唐詩詠(Natalie)日前仲上載咗一條被曹永廉整蠱嘅片段，留言﹕「話說我接唔到個花球，話說呢個男子話要拋花球俾我，結果……曹永廉，你係咪想屎」。原來阿廉只係拋花瓣，仲笑Natatlie﹕「好多散拖拍….哎吔，一個都冇呀。」搞到全場大笑。
(蘋果日報)
成龍一向甚少公開談到與林鳳嬌的感情事，昨日七夕（中國情人節），成龍罕有高調向林鳳嬌表愛意，還特別請周杰倫及李安修分別為歌曲《謝謝一輩子》作曲、填詞，並由他主唱送給林鳳嬌。他在微博發文說：「林鳳嬌，我愛你！」
成龍在文中還自爆曾送花給林鳳嬌，卻被罵神經病。他說：「#謝謝一輩子# 今天是七夕節，中國的情人節。雖然我從小學習中國文化，但很少過這樣那樣的節日，更是沒認真過過這個節日。我從來不是一個浪漫的人，嬌姐也不是一個注重形式的人。有一次，我送她一大把玫瑰花，她還說我是“神經病”。但這一次，我要送給嬌姐一首歌《謝謝一輩子》。
我曾經在很多地方講過，認識這麼多年，我經常跟嬌姐講“謝謝”：謝謝你煮東西給我吃，謝謝你幫我熨衣服，謝謝你把JJ和Jones養得那麼好（我的兩只金毛狗狗），謝謝你幫我照顧爸爸媽媽，謝謝你一直陪伴著小房子……“謝謝你”這三個字，我想我還會跟她講一輩子。
這個禮物籌備了2年多，還請到 #周杰倫# 跟 #李安修# 來幫忙。這麼用心，我想她應該不會再罵我是神經病了吧！
今年是我跟嬌姐結婚第36年，除了這首歌，我還想跟她說：“林鳳嬌，我愛你”。
也祝全天下所有人節日快樂！我也愛你們！想一想，我還是供獻以下這張照片！」
詞：李安修
曲：周杰倫
主唱：成龍
我曾想 一路的往上高飛
要登上 傳說的世界之巔
我不怕 所有困難艱苦的考驗
只擔心你會不會陪在我身邊
我也曾 跌落到谷底深淵
那裏不只是無盡的漆黑
要面對最狠毒的嘲諷和羞辱
是你比我還勇敢 牽著我衝出
人生像一場無本的戲
沒有人可以知道結局
可是我有你 一輩子有你
一切已足夠 已無求
命運似一個無解習題
過越久 才越懂得珍惜
謝謝一輩子 謝謝這輩子 有你
我常常 被人狠狠評斷著
又往往 被人誠心讚美著
當人生 走到這個特殊的角色
是你提醒了我要不斷學習著
當掌聲 最響亮的那一刻
不一定 是我最快樂時刻
我只要 有你在我背後面撐著
那才是 我最最有勇氣的時刻
人生像一場無本的戲
沒有人可以知道結局
可是我有你 一輩子有你
一切已足夠 已無求
命運似一個無解習題
過越久 才越懂得珍惜
謝謝一輩子 謝謝這輩子 有你
人生像一場無本的戲
沒有人可以知道結局
可是我有你 一輩子有你
一切已足夠 已無求
命運似一個無解習題
過越久 才越懂得珍惜
謝謝一輩子 謝謝這輩子 有你
(明報)
內地宮鬥劇《延禧攻略》喺中港台三地掀起熱潮，其中最令人期待嘅就係「嫻妃」佘詩曼同「魏瓔珞」吳謹言嘅大鬥法。
不過就有網友發現，原來阿佘同呢位天敵「魏瓔珞」早有淵源，佢哋喺11年前曾經碰頭，當時仲要係交心嘅好姊妹，相隔多年竟然「反目成仇」，認真估佢唔到！
其實「魏瓔珞」呢個角色喺歷史上嘅原形就係孝儀純皇后，而呢位皇后曾經喺無綫劇集《鐵咀銀牙》之中出現過，不過喺劇中就唔係叫做「魏瓔珞」，而係叫「儀貴妃」，當時係由藝人陳敏之飾演。本來歷史人物喺不同劇集出現並唔出奇，但值得一提嘅係《鐵》嘅女主角正正係阿佘，不過佢就唔係飾演「嫻妃」，而係飾演女狀師「納蘭青青」。
喺《鐵》入面，陳敏之曾經偷走出宮淪落妓院，而阿佘就女扮男裝同佢「共度春宵」，二人之後仲成為咗交心嘅好姊妹。《鐵》劇播出時好評如潮，帶挈阿佘人氣急升，如今佢再因為《延》劇成為熱話，睇嚟「魏瓔珞」真係為阿佘帶來好運。
唔少網民就大讚阿佘即使相隔多年，但靚樣都冇變過，就算拍住90後小花吳謹言，都一樣咁搶鏡。
網民有話兒：
余xxxxx阿璇：阿佘多年來都沒有變過，還是那麼漂亮！
chenxxxxxnstar：唔知如果陳敏之做瓔珞會點呢haha
中xxxxxx的人：當年我超愛納蘭青青的～
12xxxxBW：阿佘嘅古裝真係無得輸
(on.cc東網)
早前出席錢國偉同陳宛蔚囡囡嘅百日宴時，被發現腹部微隆，原來當時已經懷孕5個月兼已經結婚，昨日趁七夕首度公開婚照好Sweet啊。。。
曾介入導演彭順與李心潔婚姻嘅李悅彤(Liddy)，早前出席錢國偉同陳宛蔚囡囡嘅百日宴時，被發現腹部微隆，後經《蘋果》證實，Liddy當時已經懷孕5個月兼已經結婚，而佢嘅老公就係澳門富商鮑偉業（Ivan）喇，而身懷六甲嘅Liddy，並未有做少奶奶，仲喺葵涌開咗生活家品店，而之前《蘋果》更影到老公Ivan好sweet咁去接Liddy收工㖭。
昨日係七夕節，Liddy更鮮有咁喺社交網貼出同老公Ivan嘅婚照，背景後面有鐵塔，Liddy坐喺石壆上，拖住老公Ivan影相，真係好Sweet！
而Liddy就留言祝大家七夕節快樂！
藝人鄧麗欣自從認愛台灣藝人邱勝翊（王子）之後，一改以往拍拖低調嘅習慣，不時喺網上晒恩愛，就連網友都畀佢閃到頂唔住，笑佢好似中咗「放閃毒」一樣！
尋日就係七夕中國情人節，佢又點會唔趁機會騷吓恩愛！
鄧麗欣喺社交網甫咗一張合照，不過就用emoji公仔咕𠱸遮住咗個樣，佢仲留言話：「聽說…兩個人最遠的距離是我在你身邊你卻看著手機，如果彼此珍惜每個相處的時間，儘管牛郎織女一年一會，心的連接依然不斷，七夕情人節快樂。」
而王子喺鄧麗欣個甫度留言時，用咗相同嘅emoji公仔做開頭：「happy Chinese Valentine’s Day my girl.（情人節快樂，我的女孩）」
除此之外，王子亦喺自己嘅社交網度宣傳鄧麗欣有份主演嘅新戲，唔少網民大讚王子咁做叻仔，既可以一放閃又可以幫手宣傳，真係一舉兩得。
(on.cc東網)
陳凱琳（Grace）同鄭嘉穎星期日（12日）喺印尼峇里結婚，噚日先落機返香港，一見到傳媒兩人已經十指緊扣，冧到暈。
休息一晚，Grace已經復工，喺尖沙嘴出席YSL彩妝活動，佢穿上紅色貼身晚裝，話婚後喺當地玩咗幾日，都有休息過，工作番都好開心。佢都係嗰句，未慣被叫鄭太，聽到會感覺好生外。問到嘉穎o依家會點叫佢，Grace話：「都係叫我Grace，不過有時都會改口叫我鄭太，我都叫番佢做鄭生，有時叫佢老公，有啲感動同毛管恫。」
返香港後，兩人噚日唔係去新居瞓，而係去咗酒店住，唔通係造人？Grace解釋：「其實我同嘉穎都想relax下，如果住酒店就有人照顧。」咁係咪新居未裝修好，佢話：「唔係，遲啲會住。」講起小朋友，佢就話：「其實都有傾過，大家都想行呢一步，順其自然啦，同佢都有共識。」咁o依家係咪不設防努力造人呢？Grace就面紅，尷尬笑：「哎呀，唔好問我啲咁尷尬嘅問題啦。」佢又話唔會喺香港再擺酒，但會同啲姊妹食飯。
Grace一直都冇講過嘉穎點求婚，今日佢終於講番喇！佢話：「上年12月同嘉穎返加拿大，佢喺機上求婚，仲跪地添。個位好窄，佢都跪地。因為係長途機，佢叫我唔好瞓覺，但我趁嘉穎去咗廁所咪埋眼恰一恰，佢返嚟時叫我打開對眼，我一打開就見佢跪咗喺度，有戒指有跪地，當時真係感動到喊，覺得係好大驚喜，覺得佢好用心。」
(蘋果日報)
